請教填表甲,乙部問題?

ohnono

cheukmanlai 發表於 13-7-31 19:07
甲部所填的是獨立的一條隊,乙部又是另外一條隊嗎?

例:一個BAND2學生在甲部沒有填A中學

如果跟據樓主你既描述，band 2同學派到第十志願才可派到的話，一係估錯band，以致第一至第九的志願都派不上。另一個可能係這名band 2同學沒有考慮選校策略，總言之將區內和他區的band 2學校全部依自己的喜愛程度依次盡填，當第一志願派不了，第二志願又可能已經係人家第一志願，第三、四以後的志願又係人家較前的志願時，你好難會爭取得派位，於是越派越後。
如果這個band 2同學是屬於band 2造尾的同學，估錯band的機會都幾大。而又如果這名band 3同學是屬於band 3頭時，亦有可能因為估錯band而其實是band 2生，憑乙一獲派A學校。有時甲部能成功都幾難的。

ohnono

cheukmanlai 發表於 13-8-1 00:03
感其實小學告知學生的banding 係咪一定準確，定還是學校會保守一點，將邊緣人告知低一個band 呢？



  ...

最慘係學校都唔知係錯定對。若錯的，錯係那一個同學度，因為呈分名次經調整後，三次呈分後最終校內考50的，可能變成排47，而考45的可能變成排49。於是考50的就會排得考45的前。如果學校實得47個band 1同學的話，考45的同學已變為band 2而考50的則仍然是band 1同學。

有幾方面可以令學校出錯的：
間接原因
1. 學校唔知同學每一次經調整分調整後的真實名次和獲得的分數，而教局就係會跟據這三個分平均後去排名次的。學校只能用標準分來計算，每一次都有偏差。二次呈分之後的偏差更大，三次之後已經亂晒龍。

2. 個別組別學額多個學生的地區特別容易估錯。因為老師都係跟據以往的派位結果來推算。校內不同年份，但相同名次的同學，學校就會以此作準則。如果因為band 1學額過多，上年校內名次考50的band 2(其實學校係唔知個別同學的真實banding的)同學仍可派入band 1學校的時候，老師有可能就會以此作參考，將今年校內名次考50的同學同被列為band 1同學。


直接原因
3. 學校保守和進取都係估錯band的原因。保守的，會將邊緣人的範圍擴大，但家長好難發現，因為同學已有心理準備派下一個組別的學校。若真的派下一個組別就當自己是下一個組別好了。相反進取的就是將上一個組別的同學數目擴大，或者將應有的邊緣範圍都列作上一個組別。不過通常進取的學校一般都有信心同學可以在叩門時，減少了banding的考慮而可以叩回上一個組別的學校。

ohnono

cheukmanlai 發表於 13-8-1 01:55
回復 ohnono 的帖子

其實係阿仔E次既派位結果,令我有E個疑問的,

每個可能性都有。
先睇同學仔派第三志願大雄，而你填大雄第一卻派唔到。
如果同學仔本是band 1但因為學校太保守，將之說成是band 2，那麼他揀的第一間學校都是band 2的話，咁佢派第一志願的機會就好大，絕唔需要等到第三志願。除非佢當自己係邊緣人，揀左band 1學校放第一，熱門的band 2A學校放第二，咁先有機會派到第三志願的大雄。但跟據你的資料他是被告知是band 2，咁band 1同學抽band 2學校，應該第一志願已派到了，無需要等第三志願了。

由此推斷，這位同學應該唔會係band 1當作band 2，而其實佢真係band 2。

當跟據以上的推斷後，得出同學仔是band 2的機會較大時，咁樣他可以第三志願派大雄，照推算，如果你小朋友是band 2的話，第一志願沒可能派唔到去大雄。

講返校內名次跟banding的關係，最大原因令老師估錯banding的係學校只能用校內分數來排列。所以我地唔應該用校內名次來跟同學比較。一次呈分都可能有好大分別，何況兩次，還有第三次。特別是三次的名次差落大的同學更加要小心！

ohnono

dis398 發表於 13-8-1 15:04
先睇同學仔派第三志願大雄，而你填大雄第一卻派唔到。

單是計乙部同學仔派第三志願大雄,就可以知道同學仔b ...

就係因為咁，所以樓主會認為派入大雄的同學是band 1，自己小朋友是band 2。而派入大雄的同學是老師保守，所以將band 1當band 2。

正如我上面講，如果這位派入大雄的同學是真band 1而被誤導成band 2，那麼他最壞都只是會被派到第一間選擇的band 2學校。除非佢第一、二志願都唔係選band 2學校，否則應該唔會派第三志願的大雄。

ohnono

cheukmanlai 發表於 13-8-1 15:12
佢那位同學我都認識的,佢被告知BAND2後,第一,二志願都是SSP BAND1,第三才是大雄,我都幾肯定佢被估錯BAND的, ...

之前我都講過這樣的問題，我絕對相信有小學老師和聯同某些中學設辦法將學校的好學生，甚至將高banding的學生集體推介到低一個組別的學校。希望從此將這中學藉著收到高組別的學生而推高成績。
教局既黑箱作業方式發展到今日已經腐化、變質。咁重要既決定，絕不可以輕率，誤導更加天理不容。學校唔老實、資訊又唔流通，私相受受的情況已經蠶食緊這個千瘡百孔的教育制度，唯有迫教局公開同學的banding才可以解決這問題。

ohnono

cheukmanlai 發表於 13-8-1 16:43
所以我先覺得奇怪,因阿仔間小學吾係勁小學,考80-90開始已經係BAND3了,
因為阿仔間小學仲有一情況,就係叩門 ...

比你顛倒重來，你會揀一間怎樣的小學？程度高有利升中？

ohnono

cheukmanlai 發表於 13-8-1 16:55
即如BAND3生甲一中劉皇發的機會很微吧,對嗎?

band 3生甲一中劉的機會比乙一中劉我估計還要低。本身甲部是全港沒有地區限制的選校和派位，相反乙一是本區的他區學校，又得十幾個位，band 2同學選的機會較細或者就算選都會放得較後。一但放得後，就有機會一早已經抽中放得前的學校，於是有位留下給band 3同學去抽。

又恕我多嘴，你地學校d同學選校都幾混亂下。一陣老師講明是band 2組別但又走去選band 1學校還放第一、二志願。一陣又全部band 1/2邊緣人叫去選大雄放棄band 1尾學校或者試唐乃勤。一陣又band 3同學甲乙部去選他區的劉皇發。我最唔明反為止係你將大雄、匯基、張明添全放在頭，第四之後才放莫慶堯。你學校就保守，但你就進取，就算啱晒banding都要派到第十。掉返轉來諗，會唔會將莫慶堯放返第二會好d！


我都覺得好亂，咁又唔怪得之你對學校咁無信心啦！

ohnono

yipcharie 發表於 13-8-1 22:23
我想問問自行分配學位同統一派位是怎樣填？是否自行分配學位果2間和統一派位第1，2排位填相同的？假設自行 ...

自行派位跟統一派位各自獨立運作，各自有學額的數量。如自行時未能用盡的學位將交回教局，由教局在統一派位階段開始前統計好之後，將每區的學額公佈。
自行選校是按自己的意願、無區域限制地選擇兩間學校。各學校將按各自的收生鵯條件收生，而收生條件將會於自行收生前於校網公佈。首志願將會在兩間學校同時取錄時發揮作用，同學將會優先獲派首志願的學校並於7月份時連同統一派位一起公佈。
統一派位分甲、乙部，各自獨立派位跟自行無關。統一的選校亦跟自行時的選校無關，當同學在自行階段已成功被取錄的話，他的名次將於派位時被電腦刪除，不用參與派位，但同學由於仍未知道自行的結果，所以仍需要繼續參與選校的程序。


呈分試是整個升中程序的一個部份，沒有人可以在沒有特殊的理由下缺席呈分試。由於所有自行和統一派位的結果都只會在7月時才公佈，所以同學仍要盡全力參加第三次的呈分試以便獲得最好的banding進入統一派位階段選校。