SPCCPS面試後感

erniec

D學校每次都要見咁多學生，一定出動晒所有老師，咁人唔係機器，每個老師都有佢既個人觀感，仲有interview既時間，每組小朋友既年紀背景，如好scientific去諗件事，實在有太多factors會影響一個面試既結果，所以實在唔需要太在意同緊張個結果，總之小朋友每次面試完都能開開心心走出黎，咁我覺得已經好滿意，其他既野就平常心。

erniec

回復 wwsugar 的帖子

我眼見身邊朋友為小朋友考小一好大壓力，又發惡夢，有時睇BK有見有D父母好大壓力，賽前既準備賽後既檢討，我都感到好無奈，唔明點解我地呢一輩既家長要攪到自己咁大壓力呢? 認真去為小朋友準備升小係需要，但唔應該將升小睇到好大件事咁，人生實在有太多challenges，如果作為家長都將得失看得咁重，仲有漫長既日子要同小朋友共同面對，漸漸小朋友都會感到果份壓力同父母對自己既期望，何必呢?我唔係咩名校出身，但身邊同學都好努力，宜家每個人都有所成就，我家姐既小朋友讀書一D都唔叻，會考O分，但佢明白要為自己搵一條出路所以走去學西廚，讀一年fulltime，臨畢業已有酒店offer,宜家有幾好prospect,所以讀書只係一個訓練獨立思考既過程，只係現今既父母有經濟能力，more educated，唔希望小朋友會比自己差，我唔敢講我自己一定無呢個諗法，但會時常提醒自己，小朋友都係一個個體，我地唔可以硬將自己諗果套放係佢地身上，做父母真係要學架。

erniec

回復 wwsugar 的帖子

"最壞打算">你又點知係最壞呢?世事無絕對，who knows!加多一點正能量給自己吧!

"心儀"從來都係從父母angle去睇，但真正讀書既係小朋友，我覺得絕大部份既學校同老師都係有心想教好小朋友，只係好多人會用成績獎項黎去評價一間學校是否成功，教育既責任學校老師只佔一部份，家長先係影響小朋友最深遠既人，所以如果要去諗學校俾到咩個小朋友，我覺得作為父母應先諗下自己可以俾到D咩俾小朋友。小朋友佢地既世界好簡單，好直接，同埋佢地好懂得適應環境，比大人要強得多，無論去到邊間學校，佢地都一定會可以開心學習，認識新朋友，佢地要既係父母既支持，life can be simple!

wwsugar,希望你唔會覺我我好多口水好鬼長氣，我好開心可以係度同大家share一下我既睇法，我真心希望BK既家長可以放鬆多一點。