女兒中文中學的學習 — 中中不比英中差

csy_ma

原帖由 雙儿 於 11-5-28 00:57 發表


Csy_ma

由細到大，除咗自己，最憎人蝦蝦霸霸。

如果你諗往送女兒到外地，可以心寬好多。揾間開開心心嘅中學就是。睇住英文同數，其它科睇佢自己興趣；但英、數卻要花功夫，無謂限制女兒大學選科。中學不用迷信天資，中上成績，勤 ...

謝謝教路

因為我囡反叛性較強，而我地都係文科比較強，所以我估阿囡將來可能會選理科居多 英數真係幫佢唔到，到時惟有假手於人……

至於英文，因為佢好鍾意重複聽black cat既少數幾本名著簡易本，又學緊朗誦同話劇，而佢跳舞搵既歌都係英文既，興趣可以keep到，掉下來既機會就相對較少？

到中學，真係想同佢睇多D戲或者話劇，暑假就去各地探吓D朋友，唔想有咁大功課壓力……

csy_ma

原帖由 stccmc 於 11-5-28 09:26 發表
目標是能聽一次便聽懂合孩子年紀的DVD。

你這問題好解決，搞定 phonics 就好了。 ...

謝謝教路

phonics佢由K2已經開始學，逢一三五上個半鐘net教既playgroup，到P1亦由net一對一教咗成年，但都未學識
倒係佢小五做咗小一生既英文小老師後，開始注意咗。而家佢參加英國非牟利機構搞既演藝考試，遇到要背既字唔識讀，我見導師都係用拼音強化佢既記憶。

對於佢既英文，我地不多既家庭支援就係搵吓有乜書佢能會有興趣睇（只係憑封面同包裝，我好少會睇晒佢睇既英文書），又或當佢第N次播black cat既cd聽都幾煩時，盡量忍口唔要求佢換碟咁 ……

基本上，佢想要睇既碟，就算冇字幕，佢想睇還是會睇的。反正佢鍾意既話，就會睇好多次，會用自己既方法睇明佢（但原來佢真係有幾多誤解）。無論書同碟，佢鍾意既範圍都偏窄，除咗中文書而家因為同學間有氣氛，響學校會翻吓其他同學借咗既書外，佢睇來睇去都係果幾十本，影碟如果不計幼稚園睇大既，鍾意而又重複睇既可能唔超過十套 所以好難以一般人既標準去對待佢……

[ 本帖最後由 csy_ma 於 11-5-28 10:13 編輯 ]

csy_ma

原帖由 ChiChiPaPa 於 11-5-28 09:28 發表
你知啦！壓力影響不了女兒的閱讀和寫作，因她閱讀和寫作從不為語文能力和成績，只為消閑娛樂。在宣小，她可每天四小時閱讀。廣闊的空間在她的心中，她又何需新理念的學校去告訴她甚麼理念重要。她需要的是一所可讓她安心去找她的空間的學校。 ...

ChiChiPaPa：

假如唔係您囡間學校距離我地屋企太遠，而傳聞到咗高中，學生有逾半會拍拖 ，我地都有諗佢係我地直資既首選

呵呵，我其實都幾有興趣知道而家既中學生中文作文水平如何，如果您唔介意，會有興趣E佢既作品俾我睇嗎？

csy_ma

原帖由 mattsmum 於 11-5-28 12:14 發表
"最好梗係一家去旅行時有機會在這些校園草地上野餐。喺佢心中播下種子，"

或出港大中大溜溜， 吃吃早餐， 看看大哥哥姐姐做啥， 也撒了種子。我在在試做， 好像有好開頭了。 ...

明白，去美國到名校校園草地上野餐，會留返好想我囡去美國讀大學既契媽陪佢 港大和中大倒可以探探朋友

Mattsmum：
其實港大有好多歷史性建築同現代既名人有關，如張愛玲，可叫小朋友睇完張既某D散文之後去尋源。當然，仲有已成旅遊點的孫中山革命路線追蹤。

csy_ma

原帖由 ChiChiPaPa 於 11-5-28 18:25 發表
Csy ma,

我都想有人可指點她,不過,上次我把她其中一個網址公開,她即時移走所有文章。其實她的學校中文學會有一網頁叫煦風,内有學生的作品,可作參考。我相信日後囡囡的作品也有機會上該網頁。 ...

指點唔敢講，因以前曾有段時間好想搵年輕的新面孔，所以有少少好奇吧了。而家因為西九，肯出新人文章既雜誌都多咗。前陣子，《明報》才介紹了個中學生為主的寫作營。其實都幾欣賞十年如一日，總愛默默地引發人中作興趣那群＂老餅＂，如崑南、關夢南、葉輝等。鄧小樺的香港評論網為中心的，又是後一輩。

香港有興趣寫字的人太少了，令千金如肯多出席一下文學講座及活動，提出自己的意見跟前輩交流，定然會引起其老懷大慰，說不定非常樂意助找發表渠道（現在亦有很多文化雜誌搞網上版，歡迎投稿，會在網上發布其他印刷品未能收納的作品）。

令千金如有機會做校報或青年中心等機構的記者、編輯之類，因要從讀者（市場）既角度考慮找些什麼文章，思維層次可能會更多元。貴校的投稿網是由老師還是高年級學生主理？日後她的作品如公開面世，請莫忘告訴我們來同慶？

[ 本帖最後由 csy_ma 於 11-5-30 13:11 編輯 ]

csy_ma

原帖由 Share 於 11-5-30 12:04 發表
eviepa，　
真抱歉，原來evie就讀那家學校的成績出眾，中一已經轉為全英中，我還信口雌黃，妄作評論，請見諒。

其實我經常在這裹向你和各位甚有心得的網友偷師，不過，我的是男孩子，還未開竅，所以想搭訕也有少許心虛。

但，親戚的孩子 ...

Share：

環境可以自己創造的，課外活動就是其中一個途徑。在另一樓，有幾位家長就分享，在某時段某些遊樂場，會多見到外國小朋友玩，多去，就混熟了。

我家太遠，也沒有這種苦心，惟有找些可以引發其英語興趣的班，如朗誦、話劇等。生活化英語將會成為三三四英語課程的較重部分，讓孩子早點試試也無妨。

多看英文卡通，也確是個十分省力的方法 （我囡未能在上小學前培養到閱讀英書的興趣，至小五中途出家，未致視英語書為畏途，大概就是她自小看卡通和聽類似廣播劇的英語故事CD有關）。

csy_ma

雙兒姐：

呢個係妳囡囡六個月大時既笑容？雖然妳個樣靚好多，不過佢既笑容好可愛，見之令人心情愉快

但BK裡面，可愛靚靚BB樣實在頗多，都係希望見返妳個靚靚樣

csy_ma

我唔打算理數字，只想分享一下近日跟老公既討論，當中，涉及一些選校策略吧？

囡囡考完了第一次呈分試了，中文仍然不到8X ，英文跟上次一樣，但因為這次題目淺了，較她高分的大有其人，可說是倒退了 。老公就此安慰：中文是母語，分數高低其實不大重要。到了中學，中文表達能力只是小菜一碟（這基於女兒非常愛閱讀，只是未掌握分析和取分門徑），但到中學，英語能力的好壞卻是學習好壞分野的里程碑。

縱然是拿取相同或近似分數，同學與同學之間的英文閱讀能力都不一樣。在小學階段，視英文書為畏途的，一樣可以通過做練習獲取高分，但這些人，升上英中就會有個較大的鴻溝要克服。

好了，假如我們不像Eviepa那樣是萬能老師，不能強制仔女英文閱讀每天讀多一個鐘，入到中中，他們會自動自覺看英文書報嗎？會的，大概已入了英中吧？在這樣的同儕氣氛下，如何培養英語閱讀習慣，令人心驚

人總是趨吉避凶的。當擺在小朋友面前的路，是喫不大有趣的英文教科書，還是可自選的英文故事書兩條揀時，他們大概情願揀有趣的故事書？情況就如若果想小朋友肯自動自覺溫書做練習，咁咪只俾兩條路佢行囉：一係，溫書同做練習，一係，學照返，放學後就要做童工，響屋企負責洗衫煮飯抹地抹窗湊細佬妹，唔准停手，咁，小朋友會主動咁揀溫書同做練習呢？

不過，而家呢代父母好難咁狠心
讀中中，如果冇Eviepa咁既能耐，小朋友又未能及時培養對英國文化既興趣（如成日周遊列國，或者多看冇字幕英美電影電視，甚或交個講英語既同齡好友等），咁響家長既影響力漸薄既時候，小朋友會花幾多時間黎閱讀英文，真係未知之素 ？讀英中，初中時仲有機會俾佢地捨難取易，藉閱讀提高英文識字力。好似Eviepa成日話齋，閱讀習慣既培養，係愈早愈好既。咁家長們點解要爭入英中門，唔係同Eviepa既策略好吻合咩？

係，全世界既教育理論都話母語教育效果最好，不過，學一門外語，係必須要有適當語境和狠下功夫才可入到門？呢個語境，假如中中俾到（如培正），讀中中無妨，假如中中俾唔到，就要預咗好似Eviepa咁提供貼身語境至得(請外援每日進補亦得)。我地冇咁既資源，惟有決心轉軚，向大勢屈服

csy_ma

原帖由 judy 於 11-6-29 18:50 發表


我都未听見有理論話用外語來教育更好。学外語就学外語好了，何苦要用外語來辦教育，以便更好地学外語呢？

很多人，好象你一样，打算送孩子入英中学好英文。但有人認為這是不夠的。幾星期前我到畫校接阿三，近晚飯階段，接待處又 ...

Judy：

曾幾何時，我都係母語教育既支持者。不過事都埋身，就要睇清實際形勢。現實係，我家囡囡性格比較強，可以由家長話事既野好少。我地唔似Eviepa咁大能，可以要阿囡睇乜英文書就睇乜，又冇Stccmc等家長咁有遠見，播種於學前。

所以寄望佢響同儕裡面有個較重既英文學習氣氛，呢樣野，我冇自信可以響家庭幫到佢，反而佢而家成績稍遜既中文，我倒認為可以等到適當時候幫佢更快開竅。大概，這種算盤，都係許多家長既選擇？