兩年前, 6月的某日................

hinhinmummy

兩年前的6月某日

軒軒剛做完評估, 日期吾記得, 可能係我個腦, 該意去忘記果日的正確日子。

回想呢兩年, 要引用張學友某首歌其中一句歌詞「這麼近, 又那麼遠」。

兩年前, 比醫生評估為「自閉症, 佢依家比四幅牆圍住, 佢呢一生, 你要陪佢行一條漫漫長路」的小朋友, 兩年後, 經過不同的治療, 又係在6月, 忽然之間, 帶給我同我老公的驚喜, 令我們諗起, 甘快又兩年, 兩年真係好似過得好快, 又好慢, 又充實……………………..

1.        星期六, 我中學同學和她的男朋友黎我屋企探我, 入門口, 軒軒叫我同學做姐姐, 跟住叫佢男朋友做哥哥(個哥字個音細聲左), 跟住再望下個哥哥兩邊白髮, 改口叫叔叔………跟住引來大家的笑聲

令到我們開心的原因 : 係因為軒軒識得分辨特徵, 去自己衡量, 叫哥哥定叔叔

2. 又係同一日, 同一班人

我 : 軒軒, 哥哥肥吾肥? 哥哥瘦定肥?
軒 : 瘦 (事實真係好瘦)
我 : 甘姐姐呢?
軒 : 姐姐肥(都幾肥, 但吾係好肥果隻)
我 : 甘姐姐肥d, 定媽咪肥d (我肥過同學好多)
軒 : 姐姐肥d (還要陰陰咀笑住答)
我 : 甘姐姐靚d, 定係媽咪靚d?
軒 : 媽咪靚d

呢次, 係因為軒軒識得’講善意的大話’黎氹我開心

3. 星期日, 父親節, 一早, 軒軒拿住係學校的制成品, 一幅畫, 爸爸, 得個圓頭, 5枝豎起的頭髮, 兩點眼晴, 一點鼻, 一個圓形咀

軒 : 呢個比爸爸, 6月18日父親節
爸 : 軒軒畫架
軒 : 係…………….5月母親節, 過左, 6月父親節

呢一刻, 好感動, 諗吾到兩年前一個音都無的仔, 居然可以兩年後, 分辨到時間日子, 還可以畫一個人型晝送比爸爸…………………………………..

4. 呢排軒軒鍾意聽故事, 臨訓前, 一定要我講故事, 尋晚, 講左一個兔仔袋鼠分青蘋果的故事, 講完之後訓覺, 係樹同佢傾下計, 問返, 媽咪頭先講左乜野故事比軒軒聽?

軒 : 兔仔袋鼠青蘋果……..apple

我果一剎那, 好驚喜, 因為我一直的宗旨係, st, ot, pt都未攪得掂, 係吾會教佢英文, 但無諗過佢會彈一個apple出黎, 心怕, 佢吾知apple = 蘋果, 如是,再問

我 : apple 即係咩黎架?
軒 : 蘋果

即係佢有個概念,  中文同英文的分別,

我 : 邊個教你apple架?
軒 : ………………….吾出聲
我 : 係吾係x先生(都知吾會, 學校還教緊d好淺既野)
軒 : 吾係
我 : 甘係姐姐(工人)定係家姐呀?
軒 : 姐姐

甘我即刻問家姐, 係吾係你教? 家姐話吾係

問工人, 工人話係佢教

即係……………識得講返之前發生的事……………..

以前幾樣野加埋, 令到我尋晚訓吾著, 成晚係樹諗, 兩年前比醫生評估為差吾多serious a 的仔, 兩年後的今日, 有著明顯的進步, 如果當日我放棄, 比醫生一句自閉症而打沉, 就無今日的軒軒

希望新朋友/舊朋友, 大家一齊努力, 奇蹟. 係吾會出現的, 但只要努力, 一定會見到成績…………..加油!

hinhinmummy

講漏左

兩年前, 醫生講到軒軒係一個無感情, 自我封閉典型的自閉症小孩, 今日的軒軒, 係社交, 大小肌上都係差, 雖然比係正常的小朋友還有一段距離, 但係絕對吾是一個無感情的典型a仔, 我真係好想返去mok醫生棚牙

所以, 希望新朋友, 吾好太介意醫生評估的醫學名稱, 亦吾好比呢個醫學名稱嚇到, 大家努力, 見到成績之後, 返去mok醫生棚牙, 等佢要去整假牙

hinhinmummy

YIBB

我個仔4歲半, 20個月未識講野, 亦未必一定係自閉症, 吾好比我們呢樹d媽咪嚇親, 但有懷疑, 建議你盡快帶bb去看一個私家兒科醫生, 同佢講你的憂慮, 叫佢寫紙比你refer你bb去評估中心做評估(要看你住邊區), 通常要排起碼4個月先會見到醫生, 到時bb已經2歲

吾叫你帶佢返健康院, 係因為d姑娘通常大事化小, 小事化無, 叫你再等幾多個月, 看下點, 然之後幾個月, 又再返去見姑娘, 先再安排見醫生, 比起去私家醫生的時間要長

係呢段時間, 你嘗試自己係屋企, 同bb講多d野

hinhinmummy

稚言治語

呵呵, 真係吾能吾佩服你的好記性..............成年都還記得...............

人大左, 又老一年, 特別多感觸, 尤其每當軒軒訓著時, 望下, 佢的身體漸長(高), 巴口同其他智能與年紀吾配合, 個心就會酸, 所以, 真係要搵d 值得我開心, 鼓舞的事黎鼓勵下自己, 令到自己振作起來, 繼續努力

hinhinmummy

好多謝各位的祝福, 我會keep住努力....................

kawai

其實心中一直對果次評估醫生/姑娘的態度耿耿於懷, 當我步出醫生房, 已經雙眼含淚, 忍住吾喊, 軒軒又吾知走左去邊樹, 佢地居然可以無人幫我看住個'自閉症'的仔, 有得佢四圍走吾知去左邊, 又捉住我同我講野, 比左兩張a4紙我, 話係internet print出黎比我看, 乜野叫自閉症

當時第一個反應係, 將兩張紙摺埋, 放係袋, 返屋企慢慢看, 去搵左個仔先, 跟住佢即刻話, 呢兩張紙我架, 你係樹看啦, 再吾係internet都有好多關於自閉症的資料

果一剎那, 即刻想講粗口鬧個姑娘, 你無a4紙, 我送一箱比你都得, 駛吾駛對一個岩岩比醫生評估佢仔係自閉症的媽咪呀?

跟住又話幫我約乜乜物物檢查, 又話約社工, 但完全無解釋比我聽, 見社工的目的係排s位, & s位好難排, 越早排越好, 卒之我係個心情惡劣之下, 收埋自己成兩個月, 7月底先去養和再做評估, 從醫生口中知道要見社工先排到s位/eetc...........叫我盡快去搵社工(都吾係社工搵我tim)...................



最近覆診, 見返果個姑娘, 佢見到軒軒拿住架thomas, 即刻同我講, 吾好比佢玩車, 我話, 佢吾會玩車輪, 點解吾好玩車?

佢話, 佢地呢d仔, 總之吾好比車佢地玩............

乜野叫做呢d仔? 又解釋吾到乜野原因吾好玩車? 吾通吾好出街? 出街都有車................

hinhinmummy

呵呵, 吾知係吾係要比d 驚喜我呢, 評估中心岩岩打比我, 約軒軒下個week返去做自閉症評估...............從來無人同我提過要做呢個評估...................

我問姑娘做乜要做呢個評估, 佢話因為醫生叫軒軒去做黎緊7月個講座的白老鼠(case study我諗係), so 佢地要做過評估先, 了解個小朋友, 先得..............甘我話係吾係吾做白老鼠就吾駛做評估, 佢話等佢問下先

問完返黎話, 去吾去做白老鼠都要做呢個評估, 但係因為7月有講座, 先比我們早d去做評估.........問我係吾係吾想去講座.............

請問, 有無人知, 呢個所謂自閉症評估係乜東東? 值吾值得去做? even講座又值吾值得去呢?

上次聽個醫生講, 個講座係吾知邊樹請左d專家黎, 向評估中心 d 醫生 & 專業人士, 了解認識乜野叫自閉症, 值吾值到去搏一搏?

我怕.................又試一次6月的某天..................

hinhinmummy

資料吻合.................甘應該係

無論點都好, 醫生已經label左佢係自閉症, 我吾期望會有翻身的一日, 無可否認, 軒軒係有自閉症的特徵............poor eye contact一定走吾甩, speech delay 又走吾甩, 加埋d 濕濕碎好似特別like數字, 文字形狀呢d, 自閉症呢個label看怕吾會走得甩

再者, 我係好想去學習點樣同軒軒做training, 之但係.........全場英文..............平時叫我普通應對溝通都ok, 之但係, d深入醫生/專業名詞我吾掂, 去到=遊雲, 我今晚會同老公再商量去吾去好...........

問多句, 呢個評估, 係吾係遲早要做? 同埋通常會係幾多歲會做?

hinhinmummy

稚言治語

多謝你的解答, 但同老公昨晚商量後, 吾會去研討會同埋評估啦, 吾係驚接受吾到現實, 而係因為我同老公7月頭會請兩個星期假, 依家姐姐放假, 又買吾到機票, 可能要提早比佢走, 到時又多請幾日假, 吾好意思再係月中又請假呀我, 老公呢, 比較難請假, 呢d暑假, 新年, x'mas 佢地爭bon 頭, 果兩個星期假真係搶到返黎.................

hinhinmummy

nicolemummy

呵呵..............個紙箱, 實在吾需要記甘耐, 好閒的事, 都係舉手之勞, but..............兩年前架啦.............真係時光飛逝, 甘快就兩年

搬左新居, 住得慣麻?