小二數學成績欠佳，可以怎麼辦？

little_yolky

Manwah 發表於 16-2-1 19:31
小一時尚可，但升小二每況愈下⋯⋯
家長已放工陪做功課及温習但第二次測驗不及格。可以怎樣幫助她？
補習？ ...

真係要握握手先。

我女女又係咁。佢係小一小二同一位數學老師, 小一尚可, 但到小二就OMG了, 一次測驗低過一次, 解極都唔明白。而且, 佢話老師上堂時如果做堂課, 小朋友唔識就俾答案, 但又無解釋個答案。情況由小一的上學期8X分去到小二的71分！我簡直絕望了！因為小一、二的數學, 淺到真係無理由唔明, 所以我認為補習係無用的。所以, 我只好自我安慰女女係細B, 所以會遲D明(咁佢小二又真係明白返小一既嘢既)。所以, 學樓上JM話齋：順其自然。


點知, 下學期時, 女女好朋友有一日, 可能見女女數學實在太差, 測驗前俾咗一份平時補習班既練習女女做, 女女做完之後果次測驗有80分。你知啦, EK個個JM都話初小數唔駛操練嘛, 所以我一直無理。但見到神奇既練習題, 我就去書局買咗一本TSA俾女女, 考試前一日俾女女做, 每做一份馬上改, 然後馬上解釋點解錯。如此, 小二下學期考試居然有88分。


今年小三, 終於脫離果位數學老師既魔掌, 數學由科主任教, 老師教得好明白, 測驗分數屢創新高, 上學期考試居然可以攞到唔可能既94分！


所以, 小朋友如果係初小, 又係細B, 試下俾小小練習佢做下, 可能有即時效果。長期就要祈多D禱, 望有個好老師教了。


PS. 女女小二暑假去過「數X」補暑期班, 覺得同自己買練習做真係唔係有好大分別。可能佢哋精英班啲題目好D。

little_yolky

Manwah 發表於 16-2-2 12:38
我個不是細B，但佢不足月所以朋友叫我當佢係細B。
謝謝你分享。昨天知道佢測驗不及格（要60以上才及格）真 ...

之前睇過一套BBC既child of our time, 不足月=細B。唯有做下練習, 等佢熟D題型, 慢慢嚟。