凌月仙幼稚園新生入學簡介會

ltang7

凌月仙幼稚園新生入學簡介會二零一一年十月八日星期六
內容：分享學校的辦學宗旨，介紹課程及參觀學校
時間：上午九時三十分至十一時
對象：新生家長及有興趣人士
電話：2517 8785 / 2517 8835
** 報名及查詢請與校務處聯絡**

ltang7

原帖由 Piggyhui 於 11-9-14 15:07 發表
中西區?  呢間其實好唔好?

係中西區。
阿女正在讀。
我阿女係非常慢熱果種小朋友，但呢間學校既老師好細心好有耐性而且好有“計”，識得點吸引小朋友的注意力，明白每個朋友有不同性格及需要，所以阿女返適應班第四日已經同我講佢好鐘意佢既班主任。
阿女鐘意跑跑跳跳，呢間學校活動空間大，又戶外遊樂埸，好啱好動的小朋友。
我就好鐘意佢地課室有對流窗，屋企都無咁通爽。
我先生就最欣賞葉校長，對幼兒教育工作的熱情非常澎湃，她的積極熱誠帶領着全校老師。我地曾經睇過教署的視學報告，留意到報告對這間幼稚園的校長和老師都有極高度的評價，本來有點懷疑，但參加過新生介紹及家長會後，非常認同視學報吿的評價。
校長每一天返學和放學時段都會跟家長頃談，給予意見和多了解小朋友的性格和在家的行為。
校內兩位老師更獲得行政長官卓越教育奬，佢地都係好有經驗，接獨過都好敬佩佢地好有“計”吸引小朋友的注意力。

ltang7

視學報告：http://lyskg.caritas.org.hk/image/Report.pdf

卓越教學奬：
http://lyskg.caritas.org.hk/image/Teaching_Excellence.pdf

ltang7

原帖由 athena1127 於 11-9-20 16:56 發表
我諗住同個仔報呢間. 我都係睇過教署的視學報告. 比較過附近幾間, 呢間既評語最好. 呢間響區內好似唔算好出名,至少我SEARCH 名校唔會搵到人講呢間.  
我已經報名聽簡介會. 你咁樣講得咁好, 會唔會多咗人爭位呢.. 希 ...

呢間真係唔算好出名，不過，我諗你隨意揾個有小朋友响到讀緊既家長問（assume個家長係有心跟進小朋友既學校生活）每位都會讚好。
我阿女上年考K1,我地同佢報咗中西區既十間幼稚園，每間我地都有硏究下，周圍問口碑，同埋面試時用心觀察老師和校長的表現，呢間係區內最有heart既幼稚園。
首先個校長係我遇過咁多幼兒教育工作者（包括同阿女去上牟利的playgroup）之中最熱心最明白小朋友的需要的，佢非常有魄力，充滿正能量。我個C6話除咗地產同保險agent外，未遇過d咁熱心既人。
d老師個個都好有愛心好有耐性，有幾個仲好有"計"，睇住佢地將d扭計既小朋友扭番惦，我都睇到想拍手叫好。
阿女番學好順利，因為我好聽話，跟足學校建議點幫小朋友適應。
另外佢地有自制教材，會因應小朋友的需要和家長的意見，而與時並進。我有份做義工家長，所以知得多d。

我係d思想有d矛盾既人，想小朋友開心無壓力上學，但又想佢學到d學術既野，等佢第時升小一順利d，呢間學校就係可以滿足到我。阿女返學好開心，而佢又好願意做功課，仲係主動話要做！！！我唔知老師有咩計，總之阿女依加係培養咗做功課呢個好習慣。

ltang7

原帖由 LuLuKiuKiu 於 11-9-21 15:52 發表
間學校真係咁好?

純粹個人意見，只因間學校啱我地一家人。

ltang7

原帖由 ltang7 於 11-9-21 16:01 發表

純粹個人意見，只因間學校啱我地一家人。

唯一要講間學校既缺點就係附近有地盤起緊樓，會比較多蚊。
不過成個西區週圍都係地盤，整路，起地鐵。

ltang7

原帖由 athena1127 於 11-9-22 17:01 發表


仲有無印象呢間學校面試係點架? 有無tips 可以俾我呀?
我個仔無返過d咩playgroup/ pn 班. 我想睇下有咩要注意. 我報咗名去簡介會架勒.
我地住得好近呢間學校,方便6299湊放學. 如果間學校又咁好, 真係更加想入到.  ...

有！印象好深刻。
我仲記得果日係落雨，去完禮賢會in(C6 in 到好勞氣，略過）行過去凌月仙，都幾狼狽，一行上去（學校門前一條鈄路）就見到校長企响度同家長頃談。我地先去登記，然後被安排去唱游室free play玩玩具，等小朋友適應下，都等我地d大人settle down。有老師在唱游室睇住，但佢地無mark任何野，應該純粹等小朋友warm up.　
等咗一陣，有老師過來叫名，請小朋友排隊扮小火車去另一個課室，可以有一位家長陪同。阿女果組既小朋友表現都好好，小火車排得好靚。
入到課室揾位坐低，有一位老師付責講故事，另一位老師觀察小朋友的表現和反應，當然都會mark低d野。
阿女好鐘意聽故事，所以好專心，老師會發問，等小朋友舉手答／指。阿女一開始都無舉手，跟住見人地咁好玩，佢又跟住舉，舉到第二次就叫佢。　
講完故事就轉去工作枱做手工，我相信係想睇下小朋友既小肌肉發展。俾咗頂黃色太陽帽，等小朋友响上面貼不同形狀的貼紙做裝飾，做完可以帶走，跟住仲有果汁，小食同bear公仔送，嘩，阿女開心到呢。
呢次我地三口子最開心愉快的一次面試！

ltang7

原帖由 janettsui 於 11-9-23 08:10 發表


係啦,  囡囡尋日返完playgroup塊面就中左招喇!!

噢......
我阿囡返咗學將近一個月暫時都無中招，希望你囡囡快d消腫啦，見到佢地紅咗真幾肉赤。　

ltang7

原帖由 ltang7 於 11-9-23 12:13 發表

有！印象好深刻。
我仲記得果日係落雨，去完禮賢會in(C6 in 到好勞氣，略過）行過去凌月仙，都幾狼狽，一行上去（學校門前一條鈄路）就見到校長企响度同家長頃談。我地先去登記，然後被安排去唱游室free play玩玩具，等小朋友適應下，都等 ...

趕住接阿囡放學，未講完就post咗。
我地三口子最開心係呢間學校既安排好體貼，可能有於之前in果間太亂（連要家長點排隊都攪到好混亂）呢間安排有條理，d老師好知道自己應該做咩，咁啱阿囡果組d朋友仔都好合作，成個面試真係好愉快，令人覺得响呢度返學都應會好開心。
我有睇過不少幼兒教育的書，知道小孩喜歡身邊所發生的事情是他們可預料的，但又不愛過份重復（即當他們當懂了我們又再重復，他們合會覺悶，不理彩）。在整個面試過程，老師都會明確地提示小朋友下一步會做什麼，讓小孩有心理準備，讓他們有機會配合，於是面試過程非常順利。我覺得除了小孩心情不佳外或其他原因，這個面試是給每個小朋友學習和成長的好時刻。　

ltang7

原帖由 athena1127 於 11-9-26 12:31 發表
多謝你既分享呀!!!!! thank you!!!!!
hm, 睇黎都要睇下我個仔同呢間學校有無緣勒... 要不, 希望老師到時感受到我地既誠意啦. haha

如果你願意的話，到入咗之後通知聲我，我係義工家長，可能可以幫你了解多d佢地上課的情况。

今日有機會被邀請觀課，估唔到佢地上堂係咁守規矩，老師發問時大部分小朋友都會勇躍舉手，雖然舉手果d原來未必真係識答，不過老師仍然好鼓勵小朋友參與，而每當有小朋友答對，老師都會帶領其他小朋友鼓掌讚揚，我好欣賞這互相鼓勵的學習氣氛。

不知是否因為這樣的學習氣氛影響下，阿囡返咗差不多一個月，最明顯既進步就係開始有興趣認字，而且係較多筆畫的字。

ltang7

原帖由 sansquare 於 11-9-27 21:27 發表
We have submitted the application form last week too but may not able to attend 簡介會 as conflict with another one.

I went to this Kindergarten b4 and thus agreed with Itang7 that the teachers 好有 ...

Have you ever meet with the Principal? She is the soul of this kindergarten. She leads the team to serve every children's need.
Even if you cannot go to 簡介會, I still suggest you to meet with the Principal.

ltang7

原帖由 sansquare 於 11-9-28 18:55 發表
We haven't met the principal. Since my kid is attending the playgroup in this schoo nowl, we will arrange a time to meet the principal.  Thanks for your advice.  

由下星期開始，逢星期四早上８：４０﹣９：００在戶外操場有親子體操，有時間可以來睇下，你一定會見到校長的。
Every Thur 8:40am-9:00am, parents are welcome to participate in the morning exercise session. You can surely meet the principal there.

ltang7

今天是新學期第一次親子活力操，場面有d亂，哈哈，有家長响處小朋友都係會嗲d。我阿囡就好積極，肯企出去幫手帶領做體操，我真係好開心！　
好鐘意d老師好投入一齊做，希望下星期幼兒班會有進步！

ltang7

原帖由 athena1127 於 11-10-6 15:04 發表
Thanks Itang7.
我一陣都同公司請假早少少走, 親自去交form. 星期六都會去簡介會.
希望佢收. 到時你個囡k3, 我個仔k1.. haha..

我阿囡依家讀緊k１，如果你仔仔明年來讀k１，我阿囡就會升k２喇。
你下午去可能會難揾到人，佢地k１得上午，k２﹣k３就有上午和全日班，k２和k３的班房在一樓，k１班房在地下，下午放咗學無人响地下，你去到無人可能要打電話。

ltang7

原帖由 athena1127 於 11-10-10 15:52 發表
去完簡介會了. 我個人好滿意.
估唔到校長外表咁後生. 佢都好詳細介紹,我個人鍾意佢既活動教學. 唔知啱唔啱阿仔呢.
參觀咗校園,我第一次睇幼稚園, 好有趣!!
我未見過d教師唔笑.每個都好好笑容好nice ^^ ...

校長唔單止外表後生，思想亦好開明，好肯聽意見。同埋佢永遠講野要係咁正面，代人新物總是充滿正能量，C6講笑話，就算阿女咩都學唔到，淨係學到校長既正面態度，呢三年既幼稚園都已經值番晒！
校園真係唔算靚，座建築物已經超過六十年，比起好多裝修新穎的幼稚園來講，都算幾“up dup",但係課室都清潔整齊，而且戶外空間大，天涼小朋友可到戶外上課，唔駛成日困在室內。講真硬件絕對唔係呢間學校既強項，但佢地既軟件（老師，教學理念，課程，自制教材等等）就非常非常好！

ltang7

原帖由 fingerbb 於 11-10-10 23:40 發表
請問凌月仙2012 K1收幾多人的?

我唔知２０１２k１會收幾多人，２０１１K1就收咗　５１位。

ltang7

有關學校附近地盤施工事宜，校長已多次致電查詢，地盤回覆近兩個星期將會是最嘈吵的時段，會盡快為學校安裝隔音布。
我都有問阿女上課嘈唔嘈，佢話嘈不過都聽到老師講說話。
據校長說，幼兒班房在地下受影响最少，在一樓的低班課室較受影响，而校長室及教員室就最嘈。因附近有好幾間學校，地盤施工時會盡量把高噪音項目安排在星期六。

ltang7

原帖由 janettsui 於 11-10-13 11:50 發表
上星期我同囡囡返playgroup, 係嘈到姐姐要好大聲講野我地先聽到.
早2日已經通知, 尼個星期既playgroup因為嘈音關係停課添呀

其實果個地盤影响到好幾間學校，包括英皇，聖保羅，聖士提反堂，我諗地盤應該都收到好多投訴，希望快d起完快d收工。

ltang7

原帖由 fingerbb 於 11-10-14 21:13 發表
請問K1申請幾時deadline呀? THX

學校已定１１月５日為面試日，下星期會開始寄出約見信，如你能於下週交回申請表，約見時間也許可以及早提出更改，學校希望能配合每位小朋友（家庭）的需要，但如太遲收到申請表的話，學校也許未能作出相應的配合。
我記得上年我們也是跟另一個面試時間相撞，我一早提出更改時間，佢地都願意安排另一時段。
後來得知申請的人數並不比附近另一間完全不容更改時間的幼稚園少。

ltang7

原帖由 athena1127 於 11-10-21 14:43 發表
後來得知申請的人數並不比附近另一間完全不容更改時間的幼稚園少。..
oh no... 附近o個間話今年有1仟人報名呀.
我都去過,我自己先入為主, 都係鍾意淩月仙多d.. 人地個校舍都係靚d既.. 不過軟件唔夠 淩月仙fight ...

附近有好幾間幼稚園，我講果間應該唔係你講果間，因為應該冇成千人報名咁多。
你講果間其實都幾好架，課餘有好多活動，又有好多講座俾家長。而且好注重閱讀，有個好正既圖書館，朋友d仔女响度讀都好滿意。