農圃道官小家長請進

召藥師

各位，我想分享一件事等大家留意下，提醒小朋友要保護自己同自己ge物件。

之前hlw2001提過八達通問題(我仔原來中左招)，另外仲有面對頑皮搗蛋同學問題。

我阿仔真係好死蠢，佢隔離個位男同學超un皮，自己有間尺同擦膠，因為係全新ge就唔捨得用，係要用阿仔個d。阿仔冇話俾佢都日日照搶，最衰係阿仔唔會自己盒埋筆盒唔俾人攞，又唔識反應同老師投訴，結果全新ge擦膠筆擦斷左(阿仔話見同學有舊有白色同綠色ge擦膠，但同學否認係擦膠，死都要用阿仔ge)。於是我老公換左舊又細又舊又唔起眼ge俾阿仔用，點知都係整爛左。

點知，琴晚佢做英文工作紙要用到簡尺，我睇佢個把doraemon新間尺竟然係間線個邊有過十個凹痕!我問佢，佢話係個位同學攞佢間尺係課堂上敲枱!!仲唔止一次!!我好嬲，點解阿仔唔會同老師講呢?!點解阿仔唔會大聲拒絕人呢?!(佢話佢冇俾人咁做，不過就係冇講野)點解個位男同學可以咁自私咁霸王?點解老師上堂時都發覺唔到咁嘈?真係好多疑問。

阿仔平時的確唔多會珍惜物品，用完d野經常唔會自動自覺去執拾，不過佢從來都唔會惡意破壞物件，因為我同我老公對佢好嚴，細細個就教落，我地都全天候對住佢兩兄妹，一有做錯就立即指正。間尺間中會整斷，不過係冇手尾放係sofa或床度踩斷，絕冇特登破壞佢。

我寫左手冊要求老師查明此事，如屬實，我要求個位同學道歉兼賠償一把全新的間尺。同時我亦多次吩咐佢，除非人地真係冇帶文具，否則唔可以借自己ge俾人，人地想用要自己拿住唔好俾人，人地夾硬黎要講唔好，仲要即刻舉手同老師講。

唉!星期一又來新班主任，希望中文科可以追番b班同其他班ge程度啦!我諗我要e-mail金校長問下佢點解要轉老師先得。

[ 本文章最後由 召藥師 於 07-9-23 22:28 編輯 ]

召藥師

我都祝各位中秋節快樂!
同小朋友開開心心玩一晚!(不過要同阿仔溫定英文默書先得)

乖乖&112868,

請問妳地知唔知英默係背默定係讀默?
可能我前晚send左封千字文俾金校長，琴日老師貼左紙仔係手冊度解釋再度換班主任原因，亦寫左下星期會進行第一次中默(不過未有範圍，真奇怪)。

召藥師

另我要讚揚下阿仔ge數學科黎老師。
上星期阿仔本數學功課俾老師寫住要補做，但又明明一早做左，問佢點解又講唔出，於是係作業度寫左幾寫字問老師(星期一交功課)，黎老師就即日放學後打電話同我解釋清楚，原來佢地教書裡面唔同concept後就只做番個part作業，所以每次應該係做指定某頁而唔係成個單元。阿仔又分唔清單元同頁數，寫家課冊又唔清唔楚，而且個d佢又一早識哂，又見其他同學又係咁做，所以又做哂成個單元，最後俾老師要求擦番d答案再做過。黎老師仲交代埋佢上堂時已即時再同阿仔講解因由，真係好有交帶又有耐性!

召藥師

原文章由 乖乖 於 07-9-26 12:20 AM 硐表


各位, 中秋節快樂!!

召藥師, B 班會係 10/10 先有第一次英默, so, 我都唔知會係乜野形式默, D班幾時英默ar,  不過今次默果幾句全部都係 " I love my XXXX", 夠時間溫習ge話就背左佢囉, 隱陣 d..... ,  
另外,  ...

D班27號(星期四)就默喇!都係個幾句(7句)，阿仔未背得哂，不過就已經全部識讀默(不過轉過頭又可以唔記得哂)。

召藥師

原文章由 乖乖 於 07-9-28 02:36 AM 硐表


呢排好似唔覺你送返學ge? 轉為老公送呀?  
你囝囝係班既情况有冇改善呀?我都好明你ge感受, 但係想深一層,我地小朋友都開始長大了, 接觸多d不同種類ge 人都係一種學習黎ge, 從人與人之間ge相處去學習面對問題, 學習 ...

係呀!駛個老公做野唔駛我咁辛苦走幾頭。
至從我e-mail左金校長，班主任第二日就釘左中默日期(下星期二)同範圍喇!同妳囝囝個班一樣，不過唔知今日老師教唔教得切d聯想字，可能要係放假依幾日同佢練習多d。
另班主任打過電話黎跟進阿仔ge文具事件，佢話會問下其他老師意見。個位同學琴日用間尺拍阿仔，之後講番句'對唔住lo!'就算，我唯有教佢如果人地冇心整到你就要原諒人，但係惡意搗蛋ge就要同老師講，老師睇唔到你舉手就舉到老師睇到為止，因為過後老師同父母跟本幫唔到。
阿仔近日話上堂好悶，可能佢而家學個d都一早識哂，所以冇新野學時就冇心機。我就同佢講當係溫習，而家返學俾多d時間佢認識學校、老師同新同學，之後就會有好多未學過ge知識等住黎學架喇!
我而家都學緊要放鬆d，盡量等佢覺得返學係開心ge，唔好俾佢睇到我太緊張ge樣。

[ 本文章最後由 召藥師 於 07-9-28 17:24 編輯 ]

召藥師

乖乖，阿仔本英默簿派左番黎喇!
佢地要默哂7句，不過老師會讀出黎，而且仲有考埋phonics5題，應該唔難。

召藥師

阿仔同我地講，原來佢星期五個朝早會企企下唔舒服嘔到一地都係(一同風紀講就嘔)，之後風紀帶佢去醫療室坐，入面得風紀冇老師，佢又唔識照顧自己，由得胃酸'頁'住喉嚨，我教定佢下次一定要同老師或風紀講要飲水。

召藥師

原文章由 乖乖 於 07-10-2 12:41 PM 硐表


上星期尾收到 dictation sheet 2，有11句呀!!
1. Good morning, Miss XXX.
2.  Good afternoon, Sir.
3.  Stand up, please.
4.  Sit down, boys and girls.
5.  What do you want for lunch?
6.  What food do ...

今次多咁多唔同句式ge?!
如果俾著我個仔唔知掂唔掂......
另外妳囝囝個班有冇fun dictation?D班第一次有phonics 5題，miss話下次會叫佢地自己默d食物名，默得多就有分加。

召藥師

原文章由 hlw2001 於 07-10-2 04:16 PM 硐表





乖乖:
1D班的英文科老師就提了以下重點:
1.
每個學期教12本story books, 一年就有24本.
2.
每本Story book跟一份worksheets, P.1是Phonics練習, 是老師在學校同小朋友做的, 家長不要心急在家叫小朋友做定. 尾 ...

非常詳細!
老師話考試前有機會會收個folder一次check下小朋友有冇keep好d work sheet 同dictation sheet，不過我唔知係唔係班班都會咁做。

召藥師

阿仔都話好開心，佢晒到對手黑哂。
我俾左5粒糖佢去請人食，同佢講左佢自己最多只可以食兩粒，點知佢就真係請左3粒俾老師同同學就自己食埋個兩粒。
阿仔依排經常都係學校見到clymama ge囡囡，仲次次都打招呼，佢話姐姐仲主動同佢傾'計'。

召藥師

原文章由 clymama 於 07-10-10 02:05 PM 硐表


話說暑假期間, 同亞女睇你個 blog , 學人玩親子整壽司, 我煮飯, 佢負責卷, 雖然整得〝麻麻地〞，但係佢就開心咗成日, 重周圍話比人知佢識整壽司啦！又話要整比表妹食添。所以佢覺得你係佢〝壽司師傅〞, 特別有好感囉！:- ...

多謝妳地支持!咁妳囡囡愛屋及烏，對阿仔都好好啊~

另想問下乖乖，妳會唔會係屋企教囝囝個張英詩集誦紙?

召藥師

原文章由 乖乖 於 07-10-11 01:58 PM 硐表


雖然囝囝成日多嘴要比班主任罰，但係佢仍然話最鍾意都係班主任，所以我相信囝囝ge班主任絕對係好有辦法同經驗ge老師, 我都希望佢經過一年ge教導後, 能夠有所改善........ ...

我個仔就比較唔醒目同唔識變通，佢係好乖好脾氣同唔講大話，不過同比較頑皮ge小朋友相處就有問題，因為佢一來唔識得保護自己同自己物品(教開佢要同人分享，平時又要讓阿妹)，二來佢專注力差，人地同學d頑皮出位野就吸引哂佢ge注意力，搞到上英文堂唔專心，寫家課冊又寫唔齊，我日日激到嘔血咁激到而家先好d咋!

係喎，唔記得問妳地英文每日一篇做成點?我前晚login唔到(time out)，到而家都未再試過，而中文每日一篇今日先開始做，不過我媽以前教書我已經見識過，應該冇大問題。

召藥師

原文章由 hlw2001 於 07-10-11 05:40 PM 硐表



我前晚都log in唔到去睇英文每日一篇(可能個網站有d問題), 不過昨晚就成功log in到, 仲可以睇返和做返前兩日的練習.  

至於中文每日一篇, 我一直都未收到user id & password.  1D班係唔係今日派左啦? ...

SORRY,咁遲先睇到妳message。
係今日先派架!貼左係手冊度。(我見冇紙派幾驚阿仔又帶漏呀!差d想打電話時先發現係手冊度)

我睇人地其他班已經做左成個星期有多，唔知係咩原因。

英文每日一篇我9號個日login唔到，老公今晚同阿仔玩先發現要用ie開(firefox用唔到)，依幾日ge都補做哂，不過佢個名可以老師冇打入去，變左做student。

召藥師

clymama, 有事想請教妳呀!
今日有通告係關於買冬季校服，我有d唔係好明呀!
而家仲可唔可以著舊式校褸?
另外著體育衫個日係唔係一定唔可以著校褸而要運動外套?
冷衫可唔可以出街買普通深藍色ge冷衫?(金唐話以後唔賣校章，上次佢地送左個俾我咋)
頸巾又可唔可以自己織?只可以深藍色嗎?

好多問題添。

我睇兩間公司一d平一d貴，要兩邊買。

召藥師

原文章由 clymama 於 07-10-12 08:05 PM 硐表


而家仲可唔可以著舊式校褸?
我睇番亞女2005-2006嘅通告如下：
*由本年度起,一年級學生需穿深籃色棉褸, 而二至六年級學生則可隨家長意願選擇深籃色棉褸或深籃色西裝褸。*
﹙個年啱啱轉新棉褸,我見有人都照着舊款, 不過 ...

Thank you very much!!
咁又要大出血喇~

召藥師

原文章由 乖乖 於 07-10-12 11:48 PM 硐表


"英文每日一篇"內學生個名係自己入ge,  當你 Log in 左之後係板面底部, 你會發現有d綠色字 (好細隻字ge), 其中有一欄 "My info",  你 click 入去就可以入番囝囝個名, then press save, 就 OK 啦..... ...

唔該哂!我真係睇唔到個隻字，我較到個mon ge 解像度好高，d字太淺色又細冇留意到佢，而睇教學個度又冇提及......(等佢慢慢講冇耐性聽哂)。

英文每日一篇學到唔少野，不過要花好多時間先教到阿仔，做功課用至少2小時(太肉酸成日要擦字)，睇中文每日一篇又用左10-15分鐘，英文每日一篇隨時又要20-30分鐘(教埋佢串字同拼音)，要佢講番學校發生ge事，又要溫習，又要睇課外書，加埋食飯、沖涼等，一日時間都冇哂，同阿妹玩得好少時間。

另英詩集誦方面，阿仔今日放學同我講話老師話佢冇溫習，好多都唔識讀喎!講真我又好少理佢依方面，諗住好似英文科咁等老師教哂先算，原來老師係要求家長係屋企教埋佢同佢一齊讀，咁真係又少左時間做運動同玩喇!阿仔d時間真係唔多見洗，佢再唔專心樣樣都慢'麼麼'就弊喇!

召藥師

原文章由 clymama 於 07-10-16 10:42 AM 硐表
召藥師：

亞女有條運動長褲唔啱著啦！30碼, 褲長約30吋,唔算殘。你買咗未呀？如果唔介意係舊嘅, 我攞比你吖！又或者可以當後備著嫁！不過今日我係農圃道接, 可以再約你。 ...

好呀好呀!今年冬季校服都要花接近600蚊，好甘呀~
妳不如當係二手讓俾我啦!一家便宜兩家著!!:loveliness:

召藥師

原文章由 Siuchoi 於 07-10-15 01:58 PM 硐表
Hi ~各位~ 請問你們的小孩評估成績如何? 小孩覺得深嗎?  

阿仔冇講好深，不過問佢有冇識哂時就話有d唔識。
而家只係派左數學，60分滿分佢得49，錯好多唔應該錯ge野，如倒數個條，佢冇解題，見到個5字就54321；圈6個蘋果(唔記得係唔係蘋果)，就圈哂佢；下面個題佢自己圈左3組就當係單數(擺明就係神遊中)；最離譜就係最後個條，個3字竟然左右調轉，俾佢激死。我鬧就冇鬧，不過訓話佢唔專心，冇耐性，唔睇清楚就亂做，希望幾他科唔會再比數學差啦!

召藥師

原文章由 clymama 於 07-10-16 12:04 PM 硐表
  

傻啦, 讓就唔好啦！不如當大家為環保出一分力, 循環再用嘛！ 呵呵......   執執吓又發現有倆件白恤衫都唔啱, 不過冇條褲咁新, 寫住 12/23碼, 唔識睇﹙p.1嗰時買嘅﹚。同埋女裝冇校章﹙男生要有校章係個袋度﹚, 你有冇校章 ...

咁真係多謝哂妳先!我諗德信金唐會賣章俾我0瓜!
星期四妳囡囡有冇課外活動?如果冇可以準時放學妳先俾我啦!我日日都會接阿仔放學，返學就交個波俾佢daddy。:loveliness:

召藥師

咁多位媽咪，妳地小朋友ge評估成績點呀?比預期好定差呢?
阿仔而家派左數學同英文，數學俾預期差，英文反而比我預期好左，Miss Wong今日仲俾左兩個好孩子貼子，佢本書仔終於開齋喇!佢好開心。

而中文科方面，阿仔話未派，而且仲話今日仲有d要補做番，唔知係唔係加料評多d呢?