元朗信義中學家長交流區

bobo98

suki2006 發表於 17-10-22 00:52
我朋友個 仔讀信儀。新學 年家長會後。個 仔讀左個半月，發覺跟不上。因英文教學 。老師都係希望學 生自動 ...

我個囡和囝都係讀信義，真係唔覺有你講的情況，我囡囡考中上平均分都70幾分，全部都合格並唔會十幾分喎，聽囡囡講她最要好的同學考級60名左右，她都有70頭平均分喎（全級164人），仲有中學唔同小學個個平均分都有9字頭，其實去到中學有8字頭已好好，6、7字頭係好平常的，50就合格，唔好再諗住小學果啲分數喇。囡囡現讀中三都未感到好大壓力，囝囝讀中一都讀得好開心，因為我兩個小朋友都唔係自動波我先揀信義，我覺得呢間學校好適合佢地，會唔會你朋友個囝英文底唔係咁好，所以跟唔上呀？聽囡囡講她有個小學同學band1尾，比佢大抽獎抽到入信義，但她都讀得很吃力，都係跟唔上，但老師都冇勸退她，還比她留班重讀中二，等佢有多一年時間追回成績，其實講到尾我覺得係要揀一間適合自己小朋友的學校係最重要，而唔係盲目追求一間band1學校。

bobo98

coco8888 發表於 17-10-25 22:33
回覆 bobo98 的帖子

現在大部份學生都有補習。沒有補習可能比較吃力。英文教學。一定有壓力。你囝囝有家姐 ...

囡囡入咗信義後，我覺得她英文係有進步的，唔可以話好叻，只可以話應付得到，因為小學時她較喜歡睇中文課外書，但上到中學她喜歡睇英文課外書多過中文，又會聽英文歌，又鍾意上youtube睇片，都係聽英文。

bobo98

suki2006 發表於 17-10-29 01:25
回覆 bobo98 的帖子

我朋友去家長會時。副校長是這樣說學生成續。或者可能想家長不要有太大期望。新學年第 ...

信義中二，中三有兩班精英班，囡囡兩年都係讀精英班，中四之後就因為揀科所以冇分精英班。囡囡中一時班主任考試前都有同佢地講中學平均分有8字頭已經好好，通常都係6，7字頭，所以我囡囡一早都有晒心理準備，中一第一次UT她平均分都剛好有8字頭，所以我都好開心，而家她有70幾我都接受了。希望囝囝同家姐差不多我已經滿意了。

bobo98

thomas168006 發表於 17-10-31 19:59
回覆 bobo98 的帖子

bobo98請 問 你個 女係咪讀S1時候己經係有外國老師教英文？因為想知信儀是否年年都一 ...

唔係班班都係外籍老師教,但eng lit果兩堂就一定係外籍老師教,但上年她班主任教佢地英文,班主任係唔會同佢地講中文,要他們要用英文和她溝通,但上年通識係外籍老師教。

bobo98

李家承 發表於 18-1-26 19:56
聽聞信義收好多潮陽小學學生，請問全級級考第幾先好簡信義? 收嘅機會大啲，另請問是否自行見會著數啲?
...

2017年潮陽24人入信義，2016年34人，2015年38人，2014年38人，2013年27人，相信會繼續遞減，因為信義越來越多人爭。信義係全in,次第越前越著數，個人覺得級頭十名收的機會會大啲。

bobo98

Tam2002 發表於 18-2-4 13:50
全級第九都唔收

一線小學,定係二三線小學,同埋還要睇面試表現。

bobo98

D.H媽媽 發表於 18-2-8 09:36
只收級5都收唔晒~~

如果二三線小學嘅級五內又未必叻過一線小學嘅級十內，都要睇次第邊個前啲，還有面試表現。

bobo98

Icyanson0609 發表於 18-2-12 16:19
唔知有沒有人收到sms

你意思係call人2nd in?有冇咁快呀？

bobo98

Tam2002 發表於 18-3-1 11:00
功課忙碌,朋友仔女中一做到11pm,中四做到12pm.多補課!

其實好睇小朋友手腳快唔快,同埋幾點開始做,如果4-5點開始做,冇可能做到11,12點。

bobo98

Tam2002 發表於 18-3-2 21:38
學校又有好的活動參加,想早回家都唔得.就LS都要按想考,題作寫,勁多.

可能我啲小朋友冇嘜活動參加，大約4：30回到家，5：00開始做功課，通常食飯前已經做完。

bobo98

Happy小米 發表於 18-3-12 09:26
想請教，咁多叻仔叻女自行揀信義，都會去考巿區直資名校，如名校收左，都可能會放棄大抽獎。咁如這學生信義 ...

自行階段信義收48人,但學校唔會只比48個名單上教育局,如果係果48人內有人去直資有人未必放信義自一的話,會由在名單較後的人補上,應會收足48人。

bobo98

ctyying 發表於 18-3-24 15:50
好驚驚。

聽講循小叻果啲都唔揀直升循中,每年都有十個八個入信義的。

bobo98

ctyying 發表於 18-3-24 19:31
宜家講的信義係咪天耀果間?還係元朗廣場果間?

天耀果間

bobo98

coffee/tea 發表於 18-3-25 09:58
天耀嗰間就是之前在元朗廣場嗰間,而家元朗廣場嗰間做咗啟信小學,直資,都是信義會的 ...

信義中學由1993年開始已迁到天耀邨,之後元朗舊址就開了信義書院,該校係私校,只辦高中課程,近兩年先轉咗啟信小學,都係私校嚟。

bobo98

Happy小米 發表於 18-4-20 13:55
請問信義有沒有規定學生最小選一項課外活動，體育/藝術之類的要求？

我想小朋友多參與學術以外的東西，不 ...

中一生一定要參加最少一樣體育或藝術

bobo98

Happy小米 發表於 18-4-20 15:37
Ok thanks

另外，請問學校有沒有presentation,小組討論，或者活動性projects 之類的功課？

有presentation,小組討論,活動性project。欠交功課要留堂,五次欠交一個缺點。
學校有個臻善計劃比學生改過,詳情可入學校網頁的家長通訊裏的家長手冊欄看。

bobo98

coffee/tea 發表於 18-4-22 11:44
睇咗,真係照顧得好全面

其實好多時中學的功課老師唔會收來改,好多時係派答案自己對,我覺得自己小朋友唔適合呢類學校,因為他們唔係自動自覺的人,唔收唔做冇人知,信義係早讀課時有老師睇學生有冇齊做功課,唔做係過唔倒關,我覺得可以迫到學生做齊功課幾好。

bobo98

Joyceyim 發表於 18-5-23 10:38
請問 "通識課" 的教學語言系唔系英文?

中一至中三全級都係英文，中四開始有中文和英文揀，不過要揀英文通識都要睇你英文科成績，好似記得係70%以上先比揀，還要面試的。

bobo98

suki2006 發表於 18-7-17 16:26
好多家長都話信儀今年係元朗已排行第二，三位。收生要求高。第一次自行要考頭十先有得見。唔知出年我小朋友 ...

信義係全in嘅,你入表嘅話一定有first in,second in 都好多人有得in

bobo98

suki2006 發表於 18-7-18 13:25
我又不知喎。都係聽返來。我都想小朋友入信儀。崇德一向都係第一。我緊係想信儀第一啦。 ...

其實排位方面真係咁重要咩?只要小朋友鍾意呢間學校咪得囉。