請教Thermos, Tiger保温飯壺

小時了了

cosyfook 發表於 15-8-13 21:24
想買分層的保温飯壺給讀小三的囡囡帶飯，由6點半KEEP到12點半，請問Thermos和Tiger保温飯壺哪個比較好？ 兩層定三層好呢？

我今年5月祟光30週年大減價時買了：


1) 象印三層保温飯壺 x 1
2) Thermos 燜燒罐 0.75 L x 1
3) 象印 燜燒罐 0.5 L x 1

我點解買三層？因為同事強烈推介。她是買了兩層但好後悔，叫我最好買三層，因為最底那層可以裝熱水加強保溫又或者裝熱食的食物，中間那層裝飯，最上那層裝蔬菜，三層裝野食彈性大好多。

點解我又買燜燒罐? 因為我當時未買三層保溫飯壺，原本打算一個裝飯，一個裝食物，後來各樣原因再買保溫飯壺。

我試過帶過阿女嘅保溫壺返公司食，老實講十二點幾食時唔係好熱，只係微溫咋 (準確啲講係不冷不熱)！食物係無變壞的，放心！

燜燒罐保熱能力最好(如果放食物前用滾水放滿水入燜燒罐內3-5分, 之後先至入熱飯+食物, 十二點幾食真係仲好熱, 有時仲有好微弱輕煙呢!!)

牛牛牌保溫最, (可以講係無保溫能力)(因為我第一個買嘅保温湯壺牛牛牌，但效果係實在太差，所以後來才買咗以上的其他牌子及款式。)


自問自答: 點解我明知燜燒罐保熱能力最好但係阿女帶保溫效果"不冷不熱"的三層保温飯壺? 原因係阿女話自己班同學無人帶燜燒罐, 但有一兩個同學帶保温飯壺(同佢依家用嘅一樣), 阿女好想同同學仔一樣帶保温飯壺, 阿媽又心軟, 所以最後又買咗保温飯壺喇

小時了了

cosyfook 發表於 15-8-14 09:50
謝謝大家的意見！請問燜燒罐是用來保温，還是用來煮的？

保温及用來煮都可以.我用來保温多, 但我亦買咗三本燜燒罐食譜而我用燜燒罐只煮過綠豆糖水及豆腐花 (跟食譜做法, 我及小女係成功煮/整得到的, 小女最叻用燜燒罐整豆腐花)

小時了了

checkylam 發表於 15-8-14 11:49
如果燜燒壺係咪飯和餸一起放好唔好, 如果好, 幾大才夠? 如果唔好, 係咪買2個燜燒壺好過一個3層的呢?2個會唔會好重呢?
放炒飯係咪350大的燜燒壺都夠呢?

我呢, 曾經用過 2個燜燒壺自己又或者阿女帶飯, 真係幾重下, 仲俾 99 話我咁樣俾女帶返學好重, 因阿女又要背書包, 有時左手又要手拎視藝袋 / 又或要帶基督少年軍鞋, 右手又拎飯/燜燒壺, 都真係幾係野. 我做法, 係飯和餸一起放在一個燜燒壺內, 後來就係帶一個3層保溫飯壺

我自己個人喜好燜燒壺買大啲 0.75 L, 因為彈性大好多. 當初5月時我想買象印 0.75 L 但當時係買斷貨, promoter 姐姐又答唔到幾時有貨, 故當時基於大減價下買住 0.5 L 頂住先, 後來都係買 0.75 L (買膳魔牌, 因為當時象印仍斷貨, 無得買), 我鍾意0.75 L, 成人份量飯+食物係夠, 小朋友 0.5L 我諗夠卦? Tiger 380ml 我無用過, 無意見.

P.S1: 其實 2層或 3層保溫飯壺, 裝飯及裝食物的容量好細好小架, 容量一定小過 0.5L 燜燒壺

P.S2: 1個燜燒壺如0.75 L減價時都要三百幾蚊一個 (如買兩個價錢要 x 2), 3層保溫飯壺減價時又係要二百至三百幾蚊, 您要自己衡量 budget