不同agent是否有不同校網？

katrinafu

egg.plant 發表於 19-11-21 11:38
英識網頁有好多學校推介，我仲未諗掂幾時考ukiset，佢地d consultant好唔好？
...

放好多學校係網頁 ，同比好多學校你選擇是兩回事 ， 一個marketing 手法 。 係度見唔少家長Post出來School list ,都大概知是邊間Agent 比 ， 來來去去都係嗰一堆學校 。

你講呢間我比哂成績表， 比了School list , 個顧問話好忙 ，因快結婚， 你孩子都係明年先入學， 我忙完再幫你跟 ， 結果係完全冇覆過我。

另一間主打英國的X倫 ， 一上去就說要考了試先 ， 考完比School List , 考完出來我女話大部分都唔識做 ， 問返Agent ,  她說正常唔識的，你小朋友先得小五， 我哋份卷 讀中五都係同一份 ， 可以比School List你先 ，但都建議考Ukiset先就最好， 當年 更加少學校要求要考Ukiset 。

後來再上多3間升學中心 ，選定了一間我認為跟進得好的，而比我的School List是滿意的 。

找邊間升學中心唔太重要，重要是個顧問 ， 找多幾間做對比 ， 多問一D問題， 睇下他們跟進與回覆 。

有幾間升學中心都做了一D英國中學 的名冊和介紹， 拿了回家再睇下 ，睇成績、學生人數 ，寄宿生比例， 科目選擇 、 學校地區 等 。 再上網睇下學校評價 。 隔山買牛 ，家長要做多一點功夫 。