惡夢 ~ 請指教

Cathyneo

我做左初中班主任成十年，見唔少呢啲case，坦白講，好難醫得番。十個都唔知有冇一個可以變好，尤其是變到好似你親戚囡囡咁，已經開到聲話唔讀，通常做咩都冇用，轉去邊間學校都係死，佢自然會係新環境搵番嗰類friend，係等自然流失，即係等佢自己出社會等社會教。
青少年女仔，如果要變壞，係可以好快同好壞，一個暑假返嚟，已經唔同哂。叫你親戚小心呢個暑假，帶得開就帶開，例如返鄉下一個月。中二既女仔仲難攪，在學校串老師，上堂玩野，(我估唔會，因為佢間學校係英中，唔想讀的同學少，冇人附和佢玩唔到，唯有揀唔返學。所以千萬唔好同佢轉校，唔係有新刺激，死得仲快)放學同啲friend去玩，唔返屋企...
不過以上只係治標唔治本的方法，佢唔肯讀，人在課室心不在，你都係迫唔到佢，最多拖到中三或中五。嗰時會定啲，不過係一個讀唔成書既普通青年人，出黎搵份sales工，再慢慢捱。如果你親戚冇所謂就ok啦！
仲有一個斧底抽薪的方法，送佢去外國或中國既寄宿學校，一定要揀嚴同有口碑，等佢斷哂同香港既壞朋友聯絡既機會，至有機會改好。因為留喺香港，你點24hrs監管，佢都會存在一個諗法，(即係有心癮)可以搵方法聯絡啲friend，唯有離開香港，至係真正解決。

Cathyneo

頭先打左成個鐘，一個唔小心按錯ESC冇左，再黎過。

我係希望家長睇清楚事實，個女仔"放PAIR"已經有一段時間，由小六至中一，仲好清楚講明15歲唔會讀書，唔好期望佢有一朝瞓醒會突然諗通，要重新做人，發憤讀書。
係呢嗰case，父母要想清楚自己想點才決定點做，
1.   父母覺得讀唔讀到書都唔緊要，唔讀大學，會考5科合格都冇都ok，最緊要嗰女唔好變壞變飛女，咁而家就要睇實佢，唔好再有機會俾佢痴班壞朋友。包括手提電話和電腦。仲有睇黎呢個女仔遲啲就會玩唔返學，如果父母都冇佢辦法，試得一兩次，佢睇穿父母奈佢唔何，就連學都唔返。到時中三都讀唔完。
2.   如果父母仲想個女讀書，趁快同佢離開香港，遠離壞朋友，都仲有機既。

我哋有時都呻而家啲細路唔係壞，而係低(低能嗰隻)，佢哋做野唔會諗後果，唔會為前途緊張，可能近年香港經濟好，物質豐富，佢哋咩都唔駛諗，冇錢就攤大手板問屋企，各位唔見啲學生哥用既手機幾名貴，佢哋甚至用 LV、GUCCI做書包。係咁既環境，點解仲要努力讀書。

而家做父母比以前更難，以前有兩餐溫飽已經好好，仔女係咩都冇既環境下，唯有讀書至有出頭。而家由細細個已經要建立良好親子關係，太鬆又驚放縱，太緊又驚反叛。要做到恩威並施，呢門學問真係有排學。不過防患未然總好過亡羊補牢。得罪講句，我唔會俾自己小朋友有機會係球場識到壞朋友。