林護中學

ohnono

NurseSally 發表於 13-12-6 13:36
Yes! 上智乙部有90 多個位！

機會好似大了，但大抽獎純靠運氣，大唔等如隨機號碼好，黑起上黎乜事都會發生。還掂兩間都係咁鍾意，不如從另一個角度諗，深水埗你還有第二、三志願的考慮嗎？葵青有沒有第二、三志願的考慮？好難得可以有轉區的機會，真係要諗一諗。

ohnono

林護都唔知點解，真係聽都聽唔少葵荃家長講頭三都唔得，最終又係去返荃官。
可能真係太多人揀林護，或者正如你們所講，林護真係喜歡收外區生。

亦可能林護在自行時收返唔少自己聯繫小學的學生。上面家長講兩間聯小已經有70個學生去了林護。扣除22個聯繫位，一係全部餘下的非保留位都比佢地抽晒，否則絕對有機會林護在自行時已經收返部份聯繫同學。

自行位已經少，而家重要買少見少，係d咁top嘅學校之中，可想而知要在自行成功真係幾困難。

ohnono

NurseSally 發表於 13-12-6 15:09
葵青2蕭明，3保祿，搏女校？！

反正你小朋友又係band 1頭的成績，轉區都唔駛驚跌band。還有，比較返上一兩年的學位情況，葵青區內的band 1人數跟band 1學額較接近，相反深水埗的差異較大。除了有一部份轉區的同學走了之外，不過如果以區內每年穩定而這麼大的差額，這只反映出區內band 1同學較多跨區而又成功的情況，否則深水埗區內應該有更多原先是band2的中中學校可以升band了。
這兩年又有新來的訪客 - 英華，都會吸左本區或鄰近區域的一班女仔去。如果唔考慮英華嘅，專心林護都可能有機會。

ohnono

NurseSally 發表於 13-12-6 15:13
好似仁立老師愛教同學報陳兆民，少咗DD同學揀林護，因林麻麻地想收双仁？！



  ...

睇派位數字最實際。

ohnono

chocolatebear  唔係, 林護自行時係收極小聯繫生. 因為聯小可靠抽入  發表於 1 小時前
-----------------------------------

林護22個保留位+53個否非保留位，即是73個位。兩間小學如果全數以抽獎進入林護的話，這會用去70個位。咁只餘下3個位是給外校生抽到，真係唔知係少人夠膽報定唔好彩的多。

除非林護用了叩門位收了兩間聯小的學生，但林護又講到明要全級考第五名之內的才考慮。如是者，咁我又唔明又唔會相信點解林護要冒這個險，係自行時唔收兩間聯小頭五名之內的同學，攪到佢地抽獎又抽唔到要靠叩門返入林護！

ohnono

chocolatebear 發表於 13-12-6 17:39
如有興趣LW, 就要將 1 & 2 EXCHANGE. 因為YW 收既機會極高. LW 想收你都收唔到.

建議你: 自行 1 LW 2 YW ...

如果係英華收既機會極高又唔怕去，起碼呢幾年佢都唔會走住。起碼英華絕對唔會用催谷同學的方法，以傳統歷史悠久的中學來說，英華真的是不錯的選擇。我反為止覺得，不是兩間學校的先後問題，而係勉強將這兩間放在一起，確是有點風險。我既立場係兩間都唔容易，或者二擇其一，而英文好的話，就將第二選擇放HTC。

ohnono

原帖由 NurseSally 於 13-12-06 發表
即林護自行階段會盡量少收聯繫生！

我地從平常心去睇，兩仁都只不過是林護的聯繫小學，不同直屬的可以收到6成自家同學，只得22個聯繫位，所以自行時收返10零20個兩仁同學絕對正常不過。我又晤相信林護會亂咁收，始終兩仁都有返咁上下，淨講排名次第都唔會輸蝕啦。

ohnono

NurseSally 發表於 13-12-6 20:03
即林護自行階段會盡量少收聯繫生！

我就覺得林護唔會盡量去少收聯繫生，至少都會睇排名次第、面試表現來決定。
當然林護唔會抗拒兩仁的同學，點解會咁，林護跟直屬學校真的有點不同，如果一般直屬學校，舉個例，聖若瑟書院，佢地有99個聯繫位，有時d band 1生多得滯，真係自行時會收返d，所以我地上年有家長都話會排兩條龍，不過佢唔小心爆左佢個收條號碼出來，又比人quote左，想刪都刪唔到，唔知最後可唔可以入到St Joe喇。又舉多個例，MCS，我之前估話只得54個街外生，今天又有家長話會少個50添，99個直屬位跟本都不足夠，中學重話要向小學保證收多29個學生。你睇下，果d學校不斷用直屬額以外的學額去收取自家小學的學生，我估一方面真係有迫切的需要，另一方面就真係對小學的老師、同學甚至校長所付出的鼓勵和獎勵，學校有今天的成績，是大家一起創造的奇蹟。

講返林護，兩仁在栽培幼苗方面，下了不少苦功，但每年得22個位給他們著實對他們唔公平。試想，誰會願意甘心為他人作嫁衣裳，不只是今年，還有明年、後年，一路落去，直至有一日斬纜，才可如釋重負。

我見到上面有家長話仁立的老師已費盡思量為同學安排次序揀選林護，希望不要令林護失望。雖然都可能只係一廂情願或最終換來痴心錯配，我諗仁立的老師都情至義盡了，起碼對林護無悔。因此在情，林護不會毫無戀意；在理，林護也應以排名次第來一個公平抉擇才對！

林護怎樣去收生自有其標準，但我唔會刻意說少林護收聯繫小學的數量，亦無必要跨大。道理的背後絕不是憑空捏造，也不是嚮壁虛構。選唔選林護就由家長自己去決定。

ohnono

vestzs 發表於 13-12-6 23:54
回覆 moniquechoy 的帖子

其他小學d老師邊會叫個個B1生都報林護架? 多人報第一,中獎人數實多過其他慨

老師唔叫，家長自己都會報。林護每年收成600幾700份自行申請表，兩仁跟本是微不足道。

ohnono

NurseSally 發表於 13-12-7 08:03
Ohnono, 為何自行放英華和林護一起有風險呢？

將兩間這麼頂尖學校放在一起，如果兩間都唔得的時候，以band 1頭同學要玩靠運氣的大抽獎絕對係唔化算。
隔離版都重講緊九龍城英小頭10連喇沙的second in都冇，又講到頭三都入別到華英，最終派去陳瑞祺。我並不是想刻意隱藏這些同學可能有弱項，但在一山還有一山高的情況下，你的強項也有人會比你更強。

如果有人話你入英華的機會好大，為免夜長夢多，我勸你真係要填英華第一。林護的成功例子係有，但始終林護的失敗例子都唔少。

不如舉多個例子，有人話皇仁和喇沙係dream school，但如果你夠膽將兩間學校放在第一、二志願的話，咁唯有聽天由命。喇沙從來就已經唔易入，學校要照顧一班讀書尖子，又要照顧一班運動精英。皇仁我自己都聽、睇唔少第一的同學都入唔到，第三又贏第二，第二又贏第一這類情況！

你今天考第一，本來就係值得恭喜的事。但因為活動的獎項不夠人多，或面試不夠人積極、不夠人進取，最終都可能功敗垂成，誰敢言穩勝！

選兩間有少許差異的學校作第一、二選擇，第二選擇既可避開那班尖子又可增加自己的贏面，值得考慮一下。講真，如果自己真係天下無敵的話，第一志願已經中了，對嗎！

ohnono

apsm 發表於 13-12-7 16:39
今曰去完簡介會，

自問囝囝自行入到机會好微

有沒有去其他同類型的學校聽簡介會，可能都會有同一感覺。

ohnono

alanwong238 發表於 13-12-8 15:35
陳校長可能係製造緊一個辛苦既預期，只要現實比預期舒服，大家都讀得開心



  ...

先旨聲明，校長講出預期的目標，總好過比太多美好的憧景，原來卻浪費了六年光景。若果大家同學的目標是進入大學的話，林護可以好貼身比到你呵護。校長已經親身示範了，找學校前先訂下目標，不要選錯學校。浪子還可以回頭，時光卻不會倒流！