好唔想普教中，請問有冇廣教中小學名單?

sorman

原帖由 Soundervolt 於 15-07-02 發表
本帖最後由 Soundervolt 於 15-7-2 13:46 編輯

咁又唔好咁講...港英政府當年用英語教學，英文嘅結構同文 ...

分清楚「學好PTH」同「普教中」係兩回事來。

而且，家下講既係教育政策。當九成學生佢既母語係廣東話，作為政府，推行政策時係應該係關顧大多數既。而且亦有研究顯示，普教中係對小朋友學中文有害而無利，作為政府係咪應該撥亂反正丫？

留意，一直冇反對小朋友「學PTH」

可惜，好多人一聽到「反對普教中」就搞亂哂

sorman

原帖由 Soundervolt 於 15-07-02 發表
大多數係全中國，香港真係中國一部份，無論閣下喜歡與不喜歡，例如上海方言係上海話，但都要學普通語作國家 ...

家下講緊香港呀，講乜全國呀？

sorman

原帖由 Soundervolt 於 15-07-02 發表
大多數係全中國，香港真係中國一部份，無論閣下喜歡與不喜歡，例如上海方言係上海話，但都要學普通語作國家 ...

又，你都好似仲係撈埋學好PTH同普教中囉。

仲有，研究報告嘛，之前EDB喺佢網頁都唔小心提過，不過發覺「唔對路」刪左了。


明明有研究，你又話偏頗不能信。
你就自己提及香港是中國既一部份，一定要學好普通話（我冇話唔應該學）。你呢個理由就正正係政治理由啦。
唔係政治？先去了解「政治」二字為何物吧～

sorman

原帖由 Soundervolt 於 15-07-02 發表
我咪話香港係中國嘅一少部份囉....

講緊香港既教育政策呀。香港教育政策，要令香港學生（大部份母語係廣東話）學好中文係最重要呀？你拉埋全國黎講仲乜呢？

sorman

原帖由 Soundervolt 於 15-07-02 發表
如果將來閣下小朋友冇機會跟國內人接觸，咁普通話對閣下小朋友係學嚟都冇用



  ...

各位我投降了。

佢仲未搞清楚「學好PTH」同「普教中」

連EDB自己去宣揚「普教中」時，都只係強調「什麼我手寫我心、提高中文水平乜乜物物」咋


又，成日講同國內人溝通，但其實佢地好多都充滿地方口音，當香港人有基本既識聽識講既能力，我諗唔到有乜溝通問題。

我自己PTH屎，但身邊唔少朋友都係廣教中、再另學PTH長大，佢地同上面既人溝通都係冇問題。

點解硬係不停要將「同國內人溝通」同「普教中」拉埋一齊講？

sorman

babykeikeikei 發表於 15-7-2 15:06
擺到明黎緊要行普教中，好多國際學校都行緊，其實香港都已經係中國一部分，吾明點解咁吾喜歡，如果吾喜歡可 ...

雙非搶左你o係政府產房o既床位， 你要接受。雙非搶左你小一校網個學位，要你小朋友誇區就學， 你要接受。
水客搶哂你o的奶粉、火車空間、的士小巴巴士， 你都記住要接受。

如果唔喜歡， 你記得如你自己所講， 移民。


真好笑， 個家明明我有份， 唔滿意就唔可以要求改？唔可以批評？ 只可以一走了之？
希望你唔係咁教仔。

sorman

babykeikeikei 發表於 15-7-2 16:25
咁d雙非係吾啱，但你要接受香港而家係屬於中國！

香港係咪中國一部份根本唔係家下大家討論o既地方。
我地係講緊「普教中係咪對大部份香港小朋友黎講係好事， 可以提高佢地中文水平」呀