教育王國

標題: 求賜教 - 沙田區有邊 d 校風比較好的 band 3 中學? [打印本頁]

作者: 1010mum 時間: 14-9-17 17:44 標題: 求賜教 - 沙田區有邊 d 校風比較好的 band 3 中學?

謝謝!

作者: homin-jai 時間: 14-9-17 18:10

You may try Ma On Shan st joe.

But it is a band 2 a-b school

作者: MonMonLam 時間: 14-9-17 19:49

homin-jai 發表於 14-9-17 18:10
You may try Ma On Shan st joe. But it is a band 2 a-b school

呢間會否好嚴。。

作者: MonMonLam 時間: 14-9-17 19:52

1010mum 發表於 14-9-17 17:44
謝謝!

hi, 我同你一樣都搵緊。。
但我諗住，以佢既興趣行先，讀得開心有自信就好，成績我唔會甘介意。。
只望佢開心完成中學課程。。

作者: tracy668899 時間: 14-9-17 20:04 標題: 回覆：1010mum 的帖子

五育係band 3中校風比較好一間

作者: genpub 時間: 14-9-17 20:17

Ng Yuk is not really good. I personally prefer Wong Wan Tin, Helen Liang, Toi Shan or Yow Kam Yuen. (only personal opinion)

作者: TVss 時間: 14-9-18 10:24

回覆 genpub 的帖子

靠害?

作者: happymama22 時間: 14-9-18 11:36

回覆 1010mum 的帖子

其實好的Band3中學有數個特徵, 以下是本人微見, 希望有用
1.有強勁講理, 學生順服的訓導教師團隊:你可問問人, 特別是在那間中學讀書的成熟的學生和家長和小學老師又或在午膳放學時間, 假期最後一天上課日等日子, 自己到學校門口和附近的商場, 觀察學生的外表和行為。校內放任的學生行出街都會較虛浮狂妄, 若大部分學生都是這樣, 就要想清楚喇。管得好的學校, 學生的表現會好一點。

2.學校會提供的課外活動多元化和充實。學生在讀書方面成就感不大, 有心的學校就會多辦課外活動, 建立學生的自信, 展示他們的活動成就。如果學生學習動機低, 又沒有課外活動玩, 校內無所事事, 一定會出很多問題。這可以在學校的開放日聽聽, 見到學生就問問他們學校活動多不多和他們是否enjoy。也可到學校綱頁內仔細看看活動項目及真實舉行情況。

3.校長有領袖能力, 不少老師能體恤學生及有愛心。學生很多時需要多一點時間教化, 沒耐性和愛心的可能只會罵罵罵, 相反的能給學生安全感, 學生也能在愛和勉勵中慢慢成長。這點也多只可從成熟的學生和家長口中收風喇。

作者: NurseSally 時間: 14-9-18 13:22 標題: 回覆：happymama22 的帖子

請問德信有否收band 2尾，band3 生？

作者: 1010mum 時間: 14-9-18 13:44

回覆 happymama22 的帖子

感謝!

作者: 1010mum 時間: 14-9-18 13:45

不是我小孩，是侄子。

全級 10x / 12x，昨晚阿嫂叫我都係唔好幫佢問 band 3, 要問 band 2 喎。

作者: happymama22 時間: 14-9-18 15:13

回覆 NurseSally 的帖子

這不太清楚, 但要留意有些直資中學學生程度參差厲害, 教師資歷, 經驗和流動性問題等, 所以若band1中學不收, 寧願選Band2頭中學。(除非你怎也堅持要讀全英中)。參考參考喇。

作者: www 時間: 14-9-18 15:13

1010mum 發表於 14-9-18 13:45
不是我小孩，是侄子。

全級 10x / 12x，昨晚阿嫂叫我都係唔好幫佢問 band 3, 要問 band 2 喎。 ...

全級 10x 不代表一定是Band 3, 有些小學，全級 10x仍屬Band 1.

Good Luck!

作者: happymama22 時間: 14-9-18 15:23

回覆 1010mum 的帖子

如果你肯定他是band3, 也真可考慮一下band2中或尾中學。(中一人口跌嘛)但是否band2尾中學一定好過band3頭中學, 我想也未必然。還是自己去做下功課。希望你侄仔在這期間繼續提昇操行, 好學校收的機會更大。你也可留意每一間中學今年度中一收生的人數(有些在該校網頁中一新生分班欄可見到), 受歡迎的學校一般收滿學額, 不受歡迎的中學也不會高調登出或說出來。參考參考

作者: penpen 時間: 14-9-18 15:31

本帖最後由 penpen 於 14-9-18 15:31 編輯

我見五育d學生又唔係好差喎~~ 起馬著到套校服正正經經咁返學同放學，髮型正常，(我真係見過d不倫不類的，)在街上言行舉止不太過份，亦見過夜晚6點幾7點仲有學生喺學校打籃球，學踩應該係花式單車，其實真係最好親身喺返學放學或者lunch時間抽d時間去學校附近觀察下

作者: happymama22 時間: 14-9-18 15:54

回覆 happymama22 的帖子

不好意思，我説的應該是：所以有部分家長派不到全英中，就寧選band２頭都不選某些直資中學

作者: happymama22 時間: 14-9-18 17:18

回覆 penpen 的帖子

我上年進取到連學校隔鄰茶餐廳的侍應嬸嬸, 雜貨店的老闆也不放過, 他們天天都見到學生, 最清楚不過了, 現在回想起也很好笑, 但為著子女的前途，厚臉皮都要做一次。

作者: happymama22 時間: 14-9-18 17:32

其實上年我常常在這個網站尋找沙田Band 2中學的資料, 可惜給意見的人不太多。談Band3的更少。有很多乖乖的band2,3生其實也需要指引。這種無助, 又不好意思問的感覺, 我也經歷過。所以如果有人提供到有用的參考意見, 真的會特別珍惜。

作者: magtat 時間: 14-9-18 20:51

沙田B2尾
可搏一搏B2B的梁文燕 / 楊葛小琳/覺光/馮黃鳳亭
B2C 黃允畋唔錯近年持續進步
再落B3A 首推五育,管得唔算嚴, 但活動勁多資源豐富
馮堯敬推行制服團體學生秩序OK

台山/邱金元/朱敬文等等...唔及五/馮好
至於劉百樂/陳楷...感覺愈做愈頹, 本來係b2, 感覺似b3

如果要去馬鞍山
馬祟聖約瑟已經升lv, 係B2A-B, 後者超級谷
如果b3在馬鞍山其實我覺得潮館好左好多
以前武館今日學生都幾企理又純品

利申, 以前在沙田區教書

作者: fatman69 時間: 14-9-18 21:05 標題: 引用：沙田B2尾可搏一搏B2B的梁文燕+/+楊葛小琳/

原帖由 magtat 於 14-09-18 發表
沙田B2尾
可搏一搏B2B的梁文燕 / 楊葛小琳/覺光/馮黃鳳亭
B2C 黃允畋唔錯近年持續進步

好有point，除潮州會館外，內容中完全沒有提及只有3班的縮班中學，內容客觀可信。

作者: happymama22 時間: 14-9-18 21:24

回覆 magtat 的帖子

勁

作者: fionakong2008 時間: 14-9-18 22:07 標題: 引用：沙田B2尾可搏一搏B2B的梁文燕+/+楊葛小琳/

原帖由 magtat 於 14-09-18 發表
沙田B2尾
可搏一搏B2B的梁文燕 / 楊葛小琳/覺光/馮黃鳳亭
B2C 黃允畋唔錯近年持續進步

我之前做義工嗰度有啲潮的學生一齊做，我覺得佢地好好，對長輩義工和小朋友好有禮貌。

作者: happymama22 時間: 14-9-18 22:54

回覆 fionakong2008 的帖子

是呀，我也相信BAND3中學學生成績一般雖然稍遜，但當中都有很多乖而受教的学生，也有不少值得尊敬, 付出很多的好老師。但最重要是学校遇上顽劣行為的学童時是否仍有能力駕馭, 失控的課堂会使大部分乖的学生受影响。遇上没有信心学習的学童時, 学校能否重燃他們学習的動力

作者: chingko 時間: 14-9-19 14:06 標題: 引用：回覆+fionakong2008+的帖子是呀，我也相

原帖由 happymama22 於 14-09-18 發表
回覆 fionakong2008 的帖子

是呀，我也相信BAND3中學學生成績一般雖然稍遜，但當中都有很多乖而受教的学生 ...

真係多謝你既分享！

正當全無頭緒既時候，有你既指引，非常感謝！

作者: happymama22 時間: 14-9-19 15:22

回覆 chingko 的帖子

如果去學校簡介會講座, 不妨好好把握「答問時間」, 有禮地問問學校有什麼辦法應付頑劣學生, 控制課堂秩序, 有什麼方法幫助學習動機弱的學生, 重燃學習的信心。我相信每間學校的領導人都會有不同的講法, 細心聽聽他們有沒有具體的措施, 留意一下他們說話時的態度和內容。只要比較一下, 這多少會幫你分辨得出哪間是較「有心有力有效的學校」。

作者: lucia6119 時間: 14-9-19 15:24

回覆 happymama22 的帖子

同意 , 感覺大家都係多討論 band 1 學校 , 但是討論 band 2 的很少 , band 3 的竟更少 , 但覺得 band 2 . band 3 才需要更多資料讓大家選擇

作者: happymama22 時間: 14-9-19 15:40

係呀, 我覺得這群同學更需多些人關心。這也是我今次加入討論的原因。不過家人提我吾做中吾做保, 吾做媒人三代好。所以大家都可理性的客觀的講和聽, 當參考好喇, 自己多去了解和找資料, 那才最真實。

作者: liuliu 時間: 14-9-19 20:52 標題: 引用：其實上年我常常在這個網站尋找沙田Band+2中

原帖由 happymama22 於 14-09-18 發表
其實上年我常常在這個網站尋找沙田Band 2中學的資料, 可惜給意見的人不太多。談Band3的更少。有很多乖乖的b ...

你也無私分享了很多寶貴意見給我們，我也衷心感謝你。

作者: 香香 時間: 14-9-20 10:07

提示: 作者被禁止或刪除內容自動屏蔽

作者: 蔚晴 時間: 14-9-20 18:22

我一聽聖若瑟就話好谷，可以講講點谷嗎?

作者: fionakong2008 時間: 14-9-20 19:02 標題: 引用：我一聽聖若瑟就話好谷，可以講講點谷嗎?

原帖由蔚晴於 14-09-20 發表
我一聽聖若瑟就話好谷，可以講講點谷嗎?

b2兩班英文班得呢間，簡介會上，校長話唔主張學生參加課外活動(補習老師呢間畢業，佢都話係，初中可能仲有學生放學打下波咁，中三四都無咩人玩㗎喇)

補課—補習老師話：全級名次頭四分一拔尖補課，尾四分二補底補課。長假、星期六都係補課。

對你們來說可能係缺點，但對我地來講係優點，所以我年初自行選佢。

作者: 蔚晴 時間: 14-9-20 23:14

回覆 fionakong2008 的帖子

多謝您提供！其實我女好乖好單純，就係無責任心，對於學業就求求其其，所以成績平平，其實我想揾一間校風好，學校對學生有要求既學校，可能聖若瑟都係我杯茶，我想問吓功課會不會好多？程度會不會好深？聽聞學校好嚴，真的嗎？thx!

作者: fionakong2008 時間: 14-9-20 23:54 標題: 引用：回覆+fionakong2008+的帖子多謝您提供！

原帖由蔚晴於 14-09-20 發表
回覆 fionakong2008 的帖子

多謝您提供！其實我女好乖好單純，就係無責任心，對於學業就求求其其，所以成 ...

都係引用返簡介會上校長講，校長話佢地對小朋友嘅學業係有要求嘅，不過家長唔使怕，小朋友唔識，佢地有老師補到佢識為止(所以補習姐姐推薦我女呢間，係因為佢知道，我女本身成績唔太好，但考自行佢地嘅要求係注重學生嘅品格多過成績，因為校方相信，佢地一定有方法提昇學生成績。）

至於嚴呀，姐姐話係嚴㗎，個訓導太有責任心，一般學校對放學後著街衫都唔多理，但佢地唔係囉

，放學換衫後在新港城等家人，訓導都會走黎問，十分鐘後再返黎見到仲喺度，就會通知家長喎

作者: fionakong2008 時間: 14-9-21 00:27 標題: 引用：Quote:原帖由+蔚晴+於+14-09-20+發表回覆+f

原帖由 fionakong2008 於 14-09-20 發表
都係引用返簡介會上校長講，校長話佢地對小朋友嘅學業係有要求嘅，不過家長唔使怕，小朋友唔識，佢地有老師 ...

仲有，自行面試嗰陣，校長再次向家長重申，學校唔比帶手機，有需要帶返校要放低校務處，放學簽收取回，呢點係我女接受唔到嘅

作者: 蔚晴 時間: 14-9-21 08:54

都幾好呀！起碼唔會學壊，而且節省唔少補習費。

作者: lyannwong 時間: 14-9-21 12:44 標題: 回覆：magtat 的帖子

我都係一個㥬惶中的媽咪，希望大家能提供更多寶貴意見

作者: pineapple0983 時間: 14-9-21 13:35

馮堯敬、5育、台商
2尾：楊葛

作者: magtat 時間: 14-9-21 20:24

蔚晴發表於 14-9-20 18:22
我一聽聖若瑟就話好谷，可以講講點谷嗎?

St joe附近的學校比較差, 聽講1x年前仲係新校都係b3
跟住推行高壓式手段, 全校中一至中六都要留校午膳, 以免出外學壞
全方位谷成績功課多最後依家升到b2, 仲要開到英文班
感覺上學生不太喜歡學校覺得像坐監
但如果真係想逼小朋友讀書唔想佢學壞
未嘗唔係好選擇

如果成績有b2a-b, 馬鞍山的陳震夏幾好
據聞學生乖成績ok 對學校有歸屬感

其他關於沙田區的中學問題, 都可以pm我討論下
我知既都盡量講下啦

作者: happymama22 時間: 14-9-22 09:02

回覆 magtat 的帖子

選校要考慮什麼教育模式能使子女能健康成長。
我對陳震夏的觀感也很不錯, 但考慮一下一條龍制度對它的影響。

作者: 蔚晴 時間: 14-9-22 12:38

我舊年聽過陳震夏簡介會,當時已經十分欣賞,而且間學校教學模式,亦都好吸引,但補習老師覺得可以有更好選擇,建議我考慮培基,我囡自己就比較喜歡培基,但我就鍾意陳震夏&聖若瑟.其實三間都各有所長,真係頭痛!!

作者: homin-jai 時間: 14-9-22 20:28 標題: 引用：Quote:homin-jai+發表於+14-9-17+18:10+You

原帖由 MonMonLam 於 14-09-17 發表
呢間會否好嚴。。

出名谷

作者: MonMonLam 時間: 14-9-23 13:38

homin-jai 發表於 14-9-22 20:28
出名谷

oh.... ic, tks.

作者: MonMonLam 時間: 14-9-23 13:41

lucia6119 發表於 14-9-19 15:24
回覆 happymama22 的帖子

同意 , 感覺大家都係多討論 band 1 學校 , 但是討論 band 2 的很少 , band 3 ...

非常同意.... 因為 BAND 1 唔髮點講, 都知係好, 只係無最好, 但有更好...
而 BAND 2 & 3, 則更加需要多些資料...

作者: eeyore_fy 時間: 14-11-16 00:54

終於搵到個 post 係講 band 3,眼見好多 post 都係講 band 1 都無心機睇，阿仔都係 band 3；所以都唔知有咩學校可以揀
今日去左梁文燕，校長就強調佢地係中中，如果你既仔女英文好就千其唔好揀佢地，唔好浪費個 quota;聽到都覺得好笑！但係我鐘意佢夠真；但聽到佢地有好多活動都係推動英文，感覺佢地都谷谷地，可能想升級（個人感受），但同d同學仔傾計，感覺佢地都幾開心。佢地學校係外出食飯，校長話佢地地理比較遠，加上迫校生留校食唔一定係好；我都覺得幾啱；呢間學校都幾多元化，又有band, 劍擊，爬山咁；見佢夾 band 既同學仔，d樣都乖既，同埋好有自信，都唔錯！最可惜阿仔今日足球比賽去唔到，唔知佢鐘唔鐘意呢？

作者: saraleek 時間: 14-11-16 11:10

magtat,

請問林裘謀/沙陪比較，校風同程度系點? 我覺得林不著重[文言文],各科ok. 謝謝您。

作者: 香香 時間: 14-11-17 14:30

提示: 作者被禁止或刪除內容自動屏蔽

作者: 香香 時間: 14-11-17 15:46

提示: 作者被禁止或刪除內容自動屏蔽

作者: 蔚晴 時間: 14-11-18 18:20

回覆香香的帖子

我囡係一個唔怕做功課既怪人,佢最怕就係思考!

作者: 蔚晴 時間: 14-11-19 13:42

回覆香香的帖子

想問你朋友係邊間小學?佢既頭4位係點排呀?最後派左邊間?多謝提供意見!

作者: 香香 時間: 14-11-19 15:29

提示: 作者被禁止或刪除內容自動屏蔽

作者: 蔚晴 時間: 14-11-20 13:11

回覆香香的帖子

你話上年你朋友係沙田出名小學讀嗎?

作者: SIYip 時間: 14-11-20 22:11

名次唔等如banding,問番學校穩陣d.我舊同事個老婆係馬鞍山小學老師.佢話沙田band 2 比較慘,好多band 2學生都要去band 3因為唔夠band 2位.如果你親戚好勉強band 2,可能真係揾定band3頭資料好.其實學校老師最清楚自己學校學生的情況,問老師最安全.

作者: 香香 時間: 14-11-21 10:56

提示: 作者被禁止或刪除內容自動屏蔽

作者: Cathleen 時間: 14-11-22 12:19 標題: 引用：名次唔等如banding,問番學校穩陣d.我舊同事

原帖由 SIYip 於 14-11-20 發表
名次唔等如banding,問番學校穩陣d.我舊同事個老婆係馬鞍山小學老師.佢話沙田band 2 比較慘,好多band 2學生 ...

我問老師有邊D band 3較好，佢話差唔多，叫我自已睇下

作者: fionakong2008 時間: 14-11-22 14:27 標題: 引用：Quote:原帖由+SIYip+於+14-11-20+發表名次

原帖由 Cathleen 於 14-11-22 發表
我問老師有邊D band 3較好，佢話差唔多，叫我自已睇下

唔好一相情願信哂、聽晒老師講，要自己揾多啲師兄師姐、家長問學校情況求証，經驗話比我知，唔好彩都會遇到A字膊老師！

作者: elbar 時間: 14-11-22 14:38

Cathleen 發表於 14-11-22 12:19
我問老師有邊D band 3較好，佢話差唔多，叫我自已睇下

請查看收發訊息

作者: fatman69 時間: 14-11-22 14:57 標題: 引用：Quote:原帖由+SIYip+於+14-11-20+發表名次

原帖由 Cathleen 於 14-11-22 發表
我問老師有邊D band 3較好，佢話差唔多，叫我自已睇下

現在有些B3校行「老師政策」。買埋禮物生果等比已升中的學生回小學母校探訪老師，給老師好印象，希望到選校時可幚手推介，所以選B3校不要盡信老師。

作者: SIYip 時間: 14-11-22 17:35

我指係小朋友BANGING同埋可以報哪些學校.除非同老師關係好.否則老師未必會真係話邊間好邊間唔好.免得到時家長有咩唔滿意會怪老師.一般會揀咗學校,問下老師意見.

作者: candyhmama 時間: 14-11-22 20:24

B2最好應該系培基,St.Joseph,胡忠,基督果類
B3既話,5育同馮堯敬既整體評價比較好.潮館進步緊.台山既話..可能我住系佢對面,日日女女返學都見到佢地既學生覺得唔多掂,但其實總體評價都算B3中較好.唯一不足系得三班.
B3A可以試下搏楊中等..把握今年呀,升中人數仲少過上年.

作者: fatman69 時間: 14-11-22 21:40 標題: 引用：B2最好應該系培基,St.Joseph,胡忠,基督果類

原帖由 candyhmama 於 14-11-22 發表
B2最好應該系培基,St.Joseph,胡忠,基督果類
B3既話,5育同馮堯敬既整體評價比較好.潮館進步緊.台山既話..可 ...

五育、劉百樂、陳楷、YMCA，都是比較好的B3，至少仍然保持4班中一。其實可否進取些選B2C，例如梁文燕。

作者: candyhmama 時間: 14-11-22 22:00

fatman69 發表於 14-11-22 21:40
五育、劉百樂、陳楷、YMCA，都是比較好的B3，至少仍然保持4班中一。其實可否進取些選B2C，例如梁文燕。

...

劉百樂&陳楷好似系B2?
梁文燕唔系B2B咩?

作者: fatman69 時間: 14-11-22 22:46 標題: 引用：Quote:fatman69+發表於+14-11-22+21:40+五

本帖最後由 fatman69 於 14-11-22 22:51 編輯

原帖由 candyhmama 於 14-11-22 發表
劉百樂&陳楷好似系B2?
梁文燕唔系B2B咩?

睇開設科目，LPL及陳楷應該是B3a，而梁文燕上年知有人B3自行入，可一試。始終位多過人，自降目標好笨。

作者: qwop 時間: 14-11-23 12:22 標題: 回覆：蔚晴的帖子

聖若瑟真係好嚴,連鞋的樣式都管得嚴,如你囡囡純品型,應受到無問題的。

作者: qwop 時間: 14-11-23 12:34 標題: 引用：B2最好應該系培基,St.Joseph,胡忠,基督果類

原帖由 candyhmama 於 14-11-22 發表
B2最好應該系培基,St.Joseph,胡忠,基督果類
B3既話,5育同馮堯敬既整體評價比較好.潮館進步緊.台山既話..可 ...

昨日參觀培基,真係覺得同學做得好好,好有心同禮貌接待家長。學校應辦得唔錯架。

作者: dreambuy05 時間: 14-11-24 12:54

fatman69 發表於 14-11-22 22:46
睇開設科目，LPL及陳楷應該是B3a，而梁文燕上年知有人B3自行入，可一試。始終位多過人，自降目標好笨。

我去左梁文燕中學的資訊日,校長話佢地9成來自BAND2生.

作者: fatman69 時間: 14-11-24 15:56 標題: 引用：Quote:fatman69+發表於+14-11-22+22:46+睇

原帖由 dreambuy05 於 14-11-24 發表
我去左梁文燕中學的資訊日,校長話佢地9成來自BAND2生.

每間學校都會話自己好，B1必話自行及甲乙放頭先有機會，B3就話自己係B2都見過，只有真正參與過派位的家長會知真實情況。

作者: ilovematthew 時間: 14-12-20 08:03 標題: 引用：回覆+1010mum+的帖子其實好的Band3中學有

原帖由 happymama22 於 14-09-18 發表
回覆 1010mum 的帖子

其實好的Band3中學有數個特徵, 以下是本人微見, 希望有用

作者: daddy999 時間: 14-12-20 12:13

梁文燕

作者: 大名鼎鼎 時間: 14-12-23 20:39

好難講,試下德信或林大輝,大膽D,試羅定邦。

歡迎光臨教育王國 (/)