升上中一脾氣超臭

Woomingling

仔升上中一特別下學期後， 下下大大聲同我講野， 語氣極差， 有時好好聲氣叫佢埋位食飯， 叫佢沖涼， 收拾下書檯， 房等等， 一係十問九唔認， 一係大大聲fu氣咁回認我， 尋晚我頂唔順， 終於大聲過佢， 狂掃佢， 佢即時眼金金望住我...一粒聲唔咁駁.。我真係好嬲， 日頭要返工， 返工又要煮飯做家務， 佢唔幫手之餘仲要受佢氣。

Woomingling

無意中睇倒fb佢班同學嘅對話， 討論大家嘅媽媽點癲，好似返咗成日學返嚟打下機又唔得， 成績冇之前咁好， 只係退少少步又癲.....關電腦做功課又屈我打機， 係屋企冇空間， 唔開心等等。我睇完都心寒， 原來佢地唔覺得自己有問題， 喜歡做乜就要做乜， 大人要就哂佢， 否則就係大人迫佢地，唉唔識點教。

Woomingling

咁就好大家可分享下， 好幾次都俾佢激到眼淚水都標， 叫佢做東就做西， 講乜都駁咀，問佢有關學校情況， 一定答我唔知， 冇野發生..... 當正我係佢仇人。為咗咁朋友都提議我，在最嬲時就自己落下街， 食最想食嘅野， 買下野， 總之要離開現場， 之後等大家心情好d就傾下，希望可以多點了解對方想法， 最緊要俾佢知媽媽有幾不滿。

Woomingling

希望有用啦， 我自己正慢慢學緊， 明白唔可以再硬鬥硬。大家一齊努力😜

Woomingling

咁火爆， 究竟佢地當父母係乜？仇人定只當係供三歺一宿嘅工人。

Woomingling

我果件成日撩我開火， 就算好聲好氣同佢講野，佢都當我仇人咁。只好忍，忍，忍.......，現在做人父母真艱難， EQ要有番咁上下高先得。

Woomingling

我會同佢坐底慢慢傾， 要佢明白讀書係為佢自己將來， 不屬於任何人的， 讀幾多都係佢自己所擁有的。將來條路由自己揀定人揀你，分別有幾大，我已經唔再迫佢溫習， 以佢明白為先。

Woomingling

我仔都會同你仔一樣， 但我嘗試緊盡量唔火爆，用朋友角色不段提醒佢， 同佢傾書讀得唔好對佢將來有咩影響， 讀得成又可以多些機會做自己喜歡做嘅野（當然開始時佢唔多受， 但傾多幾次佢又好似明白咗， 最緊要願意同我傾心事）。為咗要佢知道自己有幾多野等緊佢溫，考試前我會要求佢做溫習時間表， 計劃每日要溫乜，每日同佢review（用溫和態度）, 從而佢會明白自己溫書嘅進度。另外，我會買多些佢鐘意食的零食陪佢溫書， 溫得耐叫佢聽下音樂（佢至愛）,我咁做目的是俾佢知媽媽鼓勵緊佢溫書， 支持緊佢。 其實我自己都諗咗好多方法， 暫時覺得呢個最work, 明白中一生仲可以輸，只要唔留班就得。 成績唔係最重要， 最重要是養成有自律， 負責任及自覺去讀書嘅人。因為上中二我地唔可以再咁跟， 再唔放手根本唔太可能。

Woomingling

我打佢手機， 因冇家用電話， 同佢講唔夠兩句就話要收線，一係打幾次先聽一次， 每一次解釋都係聽唔倒電話響， 語氣更唔太好。我見佢呢牌有溫書， 我就算。但都是待考試結果出， 才同佢好好傾計。其實除咗讀書， 我覺得處理佢行為同態度仲煩， 覺得我似佢女朋友咁， 成日問點解唔聽我電話又唔覆番我， 依家去到邊，做緊咩.......唉，如果係女朋友一早飛咗佢就唔駛咁煩！

Woomingling

尋晚同我講今日係普選大日子要去銅鑼灣（佢對政治很有興趣）,我當然唔想佢去，點知佢發癲又吵又嘈， 今朝連電話都唔聽。唉！真係唔識教

Woomingling

佢份人一向冇交帶架，電話唔接放學去邊又唔講。尋晚佢問我時我話， 你份人咁冇交帶， 成日叫你放學打俾我， 同同學去食野講我知， 你都做唔倒， 我再俾你去街你未會更過份？點知我話都未講完， 佢即大吵大鬧，我都呆一呆。你說我可以再同佢講乜？？？

Woomingling

但之後見miss call都唔覆，今朝仲話唔想聽我電話， 你話點教好。

Woomingling

呢代人成日覺得父母，社會是應份對佢地好，無同理心。