始終要TSA

palmchristy

akys 發表於 15-12-4 23:14
唔好睇少操練對成績嘅影響，依家為人詬病嘅係創意，解難方面唔夠，或者高分低能而已。睇世界各地嘅公開試， ...

以事論事, 為左考試過度操練, 真係會扼殺創意.
特別係考試只限有一個標準答案的題目, 更是如此, 規限了他們的思維.

學童答題, 有時可以好天馬行空, 令人會心微笑. 可惜考試會無分.

如果經常要進行操練, 真係會令人漸漸變得唔識思考, 諗野諗埋一邊太狹窄, 唔識轉彎, 決乏反思.

最後會好易受人影響, 缺乏獨立分析能力, 人云亦云, 善於執行卻不懂思考.

呢一代的香港人當年受的填鴨教育, 某程度做就出呢類人, 包括我自己.

palmchristy

anixon 發表於 15-12-4 20:40
孫公話全港學生應在「零準備」下應試，
咁希望教育局有好方法停止操練，唔好只齋Talk。

我真想建議設立臨時報料熱線, 讓家長盡情向教育局舉報學校的過度操練TSA並提供細節, 教育局收集數據後, 回報給學校, 要求正視, 停止過度操練.

palmchristy

MASAYA 發表於 15-12-5 00:04
最少孫明揚年代已知有問題, 點解而家先正視去檢討 (假設佢地真係有喇) ? 我問題好簡單, 只係想知呢刻有咩事 ...

以我粗淺了解, 政策係有緩急先後的.  基於公共資源 (人力/金錢/時間) 有限, 無可能每一件事都立即處理, 於是, 有原因優先處理的會先作處理, 然後先到恆常事項的檢討.

孫公當年直至如今, 應該係有其他佢地政府認為更重要的議題需要處理, 因此把未燒埋身的問題暫且擱下.  而家TSA議題已成危機, 仲唔緊急地放上Policy Agenda咩.

palmchristy

Band5 發表於 15-12-4 14:10
EDB當然係監察不力啦！只係如果家長唔幫手檢舉啲違反指引嘅學校，靠EDB，發夢啦！ ...

你話EDB監察不力, 我又諗, 唔知事件至今, 教育局有無正式收過有學校過份操練的相關投訴呢?

睇公聽會楊潤雄的反應, 好可能真實投訴學校操練的個案到EDB手的不多, 所以佢好surprise.

我認為響FB自說自話的唔應該計算, 最多只能作匿名個案處理, 因為大多係"聽聞" "親友"的二三四手資料.

palmchristy

MASAYA 發表於 15-12-5 00:17
對佢地黎講只係政治危機咋嘛? 如果唔放上政治層面, 妳覺得呢刻仲會唔會正視? 如果唔係政治危機妳覺得係咩危 ...

我就係偏向認為呢個係製造出來的政治危機.

忽然覺得香港好可悲, 好多野只因為政治原因先去處理, 而唔係因為有需要而去處理, 咁令有心人吓吓都將問題政治化, 社會分化, 無日安寧, 因為政府要先把精神集中去處理一些被政治化的問題, 而再無資源去處理一些長遠而又真正要處理的問題.

To avoid doubt, I must emphasize that education problem should be one of the priority problems that need to be handled asap but the focus should be confined to the root of problem, not the "TSA" where someone put the blame on it loudly.

palmchristy

akys 發表於 15-12-5 00:24
我覺得欠缺的是多角度思維，未能深入了解和洞悉問題嘅核心，偏向頭痛醫頭，腳痛醫腳。固執反而係性格，為拗 ...

多角度思維, 對真正了解同解決問題真係非常重要.

好似做閱讀理解咁, 有人會花時間去睇清成篇文章去作答, 但亦有人係看問題, 再在文章找答案, 前者一定較全面, 但會花時間, 後者會有quick answer, 但流於表面.

我見到我地呢一代人, 包括我自己, 都比較容易睇表面, 滿足於一些由他人提供的已消化資訊, 同埋一些他人提供的答案, 而唔去深入分析同思考, 缺乏尋真和探究的精神. 或者我地都係受害的一群.  而亦因為咁, 高分入U的亦唔代表有思考能力上的優勢.

所以我好珍惜同大家的討論機會, 因為即使立場未必相同, 我總能由一些有質素的回覆對事件有更多的了解同反思, 嘗試去從多角度睇同一件事.

palmchristy

ANChan59 發表於 15-12-5 09:21
我只是指出Palmchristy, 不要錯誤引用指控。

可能我沒有說清楚我的想法(即EDB未必掌握太多真實投訴), 是與楊潤雄當日那一節的回應有關，令你說我錯誤引用指控。我引的是這個：

「教協副會長、小學校長馮碧儀出席TSA公聽會時表示，教育局不斷以TSA成績向學校施壓，而TSA的題目艱深、怪異，如果沒有操練是無法應考。

署理教育局局長楊潤雄表示，首次確切知道哪一間學校出現這情況，認為事件嚴重，不能接受，會作調查。」

我只是基於一個報導，去說出我的想法，和大家所做的相若。我不明白，請問你是基於那一點，說我錯誤引用指控呢？

palmchristy

ANChan59 發表於 15-12-5 10:44
你在前面指是「操練」，自己睇返。我只是澄清你的錯誤引述！

我想說的是. 楊潤雄當時聽到教協副主席指有教育局人員對其校施加壓力, 表現驚訝, 似乎一無所知.  令我想到教育局似乎對TSA事件的情報收集不足, 相信這包括學校及家長並沒向學校報告.
如果教育局有收集意見的渠道, 就不致於很多事情似乎在公聽會才知道, 是後知後覺之餘, 也反映一般市民以及學校未有像公聽會的群眾中向教育局申訴TSA的問題.

平行時空內, 一群人大力指TSA有問題, 但同時又似乎無乜人正式向教育局提出諸如學校受壓又或學生被過度操練的情況.  究竟反映什麼, 值得討論.

palmchristy

Band5 發表於 15-12-5 10:59
咁，學生家長有冇同學校商討或者投訴呢？有冇向教育局舉報呢？
我唔係話教育局無責任，只係大家應公平對待 ...

當一班人話TSA好大問題, 學校受壓, 學生被過度操練, 但似乎無乜人正式向教育局投訴.

palmchristy

goodenough 發表於 15-12-5 03:19
唔好比班官呃左，當上有好偽術者，下必甚焉！

我從來都唔反對TSA用來捽數，班官比我更加清楚TSA的效用， ...

第三段講到的操練, 我覺得要分清楚是大家所不滿的"TSA過度操練, 還是學校一般讓學生更熟習課題的操練.

"製造現象令同學追不上進度", 很多學校都會這樣做.  見你班同學仔安於現狀不思進取, 忽然在考試某一科加深難度或長度, 令半班人唔合格, 以此警告學生要開始努力認真學習, 係好有用的, 稍為施壓, 可以幫一些人認清事實. 之後努力與否, 因人而異, 最後總會有人逼不得矣訴諸補習.

有人對學童學習上無乜要求, 亦有人好有要求, 都是一種選擇, 只要唔過份, 無得話邊個先啱. 最緊要雙方都搵到適合自己理念的學校. 痛苦通常是因為錯配.

palmchristy

shadeslayer 發表於 15-12-5 14:28
我要調查，是收集數據如小時，幾多題練習，等。不用收集「是否過分」數據。



  ...

我覺得用時數最容易理解.  同一級所有學生, 日常功課/TSA練習平均要做幾耐, 去除extreme value, 攞個mean, median, 應該已經有D啟示.

palmchristy

Band5 發表於 15-12-5 12:23
『而且無人有實際數據証明有幾多學校有過度TSA操練。』
～～～

大家都唔係教育局/學校負責人, 點會有數據? 大家估估吓, 真係好容易意見當事實.

palmchristy

ronniedad 發表於 15-12-5 17:55
問題係我地諗到佢地點會諗唔到，肯去恆常不斷去監察就唔會攪到咁啦。



  ...

我地諗到, 因為有一個issue在我地面前, 日日咁傾.

你可以話EDB後知後覺, 或者之前無為意呢個係問題, 因為似乎無乜人同佢地正式反映過.

palmchristy

anixon 發表於 15-12-5 22:09
我睇完條片，明白你講咩啦! 的確，堅持的理由是什麼?

http://news.tvb.com/programmes/behindtheheadline ...

以我了解, 在2014年以前, 教育局發放給學校的TSA結果, 包括兩部份:

(a) 學校報告: 包括該校學生中英數的達標人數, 百分比, 並全港三科達標學生的百份比
(b) 題目分析報告: 顯示中英數每一條題目, 該校學生答對的比率, 以及全港學生答對該題的比率

由於(a)顯示了該校學生中英數三科的達標率與全港達標率的比較, 屬敏感資料, 雖然學校列作機密, 但總有人不當地流出資料, 做成學校之間的比較.  這並非評核的原意, 而且這加重了學校壓力和為保校譽而操練學生的誘因, 因此經立法會教育事務委員會檢討後, 自2014年起取消向學校提供(a)學校報告. 以減輕師生壓力.

至於(b)題目分析報告則會繼續保留, 讓學校知道其學生在個別題目的表現, 這重要資料足以幫助學校改善教學.

因此, 教育局不再向個別小學發放(a)其學生中英數的基本達標率, 是減壓減操練誘因的好事.  因為保留發放(b)已是向學校提供足夠資料改善及促進教學.

所以, TSA仍然向學校提供有用數據改善教學, 這就是理由.

palmchristy

我覺得最可憐的, 就是個別學童學習水平不足, 學校又無乜板斧可以教得好, 功課又偏多, 而家長又幫唔到幾多的那些學童.

palmchristy

德智體群美，我覺得呢個次序好有意思。

如果香港的教育，可以更著重德育，我地的下一代就更有希望了。

palmchristy

其實可以多角度去睇件事.

在教育局的角度, 學生的TSA成績在個別地方表現欠佳, 教育局有責任提供數據, 用以指出問題出在那些地方, 希望改善. 教育局也早已提醒學校不應為此操練學生, 而表面上又無乜人投訴個別學校有操練.

在學校的角度, 個別"上司" 或較強悍, 令學校有被壓和被捽數的感覺.  如果唔操學生, 真係好難令某些學生達標.  你估我地好得閒去操學生咩.  再唔係, 咪將一些TSA要考的內容, 唔覺唔覺咁加入日常的測考, 等學生熟習吓囉.

在學生的角度, 本身已經有好多功課做, 無理由要我地做一些日常學習以外的操練, 攪到咁多野做無時間玩, 好辛苦.

在家長的角度, 教育局對事件有責任, 有乜理由出題越來越深, 又做乜唔監管有操練的學校, 教育局你做過乜野?  要我地同學校反映? 我個仔女仲要響處讀架, 俾老師label左點算?  轉校話咁易咩?  點解教育局唔向學校建議一些操練以外改善教學的方法? 不過同時都有真正有子女考過TSA的家長唔覺得TSA有咁多問題, 可能佢地學校對自己教學有信心, 於是跟足指引無操學生, 成件事會唔會是小題大做?

在一些人的角度, 不如取消左個評核算啦.  唔評核, 學校無誘因操練學生, 可以教學更自主, 把操練的時間換做更有意義的教學活動, 把TSA功課變做更有啟發性的功課, 咁咪仲好?

在另一些人的角度, 評核制度是用來確保學生在小學唔同階段得到資訊去及做改善教學, 如果無左評估, 學校的教學如有問題, 邊有人同佢地反映, 到升中時先知道問題, 咪要將個問題轉嫁左去中學度? 咁點確保該小學的教學達標?  而且合理的操練, 可以鞏固所學.

palmchristy

skmibb 發表於 15-12-11 11:06
還有人認為「操練」是好的！何解呢？

又講吓操練.

中學階段本人就讀一間很著重運動的學校, 每年的PE堂, 很多時候要做很多體能運動, 類似現時的Tabata training.  每次上完PE堂, 都辛苦得要死, 腿部酸軟的感覺, 可持續一個星期, 令我記憶猶新.  然而, 堅實的體能, 毅力, 以及對運動的興趣, 持續至今.

到後來開始參加田徑比賽.  體能訓練加上技術訓練是很基本的要求.  在教練的要求以外, 自己會額外操練, 日常還會綁鉛帶在腳上.  同學都會問: 咁辛苦為乜? 我答: 為了進步, 這是必須的. 人地怕辛苦唔去練, 我俾人練得多, 我成功的機會就更大.  比賽靠操練, 得勝靠堅毅.

當然, 操練過多, 容易受傷, 傷了就無得練習無得出賽, 得不償失.  所以我認為, 操練是好的, 過度操練才是不好.  至於何為"過度", 因人而異.

我大女有某中學同學, 成績優秀. 有一次學校書展, 我個女去睇小說, 佢同學竟然走去買練習. 我女問佢買黎做乜, 係咪阿媽叫佢買, 佢答就快要考試, 買來自己做, 唔係阿媽叫, 嚇到我女傻左. 問佢唔辛苦咩? 佢答向來鍾意做呢D練習, 做左信心大D.  呢D心態, 真係唔易理解.

palmchristy

所以我始終相信, 為了達成目標, 例如比賽得勝, 努力去操練是一件好事.

至於今時今日, 學校為了自身的校譽又或為了去減低教學成果不佳, 是問題.  因為教學成果不佳, 要操練的不是學生, 而是教師, 不如去進修, 加強自身的教學實力吧.

palmchristy

其實我寫完, 都覺得自己有D mean.  老師日常的工作壓力已經很大, 要他們百上加斤也是不公平.

總之, 為了TSA的緣故, 學校/教師去操練學生, 絕對是不應該的.

呢個, 係攪錯操練對象的問題.