想請教各位自閉兒在幼兒期的症狀

lalawawa

我女1歲3個月去健康院時E生問, 佢識唔識叫爸爸媽媽, 做一D指令動作之類, 係完全唔識, 叫我再觀察, 我都覺得佢同同齡BB好唔同, 好担心緊係唔係自閉

到而+1歲9個月, 仍然唔聽指令, 眼神極少接觸丶唔識手指指丶叫極都唔應丶但鐘意玩玩具丶乜都放入口咬(包括手指丶腳指, 玩具）…唔鐘意食物, 一歲已經出咗15隻牙, 但唔用, 直吞, 所以只能食粥, 有時鐘意用腳尖行路, 大小肌發達, 好快學識行, 走, 攀爬, 跳, 手指可以攞到好細既嘢, 如頭髮之類物件,
語言方向, 未正式算識叫爸爸媽媽, 只係自言自語講外星話, 由於工人姐姐湊, 每日都係用ipad, 電視送飯, 唔係就推開你唔肯食, 最近佢識講ONE, TWO THREE, HOW ...YOU DO....UP....DOWN....., 係聽英文歌學,
我送佢去playgrop, 初初去到去喊住唔肯落地, 慢慢就肯自己玩, 但唔聽人講, 一味自己玩, 走時都好開心彈彈下咁, 但出街時都係要抱, 唔肯自己行, 見人多地方會喊, 痴到你實一實, 只跟我抱, 其他人唔要,
如果突然發出一d聲音, 如開風筒, 會好驚, 同佢玩時突然拍手大笑佢又驚驚.....
唔知呢d算唔算係傾向?