16網小一 2015/16 大作戰

LSLC

其實黎緊678月會有好多學校辦open day比黎緊小一選校嘅家長了解學校環境教育理念等。
我上年好彩遇到有心家長係呢度帖文列哂16綱各校嘅開放日子，今年唔知會唔會有，但可以進取d上校網甚至打去學校問開放日子。
因為以我的經驗係一定一定要去睇下聽下。問周圍嘅人邊間學校好唔好，個答案可以係相反。咩叫好，人地覺得好唔代表你都覺得，係真架喎。我上年有去人地覺得好嘅學校，但我去到覺得唔係我杯茶，入到校舍已唔舒服，果日嘅安排又唔覺順利恰當，校長教學理念我又唔認同，咁我好慶幸我有去了解左呢間學校，咁我咪唔洗考慮囉，唔洗心大心細囉。到最後，我深深感受到嘅結論，真係冇話好唔好，只係適唔適合。但我當日眼見，絕對有家長好鍾意呢間學校，好認同辦學理念，所以話，一定要親自去感受下。