收到15/16 K1offer 既媽媽

sunnymama2

我覺得阿仔做到9成9的野囉。有條老師指住個酉蘭花問佢咩，係唔知，仲不停反問老師呢個係咩黎，好有為什麼精神

sunnymama2

Mag223 發表於 14-11-19 23:33
我仍考慮留位費中，因朋友大女細女讀緊，冇可口非是Happy School(彩用IB program), 老師有愛心，但聽完大女 ...

但根德SC都總有小朋友全軍覆沒喎。你不如睇吓佢網站的升小成績，用學校計，有8成直私都係band1，我又覺得幾好。

sunnymama2

cuereheart 發表於 14-11-20 07:14
全軍覆沒這麼慘？係乜原因？其它小朋友多此種情況嗎？

冇錯，都要睇埋其他小朋友的情況。

sunnymama2

Mag223 發表於 14-11-21 22:45
阿妹個同事係咁講，做咩考呢間！
程度非常淺，冇功課，俾佢同事彈到呢



  ...

佢會唔會混淆左另一間啟思？？啟小附幼幾乎英普教學，語境一定好，另外，佢最近一年的升小考直資成績好好，你有冇上網站睇過？
唔好介意我咁講，如果你唔鐘意啟附幼，就唔應該留位，大拿拿$1200喎！你對學校咁猶豫，即使他日你小朋友入讀，你都會唔開心，成日後悔點解當初。。。

其實啟附幼學術一定比其他名幼淺，佢的與眾不同之處就係真正活動教學，經驗學習，少抄寫。我仔仔係個成日問點解的人，我答佢問題答到口軟，有時答到冇得答。因為咁，我傾向啟附幼，覺得學校可以滿足佢的好奇心。唯一令我卻步係如果升啟小學費好金，傳統小學就平d。不過，我同c6都同意如果仔仔讀啟幼真係好好，可以啟發思考，可能會升埋小學。

其實唔好介意人地講咩，要諗吓你想比咩教育你小朋友，你小朋友最適合咩教育。學校收你小朋友一定係老師見到你小朋友身上某種特質適合學校的。

利申：仔仔讀緊的pn應可直升，另外都有SN AM offer。但仔仔7成會讀啟附幼。

sunnymama2

ilnay 發表於 14-12-13 00:26
請教：另一個post有家長問左學校，一班45人。讀緊既家長可以分享下，實際情況嗎？thx



  ...

45人多得不能接受喎，如果係真，大家同唔同意一齊向學校反映吓？講明先，我唔係麻煩投訴家長型，但我覺得學校可以分多d班或者停止收生？如果真的45人一班，可能唔讀啦