請問大家＂新寶城翠茵＂和＂藍田迦南＂邊間好D？

chau_mandy

Hello rognfan, 我阿女都有新都城翠茵（半日am）和九龍塘迦南（am)offer。為咗俾阿女打好語言基礎，我諗迦南不是我杯茶。加上翠茵就在我屋企樓下，唔駛搭校車，阿女不用周車勞動，輕鬆好多。除非有更好的offer，否則都係翠茵吧！我嘅目標係阿女可以入到一條龍、學費唔好太貴的直資學校。

您仲會唔會考其他幼稚園？今個星期我會見蘇浙，下星期樂基，遲啲會試埋SC,KM,LH。

另外，其實我好想阿女可以喺下年二月開學（佢係1月大B），插班PN下學期，但係間間都話冇位，好失望！

chau_mandy

Hello littlestar_2009，其實兩間翠茵都收咗我阿女讀am國際班，我最後㨂新都城，因為我住在學校樓上。但聽聞，真係聽聞，沒有甚麼數據⋯支持，坑口嗰間好似⋯好啲啲。坑口係雙班主任制（我阿仔以前讀坑口翠茵），但係我問新都城翠茵，佢答我只有一位外藉老師做班主任。不過，論學校環境，雖然兩間都係商場學校，新都城感覺光猛、新浄啲。

您仲有無其他offer？或者會唔會再報其他學校？大家不妨參詳下。

chau_mandy

Hi littlestar_2009，其實阿仔喺翠茵只係讀咗9個月，因為佢係10月細B。離開翠茵時，雖然佢未能用英語同老師對答，但係老師講嘅嘢佢全部都明，程度唔錯。至於普通話，就相對比較弱，近乎零。阿仔依家喺一間有學卷的學校讀緊K2，語文程度絶對比不上翠茵。

剛剛收到綠茵的取錄信，我都要打去問下會唔會俾阿女今個下學期插班。

chau_mandy

Hi cclmami,
請問您同新都城翠茵的老師或職員是否相熟？可唔可以幫我問下，係唔係真係唔收本年度下學期插班生呀？我之前都有問過，佢哋答我今年唔收，唔知係咩原因。聽您講，下午班只有~20人，照計應該可以多收生吖！？我囡囡係1月B，真係好想俾佢早啲開學。如果可以的話，可否幫我問一下。萬分感激！