Feature Image

為咗生活不斷工作,究竟係勇往直前,定係停滯不前?

2017年6月既某日,對於當時一直工作咗12年既我,產生咗一個咁既疑問。究竟我喺到「生活」,定係「生存」?

我細個既夢想,喺去日本留學同生活。

點解會想去日本留學生活?同好多人一樣,我都係喺玩日本遊戲同睇日本漫畫之下成長。慢慢就對呢個國家產生咗無限憧景。但因為屋企既經濟狀況一直都唔係太好,基本上連提都唔敢提想去日本呢件事。

到大個出嚟做野之後,呢個小小夢想都被「無可能」呢三個字,慢慢淡化到自己差啲都唔記得。「工作.賺錢.旅行」,似乎成為咗自己人生既唯一生存模式。Working holiday呢樣野,我更加覺得係屋企有錢,先會做到既一件事。而我亦都好自然標籤咗Working holiday 呢件事對我嚟講,係”無可能”。

在12年間一直工作,但給自己靜靜思考未來方向的時間,連1小時也沒有

「無可能」呢三個字真係好好用,講咗出嚟,就可以唔駛諗,唔駛做。只要係公司做到高薪厚職,繼續用「生存模式」做到退休,繼續用旅行去對生活做救贖。但呢三個字既背後,其實只係自己怕「失敗」,怕承擔後果而已。

就喺嗰一刻,我做咗一個人生中好重要既決定,我要辭咗份工,去日本留學讀書!就算一年都好,都想實現一次呢個遺忘咗好耐既夢想,雖然去到未必係自己想要既生活,但起碼我要感受一次我曾經「憧景」過既生活。

原來,人越大,得到既野越多之後,要突然拋棄哂係雖要更加大既勇氣。但如果一年365日都過著相同既日子,點會知道乜野係自己想要既人生。之後喺日本返香港之後,我亦都預咗有好多事要重頭嚟過。

但既然向現實低頭咗三十幾年,係時候為自己既夢想行出第一步!

【編按:以上內容為作者之個人意見及立場】