教育王國

標題: 大抽獎問題? [打印本頁]

作者: HeiHei_Baby 時間: 14-6-9 10:54 標題: 大抽獎問題?

大抽獎甲部頭位(陳瑞祺)自行冇報自行, 二(胡記)、三(波記)有報兼面試,

原先放波記, 胡記, 陳記，但學校話囝成績不需放波記第一，結果跟學校提議

陳記, 胡記,波記，萬一自行第二、三自行都唔收,

大抽獎又不如意的話，咁叩問是否等於零。

作者: goodenough 時間: 14-6-9 13:01 標題: 引用：大抽獎甲部頭位(陳瑞祺)自行冇報自行,+二(

原帖由 HeiHei_Baby 於 14-06-09 發表
大抽獎甲部頭位(陳瑞祺)自行冇報自行, 二(胡記)、三(波記)有報兼面試,

原先放波記, 胡記, 陳記，但學校話 ...

叩門跟派位沒關係，絕對不是派唔到去的學校等於你唔適合。叩門跟成績掛上多一些，有點跟自行相似。叩門是否等於零，好視乎你甚麼成績和揀甚麼學校，你有幾大競爭力和有甚麼人跟你爭。唔試過沒人會知。

作者: HeiHei_Baby 時間: 14-6-9 13:54

本帖最後由 HeiHei_Baby 於 14-6-9 13:56 編輯

但如果自行有報嗰兩間排先, 因為感覺會誠意大D, 而相對叩門機會亦否大D

作者: goodenough 時間: 14-6-9 14:42 標題: 引用：+本帖最後由+HeiHei_Baby+於+14-6-9+13:56+

原帖由 HeiHei_Baby 於 14-06-09 發表
本帖最後由 HeiHei_Baby 於 14-6-9 13:56 編輯

但如果自行有報嗰兩間排先, 因為感覺會誠意大D, 而相對叩 ...

自行跟大抽獎係兩套機制，互相不會影響，跟誠意更加相去甚遠。大抽獎純靠彩數，有運就得，冇運就用策略減低派得後的機會。

誠意係非常抽像，一係自行冇報的就索性唔比你叩門，比得你叩門的，是學校較看重成績和叩門面試表現。誠意只有在兩個同學在相同的成績和表現，出現抉擇困難時才有效力。

作者: HeiHei_Baby 時間: 14-6-9 14:47

回覆 goodenough 的帖子

多謝你的回覆。

作者: goodenough 時間: 14-6-9 14:56 標題: 引用：回覆+goodenough+的帖子多謝你的回覆。

原帖由 HeiHei_Baby 於 14-06-09 發表
回覆 goodenough 的帖子

多謝你的回覆。

如果學校肯接受你叩門，成績係行先，有叩門試的就考好個試，盡力做好面試，唔好諗其他野！

作者: goodenough 時間: 14-6-9 14:57 標題: 回覆：大抽獎問題

還有盡量叩多兩間，給自己多一個機會。

作者: HeiHei_Baby 時間: 14-6-9 15:35

回覆 goodenough 的帖子

多謝你的意見。希望阿囝唔洗叩門啦! 因為叩門機會真好渺茫。

作者: goodenough 時間: 14-6-9 16:30 標題: 引用：回覆+goodenough+的帖子多謝你的意見。希

原帖由 HeiHei_Baby 於 14-06-09 發表
回覆 goodenough 的帖子

多謝你的意見。希望阿囝唔洗叩門啦! 因為叩門機會真好渺茫。

既然老師話你小朋友的程度是可以高少少的，我估自行鄧都有機會了。就算要叩返鄧，照理機會都仍然唔低。

作者: HeiHei_Baby 時間: 14-6-9 16:39

回覆 goodenough 的帖子

阿囝面試後鐘意鄧, 所以我都將佢大抽獎甲及乙都放第一,

但老師分析佢生得細粒, 同埋鄧屬B3尾, 亦話阿囝好睇跟什麼同學,

所以唔須要放第一, 所以叫我地執返D排位。

希望冇唔阿囝就好。其實升中派位真好大壓力。

作者: cclbaby 時間: 14-6-9 16:58

回覆 HeiHei_Baby 的帖子

其實你大抽獎甲部放頭位(陳瑞祺), 二(胡記)、三(波記),
你乙部是否都係放這三間位置相同？如是, 你已有兩次機會抽到啦﹗放心﹗

作者: HeiHei_Baby 時間: 14-6-9 17:00

回覆 cclbaby 的帖子

甲、乙部都是一樣。

作者: cclbaby 時間: 14-6-9 17:01

回覆 HeiHei_Baby 的帖子

咁陳有機會啦﹗至於鄧唔係 B3 尾, 是 B2C 呀﹗

作者: HeiHei_Baby 時間: 14-6-9 17:18

回覆 cclbaby 的帖子

鄧係B2尾, 但小朋友太多問題, 所以都好頭痛。

作者: cclbaby 時間: 14-6-9 17:27

本帖最後由 cclbaby 於 14-6-9 17:29 編輯

回覆 HeiHei_Baby 的帖子

慢慢來啦﹗小孩仲細, 只得 12 咋﹗做家長的我們真係要做好本份, 多些跟他傾, 了解佢係學校情形, 盡量和他 SET 好一套計劃作獎勵, 唔好比咁多物質佢先, 要佢做好一樣野先有獎勵。
記住唔好咁快放棄啦﹗多些和你另一半商量, 大家要共同目標, 如果而家唔教好佢, 第日想教就難啦﹗
其實鄧唔差, 陳和鄧都係男校, 真係要看跟的是什麼人了﹗
我有個 FD 說兩間學校的男生都有百厭的, 你們要多加留意﹗

作者: HeiHei_Baby 時間: 14-6-9 17:31

回覆 cclbaby 的帖子

謝謝。

作者: cclbaby 時間: 14-6-9 17:38

回覆 HeiHei_Baby 的帖子

大家都係研究研究教子方式﹗希望你仔快些乖乖啦﹗
其實你有冇問學校有咩方法教你仔？

作者: goodenough 時間: 14-6-9 17:52 標題: 引用：回覆+cclbaby+的帖子鄧係B2尾,+但小朋友

原帖由 HeiHei_Baby 於 14-06-09 發表
回覆 cclbaby 的帖子

鄧係B2尾, 但小朋友太多問題, 所以都好頭痛。

都唔關歲數的事了，有那個小朋友沒有問題，band 1同學也有band 1的問題的。

作者: cclbaby 時間: 14-6-9 17:59

本帖最後由 cclbaby 於 14-6-9 18:00 編輯

回覆 goodenough 的帖子

我明白每個年齡的小朋友都有佢地問題, 作為家長的我們只要盡量去和他們溝通, 件事自然會易辦﹗升上中學後, 去到陌生環境, 自然要多加注意佢地﹗希望大家的小孩能快樂地在良好的學習環境中成長﹗

作者: goodenough 時間: 14-6-9 19:49 標題: 引用：回覆+HeiHei_Baby+的帖子大家都係研究研

原帖由 cclbaby 於 14-06-09 發表
回覆 HeiHei_Baby 的帖子

大家都係研究研究教子方式﹗希望你仔快些乖乖啦﹗

學校點樣可以教到你教仔。我覺得學校只會識話人唔識教仔！

作者: HeiHei_Baby 時間: 14-6-10 09:29

回覆 cclbaby 的帖子

其實學校都好好, 有什麼教囝講座都會出通知比我,

睇吓我有冇時間參與, 其實有時上完D COURSE好似好合用,

但永遠套唔到落阿囝身上, 可能我自己EQ唔夠.

作者: cclbaby 時間: 14-6-10 10:43

本帖最後由 cclbaby 於 14-6-10 10:45 編輯

回覆 HeiHei_Baby 的帖子

咁學校都對你好好呀﹗加油吧﹗升中後, 都要與中學多加聯繫, 這樣學校才知你的須要﹗

作者: HeiHei_Baby 時間: 14-6-10 12:04

回覆 cclbaby 的帖子

班主任都可以做到你SEND 條LINK 的方法, 亦非常包容及鍚佢,

但佢自己控制唔到自己情緒, 往往都要將最鍚佢的人傷害

所以我選鄧希望佢有多D愛心老師, 可以多D關注

作者: chuma7778 時間: 14-6-10 16:33

其實統一派位係咪都係看小朋友的成績來分ranking再派?

作者: cclbaby 時間: 14-6-10 18:01

回覆 HeiHei_Baby 的帖子

既然你喜歡鄧, 為何要聽老師提意改陳第一

作者: HeiHei_Baby 時間: 14-6-11 10:49

本帖最後由 HeiHei_Baby 於 14-6-11 11:26 編輯

回覆 cclbaby 的帖子

每個父母都希望自己的囝可入英中, 老師又話佢可以, 另外，老師亦有分析佢入鄧其它好與壞,

其實老公一早都想咁安排, 但我驚囝博唔到, 而老師又咁建議, 所以最後就咁決定,

但以家佢D行為真令我擔心, 頭一日考試冇考, 第二日考完試同佢坐的士返, 到12:30返屋企話食嘢返1:30補習,

到4時打嚟又話37.6度係唔係發燒, 頭幾次打嚟我都關心叫他多飲水, 涼個暖水涼,

再探已36.6度, 跟住佢就話打比補習老師佢發燒, 我問佢點解要打比佢, 你都補完習,

之後佢話冇去, 我火都嚟冇再同佢講電話。我返到屋企, 老豆叫佢做嘢已冇做, 成日話我地冇講過,

唔承認, 佢下午嚟同我講已沖涼, 返到屋企仲著住套校服, 當時我EQ已無晒, 我亦開始失控不斷用粗鄙說話,

今朝又唔起身, 起身後不斷重覆我尋晚講的粗鄙說話, 我都唔知點好, 我同DADDY亦因為管教上經常出問題,

我都唔知點做好。

作者: cclbaby 時間: 14-6-12 00:01 標題: 回覆：HeiHei_Baby 的帖子

你小孩的問題有沒有和醫生講？有冇和學校社工聯絡，看社工有冇辦法對策。
第一天冇考試，有冇向學校要求補考？
看情形，我也擔心你小孩上中學時會出問題。你要放鬆自己，唔好太緊張，如果你唔放鬆，我怕你影響身體！我明天問個FD，叫他試問佢仔學校的社工及醫生，看有冇辦法。但藥要keep 住食。

作者: MariaTsui 時間: 14-6-12 09:09

本帖最後由 MariaTsui 於 14-6-12 09:10 編輯

回覆 HeiHei_Baby 的帖子

樓主的小朋友是否沒有考一科畢業試,可否補考???畢業試用來叩門,對邊緣學生很重要,萬一派得不好,叩門是最後機會.

作者: MariaTsui 時間: 14-6-12 09:15

回覆 HeiHei_Baby 的帖子

從這段POST,我覺得小朋友的學習態度有問題.

可能小朋友經父母的催谷,有機會讀英文班,但上中學後,父母的影響力漸少,如果萬一跟不上,又不願補習,就很容易無心上學,這是我最不想看到的,樓主應該曾暑假好好收補親子關係,希望升中後大家有商有量.

作者: MariaTsui 時間: 14-6-12 09:16

另陳記有直屬小學,請問樓主是否陳小的學生???

作者: HeiHei_Baby 時間: 14-6-12 09:20

回覆 cclbaby 的帖子

有時我都想放鬆, 佢往往最鐘意攞你最緊張佢的嘢威脅你,

迫你就範, 我知我唔應該咁佢面前講粗言穢語, 事後我都好後悔, 亦知道佢會學我。

班主任同社工傾過尋日已比佢補考打9折, 佢以家好似放棄自己咁, 今日考數學要帶圓規,

佢話揾唔到就放棄, 永遠依賴人, 只顧睇電視，成日想攞返部手機, 但又唔做好自己。

醫生叫佢食藥上有份量多咗叫佢在時間又所改變, 佢又唔想在學校食另一次, 而家暫時照舊,

見學校社工還是其他。

作者: HeiHei_Baby 時間: 14-6-12 09:26

回覆 MariaTsui 的帖子

其實我地唔太谷佢, 佢成日掛住打機, 睇電視, 比個兩樣嘢迷到乜到唔做,

完全冇時間觀念, 我地叫佢6:00PM到XX, 佢6:00PM先出門口, 到我地問佢

點解咁遲, 就會推缷責任話我地叫佢6:00PM 出問口, 係到講大話。

作者: STee 時間: 14-6-12 13:23 標題: 引用：回覆+cclbaby+的帖子有時我都想放鬆,+佢

原帖由 HeiHei_Baby 於 14-06-12 發表
回覆 cclbaby 的帖子

有時我都想放鬆, 佢往往最鐘意攞你最緊張佢的嘢威脅你,

阿囝有病，佢都唔想，其實冇人會想。如果佢唔想在學校食藥，但在家又會合作，有冇想過佢唔想同學知佢要食藥，如果係咁，可否低調地見社工，唔好迫佢同你一切去，首先揾到大家的相處方法先，迫係解決唔到問題的，如果得，現在就唔會咁。
小朋友喜歡打機，睇電視正常，因果道冇壓力，家長睇吓點協調。
如果以上不能接受，請見諒。

作者: cclbaby 時間: 14-6-12 13:48

本帖最後由 cclbaby 於 14-6-12 13:52 編輯

HeiHei_Baby 發表於 14-6-12 09:20
回覆 cclbaby 的帖子
有時我都想放鬆, 佢往往最鐘意攞你最緊張佢的嘢威脅你,

好彩學校比返佢考試, 9折都要接受, 如果唔係就冇分了﹗因有 d 學校唔比補考, 除非有病就另計。

而家你地唔好話佢住, 比佢用心考好個試先﹗其實你們真的要修補這關係, 帶他作親子活動。

另就快畢業了, 學校有沒有畢業典禮或謝師宴活動？如有, 你們可以利用這些活動多建立親子關係。

比佢有個開心的校園回憶吧﹗

單看你仔只是和你們出現問題, 在班上, 有沒有好的同學仔, 如有, 可以請他幫忙照顧一下吧﹗

今天考數學如何？佢冇帶圓規, 考試有冇影響？

藥是要吃的, 盡量按時吃吧﹗

喜歡打機及睇電視正常, 大人和小孩都會, 只要盡量控制, 如考試做功課時, 大家都公平, 不看不玩。

完成後, 大家才一起看及玩﹗看這個能否成功﹗

作者: HeiHei_Baby 時間: 14-6-12 17:48

回覆 STee 的帖子

我有放藥放係班主任到, 但有時佢太遲食, 班主任建議食埋返學,

但最近覆診時同醫生講, 佢到晚上7-8行為比較有問題, 同埋本身分量與體重不成正比,

因以前是30MG早上食, 現在試在早上食20MG, 中午食20MG, 就可以時間長D,

但囝囝就唔想食中午嗰次.

作者: HeiHei_Baby 時間: 14-6-12 17:50

本帖最後由 HeiHei_Baby 於 14-6-12 17:52 編輯

回覆 cclbaby 的帖子

所以我話佢班主任都好鍚佢, 幫佢爭取.

圓規我幫佢揾到.

有時我都想陪佢, 但佢唔想我在身邊.

我陪佢學小型網球, 話在場睇, 佢話我係到就唔打

作者: cclbaby 時間: 14-6-12 18:14

HeiHei_Baby 發表於 14-6-12 17:50
回覆 cclbaby 的帖子

所以我話佢班主任都好鍚佢, 幫佢爭取.

這位班主任真係好好﹗好的班主任真難找到﹗真係要比個 like 佢先﹗

佢唔想你陪佢, 就因為你們以前的感情出現問題, 所以要比時間建立返。

如參加學校舉辦的大型活動, e.g. 畢業典禮..... 人多而且有老師係度, 到時佢唔會唔比你在場啦﹗

也可說些祝福說話, 如恭喜你畢業啦﹗希望你入到心儀中學........

慢慢來, 條路係難行, 但難行你都要行﹗

現在好好比佢考埋個試先﹗

作者: opclk 時間: 14-6-13 00:09

提示: 作者被禁止或刪除內容自動屏蔽

作者: HeiHei_Baby 時間: 14-6-13 09:33

回覆 opclk 的帖子

佢食更R長效20MG, 加鍚紙10MG,

在早上一次過食30MG, 原先早上佷可在12時前定D,

但在晚上4時左右藥力開始減慢亦做對抗性行為,

所以覆診時做醫生商量及其磅數, 可進40MG, 醫生嘗試早上20MG,

中午20MG, 阿囝就唔常食中午嗰次, 暫時還是維持30MG

作者: HeiHei_Baby 時間: 14-6-13 09:40

回覆 cclbaby 的帖子

可能我陪佢時, 見到佢唔認真學習態度, 我會露出不悅, 亦可能咁佢唔想我在場,

其實, 我真的想輕鬆面對佢, 但又驚佢會影響其他的人, 所以我會好在意佢每做一件事,

亦在未比人出聲前話佢, 反而另到佢唔舒服, 唔知我是否已入了怪獸家長行列。

作者: STee 時間: 14-6-13 09:57 標題: 引用：回覆+cclbaby+的帖子可能我陪佢時,+見到

原帖由 HeiHei_Baby 於 14-06-13 發表
回覆 cclbaby 的帖子

可能我陪佢時, 見到佢唔認真學習態度, 我會露出不悅, 亦可能咁佢唔想我在場,

可能很難做到，但既然知囝囝不是故意反叛，試吓放大他的小進步，包容他的失控，妳已是最清楚他病歷的人，若他不能在妳的協助下成長，他就更難靠自己，始終他還小。希望過往家長的經歷幫到妳。

作者: cclbaby 時間: 14-6-13 09:59

回覆 HeiHei_Baby的帖子

可能我陪佢時, 見到佢唔認真學習態度, 我會露出不悅, 亦可能咁佢唔想我在場,

哈哈﹗怪獸家長。其實有邊個父母唔緊張小朋友呀﹗我有兩個小朋友, 如果樣樣都緊張, 我已經痴線啦﹗

想真 D, 我們細個時, 也有唔認真學習, 但反而我們的父母又沒有怪責, 所以你也應學習放鬆﹗唔駛唔開心,

如我係你的子女, 見到你露出不悅, 我也怕啦﹗相反你試倒轉, 開心面對他, 站在一旁看他會如何？

就算有什麼事發生, 你應先讓他自行解決先, 如唔惦才出手幫忙吧﹗

我朋友已給資料我, 由於太長, 我 pm 你, 你先看看是否適合你, 希望你們能再建立良好的親子關係﹗

作者: opclk 時間: 14-6-13 19:19

提示: 作者被禁止或刪除內容自動屏蔽

作者: HeiHei_Baby 時間: 14-6-23 15:18

上星期日陪佢打小型網球, 起初佢都唔比, 後來我半嗲半氹, 阿囝就話比我試下半個鐘先,

如果我話佢, 下次就冇得傾, 我明白我平時可能對佢要求太高, 希望每次佢都可以認真去做,

但原來佢唔鐘意, 希望我可以藉此修補我地的關係。

作者: cclbaby 時間: 14-6-27 16:41

回覆 HeiHei_Baby 的帖子

所以做父母的我們千奇唔好有太高的祈望, 慢慢來, 順其自然, 希望你們可早日修補親子關係﹗努力﹗

歡迎光臨教育王國 (/)