一默書我就激到喊

susi1024169

我仔都係咁，小學階段默書，10次都無一次合格，初初我都用盡方法要佢溫熟，但成效不大又大家辛苦，後來功課愈來愈多，我都放手由佢做完功課就算，測驗考試出默書範圍先專攻溫範圍，佢成績一直中上，因為其實默書只佔非常少分數，唔太影響成績表分數。
我心得係，每個人長處短處唔同，我果個記憶力係佢弱處，又係用盡好多方法都係成效不大，但隨住佢成長，佢會慢慢搵到佢獨有既記憶方法⋯

susi1024169

原帖由 tinaleung 於 16-09-22 發表
請教, 默書的目的係儲字庫, 答測卷其實當不供詞或作文時, 你小朋友點面對,
謝謝 ...

儲字庫，其實隨住佢一路學習，字庫都自然會儲起，既然夾硬要迫佢記而成效又不大，何必勉強？
我仔學校不供詞，其實都係用課文中既詞語出題，所以考測，佢會專攻考測範圍既課文生字。至於造句，我教佢唔識寫某詞語就用其他識寫而又最合適既詞語代替，作句作文其實可以好靈活去答題，最重要作得暢順，所以問題不大的

susi1024169

其實我仔今年已升中一了，呢6年讀小學其實我都曾經同大家一樣，好著緊點解人地小朋友默書可好輕易拎滿分，我仔就溫到著煙先合格？曾經為左默書分數搞到兩母子喊曬，破壞大家辛苦建立既親子關係，關係要破壞好易，要重修番係好唔容易，其實值得嗎？默字只想佢識多d字，但其實隨住佢成長，呢d「生字」慢慢地佢都始終有一日會識，日常其實見得多、寫得多自然會記得⋯
既然如此，何必勉強
共勉之

susi1024169

原帖由 little_kid 於 16-09-23 發表
多謝你！ 真的， 見人哋温一次就💯分， 我的温十萬九千次都唔識真係好心痛！ 心痛不是成績唔好，而 ...

其實我都睇好多書，上網，搵好多好多方法想幫佢搵到岩佢既方法，但發覺原來始終係要靠佢自己發掘