上補習社做功課是否這樣！

little_yolky

tutik 發表於 15-1-28 13:35
究竟補習社可以點樣運用減輕在職父母時間上壓力？呀仔剛考完試功課比較少，補習社好似慣性留到佢成7點幾， ...

1. 搵補習社同搵工人一樣, 撞手神。
2. 唔理補習社好唔好, 堅覺得阿仔日日到10:00既schedule人都顛。放學後真係只有7:15-8:00可以自己hea一hea。

同阿仔商量下, 叫佢努力啲, 如果可以, 放學直接去爺爺度做功課同溫書, 慳番啲交通時間hea下都好。不過要阿仔合作同爺爺同意先得。

little_yolky

tinaleung 發表於 15-2-16 17:19
我之前有跟時間表做, 但工人叫佢溫書我女就話溫左,之後我返去問書, 咁就知自己唔識, 跟住個幾日就有溫咁。
...

係喎, 我都無注意過有文字題呢樣嘢, 因為學校無教深, 所以舊年小一時數學好簡單, 阿女真係會自己搞掂晒D功課, 唔識等我返屋企教。係喎, 原來阿囡當時已經自己識文字題。

我當時既策略係凶佢！佢4:30返到屋企, 俾佢換校服食水果, 然後開始做功課, 要佢食晚飯即6:00前做完, 包埋溫默書測驗, 自己諗辦法點溫, 唔識就等我番屋企教, 媽咪唔得閑同佢溫, 如果做唔好就日日去補習社補到6:30至返屋企。加埋問佢想唔想日日好似樓下哥哥咁俾媽咪鬧到10:30。咁用呢招好見效, 好好自動波。


今年小二, 深咗, 頭兩次英默節節敗退, 咁我就幫佢預默, 分三次：生字、句子、段落, 然後將錯字highlight叫佢自己搞掂, 又得咗。係科數學要操多D心, 一個學期測成3次, 真係人都顛



仲有作文都要幫下手。

little_yolky

tinaleung 發表於 15-3-5 08:36
我新手小一媽，真係唔知點樣同佢溫默書，星期一至四，做埋功課食埋飯都9:30, 又話10:00 要上床，真係無時間 ...

可能大部份小朋友都係咁 (有D天生異稟就唔好計, 反正唔係我哋仔女), 我囡囡老師既評語係：短期記憶又無, 長期記憶又無

佢學校好好, 小一時功課少又有三日功課堂, 所以一般無功課堂個日半個鐘做晒功課, 佢會自己溫書。因為我叫佢自己諗辦法, 佢又係無記性既人, 咁佢用咩方法啦, 就係.......死抄


我都好震驚點解佢會諗到呢個笨方法, 不過, 响佢度都好work。同埋, 佢會將生字寫响D廢紙仔度, 摺埋收入裙袋, 小息靜雞雞偷偷哋囉出嚟溫(因為學校好奇怪, 小一時小息唔俾小朋友溫書做功課, 話小息係要嚟玩同埋同同學仔so so的, 咁都有！), so far都唔可以要求佢有100分, 但都有80+~90+, 都好啦。不過, 小二英文深咗, 我就分開幾次同佢預默, 當然都係叫佢自己先溫。默錯就用筆highlight俾佢自己注意一下咁。

所以, 似乎好多小朋友都係過目即忘型, 睇你都要不斷重覆要可以記入腦。


P.S. 點解學校咁多功課的?

little_yolky

ydoris 發表於 15-3-5 10:56
回覆 little_yolky 的帖子

妳阿囡好叻...抵讚...老師真係好攪笑,短期,長期記憶都無,係未失憶呀???我阿囡學 ...

老實講.....真係無乜人會讚我個女叻既............
好彩老師有心機咋, 佢真係覺得佢失憶咁, 今堂教10樣嘢, 返到屋企記得4樣, 理解力又差, 真係教到嘔血


D細路唔知點解咁鐘意寫紙仔, 買咗好多簿仔佢都唔用, 紙仔塞吓塞吓就唔知塞咗去邊。

little_yolky

回覆 tinaleung 的帖子

撐你, 我個人覺得你隻佬個起火點大D。