16區的選擇

happy_lavender

回復 eviza_snow 的帖子

操得多當然熟，但必定要過腦，不然就只是白做，低年班死記可能還有用，但上到高中及大學一定唔得，只要題目稍稍變動就可能唔識(以前最驚係open book exam，畀你睇住書都要諗一餐飽先落到筆，但多數唔高分)。我是以前基灣下午校的畢業生，記得當年已是8、9樣功課，如果現在也是差不多，應該唔算谷啦。

happy_lavender

回復 JL3 的帖子

我以前去圖書館係睇女仔咋喎，另一個原因就係圖書館廣播嗰把女聲好好聽，聽到上咗癮！亦見過有D人瞓覺，佢有無了解過係咪真係如佢所想架？

happy_lavender

回復 JL3 的帖子

還以為去公共圖書館，原來係自己學校的圖書館，咁應該好好多嘅。

happy_lavender

回復 JL3 的帖子

喺公共圖書館又點會無女仔睇呢？

happy_lavender

回復 bobbob 的帖子

係呀！以前考試期間每逢遇見藍天白雲，總覺得困在自修室溫習實在浪費了好天氣。

happy_lavender

回復 eviza_snow 的帖子

老實講，當年自己做學生時，我的印象中學校甚少教規矩，反而聽得最多規矩是訓導主任代課的時候。最近上緊一些家長講座，強調家長在品格培育上的責任遠較學校大，但學校或同輩對小朋友的影響卻又遠較家庭大，所以必須雙方配合，不能只倚靠其中一方。

happy_lavender

回復 Charlotte_mom 的帖子

我讀小學時，還可以體罰，記得當年在操場早會時，D犯了校規的同學，要排隊給校長用長鐵尺打手板！有個公認為全校最「曳」的同學有次打架，被校長粗暴地抽著耳仔拉出來公審！在這種軍校式教育下，咪一樣大把同學講粗口、打架及賭錢！無奈仍然有人buy呢套！大陸有，連美國都有此趨勢！

happy_lavender

回復 eviza_snow 的帖子

粗口就真係好難完全避開，周街都有人講，細路學嘢又快，想佢地唔識都好難！我較著重看行為背後的動機，無知、刻意引人注意或惡意駡人的處理方法完全不同！若在未知原因前便胡亂找個「聽人家說」的辦法處理，就十成無效！更有機會帶來反效果。我在上了8、9個心理學課程、家長講座及工作坊後，總算領略了一些端倪。
首先，每個行為背後都有動機，小朋友也不例外；處理偏差行為前必須了解動機，否則無得搞！

第二樣要注意的是大人自己的態度，原來很多時是小朋友不喜歡大人處事的態度，便作出激烈的行為以作投訴！我在阿仔兩歲時便有過慘痛的經驗 - 當時還有印傭，正遇到阿仔抗拒飲藥水的問題。最初就是聽同事講，強行灌藥！誰知一個人仔的反抗力大得三個成年人也捉不住，就算勉強灌進口中，阿仔也會吐出，最慘係佢會喊到嘔！真係好似打仗咁！幸好當時仍記得上家長課學過的知識，猛然醒覺方法有錯，便上網搵料！當晚便看到一篇有用的文章，知道是態度錯了，當然方法也要改！最後便將藥水加入奶中，再告訴阿仔是汁汁，哄他飲；結果問題即時解決，阿仔從此很愛飲藥水，我們也逃出戰場！多戲劇性啊！

另外還有極多技巧，但你必須先了解小朋友的性格喜好，才能找到合適的方法！

所以我奉勸各家長在為仔女報大量課程以前，先為自己報幾個家長課程，學一下如何當個稱職的家長。

happy_lavender

回復 TimTimbaba 的帖子

我最近上了兩個講座及一個工作坊，是由中文大學與教育署及學校家長會合辦的，你可向小朋友的學校查詢有否類似的講座/工作坊；你亦可到香港教育研究網頁看看，研究所會主辦一些講座予公眾人士參加。

https://hkier.fed.cuhk.edu.hk/seminar/

中文大學和浸會大學都有短期家長培訓課程，你可到其網頁查看一下。

浸會大學的收費短期家長課程：
http://www.sce.hkbu.edu.hk/future-students/part-time/early-childhood/list-course.php

中文大學的免費家長培訓課程：
http://www.fed.cuhk.edu.hk/~tdspld/parent-course/pamphlet.pdf

協康會的收費家長講座及課程：
http://www.heephong.org/webprod/cht/courses/training-for-parents

教育局亦有些免費資訊提供：
http://www.edb.gov.hk/tc/student-parents/parents-related/parent-info/index.html