教育王國

標題: 四直資校盈餘近上限 [打印本頁]

作者: elbar 時間: 14-12-3 09:37 標題: 四直資校盈餘近上限

■教育局限制直資學校累計盈餘，不可超過相等於12個月營運開支的金額。

直資學校網上公開2012/13學年財政摘要限期屆滿，四間學校的累積盈餘，較相等於11個月營運開支的金額還多，當中青衣地利亞（閩僑）英文小學有11.92個月，接近教育局容許最多12個月上限。今年4月一度無法如期出糧的觀塘慕光英文書院，錄得相等於2.18個月營運開支的累計虧損，是當中財政最差。

九間上年度錄虧損

約70間直資中學和小學的13/14學年財政賬目仍在審核，各校只能在上周限期前，上載12/13學年的財政摘要到校網。直資學校議會年前與教育局協議，只以百分率及相等於營運開支月數表達各項資料。

其中有9間學校出現虧損，包括聖保羅書院、聖保羅男女中學及附屬小學，赤字相等於0.1個月營運開支，但兩校累積盈餘分別有11.07個月及3.2個月。

虧損幅度最大的是慕光英文書院，因收生不理想，12/13學年出現相等於1.05個月營運開支的赤字，累計赤字增至2.18個月。該校4月初未能如期出糧，要向教局求助。其時已傳出12/13學年虧損60萬元，到今年4月擴大至700萬元。

包括慕光在內的六間學校，累計盈餘不足於教局建議最少相等於兩個月的營運開支，其中何文田協恩中學僅有0.8個月，銅鑼灣孔聖堂中學只有0.57個月。

教局又限制直資學校累計盈餘不可超過12個月營運開支，該學年未有學校超標，但有四間累計盈餘超過11個月。

作者: little_yolky 時間: 14-12-3 10:53

elbar 發表於 14-12-3 09:37
■教育局限制直資學校累計盈餘，不可超過相等於12個月營運開支的金額。

直資學校網上公開2012/13學年財 ...

生果報搞乜? 張相係衛生局喎。

所以我大囡升小時無報直資, 升中時亦無打算報直資, 一直覺得直資呃人。

作者: hkpapa852 時間: 14-12-4 17:07

little_yolky 發表於 14-12-3 10:53
生果報搞乜? 張相係衛生局喎。

收2家茶禮, 只係攞政府著數, 但又唔參加派位. 所以我當年都只報私校
其實直資學校收得政府資助, 應該分番D位俾人抽, 好似香島咁.

作者: Charlotte_mom 時間: 14-12-4 20:01

點樣攞政府著數呢? 我無數字, 但斷估政府資助直資的錢, 唔會多過資助津校的錢掛? (如果多過, 又有錢又有自由度, 津校仲駛唸, 一早轉晒直資啦)
站在納稅人立場, 唔存在直資=用左多納稅人錢; 而且有納稅人子女分流左去直資, 至有津校位吉出黎收其他納稅人子女
站在家長立場, 派位制度不利於我, 津校已經唔到我揀, 唯有靠自己考, 考到收一份政府資助, 又唔岩?

作者: cathyming1 時間: 14-12-4 21:48 標題: 回覆：Charlotte_mom 的帖子

我都喜歡考試入學校，好過大抽獎小學巳經失敗過一次了，点解要幸運行先！

作者: sugarmelody 時間: 14-12-5 09:16

回覆 Charlotte_mom 的帖子

作者: hkpapa852 時間: 14-12-5 09:43

Charlotte_mom 發表於 14-12-4 20:01
點樣攞政府著數呢? 我無數字, 但斷估政府資助直資的錢, 唔會多過資助津校的錢掛? (如果多過, 又有錢又有自 ...

我話攞政府著數, 係覺得點解直資學校, 可以收政府俾官津校一樣金額既資助(如每個學生有同額資助, 校舍租金資助等), 但郤又完全唔需要好似官津校咁完全跟足教育局指引做事, 又唔需要分番部份學位出嚟作統一派位?

其實我覺得直資學校應將部份學位(不是全部), 如10%撥入統一派位, 在選校時, 係統一派位時, 用不選不派既方式. 升中派位時, 學生已按能力分組派位, 所以即使係派番嚟既學生, 差異應該都唔會好大(起碼無小一時咁大)

作者: Charlotte_mom 時間: 14-12-5 11:29

以我所知, 直資按人頭資助, 已經全包, 就唔似津校有其他維修, 買裝置等funding, 所以係自負盈虧
當初政府推出直資呢招, "自由度"係一個大誘因, 有辦學團體因為想逃避受校本條例監管, 冒險轉直資, 果時無人知道轉左直資之後咩世界
所以"先天條件"上, 直資自負盈虧換黎自由(包括收生), 係有代價的, 每年整整冷氣幾十萬, 整下地台油外牆又幾十萬, 直資要自負, 津校係政府錢, 你有無研究過? (again如果條數一樣, 咁著數, 一早轉晒直資啦仲駛唸) 有give就有take了, 再講政府對直資都唔係零要求零監管的
講公平, 津校有世襲有計分, 令一小撮人受惠, 更唔公平wor

作者: hkpapa852 時間: 14-12-5 12:12

Charlotte_mom 發表於 14-12-5 11:29
以我所知, 直資按人頭資助, 已經全包, 就唔似津校有其他維修, 買裝置等funding, 所以係自負盈虧
當初政府推 ...

直資學校可以自行決定如何收生, 佢地可以自己整個計分制, 咁透明度高D添.
當然我知有D野既成本係直資學校高過官津校..... 不過各人心中尺度不同, 無謂再拗落去, 唔係就傷和氣...

作者: Charlotte_mom 時間: 14-12-5 12:55

其實講賺唔賺錢, 幼稚園無直資一樣有呢d問題, 總之家長考慮清楚, ok至落搭吧

作者: chanwendy 時間: 14-12-5 15:17

我覺得直資不受校網限制, 給家長多一個選擇, 我女讀緊的直資, 係唯一符合我的幾個必要條件的學校, 但佢不在我家校網區, 如果佢唔係直資, 我未必可以讀到. 佢轉咗直資, 只少我仲有機會考入去, 萬一考唔到都冇得怨.

歡迎光臨教育王國 (/)