教育王國

標題: 叩門問題 [打印本頁]

作者: ^^Angel^^ 時間: 14-7-4 10:19 標題: 叩門問題

請問如果在自行沒有揀, 只在統一派位第四志願打後才揀的學校, 到時去叩其門, 機會是否微乎其微呢?

作者: fion6406 時間: 14-7-4 10:59 標題: 回覆：叩門問題

中學叩門表格的要求你符合就得。升中叩門主要講實力（成績表+叩門試+面試），唔係升小那種講誠意。有些學校要自行報過至可叩，都是因為自行報過，他們就有個成績次第，多一個學生成績的參考。

作者: fion6406 時間: 14-7-4 11:04 標題: 回覆：叩門問題

呀，不過要留意好多區中學都不接受本區叩門，要跨區叩門。咁你跨得區，那些中學就絕大多數自行統一都無報過。

作者: ^^Angel^^ 時間: 14-7-4 12:32

阿囡間小學有直屬中學, 屬BAND 1尾, 但阿囡成績估計可能只有BAND B甚至C, 當時老師話只要第三次分試成績保持甚至有小小進步, 是有機會的。聽老師咁講梗係去馬啦, 所以在自行分配就好勇只選佢做第一志願, 其他留空。再在統一甲部填佢, 其他留空。再在乙部選做第一志願, 第二三志願都揀了間BAND 2A的, 但老師rejected 咗, 最後第三志願就同後面對調, 最後版本就係第二三四五六志願分別係BAND 2A, BAND 2B, BAND 2C, BAND 2C, BAND 2A。但最慘係第三次分試成績不但無進步反而退步咗小小, 今次真係大鑊了。而家諗番起真係太孤住一擲了。

作者: opclk 時間: 14-7-4 12:46

提示: 作者被禁止或刪除內容自動屏蔽

作者: goodenough 時間: 14-7-4 13:04 標題: 引用：阿囡間小學有直屬中學,+屬BAND+1尾,+但阿囡

原帖由 ^^Angel^^ 於 14-07-04 發表
阿囡間小學有直屬中學, 屬BAND 1尾, 但阿囡成績估計可能只有BAND B甚至C, 當時老師話只要第三次分試成績保 ...

乜野叫做band b 和c?

作者: fion6406 時間: 14-7-4 13:54

^^Angel^^ 發表於 14-7-4 12:32
阿囡間小學有直屬中學, 屬BAND 1尾, 但阿囡成績估計可能只有BAND B甚至C, 當時老師話只要第三次分試成績保 ...

雖然唔知你邊區，但如果你 target 是叩band 2學校的話，我估你要準備叩隔離區學校。

作者: mayeec 時間: 14-7-4 14:00

呢幾日打電話同上網問定叩門位, 有啲無叩門位, 有啲符合學校要求就可申請叩門, 有啲要在派位表填首選才接受申請, 所以一定要問清楚你想叩門學校, 以免浪費時間, 因為分秒必爭, 有啲會即日面試..

作者: 木子 時間: 14-7-4 14:52

我有三間都撞期....555....

作者: ^^Angel^^ 時間: 14-7-4 15:05

fion6406 發表於 14-7-4 11:04
呀，不過要留意好多區中學都不接受本區叩門，要跨區叩門。咁你跨得區，那些中學就絕大多數自行統一都無報過 ...

小女係屬九龍城區, 其實我既心水都係九龍城區既Band 2 頭學校, 所以最初都係希望叩番本區, 但睇番D post, 有D會員話九龍城區已協議優先收他區的, 咁係唔係即係唔洗諗呢?

作者: ^^Angel^^ 時間: 14-7-4 15:07

opclk 發表於 14-7-4 12:46
回覆 ^^Angel^^ 的帖子

有些中學如>>>旅港開平你在自行時冇選是不可叩門的,要問清楚先,以免浪費時間....

明白, thx

作者: ^^Angel^^ 時間: 14-7-4 15:12

goodenough 發表於 14-7-4 13:04
乜野叫做band b 和c?

sorry, 係 band 2b , band 2c

作者: ^^Angel^^ 時間: 14-7-4 15:14

mayeec 發表於 14-7-4 14:00
呢幾日打電話同上網問定叩門位, 有啲無叩門位, 有啲符合學校要求就可申請叩門, 有啲要在派位表填首選才接受 ...

係呀! 真係好煩

作者: ^^Angel^^ 時間: 14-7-4 15:15

fion6406 發表於 14-7-4 13:54
雖然唔知你邊區，但如果你 target 是叩band 2學校的話，我估你要準備叩隔離區學校。
...

作者: opclk 時間: 14-7-4 21:57

提示: 作者被禁止或刪除內容自動屏蔽

作者: goodenough 時間: 14-7-4 22:36

^^Angel^^ 發表於 14-7-4 12:32
阿囡間小學有直屬中學, 屬BAND 1尾, 但阿囡成績估計可能只有BAND B甚至C, 當時老師話只要第三次分試成績保 ...

我都估到你是那一間小學。Band 2B、C成績要返自己中學，自行階段一定冇可能。學校絕對有機會在大抽獎的直屬位收返好小部份band 2同學，佢重係自行時收你地小學的同學未即係要在直屬位收到更多的band 2同學！除非是一些非收不可又成績好的同學，因為驚佢地走晒去其他學校。
至於大抽獎，只要仍是band 2的組別(我諗你應該唔知你小朋友的真實組別，始終老師唔肯講或只會講一些似是如非的事實)，大抽獎仍然可以憑好的隨機號碼而受惠，機會是好微但總算是機會。

跟住你在大抽獎填的學校，我估跟其他邊緣同學，甚至band 2同學的都好相似。你第一志願就係填自己學校，人地第一志願何嘗唔係搏緊銀禧、丘佐榮呢D。你還好一點就是抽完直屬位還有非保留位抽，我相信你們的非保留位都係你們學校抽到的機會較大，因為唔多band 1生會選位少的學校放得太前，又適逢區內band 1位有剩的情況下，其他band 1生抽到你們中學的估計唔多。

其餘打後位置的學校，都只係一般正常排法，並非有好大問題，只爭你們的隨機號碼了。唯有做定叩門文件，如有必要時準備叩門。

至於你問九龍城區有冇叩門協議。講真，我從未聽聞過九龍城區有協議話唔收本區生，可以放膽先叩本區學校。只不過由於今年有學校響應唔用留班位作叩門，應該叩門位會減少並且會集中在某些學校，競爭會激烈，奉勸盡可能叩多一兩間增加成功機會，不過仍要留意各學校的筆、面試日期是否相撞。

祝你好運！！！

作者: ^^Angel^^ 時間: 14-7-4 23:09

回覆 goodenough 的帖子

多謝你咁詳盡既分析

作者: ATSLO 時間: 14-7-5 00:56

我都估到邊間。如果諗住叩Band 2A，建議先去九真，因為即日知有冇得面試，好似唔使考筆試，好怏知收唔收。九真比較鍾意收來自貴校的學生，仲好大機會編入精英班。之後可以試叩Band 1的中學。

作者: ATSLO 時間: 14-7-5 01:01

原來九真今年要考插班試。已申請叩門的表格可以下載。

http://www.ktlms.edu.hk/data/?page_id=2#p3

作者: opclk 時間: 14-7-5 02:19

提示: 作者被禁止或刪除內容自動屏蔽

作者: ^^Angel^^ 時間: 14-7-5 10:15

ATSLO 發表於 14-7-5 00:56
我都估到邊間。如果諗住叩Band 2A，建議先去九真，因為即日知有冇得面試，好似唔使考筆試，好怏知收唔收。 ...

九真即日下午要考筆試的

作者: ^^Angel^^ 時間: 14-7-5 10:18

回覆 opclk 的帖子

我都想知呀

作者: 123smile 時間: 14-7-5 10:32 標題: 回覆：叩門問題

請問洗唔洗影埋大抽獎張表俾學校？第1志願果間肯定要，咁排第2志願果間，影嗎？會唔會冇誠意呢？

作者: goodenough 時間: 14-7-5 11:08 標題: 引用：請問洗唔洗影埋大抽獎張表俾學校？第1志願

原帖由 123smile 於 14-07-05 發表
請問洗唔洗影埋大抽獎張表俾學校？第1志願果間肯定要，咁排第2志願果間，影嗎？會唔會冇誠意呢？

...

學校要都要比，學校冇規定就唔需要。影定一兩張作士啤。

作者: 馬到功成 時間: 14-7-5 11:11 標題: 回覆：叩門問題

影印d證書單面定雙面印

作者: goodenough 時間: 14-7-5 11:40 標題: 引用：影印d證書單面定雙面印 +

原帖由 馬到功成 於 14-07-05 發表
影印d證書單面定雙面印

隨你意願就得。

作者: lopoto 時間: 14-7-5 11:50

ATSLO 發表於 14-7-5 01:01
原來九真今年要考插班試。已申請叩門的表格可以下載。

http://www.ktlms.edu.hk/data/?page_id=2#p3 ...

唔只今年，九真上年都要考筆試，仲要3科考成4個鐘

作者: opclk 時間: 14-7-5 13:44

提示: 作者被禁止或刪除內容自動屏蔽

作者: 123smile 時間: 14-7-5 18:59 標題: 引用：Quote:原帖由+123smile+於+14-07-05+發表請

原帖由 goodenough 於 14-07-05 發表
學校要都要比，學校冇規定就唔需要。影定一兩張作士啤。

謝謝你，咁我自行果張都帶埋去了

歡迎光臨教育王國 (/)