有無德寶國際幼兒園(富康)N1(RED)的家長?

alc

Hello!大家好.原來Red組已經有個自己Topic真係好!我係Aby 媽咪,唔知你地d仔仔囡囡在家有冇提過Aby呢?
Aby在家對著相片也可以講晒d同學仔名,不過有d音我聽得唔清楚,但我記得她也提過梓棋,柏誼....我都唔記得太多!
Aby依家晚上問佢學校d野,佢都會講到一些,好似之前學寄信,佢都講到大概程序,見到郵筒又會好開心指著叫我睇!
依家Aby坐校車返放,都好少到學校,Miss Chao間中都會打電話比我,我放工都儘量會同Aby傾吓學校老師同學趣事,希望佢多d歸屬感,就會鍾意返學!
其實,我都有考慮過出去讀k1,都報過其他幼稚園,不過,如果冇真係心儀的學校收,Aby會讀番德寶!
有什麼學校消息,一齊聯絡啦!下次再傾!

alc

大家好!Aby係住新都城二期架,因為怕工人送返放時下大雨危險,所以今年搭校車.其實Aby之前已經喺寶盈讀咗一個下學期啦!又因為佢係大女,所以說話會多d,但佢係慢熱嘅人,剩係對住我哋先多野講,其他時間好少講.
通常放學我都會同佢講吓學校d野,有時攞d學校書本,WS,手工同相片敢,都會傾吓!不過,我都覺得Miss Chao教得幾好,Aby在家也可以將書集嘅課文全部背晒出來,我都冇特意教佢,所以我諗上課時一定係能夠吸引倒佢地自己留心.
P.S.大家晒相時不妨晒多D,回家可以問番仔仔囡囡有關相片嘅內容,可以認識其他同學,又可以加強佢地回憶同複述事情嘅能力.

alc

Aby都會喺3/12 IN培正呀!不過,我同Daddy都唔得閒陪去,所以嫲嫲同佢去,我諗剩係IN細佬,應該冇問題啩!
你地有冇邊間已經收咗呀?
我地聖誕前都比較忙,所以今次join唔到大家野餐,下次一定預埋我地呀! :wink:

alc

聖誕帽設計,大家有冇參加呀?知唔知幾時交呢?

alc

如果退學好似預早通知便可,但是暫時性定係退學呢?因為我唔知停學可不可以,退學好似只要3個月通知便可.
但真的很嚴重嗎?因為通常初讀書,接觸不同的細菌會容易病,無論N班定K1都要經過這階段.你有沒有給樂怡吃補充品呢?

alc

N班放暑假我記得只有大概兩星期,八月頭已返學!富康寶盈我都試過,個人覺得富康好好多,之前寶盈讀咗一個下學期老師好似都冇打過電話比我,班務上錯漏多仲會賴落小朋友到,所以我先轉到富康.

vibianyeung,
之前有個護士佢介紹一隻叫"免疫寶",係紐西蘭出產,膠囊包住好似奶粉的,開奶時加進奶裡,係牛初乳.佢老公睇過成份都ok有比自己個仔食,我上年十月左右開始比個Aby食,touch wood都好少病,有時流吓算水,唔食藥2,3天都會好.在荷花親子有售,媽媽寶寶都有買廣告.
仲有日常我會買羊奶片同新出個隻新奇士熊仔維他命軟糖當零食,唔會比佢食普通市面上嘅糖,不過當然要合乎每天食量啦!

alc

說真的,我個囡考到根德園A.M.,所以應該唔會讀德寶K1啦!(唔好話比Miss Chao聽呀!),不過之前都諗咗如果冇間收,都會讀返德寶國際班,好似都OK!
上年去過開放日,都係比你參觀課室,但問老師有關課程的事,答得很含糊!邊日開放日可以打電話去問!
免疫寶在荷花賣幾$我就唔知不過好似,舊裝100粒賣$180左右,我是同代理訂的新裝200粒$200,依家每天吃四粒,大人每天吃4粒(我都有食),都算抵!
如果你想要,我可給你電話自己訂,但我忘記幾多先送貨,我是跟同事一起訂的!

alc

哎呀!Aby係根德道呀!其實我都唔清楚有咩分別!不過你哋有有冇諗住搭校車呀?$810都幾貴,依家睇吓有冇其他私營選擇.
上年喺寶盈X'mas party都冇收費,只係時裝展.不過,我都想向學校提意見,每次開生會,都有好多唔健康的零食攞返黎,要攪好耐先比晒人地食.(因為佢唔肯)

免疫寶個電話我要問返同事明天post給你們呀!
standrew我都冇資料呀,但係我知茵怡好多TKO媽咪都鐘意,不過係學位係先到先得制.要報就快D,好似一派就冇!

alc

音樂小跳豆,aby上年都報過,但真係好"頻撲",個course係每堂介紹一種樂器.比佢地掂下,有少少關於音樂的工作紙,但好似學完冇咩留得低喺aby到.先前係覺得學校冇琴,想比佢感染下音樂先報!
依家aby喺新寶城學畫畫,叫"Uncle Olley",aby好鐘意個Alice姐姐,而且每次都有作品,雖然有時唔知佢畫咩,但Alice姐姐主張唔好捉手做,我都覺得好啱,之前佢地用咗6堂6幅作品最後幫aby釘成月曆,掛咗喺屋企,aby好開心好有成功感!

alc

係真架！ａｂｙ話因為Miss chao成日打噴嚏喎,今天有返學,不過冇帶口罩.

alc

aby呢幾日都有少少鼻水呀!之前本來作咳,比佢食咗d冬蟲夏草丸依家冇咳啦!星期六比佢係敢瞓又比佢去公園跑步,依家冇咩事,我冇比佢食藥水呀,我同事係護士,佢話有時要比小朋友自己打吓仗,贏咗身體會又會再好d架!

alc

aby食冬蟲夏草丸係位元堂買的,約四百幾,有時特價會3百八十左右,一盒24粒,小朋友早晚各半粒,但我比aby一次過吃,係膠囊裝,可以加少許水當葯水食,可以放/煲湯.
免疫寶仲未問電話,sorry! 看看明天能否給你們!

大家小心,星期五氣溫得十度咋!

alc

今日開完party有好多玩具,不過aby見到開心但係都唔係好玩.
我以為會有聖誕老人,但係aby話冇,唔知係咪真呢?

alc

係aby畫架,之前問miss chao攞同學仔d名,請miss chao協助佢送比同學,因為aby好似冇試過送野比人,等佢同學可以多d交流,我地都收到大家d聖誕咭啦!多謝晒!aby好開心,一放學同我地講,我地將d咭貼喺牆,等佢成日介紹比我地聽!
我地聽日會同aby去廸士尼,大家去咗未呀?我地會住一晚酒店,25號入樂園玩,因為aby1月就3歲,依家去入場費同酒店自助餐都免費,扺d!佢十分興奮,因為已經預告咗幾個月,仲圈咗喺月曆,佢成日去睇,希望會順順利利啦,因為我兩公婆來說,是重大的體力挑戰!

alc

aby22號生日架!佢成日話自己就黎三歲.
去完廸士尼佢好開心,成日講當日發生的事,不過大人就要預左冇得玩,全程玩同睇佢中意嘅野!不過要小心有d部份可能小朋友會驚,如獅子王劇(aby完全唔明講咩,至在睇大公仔),3D Movie(aby有d部份都驚,要除立體眼鏡睇冇咁真,但因會突然有水噴同大風向面都有驚,佢表哥喊咗出黎),巴司光連入面唔驚,好光,仲可以任佢射槍好開心!我哋仲有玩小飛象同呵咖啡杯都好好玩,不過要記緊減低驚險程度,因這些遊戲有少許可控制的.
酒店住廸士尼樂園酒店較貴,之前比酒店誤導以為有主題房,所以成2900元一晚,去到先話冇,但酒店真的很靚,全海景,扇形按摩浴缸5x6大床,同超薄電視,雪櫃內第一round的飲品小食免費,仲有白雪公主小矮人清潔套裝同米奇拖鞋....但酒店除公園外都冇免費野可以玩,只有小朋友有些手工藝班.
樂園入面食野,價錢我都覺得ok啦,同海洋公園差不多!
總之,今次去雖然玩唔晒,但同小朋友(咁細!)都預咗啦!佢真係好開心,返學仲話比Miss chao知!

alc

我同daddy嗰日都要返工,但aby會同爺爺,嫲嫲去!
但唔包lunch就麻煩d!

alc

我問aby佢話冇嗌交,不過可能我隔好耐先問佢.前幾日佢同我講miss chao好惡鬧佢同mico(新同學),我問佢點解,佢話自己同mico掛住玩,佢仲扮miss chao點鬧,不過我覺得好似佢自己平時惡d口吻!
2月份好似多咗d新同學,aby話有2個;仲有aby今日同我講miss lau冇做,purple組由王主任教呀!

alc

要交k1留位費啦!想問吓大家有冇諗住交呢?

alc

佢地肯唔肯帶口罩呀?如果肯,有時知道病菌利害,可以帶住保護自己.放定個口罩喺書包,同Miss Chao講一聲,有需要時幫佢帶.