又喊又渴睡！讀寫邊緣人

irenelwl

請問小朋友幾大個?小學不會不跟進的喎?!

irenelwl

幼稚園是否也是這樣?

irenelwl

你同學校聯絡下, 最好可以按排佢排期見CAC, 做番個評估
如果負擔得起, 自己都可以出去私家做評估
如果又急但又想快D做評估, 可以搵下D機構幫手, 例如小童群益會, 協康等等, 問下佢地有咩幫到手
我女小一時肯抄手冊 (高班學校有訓練), 但真係唔鐘意做功課, 但又怕欠交, 晚晚搞到好夜. 搵埋上門姐姐補習都唔掂, 小二去補習社, 只搞得掂功課, 但成績係滿缸紅, 到小三都係, 但小二暑假我同佢出左去私家做評做, FIRM左佢係讀障 + 好多其他問題, 樣樣小小而導致佢的問題放大, 不過上左半年OT TRAINING, 去左中心上左D COURSE, 佢就開心左, 開朗左, 做野比以前快左, 當然成績要浸要讀, 我都唔諗佢會讀得好好, 始終佢要比人多好多時間去讀.
我最唔開心係自己咁頓, 到發現有男家親人係讀障先帶個女去CHECK。小二時學校班主任同我講個女唔似係, 話佢用左幾個方法去測量了, 我好後悔太信學校的老師, 如果你有一分的懷疑, 還是要要求校方幫你正式轉介評估 , 早D面對就係對小朋友最好的幫助。另建議你搵下社區中心有無一D適應小一的課程還有, 佢地好多社工同幼兒工作者會比較懂處理小孩的問題。我都係知個女有時 , 週圍搵資料先知其實週邊都有資源的, 不過有好多要排。

irenelwl

回覆 Joystarter 的帖子

你有沒有同佢去過見職業治療師(OT)? 以我所知, 未上小一應無正式的讀寫評估, 幼稚園做的係初評, 所以有必要留意要否轉介。另外你提到佢成日想瞓, 咁都應該要見下兒科醫生同埋OT可能會幫到你, 因為好多SEN小孩都有多種唔同的問題交叠 , 讀障唔係話就咁讀障。我女小肌發展朗好, 所以抄寫無問題, 但我仔而家K3, 佢都係懷疑讀障, 小肌比較差, 佢真係好憎寫字, 初時又係一叫佢寫就話去瞓覺。而家間中都會咁, 我地上個月同佢開始左做OT TRAINING, 慢慢見到佢寫字長久左, 真係要一滴一滴咁去草番黎, 大家都要努力, 加油!

irenelwl

回覆 CathyChan1126 的帖子

你話老師叫你自己出去做?
其實可以的話, 學校個度點都叫佢地幫你搞,可以經到CAC做個全面D的評估,   至於出面去邊做, 揀D大機構, 如協康, 邁步, 博思會, 其實好多, 我那時都係學校社工比資料我, 如果唔係我女太大, 我焗住出去做, 好多資源而家拎唔到, 而且逐項計錢, SEN兒童未必係得一個範籌的問題, 真係樣樣搞樣樣都係錢黎, 但唔早搞又擔心佢大左無得搞, 所以逐佢細, 2邊同佢做, 左右手準備, 番去問多D學校, 係咪可轉介評估中心, 另一邊搵D專注力課程比個小朋友上, 去D有社工D中心, 機構個D地方, 上幾堂, 其實多小都話到比你聽小朋友個專注力係差左係邊, 原來專注力都有分先天原素同後天, 我都係接觸過先知可以分到出黎~~

我係集中北區, 其他地方D課程唔太熟,但你去搵社區中心, 大機構, 大同小異應都會有的, 加油!

irenelwl

回覆 Joystarter 的帖子

JM, 你D個位我要提一提你。我家的讀寫障是遺傳, 我都係個女小二先知姑奶2個仔都係讀障, 三伯個仔係學校上特別班, 得幾人一班個D, 我便即同個女去評估 。當時我姑奶同我講, 佢大仔讀障, 所以細仔個時都係幼稚園時排左CAC, 話佢細仔唔係讀障, 但上到小一, 真係唔掂, 小學再叫佢去評估, 結果出黎係讀障, 所以私人又好, CAC又好, 應該係要上左小一個個讀障評估先為準, 私人的應該未夠小一係唔做的, 但有D會有一個叫初步, 但唔係確定。你要緊張D, 無論之前點都好, 而家有懷疑都要學校FOLLOW UP, 同埋拎資源,小學有讀寫課程比小孩上, 有社工FOLLOW UP, 一定要自己緊張, 唔係個個社工同老師都咁有責任心的。

irenelwl

回覆 tinaleung 的帖子

我女除左讀障還有係一條大懶虫!我之前死跟爛跟佢, 默書個D都叫可以合格, 到佢小二我入左院, 嘩, 個輪D成績係歷史新低
我係小二暑假知個女讀障, 一開學同學校講好幾個親人有讀陪障, 個班主任係數學老師
佢話幫我轉介2科語文老師留意
開左學3個月,成績表都係滿紅,但我完全拎唔到FEEDBACK
結果班主任建議我早點出去私人做評估, 佢話就算學校而家即時轉介都等成年, 因我女大, 再等唔點
但D一年黎, 我開始對我女的成績麻木, 又可以話明知佢有D方面的障礙, 我內心都降低左要求, 唔好影响自己情緒, 影响埋小孩信心, 不過表面, 我還是KEEP住要佢上TRAINING, 去補習, 去學野~~
唔比佢因為障礙做借口唔努力,雖然努力比人多都未必拎到相等回報, 但總比乜都唔識好.

再加埋今年知個仔都好大機會讀障 + 自閉, 而家日日生活充實到爆, 要做OT TRAINING, 聽樂治療, 溫下書咁, 結果, 無時間理了 ~~

irenelwl

回覆 CathyChan1126 的帖子

明丫, 我PM左D機構網址比你, 你去了解下, 但睇唔明 OR 搵唔到D資料都唔怕, 你打去個D機構同你講而家擔心小朋友有D咩問題, 想同佢做評估, 問佢地有無DD服務, 講你邊區, 睇下佢地最近個SERVICE CENTER幫唔幫到你

irenelwl

每日抽時間做帶氧運動，應該有幫助，我都要同我對仔女試，加油。

irenelwl

回覆 anitalove 的帖子

職業治療師

irenelwl

回覆 virgokaren 的帖子

事實係無乜, 我試過請專教讀障的導師上門教中文, 6千12堂為一期,  教的係技巧, 但小孩不能重覆練習, 做堂課時見佢好好, 但考試都係用唔到番出黎.我最後都係自己轉半職教, 明天開始番半日
希望將我學左的方法試係仔女身上, 幫他們提升能力.



補多句, 最近北區又專門教讀障的應該是博思會了吧~
最近係大圍, 你睇下有無興趣.

irenelwl

回覆 virgokaren 的帖子

排左大半年都無回覆，都轉左半職，唔理了。

irenelwl

回覆 virgokaren 的帖子

我無train過我女，因為一直工作太忙。之前集中搞好基本身體機能，如視覺認知，協調等問題。搞左大半年，明顯係芭蕾，鋼琴上有大進步。跟著讀書都交比補習老師，就因為一直無乜起色，先決定自己教。有時我女記唔入腦的生字求救，我就幫佢拆開d字記，中文用形象法佢比較吸收，英文除拆字還在他身邊不停串，再叫佢串番，用聲音幫佢記比較好。每個小孩性質不同，要摸。

irenelwl

回覆 virgokaren 的帖子

佢地係咁, 記唔實D字, 要搵感觀去幫佢地記先得, 真係少D耐性都唔掂~