喇沙插班

Soundervolt

原帖由 retriever 於 16-03-23 發表
係咪基本上都有筆試?
還是叫去得筆試, 就OK?

每年每級大約平均會有200多人申請插班，學校會喺申請者當中挑選2-30人一齊在7月初接受中英數三科筆試，再由當中挑選合適申請人進行最後階段面試。

Soundervolt

原帖由 retriever 於 16-03-23 發表
咁筆試既水平, 是否投考年級既年終水平, 還是再加一年?

數學是否有奧數成份?

通常會考返投考年級嘅年終水平（未必會用當年試卷），因為已經唔容易，所以唔需要再考深一年。數學試卷當中沒有奧數成份。

Soundervolt

原帖由 retriever 於 16-03-23 發表
其實我唔係咁鍾意呢D, 96%-99%... 我覺得唔正常....

借題發揮... 坦白講, 最近廣泛談論既大學生悲劇, 部份 ...

考到平均分96-99可能都會經過多次失敗及錯誤先至有咁嘅成績。不過放心，初小跟高小甚至中學嘅學習要求同條件都唔一樣，愈高年班愈少95-100分出現，會有大把機會領畧錯誤中學習。

Soundervolt

原帖由 giant_japan 於 16-03-23 發表
請問點申請?

學校唔會有公開招生通告，如果有興趣可以喺每年五月尾前寄上一封包括過去校內外成績及essential嘅申請信，學校會喺6月至電獲筆試機會嘅申請人進行7月筆試。

Soundervolt

原帖由 小曳人 於 16-03-24 發表
插得入嘅，理論上係實過到馬路...唔應該會"擔心"
而且聽聞舊年全收Band 1 + 2學生

無論通過世襲、大抽獎、叩門或插班嘅每位LS同學及家長心中一早以清楚LS係一間乜野類型嘅學校，所以絕大部份嘅同學及家長都會向同一目標進發，hea讀嘅真係唔多見，一山還有一山高嘅情況一尐都唔出奇。

Soundervolt

原帖由 晴晴小B 於 16-03-23 發表
而且學校又唔鍾意比較學生校內成績，考得不太理想既同學又唔會比老師照肺，學生又唔使太煩升中，邊有壓力呢 ...

學校當然唔會俾好大壓力學生及家長，而且唔會主動勸退學生，不過好多時壓力會來自本身家長或同學之間，成績唔太理想嘅同學唔會被即時照肺，不過家長日派成績表時就會照MRI。近每年平均都有30人過唔到馬路，對跌落B2組別而要面對升中大抽獎嘅同學都咪話冇壓力。

Soundervolt

siden 發表於 16-3-24 17:58
每年幾多成上到書院？

如果直屬加埋自行過馬路既學生大約係全六年級85%。

Soundervolt

原帖由 stockmike 於 16-03-25 發表
直資私小尖子擁住去讀，由要俾錢變唔使俾，小學點會成績唔好？我只係好奇係喇沙小學走個班係向上流多定向下 ...

唔好以為每年級都會好多同學離開，插班嘅學生未必需要有同學離開先至有位加入，因為學校會用每班三個留班位去收插班生，所以小一正式收生時會係180個P1學生（唔計叩門收生），到畢業P6時大約會係198人。咁究竟中途離開咗嘅學生去咗邊？好簡單，就係去咗更適合佢地嘅學校囉。我見過嘅有轉咗去德瑞（唔係大埔，而係山頂嗰間）及其他國際學校、移民海外、或跟LS唔同學習模式但更適合個別學生嘅學校，所以唔應該話有向上或向下流之分。

Soundervolt

原帖由 siden 於 16-03-25 發表
所以我覺得插得入LS係異數。

大部分小朋友都只係凡人。

無錯嘞，兩間都已經係好好嘅學校，好大可能讀咗是但一間都唔捨得走呢，而且KTS升中派位相當之強，會有更多好學校選擇。

Soundervolt

原帖由 kiov 於 16-03-26 發表
絕對同意!!

還記得, 鏗鏘集-功課xx位小朋友, 就讀九龍區名校, 小學一,二年班已經8-12樣功課, 每天如是, 可 ...

哈哈！呢個「功課奴隸」電視節目充份表現出以偏概全嘅意思（亦反映現今傳媒嘅質素）以及滿足一尐鄙視所謂傳統名校及憑空想像嘅人。

LSPS初小功課唔多，高小weekdays時平均都係六份功課（Weekends會多少少），而且學校有導修堂，學生可以喺學校已完成大部份或全部功課，唔知肥仔同學係唔係用導修堂嚟瞓覺或要媽咪陪伴在旁先至肯做功課？學校亦冇要求學生一定要「一體一藝」，冇特異功能係冇問題，肥仔同學係可以唔使狅練古箏㗎。起碼我阿仔成績OK，我又覺得佢好得閒。

好多人以為傳統名校有好成績係因為用多功課、狂抄寫、常背誦、狂操練與及教快教深去勞役學生所得嘅成果，呢點亦係誤解，亦諗得太簡單，如果係咁，全港學校照做咪可以達到相同效果？其實呢類學校往往係能夠營做良好學習條件及文化令學生主動學習及思考，剩係睇學校個兩個圖書館嘅規模、經常舉辦嘅課外書展嘅擁躍情度及各式各樣嘅group project都可以了解到唔少學生點解能夠遠超本身在學年級嘅學術水平。如果單靠教快教深教育局課程一兩年係唔可以達到呢個效果.。

唔緊要，如果家長認為呢尐傳統津校只係「功課勞隷」學校，香港仲有其他標榜愉快學習嘅學校可以選擇。

Soundervolt

原帖由 kiov 於 16-03-26 發表
LS不用置疑, 當然是一間神級好學校, 希望傳媒報導的, 都如你所說以偏概全, 無中生有的。

另外, 肥仔前肥仔 ...

首先呢位"苦主"對傅媒作出一尐抹黑嘅描述更加唔尊重學校。阿仔已經讀緊高小，呢個電視節目前後嘅功課量一直都冇改變過，所以有或冇呢位上鏡接受訪問"苦主"都冇關係，一間有規模學校嘅政策又點會因一個電視節目而有所改變？更加唔會俾其他閒言閒語牽住個鼻嚟走(我相信閣下愛校亦會一樣)。

好明顯閣下並非LSPS嘅用家，所有言論亦只係道聽塗說，而且己對LSPS有前設觀感，而認定佢係乜野學校......不過我講過唔緊要，DBSPD亦係非常好嘅學校，閣下可以放心就讀，一定唔會揀錯，唔使為咗一間非神級律校而勞心。

Soundervolt

原帖由 mcl203 於 16-03-27 發表
點樣可以睇到唔少學生點解能夠遠超本身在學年級嘅學術水平??....似乎真係好利害~~~ ...

當三四年班開始已經可以攞住本成寸厚嘅全文字中/英文課外書呢睇就大概都知係乜野水平啦。LSPS、DBSPD及唔少呢一類學校嘅學生都可以做到。

你可以做個簡單比較，將教育局小四英文課程同純文字英文版Harry Potter比較下兩者水平有幾大分別就會明白。

Soundervolt

原帖由 kiov 於 16-03-26 發表
LS不用置疑, 當然是一間神級好學校, 希望傳媒報導的, 都如你所說以偏概全, 無中生有的。

另外, 肥仔前肥仔 ...

如果做功課時經常出現錯誤，就會變成利疊利式嘅功課量。就算本身得3份功課亦可變成6份功課，而6份分分鐘變成12份功課。我相信要做改正唔係LSPS獨有，閣下神級愛校亦都需要對有錯誤既功課做改正啩？

Soundervolt

原帖由 siden 於 16-03-26 發表
有幼稚園家長在kinder舊同學家長谷呻DBSPS小二有分數exercise。

我初初唔信，以為佢吹水。

無論讀LSPS、DBSPD或甚至其他學校，成功需苦幹係永恆不變嘅定律，無論學術或課外活動若要成績好，但又要無壓力，簡直係天荒夜談。咁究竟邊一間學校會有更大壓力？呢點會因為各人感受唔同而因人而異，所以永遠唔會有絕對嘅答案。

話時話，我都知有其他學校准許家長喺功課上簽名就可以唔做嗰份功課，唔知真係有幾多家長會咁做呢？

Soundervolt

原帖由 ms.giggle 於 16-03-27 發表
不是天荒夜談的，功課壓力少，升中壓力少，又唔代表冇需要溫習。LS不是也是功課壓力少、升中壓力少的嗎？



  ...

讀得呢類學校（包括其他傳統友校）目標唔係剩係為升中咁簡單，而大部分家長同學生對成績亦相當有求，精益求精就見得多，hea讀嘅真係冇乜見過（成績唔理想並不一定係hea讀），所以唔多唔少都會有壓力。

好多時當喺EK討論呢間九龍城男津校時都會俾其他人跟神級男友校拉上關係作比較，實在與有榮焉。我嘅回應只係想俾有心到LS讀書嘅人一尐比較客觀及正確嘅資訊，作為轉校前嘅參考而已。

Soundervolt

有意申請插班嘅家長可以帶同囝仔參加學校每年都有舉辦嘅family fun day，親身接觸學生及體會一下學校嘅環境。當年我都有帶阿仔去參加，之後申請插班時阿仔仲親筆寫咗一封參觀後感想聯同相關資料及申請信交到學校。雖然唔知對後來得到筆試機會有冇幫助，但有得玩又有得了解下阿仔對其他學校嘅印象都值得嘅！

Soundervolt

原帖由 mianyang_99 於 16-03-30 發表
回覆 Soundervolt 的帖子

請問你仔仔當年插P?我仔仔係一間一線津小讀小二......小一同小二上學期都考到級 ...

您囝仔好叻叻喎，恭喜哂！照咁嘅條件嚟睇，機會應該不淺，不過都要睇下學校嘅取向，因為一山還有一山高，而且每年平均每級有超過200人申請，所以仲要睇埋其他因素。阿仔當年讀地區二線小學成功插入P3。LSPS係一間相信神嘅好學校，而唔係神校。如果學校收得貴子弟即代表佢有能力，有尐插班生最初可能要少少時間適應改變，不過小朋友如果有良好學習條件係唔會有任何跟唔上嘅問題，放心啦！

Soundervolt

原帖由 劉七華 於 16-04-03 發表
小學可以有咩特異功能？除了學術成績！

所有學術或課外活動嘅傑出能力都可稱為「特異功能」。其實想巡體藝方便嘅「特異功能」插班比較學術「特異功能」難道更高，之前學校講過，如果想通過學術成績申請插班，申請人只要喺原校有傑出學業成績就有機會，但想通過體藝「特異功能」就要係全港頂級成績先至有機會。「一間學校 vs 全香港學界」，邊個渠道難度高尐？

Soundervolt

原帖由 兜兜要轉轉 於 16-04-28 發表
有無國際學校插到班案例？

LSPS用繁體字教中文，而部份國際學校會用簡體字作為中文教學文字（例如ESF高小時先至會開始接觸繁體字），有心轉校嘅家長需要注意。