教育王國

標題: On 男女校 [打印本頁]

作者: ucw 時間: 20-4-15 22:42 標題: On 男女校

本帖最後由 ucw 於 20-4-19 00:09 編輯

BLMCSS （浸呂）

多年與曾肇添執沙田牛耳（早年沙官，今日沙崇都係鼎足而三）。文憑試整體表現穩定，但其聯繫的呂小及沙呂亦強，變相令其要與區外頂尖名校競逐小學尖子。OLE集中於合唱團及田徑游泳的體育大項。

HKUGAC（港大同學會）

自有學生於公開試中取得全優後，聲名鵲起。學校領導層頗有雄心，近月應用科技教學，可見其敢為先的理念。體藝等發展與
歷史悠久嘅傳統名校相比，仍有距離。Time will tell 他日能否別樹一幟。

MSC （民生）

文憑試年代平均成績開始時較為平均，近四五年整體回穩。惟改為五班制後，高中學生離校比例逐年上升，公開試表現或需與此一併觀察。出了狀元亦有利其名聲。側重學術，其他OLE著墨較少。近年學校治校手法較嚴厲，師生關係較緊張。現任校長將退下，新校長招聘程序進行中。未來治校風格如何，屬未知之數。

PCMS （香港培正）

培正多年堅持以母語教學，外界一直擔心其學生英語能力水平。以文憑試歷年成績論之，英文科成績不遜中文科（5+率甚至更高）。當然，上大學後銜接情況留待校友分解。各科高合格率表示其補底功夫，然歷年升讀非學位課程比率仍過20%，這一點我未想到解釋。數理拔尖能力可見諸公開試成績及歷屆本地與國際數理競賽，可與Co-Ed, 喇沙等分庭抗禮。體育廣泛項目有參與，音樂則相對集中於銀樂隊等項目。

QES（伊利沙白）

於會考高考時代已屢出尖子，香港公開試最多優者就出於其下。近年公開試成績維持水準，再考慮其官校身份，保留較多非保留學額作大抽獎，專攻學術乃無可厚非。

SKHLW（林護）

於千禧年後公開考試成績已可媲美傳統名校。累積的名聲有助其面對傳統名校直資化及派位組別減少等衝擊。合唱團有問鼎能力，體育則較少投放。

SMS （聖馬可）

文憑試成績反映中文科需要留意。最好嘅學生可成狀元，然補底成效見諸3-3-2-2-2率及非學位升學比率則有起有跌。OLE 近年最突出的是粵語辯論。較注重音樂團隊，體育則不太活躍。

SPCC（聖保羅男女）

如果女拔係張國榮，咁Co-Ed就係譚詠麟⋯⋯嘅成就，陳百強嘅形象。譚校長於流行音樂以其溫拿成員身分及獨立發展，於當時流行音樂執牛耳，與Co-Ed公開試無出其右類同。陳百強正是校友，乖仔形象亦極有代表性。

音樂為傳統大項，個別體育項目亦有尖子支援，然整體發展比齋校少。要多線發展，需收取更多有其他才藝但未必專攻學術者。Co-Ed不會冒失“DSE第一”之險而為之。

乖仔係雙面刃。家長當然但願生孩入保羅，無災無難入醫科。然世事變幻，跟規矩之時，有時亦要突破之；另如何調適書本與現實世界的差異，亦很重要。

SSC (聖士提反書院）

聖士提反書院同時提供DSE及IB課程。DSE 平均表現資料不足，無法判斷。IB 唔熟，或者I school 版會有更好見解。歷年學生未修畢六年離校數字高。是否較多學生一心海外升學，待用家見解。

TWGSS （荃官）

與林護相若，早年已累積一定名聲，風聞其新界皇仁之名。相對八九十年代比較活躍於課外活動，文憑試時代則相對低調了。

WYC（華英）

成績穩定，通識始有起色。一向較低調（以九龍城同區競爭對手觀之，可以理解）。粵語辯論有多年問鼎實力。

CCSC（張祝珊）、SKHTSTSS（曾肇添）、THMSS（鄧顯）

三間以專注學術聞名的中學。體藝需資源、日子有功，學業乃本業，亦為家長學生之所繫，專攻乃理性選擇。背後自是多年工夫。每每可見其學生於屋邨商場，熟食中心午膳不忘溫習。壓力管理、高中選科drop科做法、OLE補足，皆可留意。

作者: NNbaby 時間: 20-4-15 22:44

第一

support

作者: YolandaTam 時間: 20-4-15 23:23

會講保良一中同可立嗎？

作者: b3410 時間: 20-4-16 00:11

辛苦你啦！男，女，男女有齊！

作者: kwunpa 時間: 20-4-16 02:17

聖士提反，培正呢兩間傳統名校呢？仲有民生，聖馬可、沙呂

作者: ucw 時間: 20-4-17 00:42

回覆 kwunpa 的帖子

呢幾間要少少時間⋯

作者: kiwi2007 時間: 20-4-18 11:31

路過，講兩句，荃官:
~由六十年代創校至今，穩坐荃葵青甚至新界西一哥地位
~荃湾區好奇特，雖然是全港首個衞星城市，人口及環境也一日千里，但是至今仍未有任何直資中學落户此區
~荃官由七十年代開始，便盡攬本區 Band 1學生，加上是男女校，叻仔叻女的街坊如果唔想舟車勞頓，肯定會必揀荃官，所以由會考年代嘅 HKCEE & HKALE 嘅成績已經十分亮麗
~即使後來有左MTR, 西隧，西鐵...也没有對荃官在 top students intake 有太大影響，因為本區根本缺乏其他有實力的對手
~王少清和何傳耀等只是後起之秀，與荃官相比仍有一段距離
~睇番荃葵青區，相信只有林護能與荃官匹敵。林護的宗教背景和辦學團體確能吸引那些怕左官校的用家
~認識讀緊荃官嘅同學，用家嘅意見又話不是勁谷或勁多功課，相信係資質、勤奮、自發性再配合師資、校風及學習氣氛等等，從而令荃官獨霸新界西多年的原因呢

作者: chanti 時間: 20-4-18 11:35

kiwi2007 發表於 20-4-18 11:31
路過，講兩句，荃官:
~由六十年代創校至今，穩坐荃葵青甚至新界西一哥地位
~荃湾區好奇特，雖然是全港首個 ...

我以為林護才是新界西一哥

作者: happybebebe 時間: 20-4-18 13:14

kiwi2007 發表於 20-4-18 11:31
路過，講兩句，荃官:
~由六十年代創校至今，穩坐荃葵青甚至新界西一哥地位
~荃湾區好奇特，雖然是全港首個 ...

十分正確
三十年前選校，嗰時仲係分band one 至 five,王少清只係band 2-3. 何同可都係band 1，仲有當年聖芳濟都係band 1.

荃官真係勁

作者: b3410 時間: 20-4-18 13:46

chanti 發表於 20-4-18 11:35
我以為林護才是新界西一哥

是否荃官歷史長遠一些？林護我之前一直以為是女校

作者: chanti 時間: 20-4-18 13:58

happybebebe 發表於 20-4-18 13:14
十分正確
三十年前選校，嗰時仲係分band one 至 five,王少清只係band 2-3. 何同可都係band 1，仲有當年聖 ...

本帖最後由 chanti 於 20-4-18 13:58 編輯

我都記得王少清係97 後不是114 英中之一、咁呢幾年佢的確勁左好多喎！

作者: chanti 時間: 20-4-18 13:59

b3410 發表於 20-4-18 13:46
是否荃官歷史長遠一些？林護我之前一直以為是女校

蕭明先係

作者: kiwi2007 時間: 20-4-18 15:28

本帖最後由 kiwi2007 於 20-4-18 15:37 編輯

happybebebe 發表於 20-4-18 13:14
十分正確
三十年前選校，嗰時仲係分band one 至 five,王少清只係band 2-3. 何同可都係band 1，仲有當年聖 ...

Yes, you are very right. 想當年，荃灣聖芳濟的確是 band 1 男生的至愛，出左好多紀律部隊精英、專業人士校友㗎。可惜因時際會，現在已光芒大減，但仍默默地在咸田街春風化雨，好難得! 以前未有 MTR, 其實林護好隔涉，又要上斜路。不過，安柱嗰條天梯仲厲害，行完入校肯定可以吹熄好多支 birthday candles. 可風自成一隅，成績一向頗佳，只因宗教背景而少收叻仔叻女，不過仍有 dedicated Christians 入讀呢!
荃官的位置某程度上也造就左她能雄霸新西咁多年!單是本區的精英街坊客已經足夠有餘，不用靠外援。

作者: happybebebe 時間: 20-4-18 15:54

chanti 發表於 20-4-18 13:59
蕭明先係

以前蕭明只係band 2(三十年前），到97年力爭做英文中學，結果得咗

作者: chanti 時間: 20-4-18 15:56

happybebebe 發表於 20-4-18 15:54
以前蕭明只係band 2(三十年前），到97年力爭做英文中學，結果得咗

我朋友係迦密畢業, 佢話佢讀個時都係band 2(三十年前), 咁睇黎有不少band 2 校增值不少做了band 1.

作者: LeeCC 時間: 20-4-18 16:06

kiwi2007 發表於 20-4-18 15:28
Yes, you are very right. 想當年，荃灣聖芳濟的確是 band 1 男生的至愛，出左好多紀律部隊精英、專業人士 ...

三十幾年前，家人讀九濟，話荃濟band2，同九濟差好遠喔

作者: kiwi2007 時間: 20-4-18 16:55

本帖最後由 kiwi2007 於 20-4-18 16:59 編輯

路過，又講番句，林護:
~創校初期，收生很參差，因為交通不太方便，而且毗鄰葵涌邨(俗稱新區，红番之地，連房署職員於邨內辧事也要 call police for help)，令到好多家長prefer 荃官 to 林記
~林記收生的大户是仁立和仁紀，外人想入讀相對地困難及競爭劇烈
~附近的善德其實也不弱，中大暫取生年代收左不少善德人，証明公開考試成績不俗呢。同林記各佔一隅，見証下葵涌變遷~林護曾經創過連續多年中學會考全校考生全科100%及格的記錄
~ 想了解林護多D，可以參考呢本書「林護 - 孫中山背後的香港建築商 - 陳慕華著)。不是介紹林護的收生/入讀 tips, 而是一本好精彩的人物傳記。千祈唔好攪錯，不是入神校的天書! 而且，站在宗教立場，不應亂用呢個「神」字!

作者: pantalaimon 時間: 20-4-18 17:05

回覆 happybebebe 的帖子

搞母語教學嗰年係98年，蕭明喺90年代已經係band 1學校，佢當年屬可以繼續以英語教學嘅100間中學，同區另一女校先至係力爭繼續做英中，最後上訴成功嗰間。當年荃灣聖芳濟就上訴失敗，無咗英中地位之後就越來越沉。

作者: fatman69 時間: 20-4-18 17:12

chanti 發表於 20-4-18 15:56
我朋友係迦密畢業, 佢話佢讀個時都係band 2(三十年前), 咁睇黎有不少band 2 校增值不少做了band 1.
...

30年前分5個brand，當年的B2頭，等如而家B1C！

作者: chanti 時間: 20-4-18 17:56

fatman69 發表於 20-4-18 17:12
30年前分5個brand，當年的B2頭，等如而家B1C！

迦密而家1A, 咁都進步不少了

作者: chanti 時間: 20-4-18 18:34

pantalaimon 發表於 20-4-18 17:05
回覆 happybebebe 的帖子

搞母語教學嗰年係98年，蕭明喺90年代已經係band 1學校，佢當年屬可以繼續以英語 ...

剛剛找資料看到：
6 間上訴失敗的學校係
聖安當女書院
慈幼英文中學
荃灣聖芳濟中學
匯基書院（大坑東）
佛教馬錦燦紀念英文中學
港澳信義會慕德中學（時稱慕德英文書院）

好奇一問, 上訴成功係邊14 間？聖母,聖類斯,陳瑞祺,德雅？

作者: fatman69 時間: 20-4-18 23:23

chanti 發表於 20-4-18 17:56
迦密而家1A, 咁都進步不少了

迦密肯定好學校。

作者: triceramum 時間: 20-4-18 23:32

kiwi2007 發表於 20-4-18 15:28
Yes, you are very right. 想當年，荃灣聖芳濟的確是 band 1 男生的至愛，出左好多紀律部隊精英、專業人士 ...

我有位uncle係退休稅局高層，佢就係荃濟舊生，50年前到

作者: 02413124 時間: 20-4-18 23:43

kiwi2007 發表於 20-4-18 16:55
路過，又講番句，林護:
~創校初期，收生很參差，因為交通不太方便，而且毗鄰葵涌邨(俗稱新區，红番之地，連 ...

補充：
善德校長過身，副校長署任左一段時間，但始終未坐正，有未知數。因此，有人亦反映今次停課，學校各方面表現稍遜。

林護，學生純樸，但讀書型多。

沙田
曾記：讀書型，高中多補課直落至7:30。沙田區no 1.學生都係純樸，同林護都似。

呂中：聽聞想行曾記路線，少左課外活動，上年dse見成效。據聞會繼續走呢條路線。有新大樓落成，對部分人有一定吸引力。

沙崇：津中黎講破格行小班，2千幾一年，可享小班教學，抵到爛。初中雙班主任制，高中升學支援不錯。因此，呢幾年上大學率上升。而且，音體藝都唔錯，沙田區少有4樂團，唔想讀書型既另類選擇。

作者: ucw 時間: 20-4-19 00:02

回覆 kwunpa 的帖子

BLMCSS （浸呂）

MSC （民生）

PCMS （香港培正）

SMS （聖馬可）

SSC (聖士提反書院）

作者: kwunpa 時間: 20-4-19 04:15

ucw 發表於 20-4-19 00:02
回覆 kwunpa 的帖子

BLMCSS （浸呂）

Thanks!

作者: skwawa 時間: 20-4-19 10:52

匯基書院（東九龍）呢？thx

歡迎光臨教育王國 (/)