有人收到明慧offer嗎

wwchuifamily

回覆 moledy 的帖子

如果K位開頭應該真係唔多,因為我身邊識好多家長都已交留位費(包括我自己),但同一時間亦有去考其他K - Call waiting嘅機會就好大,因為之後如果私幼龍校或者質素高嘅學券學校收咗就會好多人放位.

但若果最終真係冇so-called名幼或龍校收我個仔,留喺度讀我亦唔覺係差嘅選擇.

wwchuifamily

回覆 mik.chai 的帖子

大路SC,KV都有考(老公本身係KV舊生),另加幾間龍幼TT,MS,RC.
本身SN收咗,比較之下覺得北角明慧其實同SN唔會差好多(師資、語文、課外活動),加上阿仔其實好鍾意返明慧,所以最後SN冇留位.

p.s.我地住將軍澳,屋企人住九龍城,所以選校範圍比較闊

wwchuifamily

sugar8283 發表於 16-11-23 08:14
謝謝你回覆，我朋友在太子讀過都大讚，我小朋友是考到北角K1,所以想知K既野多d,印象中本地班不是日日有英文 ...

而家本地班係一星期兩堂英文（NET教嘅），兩堂普通話同一堂日文，每堂20分鐘。

wwchuifamily

sugar8283 發表於 16-11-24 08:38
回覆 wwchuifamily 的帖子

謝謝你，咁少英文堂，不知道值唔值得讀?收左女女好開心，但無諗過1日都無1堂英 ...

英文堂係真係教字母,生字。另外平時活動唱遊都有英文歌仔。如果你會喺屋企同佢温書其實夠用(target神級小學另計),國際班其實因為雙班主任有一位係NET,所以小朋友conversational English會好啲,但真正上堂教英文時間又唔係真係多好多。

簡單講學術上唔大分別,係語境有分別。
個人諗法係如果本身打算外補,本地班慳到嘅錢夠報course,而教學同校舍質素同國際班一樣。如果家長懶/忙,本身屋企又全中文咁可能讀國際班可以彌補英語會話嘅不足。

p.s.另外北角明慧國際係頗多普通話家長嘅。

wwchuifamily

回覆 sugar8283 的帖子

本地班今年32xx(交留位費時問老師,有錯請指正),國際班貴$1200左右. 但每年學校都加價嘅.英文課程係行jolly phonics.基本唔見有學校自己搞嘅補習班,所以要補就要source出面.

wwchuifamily

回覆 lavender912 的帖子

我仔都讀緊n,你有冇去學校旅行?我哋見到有成班K普通話家長(約20個)自己好friend咁圍埋...當然我唔知其他幼稚園普通話生數量,所以"多"只係感覺,未必真係一個好fair嘅comment~ =)

wwchuifamily

回覆 lavender912 的帖子

其實同普通話同學仔做同學都無咩問題,我仔本地班都有同學係講普通話,佢又跟住老師同其他同學講吓廣東話好搞笑~只係覺得如果讀國際班又多普通話小朋友,咁對廣東話母語嘅小朋友有啲唔著數...

wwchuifamily

回覆 Sumww 的帖子

國際我唔清楚,因為我成日forum見到有其他家長話雜費好貴...但北角本地PN雜費16-17年上學期收咗一次$2700,未收下學期唔知係咪一樣.其他媽媽話班級越高會收貴啲,K1一期雜費係$3500,所以$7000應該夠俾2期啦!

夏季校服全套(formal+sports)$1000有找,冬季全套就$1500左右因為件jacket係Geotex防風褸加可拆fleece要$600~

除咗自行決定去唔去嘅秋季旅行($180一位,大小同價)之外,到目前為止無收過其他錢.

wwchuifamily

回覆 Sumww 的帖子

嘩?!一期$7000?!咁咪貴PN一倍有多?會唔會係一年$7000 我聽日湊阿仔返學校嗰陣八下~
或者呢度其實有冇現讀K家長???

不過我未有發現學校每樣都講錢,正如之前講開學交咗學費、雜費同訂校服之後就無再要俾錢.

wwchuifamily

回覆 Sumww 的帖子

已check啦.16-17年本地班K1學費係$3323 x 11期.雜費係$7000 x 2期
K1-K3學費同雜費價錢相若.我見到學校過去6年係每兩年先調整一次學費,舊年加咗所以今年估可能唔加,當然問主任佢只答未知唔會答你應該唔加.


比起PN貴成倍原因係:
- PN只有校本教材同一set外購圖書工作紙,但K1嘅書量同功課都會多咗(唔止多一倍)
- PN冇校外活動但K有(參觀交通安全城嗰啲)
- 另外茶點安排會豐富啲,同小朋友儲嘅portfolio又會多啲,到K2亦有所謂小一面試訓練


所有嘢羊毛出自羊身上.
私幼嚟講千幾蚊一個月書簿+雜費你話好貴又唔係,連埋學費一個月唔洗$5000(本地班計,國際班俾多千幾),視乎你同啲咩學校比.
平過蘇浙維記,同北角民生同價,但又冇高主教咁抵囉...
當然同學券學校就唔好比啦!所以你睇吓揀K你仲有咩其他考慮因素.


多謝你提出呢個問題等我留意到K比PN雜費貴咁多.個人覺得PN真係好抵讀,所以都冇諗雜費會差咁遠.