教育王國

標題: B2 生, 自行選B1 尾中學, 會否太進取? [打印本頁]

作者: 波子媽 時間: 14-12-14 22:57 標題: B2 生, 自行選B1 尾中學, 會否太進取?

烦恼中，請大家比D意見。

作者: 黃巴士 時間: 14-12-14 23:04

所屬邊區?

作者: 波子媽 時間: 14-12-14 23:22

回覆黃巴士的帖子

觀塘區, 亞囝成績只屬B2, 很煩惱, 唔知點揀中學。

作者: BBKaye 時間: 14-12-15 08:37 標題: 回覆：波子媽的帖子

我個囡都係Band 2, 揀Band 1又無機會，揀Band 2又唔想。真係唔識揀。

作者: yamakar 時間: 14-12-15 08:51

波子媽發表於 14-12-14 22:57
烦恼中，請大家比D意見。

我認為愉快學習有時更適合小朋友

作者: mamamui 時間: 14-12-15 08:59 標題: 回覆：波子媽的帖子

Band 2 頭定尾？如係頭，若對答不錯面試好可以一試 band 1 尾校

作者: 波子媽 時間: 14-12-15 09:15

BBKaye 發表於 14-12-15 08:37
我個囡都係Band 2, 揀Band 1又無機會，揀Band 2又唔想。真係唔識揀。

B2 學校, 希望入到一間校風純樸的學校。

作者: BennkiChu 時間: 14-12-15 21:54

yamakar 發表於 14-12-15 08:51
我認為愉快學習有時更適合小朋友

Agree. 如果小朋力能力5夠，巨辛苦時家長又辛苦，我認同愉快學習最重要，我正煩惱幫我小朋友選b1頭定b1尾學校，我反而希望我小朋友愉快學習， 5想巨做功課奴隸。

作者: dubbies 時間: 14-12-16 13:56 標題: 回覆：B2 生, 自行選B1 尾中學, 會否太進取

仔女肯面對挑戰嗎？如果b2有機會名列前茅而b1會位列中游影響到中三選科選擇，你又會點選？冇特別意見，只係分享一些另類角度

作者: 月希 時間: 14-12-16 14:37

我仔都係..佢2頭....我想自行B1的

始終我覺得仔仔個人好懶...冇壓力佢唔會溫習的...
放佢係B2...佢係另果班就只會KEEP住唔會進步...
但係佢去B1...佢係差果班...我肯定佢會因面子而進步

作者: donald63 時間: 14-12-16 16:59

如能力許可, 可一試

作者: moondream3003 時間: 14-12-16 17:58 標題: 引用：我仔都係..佢2頭....我想自行B1的始終我覺

原帖由月希於 14-12-16 發表
我仔都係..佢2頭....我想自行B1的
始終我覺得仔仔個人好懶...冇壓力佢唔會溫習的...
放佢係B2... ...

如果去b1 學校都要睇有無精英班，有精英班怕學校資源落晒去精英班。

作者: JoeyJoey 時間: 14-12-16 18:01

有個POST 話官塘B1位本身都唔夠B1生爭喎!

作者: 黃巴士 時間: 14-12-16 18:05

第3次呈分要超前几多名名次才可坐回band1池內? 你囝英文ok嗎?

作者: hagupit 時間: 14-12-16 18:42 標題: 回覆：B2 生, 自行選B1 尾中學, 會否太進取

如果英文好可以博band 1c

作者: 屋邨仔 時間: 14-12-16 18:45

通常自行揀合適及全面試的 ,否則連面試機會都無

到甲乙部就揀高一级博時來運到抽入好學校

作者: 月希 時間: 14-12-16 21:15

moondream3003 發表於 14-12-16 17:58
如果去b1 學校都要睇有無精英班，有精英班怕學校資源落晒去精英班。

如有精英班...我仔個格係會死命入左精英班再算的

除非佢真係能力不足到完全入唔到...

又如果佢入到...佢就會係精英班中的中間...
佢唔會比自己最差的...

作者: lcwz01 時間: 14-12-16 23:19

恕我直言，b2生自行揀b1c學校，我覺得係浪費機會。自行收生得30%，即係有约70%既b1生都入唔到b1學校，試問b2生嘅機會有幾大呢？

作者: 波子媽 時間: 14-12-16 23:23

回覆 lcwz01 的帖子

其實有冇一個準確D 的學校BANDING 可參考呢?
現時坊間的, 都好似冇一個有公信力的.

作者: lcwz01 時間: 14-12-16 23:42

坊間所謂的天書, 全部都係將d學校資料集合埋一齊出本書, d資料全部上網搵到。要參考就搵返Khmama 做嘅2010年全港中學排位，做得真係非常之好。

作者: Maggie3493 時間: 14-12-17 11:29

點分banding? 計入嘅學生定dse 成績？dse 成績計5**定所有合格數字？學術成績外嘅又計唔計？所以，根本好難為學校定banding..

作者: Cecily 時間: 14-12-17 12:19

如果小朋友係band2頭,成績上升緊,英文好就可以一試, 否則入了band 1跟不上,會好打擊自信心,無心機向學的.

作者: 月希 時間: 14-12-17 16:51

au6822 同我仔一樣發表於 4 小時前

其實唔知係咪仔都係咁....
依家老師話佢係2A..佢又冇問題...
因為佢問左好多同學都係2A...
所以佢覺得佢重係班上的中游....

作者: tonychan9 時間: 14-12-18 12:23

今年學生少, 可以試B1C既,其實宜家DB1 b/c學校都收到好多未達B1水平既學生!

作者: 錡E 時間: 14-12-25 00:43

自行時B1學校只會收B1生，要知道自行位小得可憐連B1生都掙餐死，自行冇可能有學校會揀B2生啦，B2生要入B1學校只有好運抽入去啦，另外除非學校全部申請人都見,否則B2生根本連面試機會都冇。

作者: moniquechoy 時間: 14-12-25 14:08

錡E 發表於 14-12-25 00:43
自行時B1學校只會收B1生，要知道自行位小得可憐連B1生都掙餐死，自行冇可能有學校會揀B2生啦，B2生要入B1學 ...

絶對同意，如果你是校長，你只可選3、40個學生，你會選band 2 生？日日祈求他們升level 變band 1 生？會唔會天真左些呢？求大抽獎啦！小朋友表現如何卓越都難過中六合彩

作者: goodenough 時間: 14-12-25 18:25

錡E 發表於 14-12-25 00:43
自行時B1學校只會收B1生，要知道自行位小得可憐連B1生都掙餐死，自行冇可能有學校會揀B2生啦，B2生要入B1學 ...

情況或者可以咁睇。除了有家長話今年升中人口減少之外，最主要係自行時教局未有banding出，有時真係靠嗰個排名次第，不同區域的band 2A又有不同的排名，你話油尖旺band 2A的同學排名先定深水埗的1C同學排名會先都係好難估計，而你又咁啱可以搏到入去就有機會。加上特別係一些邊緣學校，即是1C、2C的學校都有類似的情況，就係band 1家長唔會咁快揀1C學校，band 2家長唔會咁快揀2C學校，反正都係band 1，又如果區內有位剩餘的，特別是這一兩年，大抽獎最差的還不過是被派區內band 1C的學校的時候，這類同學和家長在自行時都會以1A或至少1B學校作對像，揀1C的就會較少，餘位或會落入band 2A的同學手裡。

如果要搏，除了有少部份堅持選1C學校的band 1同學之外，其他主要對手可能是來自不同區的2A同學，競爭變相都係激烈的，或者作多一點面試的準備，輸贏就差一線。

有時，自行時搏高一個級別，即係2A搏1C，1C搏1B（1B，1C搏1A就唔讚成，始終1A同學的差異可以好大唔知可以去到有幾盡，不過又好多人願意用一個自行位來試，1C都嚷著要揀一間1A的學校）始終都係一個策略，睇下大家可唔可以把握到！

作者: Maggie3493 時間: 14-12-25 21:40

如果我仔係band 2, 除非有機場第三次呈分拉到band 1,否則我會喺自行揀band 2 頭的中學。始終統一係band 1 揀先，一唔好彩，就算隨機編號靚，band 2 頭嘅好學校都俾band 1 學生攞埋。而且，去到band 2, 頭同尾學校嘅差異頗大，要去統一靠隨機編號，我寧願自行揀band 2 頭嘅好學校。我相信，band 2 考全級優異嘅入U 機會高過band 1 墊底嘅。呢個階段，band 2 頭嘅家長唔甘心揀band 2, 甘，band 2 中/中上嘅入band 2 頭嘅機會就大d. 人棄我取，機會就高咗。

作者: 錡E 時間: 14-12-26 11:30

本帖最後由錡E 於 15-1-11 22:21 編輯

..........

歡迎光臨教育王國 (/)