考英國寄宿學校Sixth Form －問

beastiebistro

Mtcoook 發表於 23-7-14 23:52
好多謝你咁快覆我！我之前聽完就係半信半疑！我仔要2025年9月先16yrs，估計夠時間找補習老師自修IGCSE Bio ...

去大間少少嘅書店（例如銅鑼灣商務總店、灣仔天地、或者中環book centre），有大量嘅iGCSE textbook，study guides，甚至past paper出售。

beastiebistro

Mtcoook 發表於 23-7-15 00:11
多謝你們的解答(emoji)(emoji)

agent嘅說話唔係全對亦唔算全錯，唔排除有少量學校真係會因為之前冇修而婉拒。不過重點係只要interview過關，而校本入學試（多數要考想報讀A level 嘅科目）又OK，就應該大部分學校都冇問題。

祝好運。

beastiebistro

Mtcoook 發表於 23-7-15 07:21
佢都係咁講！唔該晒你！(emoji)(emoji)

- 雖然有網友叫你過去讀Y10係好，不過我見你都講明25年9月足16歲，即係除非你今年9月突然過去，否則都入唔到Y10，所以唔係option喇。

- iGCSE教材可以買來自己學，為咗作為校本入學試嘅準備就OK喇，但係報考iGCSE就未必需要喇。一嚟佢唔會因為你有考就唔使你考校本入學試，二嚟你未考嘅時侯可能已經報緊學校（除非你諗住谷埋幾個月讀晒出年5月考），三嚟你萬一你考得唔特別好可能仲扣分添。

- 至於網友講嘅GCSE同A level程度相差亦係事實。GCSE相對容易，A level相對難好多。（我喺另外一帖都解釋過，因為一般英國學生GCSE都修起碼十科八科，有啲甚至12/13科，時間有限所以可想而知每科深入程度有限。但係去到A level，一般學生都係修三科，專注程度同深入程度爭好遠。有唔少人因為「以為」自己GCSE考得好所以揀某啲科，但係發現其實去到A level其實讀唔掂。）Having said that，Biology應該係三科science之中最少需要「概念」上嘅融會貫通，所以要自己追係相對比較容易嘅一科。

- 其實入sixth form揀科，真係應該一隻眼睇住大學想報嘅科目嚟揀。因為A level嘅選科絕對影響大學可以報咩科目，或者報唔到咩科目。所以想報喜歡嘅科目雖然冇錯，但係讀讀下先發現原來A level嘅combination搞到自己報唔到想報嘅大學學科就煩喇。例如你想讀medicine，其實唔使A level讀bio 喎，但係必須有chemistry 。但係讀bio medical science就需要bio + chem。咁其實讀chem會令大學選科空間闊啲喇，除非你諗住大學必定讀bio。

Anyway ，祝好運

beastiebistro

Mtcoook 發表於 23-7-15 13:17
你好呀！多謝你咁詳細的回覆！其實我－直有睇你其他帖文，真係好有用！

我仔成績其實數唔好，只係合格， ...

唔使客氣呀。
係，文科係會比理科難，主要因為英文係first language，所以佢地expect學生係用英文嚟craft arguments。而香港當英文係second language咁教，基本程度已經有明顯分別。

都係嗰佢，報sixth form真係要連大學想/可以讀咩科一併考慮，否則以為先搞掂A level，到報大學嘅時侯可能又係棘住。

beastiebistro

Mtcoook 發表於 23-7-15 15:20
其實agent話有機會仍有Y10位，依家等緊幾間學校覆，叫我預備9月去。我個心十五十六，如果有位就過去，唔好 ...

我諗幾樣嘢考慮：

1. 而家都仲有位嘅學校質素可想而知，你會唔會想讀？當然你都可以考完GCSE再轉校。

2. 究竟選擇有幾多，抑或你會唔理咁多合埋眼就去讀？（因為可能都冇得揀）

3. 其實去寄宿唔應該係為咗避開香港考試，係因為想接受更好教育，亦想海闊眼界，多接觸其他地方嘅人同事。如果求其一間學校都去，萬一係寄宿比例低嘅學校，每日撞口撞面都係香港／中國人，有冇意思？

當然，如果真係咁好彩而家都有好嘅寄宿學校收，梗係仆倒去。但係機會唔大喇，咁點解要成全個agent，等佢可以白白收錢呢？

beastiebistro

Mtcoook 發表於 23-7-15 16:52
多謝指點呀！其實個agent都係話即使少機會都試下問，睇吓有無咁好彩仍有學校有位，而佢又考到啦！
...

我個人就唔建議信晒agent，始終係商業社會，佢成功送你小朋友入學先會有錢收，所以佢當然會搵啲「有機會」入到嘅學校推薦俾你。

beastiebistro

ill 發表於 23-9-22 08:36
本帖最後由 ill 於 23-9-22 08:36 編輯

想請教一下：在香港讀完F5才去英國sixth form （hk是否文科：ge ...

我諗幾樣考慮：
1. 入學年齡。入學嗰年9月1日足16歲未夠17歲就入Y12，大部分香港同學讀完中五先過去年齡係唔啱嘅。如果你小朋友係9/10月出世可能就配合到。

2. 香港教英文係當second language咁嚟教，同英國當英文係first language好唔同。所以就算喺香港英文比較好，唔代表其實英文真係好（因為你係讀文科所以我要特別講）。唔單止英文要求好唔同，其他文科嘅教學模式同埋寫文要求都同香港好唔同。假使係諗住去英國避開中文同理科，都要留意。要預咗香港讀呢啲文科，去到英國課程範圍，考試模式係完全唔同。唔好諗住香港讀開有咩着數。（反而數理就香港讀開一定有着數）

3. 報sixth form唔可以話好難，當然亦唔係容易，好取決於你報咩級數嘅學校。一般都有幾樣嘅要求：
- Interview（一定係重點，因為學校揀人最緊要佢覺得適合）
- 校本入學試（通常會考返A level想報嘅科目，加英文）
- 香港學校成績（有啲學校緊要啲，有啲學校唔太care）
- Pre-test（有啲學校要，好多都唔使）
難唔難真係睇邊間學校，但係如果interview好掂，咁機會就好大。

4. 其實諗咗大學讀咩未？因為你讀咩A level直接影響你大學可以報咩學科，唔可以求其搵三科覺得比較容易嘅科去讀。萬一到時報大學想揀某啲科，但係發現A level冇讀報唔到，就後悔太遲喇。Geography，Accounting同Art呢個combination報大學嘅選擇好窄。

5. 留意，Accounting喺A level學科裏面算係「soft 」subject。即係話，基本上大學係將佢擺落啲冇咁rigorous科目入面，亦即係對比hard subject冇咁competitive。所以雖然都係讀三科考三科，喺報大學嘅時候，有accounting就可能會秤低少少，人哋三科hard subject就會排先。想穩陣啲最好揀maths，都唔好揀accounting喇。

純粹個人意見，睇吓有無參考價值。歡迎PM我討論。

beastiebistro

ill 發表於 23-9-22 11:21
好多謝你呀，資料好有用，可能我有啲嘢誤會咗，想請問啲人話，a level 要讀三至四科，咁英文數學是否包括 ...

A level冇必修科㗎喇，你想讀咩都得，唔使一定讀英文或者數。但係：

- 報大學有好多科目要數先可以報，要留意。
- 雖然唔使讀英文，但係入英國大學有基本英文要求。如果你冇考GCSE英文，咁應該會要求你考IELTS。唔同大學／唔同學科有唔同IELTS分數要求，又係要留意。
- 部分英國學校sixth form會幫學生安排考IELTS，但係部分唔會，你又要問清楚。如果學校唔幫手搞，咁你自己就要安排，唔好等最後因為冇呢樣入唔到大學。

A level基本上只需要讀三科，讀多都冇用，因為英國大學為咗公平基本上只會睇三科成績。

所以A level揀科，一定要考慮將來英國報大學諗住讀咩學科，嗰三科就要就住嚟揀。就算你大學諗住主修accounting，A level最重要都係讀數，我就唔建議揀accounting喇。