Year 9: Truro / Merchiston Castle / Strathallan / Oakham

beastiebistro

回覆 bbface22 的帖子

我又多嘴講句，（現在可能太遲）不過我睇翻你啲要求，最適合又有傳統英式寄宿體驗嘅我覺得係Sherborne School (for boys)。山旮旯位置但環境超靚（所以無distraction），～600人差不多95％ full boarding，學校裏面大把嘢做又有足夠嘅同學陪玩。仲有A level + IB選擇，學術唔太chur（所以排名唔算好高）。

至於你手頭嗰幾間，睇吓你想唔想要傳統寄宿體驗喇。Truro寄宿比例真係太低，俾唔到完整嘅寄宿體驗。Merchiston比例高啲不過其實都近Edinburgh，唔知係咪distraction。Strathallan真係無雷公咁遠嘅山旮旯，包保無distraction。係運動強校。Oakham係大校（~1000人，~500 boarders包weekly/flexi），其實都係傳統英國學校，不過可能因為好近Uppingham所以無咁出名。聽講食物好似好好。想搵傳統寄宿體驗，我反而唔會揀Truro。如果嗰樣唔係重點嘅，咁當然無問題。


純熟個人意見。

beastiebistro

回覆 kct18 的帖子

1. 我認為主要係因為Sherborne排名唔特別高。你知我唔buy排名榜或者以成績為主要篩選條件㗎喇，我認為係非常「港式」思維。
2. 地點山旮旯都可能係原因之一。
3. 可能Sherborne係嗰啲唔特別喜歡同agent夾嘅學校，又少咗啲推薦...

我唔認為佢特別唔想收香港學生。

beastiebistro

回覆 kct18 的帖子

佣金我估係其中一個考慮。

有啲好似我母校咁，根本就唔信agent篩選眼光，寧願自己揀，又可以睇到家長誠意，所以咪唔用囉。我母校從來都無驚過無人報，淨係local都夠晒數，少啲香港人對佢嚟講冇乜損失，反而可以揀啲真係有心讀，又有佢想要嘅特質嘅學生。

beastiebistro

回覆 bbface22 的帖子

報Rugby事實上係遲，Sherborne我唔肯定，但如果有興趣，何不send個email去學校問下呢？最多唔得，冇乜其他代價，亦唔使估估下。
傳統寄宿體驗呢方面，我諗你搞錯咗我意思。宿生比例高唔係特點而係條件。在我嚟講，傳統英式寄宿體驗唔單只著重全人發展，亦重視人同人之間生活上嘅互動。每日上堂最多咪七八個鐘，係其他個十幾個鐘先係真諦。如果冇足夠嘅宿生，諗都諗到互動有限，咁同喺香港返學或者去補習社有咩分別呢？我個人認為揀得去英國寄宿，冇理由放棄咗最重要嘅呢啲體驗，反而家長應該放棄港式思維唔好被啲排行榜局限咗選擇。

少boarders嘅學校通常都主力serve local community多啲，呢樣非常邏輯，因為啲小朋友放學要返屋企，所以Truro係多本區學生。其他嗰啲因為宿生比例高啲，自然likely多啲variety。

我唔知你心裡面嘅篩選條件，唔識講邊間對你嚟講好啲。我只可以話唔好迷信學校成績等同學術增值能力。一間學校今年排名高啲唔代表小朋友入咗就必定考到好啲嘅成績。如果我要揀，寄宿體驗係最重要嘅，我可能會揀Oakham。

祝你揾到適合你小朋友嘅學校。

beastiebistro

回覆 bbface22 的帖子

唔好客氣，希望幫到你。

beastiebistro

回覆 bbface22 的帖子

你講得啱，Clifton都係好學校，係傳統寄宿學校（近年full boarding比例降咗少少）又未係最top嗰浸所以係比較親民啲。都幾重視運動嘅。

喺Bristol city入面所以好方便，Bristol亦係大城市，乜都有。

beastiebistro

回覆 bbface22 的帖子

書係佢讀嘅，梗係尊重佢自己嘅決定啦。

beastiebistro

conniefung04 發表於 20-11-13 10:12
如果唔系 基本上day school 學生和國際生是有隔膜.

正正係我不停勸喻家長揀多full boarders嘅學校嘅其中一個原因！不過好多家長唔明，以為一齊上堂就等於融入。

解決方法唯有就係好似你小朋友咁，主動參加多啲隊制運動「埋堆」。

不過我又講清楚，我唔係話Truro唔好呀，相反Truro都好好，係boarders少啲囉。