請教!點幫女兒簡K1？

小曳人

等我試吓答啦~
揀任何學校，首先係兩公婆坐低，講吓想點教，想以後讀咩學校，傾之前，你有機會需要去睇睇KG 開放日(任何一間)，去睇睇e+幼稚園係點嘅！然後再去了解一下升小學嘅玩法！因為你有無分，想讀咩小學，係有可能需要由KG時已開始配合

基本上，有國際學校 (行外國課程嘅)，仲有本地學校，再分就係國際班/英普班，同埋本地班，家長要留意嘅係一般情況，學卷學校較少資源請NET教英文，而私校好多強調有NET，又有PTH老師，兩文三語，有部份更加係全英普無廣東話！選擇時可以考慮屋企所能提供嘅語境，同埋你嘅教育方針！至於傳統教學問題，其實呢代同我地嗰代已經好大分別，活動好多喇！要分，不如話間學校多唔多功課考默！雖然話學卷學校有EDB睇實唔深得去邊，但有部份都唔少嘢，功課比私校多！

另外，務必考慮地點/接送問題！宗教亦可能係部份人要考慮嘅~

當你做一輪research, 坐低傾，list down你嘅要求！再入嚟問！

小曳人

monkeydiary 發表於 13-6-1 03:19
小曳人，我都係迷途小家長之一，所以有d問題想請教你：
1. 我同老公都有共識，想女女讀直資/一線官津小學(私小唔考慮，因為經濟問題)，咁應該讀邊d幼稚園呢?
2. 我地住緊個區正好有一間幼稚園係全英普，我地好鍾意佢既語境，同時亦喜歡佢既位置，但我地同個女識既係廣東話，怕唔怕女女返左學後會追唔上呢?

1. 你有無睇過e+私小同直資嘅學費？可能我睇一線男校同男女私小，我發現嘅係：直資一d都唔平！除非~你地係舊制公務員啦.... 如果想小朋友考學校時"好睇d"，一眾私校KG都ok，你如果覺得送小朋友去讀九龍塘嘅KG會安心d，就go ahead！其實無話某小學就偏好收某KG學生，講到底，家長認同某KG，會唔會咁啱都認同某小學... 加上家教好，in乜都收都未定！

2. 小朋友咁細，係語言敏感期，佢地好快就會明白老師講乜，好快就會講到，放心！而且~未接觸過pth嘅一定唔只你個女！如果真係擔心，試吓買套pth兒歌CD番屋企播，日日播！包佢上堂好快適應！最好就當然8到學校用邊套pth兒歌集啦..

btw, 如果你官津小第一輪唔夠分抽，你又有直資收咗，大抽獎無你份架！請注意！所以先咁多人報私小~買保險！