上智、德雅等女校為目標，幼稚園、小學應該點選校？

1998Ruby1998

心儀上智、德雅、聖羅撒
心儀上智《等大抽獎 40 網
心儀德雅《入讀德雅小學，可惜幼稚園部已經冇左
心儀 SRL《搬去 34 網抽 SRL 小學部

另一條路，會辛苦，要付出，唯獨問題：唔係個個家長做到亦唔係個個小朋友都適合》谷學術。
先谷學術，先拿下 SFA/APS。德雅、禮賢等校就睇下面試表現（禮幼有冇考慮過？）。搏甲部抽任何一間心儀女校。學術夠 fit 就試叩 SRL 等女校，唔得就讀私校等呈分再搏殺。
另一方法，就係信主得救，20 分聖家，必定坐等開學。不過就唔好呃天主，過河拆橋，必須積福積德。

1998Ruby1998

i_love_leibb 發表於 20-6-6 03:36
我就應該無辦法搬屋轉校網，其實都覺得學術好緊要，所以幼稚園呢幾年個底好緊要，因我女係細b，上年報n班 ...

無需要經常凝住 “細 B”，否則你心中就經常有條刺，覺得女女乜都做唔到。到 5 歲左右，差異縮少很多，你有心栽培，細 B 都一定有機會。好好把握時間去栽培。

如果女女係可以做超大 B，咁你就多一份籌碼，第一年玩左直私攞經驗，滿意就上岸，唔滿意等第二年再玩。

插班叩門唔睇地址，但唔少女直屬揀人學術為重，叩門人數亦唔少。如果真係任何私校都考唔到，咁信主入聖家係最有保障，樓上都有解釋。SRL 20 分就有機會但低，聖家就基本上 20 分全收。

除左大集團 LH、York、SC、KV 同神隱 CCKG，其他幼稚園基本上都唔係教深學術，上面嗰堆為求考小，唔少自己都額外搞中英數體藝。

1998Ruby1998

i_love_leibb 發表於 20-6-7 05:28
你講得啱！我要相信自己女女係可以做到^_^
其實係媽媽自己好無自信我好怕自己咩都唔識，會教唔 ...

15 分可以搏聖家，但一兩個位唔會多。

聖家叩門都次做卷，40 網嘅瑪神、旅港都係。所以谷學術係可以帶來唔少 “安心”，但未必個個谷到。你可以望埋邊啲學校叩門 000 齋 talk 唔做卷。

唔需要驚，做父母無論咩情況都要冷靜，要俾信心自己同小朋友。小學一年級程度嘅野，唔會問太深，你有香港讀書有小學畢業就一定搞得掂。如果都係怕怕地，咪平平地搵個 DSE 畢業生上門用英文/普通話陪阿妹講野睇書、玩遊戲。一來練膽多見陌生人，二來幫輕下。不過我信家長係有能力，尤其宜家上網咁多資源。你得嘅！

btw, 呢個年紀小朋友坐唔定係正常，求知欲強、活潑，到 5 歲會定啲。

1998Ruby1998

回覆 Dordormummum 的帖子

兩間都係傳統學校，唔係輕鬆。福馬功課唔難，但平日份量多啲，反而假期又唔算多，高小分菁英班。升中方面肯定係聖家好。

1998Ruby1998

回覆 Dordormummum 的帖子

聖家唔少 Band 1 都外闖唔留低，所以 Band 2 都大機會入返書院，但福馬 Band 2 要入 Band 1 就難度高啲。
福馬估計應該係 30-40% Band 1，聖家估計應該就多啲啲，4X%。