教育王國

標題: 住大埔既 你地幫囝囝囡囡簡左咩中學~ [打印本頁]
作者: Fanny_ma    時間: 14-4-20 23:38     標題: 住大埔既 你地幫囝囝囡囡簡左咩中學~

如題
作者: Fanny_ma    時間: 14-4-21 00:33

本帖最後由 Fanny_ma 於 14-4-21 00:34 編輯

仔仔 band1 靠小聰明 考試都會去玩 我驚佢派吾到英中 諗住幫佢報羅中
作者: fannylin    時間: 14-4-21 01:08

大埔b1位多過b1生，應該唔使咁驚。
作者: Fanny_ma    時間: 14-4-21 02:24

回覆 fannylin 的帖子

我驚仔仔會派中中 就算抽到救恩 我都吾要 因為救恩已經
退步左 我寧願比錢入羅 最起碼羅係英中 成績仲好過救恩
作者: vincher    時間: 14-4-21 08:44

回覆 Fanny_ma 的帖子

b1头、中定尾？大埔b1尾也填一间英中……恩或沐
不要咁快填罗中！
根本b1叩門罗中机会好大！
作者: fannylin    時間: 14-4-21 10:50

本帖最後由 fannylin 於 14-4-21 10:52 編輯
Fanny_ma 發表於 14-4-21 02:24
回覆 fannylin 的帖子

我驚仔仔會派中中 就算抽到救恩 我都吾要 因為救恩已經

你講既我都諗過，請問羅中DSE同入U率係邊度可以睇到？羅中的成績好過救恩嗎？我係b1尾踩界，都係唔敢搏抽獎，羅中都有諗過，羅中同沙田培基你點睇？
作者: YuYuMother    時間: 14-4-21 11:04     標題: 引用：+本帖最後由+fannylin+於+14-4-21+10:52+編

原帖由 fannylin 於 14-04-21 發表
本帖最後由 fannylin 於 14-4-21 10:52 編輯
Band 1 尾邊緣人可以填一間band 1c 搏一搏，之後填band 2。羅中真係唔駛咁早報，band 1學生放榜後叩都好大機會入。



作者: fannylin    時間: 14-4-21 11:13

YuYuMother 發表於 14-4-21 11:04
Band 1 尾邊緣人可以填一間band 1c 搏一搏，之後填band 2。羅中真係唔駛咁早報，band 1學生放榜後叩都好大 ...

多謝你的提議。請問救恩、羅中、沙田培基，點睇？
作者: Fanny_ma    時間: 14-4-21 11:15

fannylin 發表於 14-4-21 10:50
你講既我都諗過，請問羅中DSE同入U率係邊度可以睇到？羅中的成績好過救恩嗎？我係b1尾踩界，都係唔敢搏抽 ...
我係佢地既校務報告睇 2012Dse 救恩 3322 比率 得 3X % 但羅中有 52% 2013 救恩有 31% 羅中有 38 % 我睇見羅英文既合格率仲高過救恩 培基好過羅中 大埔好學校好少 何中個啲差左好多 仔仔老師都有甘講 叫我試左派位先 吾得先去羅 但係仔仔老師話羅係大埔都吾錯  我都希望佢考到恩主教 但係仔仔話想讀羅中
作者: Fanny_ma    時間: 14-4-21 11:17

fannylin 發表於 14-4-21 11:13
多謝你的提議。請問救恩、羅中、沙田培基，點睇？
培基 羅中 救恩 我聽身邊啲朋友話羅中收多左b1 少左好多b2
作者: YuYuMother    時間: 14-4-21 12:06     標題: 引用：Quote:YuYuMother+發表於+14-4-21+11:04+Ba

原帖由 fannylin 於 14-04-21 發表
多謝你的提議。請問救恩、羅中、沙田培基，點睇？
你囝囝出年先升中？

救恩屬大埔band 2頭學校，band 1尾水泡band2頭首選，比其他band 2學校好。無得揀之下唯一選擇了。

個人感覺培基好過羅中。如果band 1邊緣人，建議同小朋友報直資，九龍新界都好多band1尾band 2頭直資可試。雖然大埔band 1位多，但band 1尾未必派到心水學校，直資叫多個選擇。如果只想入band 1邊間都得，咁只要肯定自己屬band 1而又夠位派，都可以搏下派位。



作者: mrs.so    時間: 14-4-21 12:25     標題: 回覆：住大埔既 你地幫囝囝囡囡簡左咩中學~

培基應該勝救恩，入救恩都未必一定入到精英班即係唔係全英語教學，但培基一定係直資全英語，輪校風成績點都勝羅中及救恩

今年救恩中二考全級第一跳槽插班另一間大埔傳統英中



作者: fannylin    時間: 14-4-21 12:30

YuYuMother 發表於 14-4-21 12:06
你囝囝出年先升中？

救恩屬大埔band 2頭學校，band 1尾水泡band2頭首選，比其他band 2學校好。無得揀之下 ...

今年，培基收左，都幾鍾意，唯一考慮就係路途遠少少，單程最快要45分鍾...
作者: YuYuMother    時間: 14-4-21 12:36     標題: 引用：Quote:YuYuMother+發表於+14-4-21+12:06+你

原帖由 fannylin 於 14-04-21 發表
今年，培基收左，都幾鍾意，唯一考慮就係路途遠少少，單程最快要45分鍾... ...
培基收左應該已經註冊。

如有心儀學校，放榜後叩門囉………培基唔錯，路程亦唔算遠。喺大埔讀除非你住學校附近，否則都要15至20分鐘呀，相對去培基都不算遠了。



作者: Fanny_ma    時間: 14-4-21 12:40

mrs.so 發表於 14-4-21 12:25
培基應該勝救恩，入救恩都未必一定入到精英班即係唔係全英語教學，但培基一定係直資全英語，輪校風成績點都 ...
富善三寶大不如前 尤其何中 我之前見到成班何中學生 有八九個左右係新興同大中平台同啲金毛煲煙 仲要吾止一次 雖然我都有見過救恩同羅中有學生同金毛煲煙 但真係比起何中少好多 而且平時羅同救啲學生普遍都乖 我明白每間學校都有壞學生 但何中好似就多得滯 有時吾明點解啲人會擺何中做b2頭 Dse 又吾掂 校風又麻麻
我同仔仔講話不如試下派位先 吾得先去羅中 但系仔仔話正係想讀羅中 其實我都幾鐘意羅中 睇住佢創校 津校個時羅已經不錯 可能前幾年差左 旦已經有改善 吾參加派位我又吾心息 真係心大心細



作者: fannylin    時間: 14-4-21 13:33

Fanny_ma 發表於 14-4-21 12:40
富善三寶大不如前 尤其何中 我之前見到成班何中學生 有八九個左右係新興同大中平台同啲金毛煲煙 仲要吾止一 ...

你係咪已經有羅中offer或者註冊左羅中？如果唔係，理論上你都係派位先噶啦，派得唔好先至叩羅中，E+唔使心大心細姐，係未？
作者: fannylin    時間: 14-4-21 13:47

YuYuMother 發表於 14-4-21 12:36
培基收左應該已經註冊。

如有心儀學校，放榜後叩門囉………培基唔錯，路程亦唔算遠。喺大埔讀除非你住學校 ...

你又講中哂，大埔區內既學校如果搭車又確實唔係咁方便，幾乎都係行路為主，特別係富善三寶，有次專門由太和路搭71K去救恩睇下，計埋等車同落車行去，差唔多成粒鍾...
作者: Fanny_ma    時間: 14-4-21 14:10

fannylin 發表於 14-4-21 13:33
你係咪已經有羅中offer或者註冊左羅中？如果唔係，理論上你都係派位先噶啦，派得唔好先至叩羅中，E+唔使心 ...
我諗住幫仔仔報名參加羅中六月既面試 問題係仔仔好堅定話咩學校都吾想入 淨係想入羅中 真係無晒佢乎
作者: mrs.so    時間: 14-4-21 14:22     標題: 回覆：Fanny_ma 的帖子

最重要自己鍾意

何中由我讀書年代唔覺得有好過，不過叫做b2穩定有成績，當然不及救恩

上到中學靠自己自律，我鄰居有羅中，救恩，孫書，靈風，三育，馮中，反而日常見到馮中及孫書既學生著起校服較整齊

傳統五間英中都有爛仔，有著校服拍拖，邊間中學都好，最重要父母與孩子多溝通，好既親子關係好關鍵



作者: fannylin    時間: 14-4-21 14:27

Fanny_ma 發表於 14-4-21 14:10
我諗住幫仔仔報名參加羅中六月既面試 問題係仔仔好堅定話咩學校都吾想入 淨係想入羅中 真係無晒佢乎 ...

離6月仲有好耐，穩陣來講，你都係報左抽獎先，6月照去羅中面試，收左再決定啦。係呢，唔明點解你囝囝咁堅定話咩學校都唔想入而淨係入羅中？
作者: Fanny_ma    時間: 14-4-21 15:09

fannylin 發表於 14-4-21 14:27
離6月仲有好耐，穩陣來講，你都係報左抽獎先，6月照去羅中面試，收左再決定啦。係呢，唔明點解你囝囝咁堅 ...
仔仔話仲意羅中活動教學 冇甘傳統 而且仔仔對戲劇幾有天分 而仔仔好仲意羅中有Drama堂 加上仔仔話讀個五間英中會好辛苦 但佢又吾想讀中中 而又見羅中banding又ok  所以佢就甘想讀羅
作者: fionakong2008    時間: 14-4-21 15:18     標題: 引用：Quote:fannylin+發表於+14-4-21+14:27+離6

原帖由 Fanny_ma 於 14-04-21 發表
仔仔話仲意羅中活動教學 冇甘傳統 而且仔仔對戲劇幾有天分 而仔仔好仲意羅中有Drama堂 加上仔仔話讀個五間 ...
聽落又真係好吸引，唔怪得家長朋友初頭叫我考羅中



作者: mrs.so    時間: 14-4-21 15:20     標題: 回覆：Fanny_ma 的帖子

good 你仔仔知道自己想要咩，亦去了解中學有特別之處



作者: misoko    時間: 14-4-21 15:27

如果肯定自己係band one生,一定博迦密柏雨或莫壽增,抽獎差極都派去2A，點解唔博.....
作者: Fanny_ma    時間: 14-4-21 15:31

misoko 發表於 14-4-21 15:27
如果肯定自己係band one生,一定博迦密柏雨或莫壽增,抽獎差極都派去2A，點解唔博..... ...
就算入到仔仔都未必讀得開心 加上仔仔想讀英中 大埔既2A 學校成績差過羅定邦 而且又系中中 加上名牌吾一定好 最緊要係岩自己
作者: cckalex    時間: 14-4-21 22:50

真的不明,大埔家長並不太了解DSE的百份比
係跟據學生人數.計算出來,所以羅校從來冇高過救恩同圓玄
而圓玄上年成績係非常好,這點從來冇大埔家長堤及,確實係笑話一個.
作者: cckalex    時間: 14-4-21 23:11

因只是路過,再補充一點,家長你知否為自己子女選校目的係為什麼?
其實只有一個,就係大學學位,而大埔五大英中每間可入到大學人數係五十至九十人,而羅什至低於二十人以內,所以你們的決定係直接影響子女未來,
至於活動方面,一到中四小兒大部份都不參于,力爭校內排名而且都冇多餘時間.
作者: misoko    時間: 14-4-21 23:23

cckalex 發表於 14-4-21 23:11
因只是路過,再補充一點,家長你知否為自己子女選校目的係為什麼?
其實只有一個,就係大學學位,而大埔五大英中 ...
圓玄DSE都好過羅中，點解要讀普通的直資，我有d唔係好明？
作者: cckalex    時間: 14-4-21 23:37

圓玄DSE[2012-2013)

8.1 中學文憑考試成績
 本校的整體合格率(第 2 級或以上)為 89.7% ，高於全港日校考生的 83.1%。 70.4% 學生考獲
5 科(包括中文及英文)2 級或以上，高於全港的日校考生的 68.9%。

 四個核心科目的合格率均高於全港日校平均成績。 通識教育科 95.4%學生考達第3 級或以上，
超過一成學生考獲第 5 級或以上成績。

 五個選修科目(物理、化學、中史、歷史、視覺藝術)的合格率均達 100%，另五個選修科目的
合格率超逾 90%。八個選修科目第 5 級或以上的百分比高於全港日校平均成績。

 6B 班譚光華同學榮獲 4 科第 5**級，1 科第 5*級的佳績，最佳五科的總積點達 34 點，全港只
有 178 位(0.3%)考生考獲 34 點或以上。
作者: Fanny_ma    時間: 14-4-22 00:29

cckalex 發表於 14-4-21 23:11
因只是路過,再補充一點,家長你知否為自己子女選校目的係為什麼?
其實只有一個,就係大學學位,而大埔五大英中 ...
我最後都決定六月羅中收左小兒既 就會簡讀羅中 可能大家會覺得點解吾讀五大英中 羅中既成績係英中泥講吾算好 但係我就覺得羅中泥間學校好適合仔仔 而且仔仔都好仲意 講真就當我仔仔考到 mst 甘代唔代表佢一定跟得上 假若仔仔為咗跟上進度而忽略左自己嘅社交 倒頭來可能六年嘅中學生涯都是會被困係一個試到 我相信仔仔到頭來一定會埋怨我 入唔入大學都係其次 講真全港七萬幾個考生 得萬二個人可以入到大學 真正可以入到大學嘅人會有幾多 超級名校都唔係百分百入到大學 既然係咁不如搵間令仔仔享受學習學得愉快嘅學校 我相信如果仔仔入到名校 都未必真係享受到學習真真正正得到知識 羅中好著重啲細路仔係唔係真係享受到學習得到知識多個着重學生嘅成績  有時做人真係唔可以比一個試困死 係六年中學生涯入面 好多野都比DSe珍貴 我唔太喜歡香港嘅填鴨式教育 如果我地一直墨守成規 呢個社會根本就唔會有進步 所以我會選擇教學方法較為新穎既羅中 況且大學都唔會睇你喺邊間學校出泥 我相信如果仔仔真係擺個心讀書就算係大光都會入到大學 就算入唔到大學只要唔好學壞出到黎企得正行得正咁就得啦 而且羅中真係一間好學校 學習氣氛濃厚 師生融洽 。可能羅定邦呢幾年真係差左 但大家記唔記得羅定邦係創校個時都係一間唔太好的中學 但經過師生攜手協力 好快就做到b1 我希望家長可以俾多啲時間羅定邦 佢地已經進步緊 最後 我想講我哋而家做家長嘅 唔可以再用以前個套 吾顧及小朋友意見 有時我哋真係要尊重佢想要啲乜 唔係下下都要迫佢 童年好快就會過去 我好希望我小朋友係會有一個美好的童年 真係可以享受到學習
作者: Fanny_ma    時間: 14-4-22 00:40

cckalex 發表於 14-4-21 23:37
圓玄DSE[2012-2013)

8.1 中學文憑考試成績
我真係好少留意圓玄泥間學校 因為覺得泥間學校唔係我杯茶 而且又係中中 其實一間學校有幾多學生考獲大專院校最低入學資格就會反映出間學校既學生質素去到邊 羅定邦的而且確比救恩更多學生考到 3322  羅定邦係校務報告上真係好少提及到自己Dse 但係聽朋友講 話羅定邦係開學禮上都有提到自己Dse 只知四個核心科目平均都有90%合格率
作者: Fanny_ma    時間: 14-4-22 00:41

misoko 發表於 14-4-21 23:23
圓玄DSE都好過羅中，點解要讀普通的直資，我有d唔係好明？
其實大埔好學校吾多 羅係大埔算吾錯
作者: Fanny_ma    時間: 14-4-22 00:42

仔仔知道我比佢入羅定邦之後 好開心 話會係暑假勤操英文
作者: CYWS    時間: 14-4-22 11:33

我個仔係第一,第二次呈分試失左手, 到第三次先比考得好, 但都只係 BAND 2 仔, 無辦法只能選 : 救恩, 圓玄....., 退一步諗, 可能佢讀得開心呢 !
作者: lu-ka    時間: 14-4-22 13:11

Fanny_ma 發表於 14-4-22 00:29
我最後都決定六月羅中收左小兒既 就會簡讀羅中 可能大家會覺得點解吾讀五大英中 羅中既成績係英中泥講吾算 ...
我好同意你講法。入唔入到大學係其次，一個小朋友童年唔係只係讀書同考試，我仔並不是Ｂ１，但佢係Ｂ１小學讀書，知道學校需要學生要好成績，呈分試期間每日超過１０樣功課，當時佢真係好怕返學，連佢最愛的英文課都冇哂興趣，我見佢冇哂心機讀書，我好心痛，成日想辦法要佢比心機讀書考好個試，但迫佢讀佢會更加反感。佢英文好好，但中文好差，如果俾佢入中中，只會死路一条，但英中又入唔到。之後，我同阿仔一齊去羅中簡介會，佢同我講好想入呢間中學，當時我好開心，佢有目標，向住目標努力。我地試過第一輪但rejected咗， 好彩有第二輪，我同阿仔講，如果你真係想入，你一定要加倍努力，幸運地佢係面試表現良好，又加上中文成績有進步，在第二輪可入到，我全家放下心頭大石。佢自己自從知道可以入到羅中之後，佢上堂表現並無放鬆，老師更同我講佢上堂表現積極及專心。我好安慰，我心想如果阿仔入咗一間佢唔喜歡的中學，我相信佢態度並不會好似現在那麼積極，樂觀。佢現在好其待新中學開始.......
作者: vincher    時間: 14-4-22 13:43

本帖最後由 vincher 於 14-4-22 20:54 編輯

回覆 Fanny_ma 的帖子

咁又吾驶愁！每所学校總有一批人可入U，
难得小朋友有清晰目標，
話入了罗中肯上進，support佢la,
add oil
作者: Fanny_ma    時間: 14-4-22 16:52

今日仔仔拉住我叫我去買定啲英文練習比佢做 我好感動 牙仔平時連書都吾讀下 一直靠小聰明渡日 估吾到佢會有泥一日
作者: fannylin    時間: 14-4-22 17:13

Fanny_ma 發表於 14-4-22 16:52
今日仔仔拉住我叫我去買定啲英文練習比佢做 我好感動 牙仔平時連書都吾讀下 一直靠小聰明渡日 估吾到佢會有 ...
囝囝係唔係咁多科中，英文最好噶？佢對英文一直有興趣嗎？
作者: zhuzhu    時間: 14-4-22 19:41

本帖最後由 zhuzhu 於 14-4-22 19:43 編輯
cckalex 發表於 14-4-21 23:37
圓玄DSE[2012-2013)

8.1 中學文憑考試成績

其實有冇3322%, 入大學 %
同Level 4 %  ?

作者: cckalex    時間: 14-4-22 20:10

如果想知道確實的百份比,家镸應該上所有學校的學校周年報告
大埔的學校大部份有公布，但數字未必太清楚
但可計算到,這些是家長應做的責任
不應張重要的事情給十歲的小朋友決定
作者: cckalex    時間: 14-4-22 20:22

另外fanny _ma,如妳是已經是決定咗結果
其實妳冇需開post啦,因為所有提意對妳來說
都係冇意義，因妳只係得—閒中學會揀
要浪費其他家長意見吧!!
作者: Fanny_ma    時間: 14-4-22 23:08

cckalex 發表於 14-4-22 20:22
另外fanny _ma,如妳是已經是決定咗結果
其實妳冇需開post啦,因為所有提意對妳來說
都係冇意義，因妳只係得 ...
其實一開始我都有猶豫 俾仔仔報五大英中會吾會更好 但係睇上面既留言話最緊要揾間岩仔仔既學校 所以我最後先決定取羅中 認真有時做人家長既吾可以咩都幫仔仔編排曬 有時真係要聽下佢地意見 同佢分析下好處同壞處 我都有同仔仔分析過入羅定邦嘅好處同壞處 我覺得咁樣做可以訓練到佢嘅思維 可能我同你教小朋友方法吾同 不果我就著重小朋友既發展多於成績 就算俾仔仔入到名校 我相信佢都唔會讀得開心 。我唔覺得我係度浪費跟其他家長既意見 因為我覺得係泥度可以比大埔區嘅家長溝通下 交流下心得 。 雖然我同你意見不一 但係我希望你可以尊重其他人意見 唔好事後講有骨嘅說話 。 By the way 我好多謝你既意見。

作者: Fanny_ma    時間: 14-4-23 00:48

本帖最後由 Fanny_ma 於 14-4-23 05:12 編輯
lu-ka 發表於 14-4-22 13:11
我好同意你講法。入唔入到大學係其次，一個小朋友童年唔係只係讀書同考試，我仔並不是Ｂ１，但佢係Ｂ１小學 ...

對 幫仔仔揾間岩佢既中學好重要 我今日同身邊幾個有子女係羅中讀既家長傾過 佢地話羅中今年 f.1 f.2 啲成績都幾好 但係 f.3 f.4 就差啲 可能個幾年收生吾太理想 羅中啲學生英文真係唔錯 據知泥幾年學校收生嚴左好多 寧願收少啲學生 都吾想收甘多b2生  而且仔仔老師之前話羅中係 1C - 2A 希望仔仔可以幫羅中拉反高個成績拉~
作者: BigMomMom    時間: 14-4-24 11:35     標題: 回覆：Fanny_ma 的帖子

請問康樂同聖道校風點呢？  平時喺太和廣場又唔見到特別



作者: Fanny_ma    時間: 14-4-24 15:54

BigMomMom 發表於 14-4-24 11:35
請問康樂同聖道校風點呢？  平時喺太和廣場又唔見到特別
聖道就比較多學生四圍流連煲煙 b2泥講文憑試成績算可以 但未算標青 康樂校風好過聖道 b2泥講幾好 簡康樂拉
作者: glory32    時間: 14-4-24 17:06     標題: 引用：Quote:BigMomMom+發表於+14-4-24+11:35+請

原帖由 Fanny_ma 於 14-04-24 發表
聖道就比較多學生四圍流連煲煙 b2泥講文憑試成績算可以 但未算標青 康樂校風好過聖道 b2泥講幾好 簡康樂拉 ...
康樂会開英文班。



作者: Fanny_ma    時間: 14-4-24 19:14

glory32 發表於 14-4-24 17:06
康樂会開英文班。
如何得知？
作者: bb_2001    時間: 14-4-24 21:45

路過。。

請問你在那裡見到聖道的學生食煙? 我想去看看。另外，如何判定那些學生是四圍留連?

看來你對大埔的中學很有研究，倒不像雖要問其他家長意見的人，反而能鼓勵其他家長去報羅中喎。
作者: Fanny_ma    時間: 14-4-25 11:42

bb_2001 發表於 14-4-24 21:45
路過。。

請問你在那裡見到聖道的學生食煙? 我想去看看。另外，如何判定那些學生是四圍留連?
多數佢地會係屋苑平台 大中 太和邨裏面 同公園 煲煙 其實泥啲都係學生多數會簡既煲煙地方 但係聖道情況吾叫過分 可以接受到 只不過佢人數多個康樂甘解 。 有啲學生就算入夜都會坐係公園度 同朋友係商場流連 。 其實當初我都有疑惑過幫仔仔簡高banding既中學會更好 但係最後我都覺得要幫佢去搵間適合佢既中學先係最重要 。
作者: Fanny_ma    時間: 14-4-25 11:43

雖然我個問題已經解決左 但我都希望泥度可以比大埔既MAMA 入尼交流下意見 或者入泥提出疑問
作者: Momiumo    時間: 14-4-25 12:54

很同意cckalex 所講，十歲的小朋友很可能沒有能力很全面地分析事件從而為自己作出最適合的決定，所以家長有責任為孩子搜集學校公開試成績，升大學率，學校師資，教學形式等資料，以協助孩子作出最好的決定。不過，影響子女未來的是否就只有學業成績？他們的人格發展，興趣才能是否得到發掘及培養，孩子的感受是否不值得考慮？為他們選讀了DSE成績最好的中學，入到香港八大，他們的前程就得到保障了嗎？

其實，香港很多大機構或跨國企業選拔人才，香港本地大學畢業的都不是首選，外國名牌大學的排名比香港高的比比皆是。甚至政府機構聘請新職位時，對本地或外國畢業生也一視同仁。君不見大部份高官名人，甚至本地大學校長都把寶貝子女送往海外升學嗎？我不相信他們只是在炫富，又或是因為子女成績入不到本地大學而離開，而是他們用實際行動表達對本地的教育制度或教學方法不認同。那麼，如果因為我不能夠負擔子女海外升學而影響到子女的未來，那我需要負責嗎？

我覺得作為家長，教導孩子怎樣作決定，以及學會為自己的決定及行為負責才是對他日後的人生最重要的。看到Fanny_ma 的兒子很堅持自己的選擇，又能道出自己想選擇羅中的原因，我想他一定是一個有主見的孩子。如果他的父母不理他的想法，迫他入其他排名高的英中，他的成績會更好嗎？他能升讀本地大學的機會會更高嗎？他入到大學後便不會因為整個讀書生涯只著眼學業，而沒有嘗試其他技能及發揮其興趣所長而留有遺憾嗎？

每間學校都有各自的優劣，公開試成績絕對不應是選擇學校的唯一原因；如果真的是那樣，那麼學校每次招生時只要把公開試成績公佈便可，家長也不用實地去各校簡介會考察了吧。我認為羅中很可能有比其他英中優勝的地方，也一定有比其他中中差的方面，只要父母解釋清楚給小朋友聽選擇不同學校的利弊，最後決定還是讓孩子決定罷。
作者: pangpangchak    時間: 14-4-25 19:19

其實,想知道Fanny ma為什麼要堅持兒子入讀羅中很簡單,試試實地考察一下吧！你會感覺到羅中不只是一間教書的學校。
作者: lu-ka    時間: 14-4-25 22:21     標題: 引用：其實,想知道Fanny+ma為什麼要堅持兒子入讀

原帖由 pangpangchak 於 14-04-25 發表
其實,想知道Fanny ma為什麼要堅持兒子入讀羅中很簡單,試試實地考察一下吧！你會感覺到羅中不只是一間教書的 ...




作者: cckalex    時間: 14-4-25 23:34

其實DSE 的結果,並非給家長比較學校高低,而係好有力的參考數據，包括學校教學水平，如你們所講羅中英攵水平很好,三位對羅中停力推的家長
有什麼有力數據證明呢,如果一間英中,英文水平連中中都如,為可band1尾同2頭的學生家長,每月多付千多元讀一問band2中的英中仲要加重經濟負擔呃
而且大埔band1,差多必入五大,仲有家長話恩記收到唔小band2生添
所以大埔學生係好幸福架，
請妳們提供下羅中Dse,的英文科取三級和四級成績的人數
上年羅中考生有一百五十人,謝謝合作
作者: lu-ka    時間: 14-4-26 00:59     標題: 回覆：住大埔既 你地幫囝囝囡囡簡左咩中學~

只是我自己睇法，我明白做家長當然係想自己小朋友入到B1上到大學，但真係要睇個人需要，係我角度嚟講小朋友成長並不只是單為一個DSE，身心發展都好緊要，真係冇人知道6年後自己個小朋友會係点，人既品格，修養，內涵及自信比成績更重要。坦白講，我真係唔在乎什麼DSE, 上唔到大學都有其他出路，好多人都係出嚟做野之後再進修，只不過繞路而行。

我對香港教育制度好冇信心，如讀傳統中學，我可以睇到我小朋友既將來，係唔樂觀。直資既存在價值係可以脫離傳統教學模式，用另一種教育放法讓孩子增加讀書興趣同信心，對我小朋友最啱不過，我唔介意要比學費，但家長係有責任揀一間適合小朋友的中學是最重要，如覺得羅中係適合，我睇唔到点解唔選？

各人有各人需要，可能你應為要孩子上大學入B1較為緊要, 但我應為我孩子發展各樣潛能培養品格更重要，可能其他家長要孩子只是在中學開心讀書便可…各有所需……



作者: Fanny_ma    時間: 14-4-26 01:16

cckalex 發表於 14-4-25 23:34
其實DSE 的結果,並非給家長比較學校高低,而係好有力的參考數據，包括學校教學水平，如你們所講羅中英攵水平 ...
2012DSE 羅中有33%學生英文有Lv4 , 2013就吾知了 。 我話羅中英文幾好係因為 我係簡介會接觸個佢既學生 加上身邊啲朋友係羅中家長 所以都會知少少入面既情況 而且我見到佢地既囝囝囡囡英文吾錯 。 我相信羅中吾會係b2中既學校 應該吾會甘差 排名吾會甘低
作者: Momiumo    時間: 14-4-26 02:24     標題: 回覆：cckalex 的帖子

為可band1尾同2頭的學生家長,每月多付千多元讀一問band2中的英中仲要加重經濟負擔?

很簡單，原因就如那些子女能入讀本地八大院校但仍寧願花多幾倍錢把寶貝送往海外升學的家長一樣。錢和成績並不是選校最重要的原因。對我們來說，子女的品格，行為操守，對知識的追求以及國際視野，以至子女的感受等都比DSE成績重要。

可能很多人不能理解，但如果你本人曾經體驗過傳統名校內那種每個學生都是精英，無論你多努力都會只是中下游，不能發揮所長，承受了那種無形的壓力十多年後始發現世界這麼大，學業只佔人生的一小部份⋯⋯那麼你便能理解為什麼我們願意花千多元的學費讓孩子入讀成績不特別標青的直資了。



作者: pangpangchak    時間: 14-4-26 02:37

本帖最後由 pangpangchak 於 14-4-26 07:55 編輯

大家都知人的能力是有差異,特出的當然去到那裡都可獨當一面,理所當然地他們一定是選最top的英中,沒有他們那麼強的在那些名校只好輪為配角更什的就是"二打六"了。而羅中的理念就是"每位學生都是一顆星"。初時我確實不已為意。直至今年第二年,兒子入了學校band隊,多次跟隊表演及比賽,老師更鼓勵他考公開試,並提供教授,而呀仔竟然自己積極報名考試,我便開始真正明白羅校的理念。
作者: Fanny_ma    時間: 14-4-26 09:56

cckalex 發表於 14-4-25 23:34
其實DSE 的結果,並非給家長比較學校高低,而係好有力的參考數據，包括學校教學水平，如你們所講羅中英攵水平 ...
其實若以排位計，羅定邦絕對吾會係一所 BAND2中 學校。羅定邦多年係大埔既排名，都徘徊第六第七。
我相信羅中最多只會是BAND2頭 。
而且仔仔老師都話羅中係 BAND1尾 至 BAND2 頭。
作者: cckalex    時間: 14-4-26 10:32

band2,排名大埔區係救恩,圓玄,孫中,羅中,聖道,何郭同康
妳只要對比成績就一目了然,用再爭論了
只要家長冇問題便隨自己喜歡吧
不過羅中學生品行係好
作者: Fanny_ma    時間: 14-4-26 11:42

本帖最後由 Fanny_ma 於 14-4-26 11:50 編輯
cckalex 發表於 14-4-26 10:32
band2,排名大埔區係救恩,圓玄,孫中,羅中,聖道,何郭同康
妳只要對比成績就一目了然,用再爭論了
只要家長 ...

看來你還未緊貼各校文憑試成績走勢而作出排名。去年 ， 羅定邦四個核心科目平均合格率為 93% .
而孫方中書院在去年文憑試成績，四個核心科目中只有通識一科能夠達到90%以上的合格率。
相反，羅定邦在中英數的合格率均遠遠比孫書高 ( 孫方中係中英數合格率僅達八成 )

而且，我係上面既留言早有提及過 救恩 兩年考獲3322比率均比羅定邦低。
救恩去年文憑試中英文科合格率為 90% 91% , 而羅定邦則為 92% 98%

所以我認為排名應該係 : 羅定邦 救恩 圓玄 孫方中 聖道 康樂 何郭
希望你能夠係作岀排名時 ， 先了解各校成績走勢 ， 要不然你就會抹殺羅中全校一直既努力！
作者: Fanny_ma    時間: 14-4-26 12:08

cckalex 發表於 14-4-25 23:34
其實DSE 的結果,並非給家長比較學校高低,而係好有力的參考數據，包括學校教學水平，如你們所講羅中英攵水平 ...
據我所知，羅定邦轉直資頭兩三年的確岀現收吾到 BAND1生 既情況。但經過呢幾年改善 ， 其他區派吾到英中既 BAND1生 抽到何中等中中既 BAND1 BAND2頭學生都會去叩羅中。
近年，越來越多 BAND1 生都因為認同羅中辦學理念而放棄大抽獎報羅中。
我相信羅定邦既收生質素將會一年比一年好。
作者: cckalex    時間: 14-4-26 12:11

似乎係妳唔清楚數據的計法,前三閒學校學生有近190人而羅中只有150人
如果以英文科三級計羅中取三級人數60人,妳連這些計法都清楚
妳點選學校訝!
作者: pangpangchak    時間: 14-4-26 12:37

其實,不知為什麼要要爭論,各是各有所需,如果同是band1尾至band2頭的,但每月只需多付千多元,有需要的更可伸請學費資助半費,而又確保兒子能學好英語,加上資源比主流學校充足,發揮機會多,何樂而不為?更開心的是ccklex也認同羅校學生品行好,以上所有的就是羅校的買点了。
作者: Fanny_ma    時間: 14-4-26 13:53

本帖最後由 Fanny_ma 於 14-4-26 13:54 編輯
cckalex 發表於 14-4-26 12:11
似乎係妳唔清楚數據的計法,前三閒學校學生有近190人而羅中只有150人
如果以英文科三級計羅中取三級人數60人 ...

A學校(110個學生 ) 78%學生考獲3322 (約86人)
B學校(188個學生 ) 48%學生考獲3322 (約90人)

如果好似你甘講 吾通 A校 既實力就會差過 B校
每間學校應校學生既人數都吾同 盤數根本吾可以甘計
甘計既話 就會對一啲學校吾公平。


而且 ， 如果學你所講 上述個三間中中有甘多學生 吾係應該考到3322比率會更高嗎 合格率倒不是應該會更高嗎 為甚麼只有八成合格率 三成3322 !?
作者: cckalex    時間: 14-4-26 14:27

妳是否顛倒是非來講,應該相對以人數越少係會提高百份比
亦有學生減少佈考學生人數來提高百份比
過如妳認為—閰學校直資英文中學考得英文三級不足六十人
都達bank2頭,咁真係冇野好講,而且佢學校並冇特出學生!真的知這校
怎提高教學水平
以—間正常英中起碼要有五成學生有三級水平才合標准
否則並非英中水平
作者: Fanny_ma    時間: 14-4-26 15:27

cckalex 發表於 14-4-26 14:27
妳是否顛倒是非來講,應該相對以人數越少係會提高百份比
亦有學生減少佈考學生人數來提高百份比
過如妳認 ...
請問你從那裏得知羅定邦考取三級的人不足六十人呢？我只是說事實 ， 甘計的確對人少既學校吾公平 。
希望你能接受他人意見。
作者: cckalex    時間: 14-4-26 17:22

如果妳孩子係bank2中的我都絕對認同可選此校
因我時常看見此校學生,係有禮,我只係針論在qbank1學生在此區
確有很多選擇而冇需花金錢，就此吧。
作者: cckalex    時間: 14-4-26 17:49

再補充—些,我的計法很多家長都識,因大部份最叻學生只有兩至三班
所以佢就算收更多學生成績都不能改變太多除非收全是bank1生
至於佢同前兩間bank2 中學成績只係幾個百份點上落
大家分別並排行並遠,津貼學生係會以津貼學校排先後
作者: Fanny_ma    時間: 14-4-27 17:04

cckalex 發表於 14-4-26 17:22
如果妳孩子係bank2中的我都絕對認同可選此校
因我時常看見此校學生,係有禮,我只係針論在qbank1學生在此區
...
其實就算 b2中 去報羅中 ，羅中都未必收 。近年佢既收生要求吾同前幾年 。
作者: Fanny_ma    時間: 14-4-27 17:07

cckalex 發表於 14-4-26 17:49
再補充—些,我的計法很多家長都識,因大部份最叻學生只有兩至三班
所以佢就算收更多學生成績都不能改變太多 ...
甘又吾可以甘講 如果學你甘講既話 吾通b2學校一日吾收全b1成績就吾會有改善！？況且近年，有好多學生抽上述個幾間都吾要 而去報羅中
作者: 杜門    時間: 14-4-30 04:16

其實係十年前到已經好多人派咗去羅定邦都唔要
返而去救恩叩門
因為會考時代羅定邦已經比唔上救恩甚或圓玄…
因為當其時羅定邦原校已經成日都收唔足14分既人
搞到要出去聯招收人
返而救恩就幾乎年年收足人
唔駛係聯招收人…
同埋羅定邦轉咗做直資就更加唔駛講…
我諗大埔人都知咩事架啦…
佢唔咁做既話一定落硬車…
因為當其時大埔適齡學童人數下降…
幾乎所有band1生一定入到5大英中…
排去有啲band 1學生唔想讀英文
走去考救恩…幾乎冇band 1願意考慮羅定邦…
因為好多人會諗既然我身為band1
我一定入硬5大英中…我做乜要"哂"錢讀間咁既野…
雖然羅定邦以英文教學做招牌…
但唔好唔記得同區既三育比羅定邦更早轉咗做直資英中…
唔淨止咁…羅定邦雖然有西班牙文學…三育一樣有心理學讀…
所以就算band 2頭想讀英文既都未必揀硬羅定邦…
所以我覺得如果真係想揀羅定邦就最好諗真啲…
作者: mrs.so    時間: 14-4-30 11:41     標題: 回覆：杜門 的帖子

good

我就係大埔成長，見證各中學興衰，你講出我心聲



作者: Woomingling    時間: 14-4-30 12:59     標題: 回覆：杜門 的帖子

外區B2生自行報了救恩，希望成功啦！



作者: misoko    時間: 14-4-30 14:16

杜門 發表於 14-4-30 04潇:16
其實係十年前到已經好多人派咗去羅定邦都唔要
返而去救恩叩門
因為會考時代羅定邦已經比唔上救恩甚或圓玄… ...
你講中晒我心中所想，我喺大埔住左4O幾年，如我d仔女係Band 1、2生，我點都唔會比錢讀羅中
作者: glory32    時間: 14-4-30 14:49     標題: 引用：Quote:杜門+發表於+14-4-30+04潇:16+其實係

原帖由 misoko 於 14-04-30 發表
你講中晒我心中所想，我喺大埔住左4O幾年，如我d仔女係Band 1、2生，我點都唔會比錢讀羅中
...
大埔人看不上眼，因為好命。区外人band 2人揀羅中，可能因為知足。



作者: fionakong2008    時間: 14-4-30 16:14     標題: 回覆：住大埔既 你地幫囝囝囡囡簡左咩中學~

或者每個小朋友唔同，當曰我大女入佢嗰間學校我係傷心到喊到死去活來，今天我同細女千方百計，可以話樣衰到可以做的都做了，就為了入家姐呢間學校，我諗如入到係開心到喊出黎。世事難料



作者: pangpangchak    時間: 14-4-30 16:56

都是那一句,要破壞人家心血興建回來的很容易,但請體諒人家多年來所付出的心血。如果大家有實地考過羅中,可能會將結論改寫。
作者: vincher    時間: 14-4-30 18:12

我只知道罗中係这几年有進步，是不爭的事實！
不過，如果我儿是b1生，也如楼主2位家長所言，
宁可选五间津貼英中……
当然各有所好，大家冇謂拗了！
作者: Momiumo    時間: 14-4-30 18:14

本帖最後由 Momiumo 於 14-4-30 18:22 編輯

其實我真的很想知道為什麼有那麼多外人會對羅中有壞印象。是因為羅中公開試成績很差，還是學生品行真的如此不堪？

我在大埔居住的日子不算長，但自從小兒開始要在區內選校，我已在街上嘗試多留意此校的學生行為舉止。很幸運地，三年來無論在街上或校內也沒有遇過態度表現很差的羅中學生。不過我相信每間學校都有壞份子，我個人認為只要不是整體校風差便可。

成績方面，這幾年羅中的公開試表現的確比其他區內英中遜色，但從樓上其他家長搜集到的資料看來，羅中相比其他中中也不算差呀。

如果子女是Band 1生，且屬於遇強逾強，不怕面對壓力，會自動自覺溫書做功課，以考到本地八大為目標的話；我相信，區內任何一間英中都會令他們如魚得水，幫助他們在公開試考到很好的成績。孩子父親便是那類人，所以他在MST的中學生涯過得很開心，公開試成績也很好，能順利考到大學學位。很可惜，孩子雖是Band 1生，但他卻比較像我，怕壓力，沒自信，不能逼，又不主動，我和他父親都認為在傳統英文中學讀書，他會很辛苦。至於學西班牙文還是心理學比較有用，那是個人的喜好吧。但如果未來有心讓子女出國念書，多學一國語言應會較有幫助。

我想，會選擇羅中的除了像我們孩子這一類人外，如果子女是Band 2生，而又很想讀英中，它都會是一個不錯的選擇。當然，對那些不介意讀中中，覺得有九年免費教育不享，而花一兩千元學費是［哂］的話，羅中真的不太適合。
作者: 杜門    時間: 14-4-30 23:42

明白羅定邦全體師生多年來為咗學校附出咗唔少心血…
只係呢個世界並唔係只係羅定邦有付出…
其他學校都有付出過…
就好似救恩咁…多年前就以一間普通中中做到盡收band1

然後再教到班學生出去考公開試迫近其他英中…
唔通人地付出既心血又少咩？
再以孫書為例…
由千禧年以一間寂寂無名既新校舍追到band2頭
唔通呢啲又係撞彩得番嚟？
我明白好多家長都想其他人認同自己既選擇同其子女所屬既學校…
但係事實就係事實…
事實就係羅定邦唔係真係想自像中咁好咁理想…
我講出呢番話當中唔存在任何抹黑成份…
亦都冇話唔認同羅定邦啲咩…
我只係係度陳述番我見到同我所知既事實同埋糾正一啲家長既觀念
例如當年羅定邦會考高考成績比唔上一啲中中既事實…
又例如有家長話計dse三三二二百份比羅定邦係好過哂所有中中…但實際跟本唔應該咁計…
因為如果照咁計既話…
以會考為例…大埔唔少一線中中既拎零蛋比率係低過男拔同La Salle.
咁唔通我又話計整體成績救恩 圓玄係好過男拔 聖若瑟同La Salle
叫啲人唔好揀男拔 LSC等
轉投救恩同圓玄？
我想講既係我只係陳述事實…
希望家長諗清楚…並唔係話想抹黑羅定邦叫人唔好揀佢…
作者: 杜門    時間: 14-4-30 23:51

好多人都話其他人唔應該抹殺羅定邦多年嚟既心血…

但係你地又有冇諗過你地叫人唔好揀救恩圓玄孫書只因人地係中中
其實你地咁講咪又係抹殺咗人地既多年努力…
作者: glory32    時間: 14-4-30 23:57     標題: 回覆：住大埔既 你地幫囝囝囡囡簡左咩中學~

當年 羅記在「傑出學校獎勵計劃」中獲得
優異獎獲獎( 管理及組織) ，足証羅定邦的實力。



作者: glory32    時間: 14-5-1 00:09     標題: 引用：好多人都話其他人唔應該抹殺羅定邦多年嚟既

原帖由 杜門 於 14-04-30 發表
好多人都話其他人唔應該抹殺羅定邦多年嚟既心血…

但係你地又有冇諗過你地叫人唔好揀救恩圓玄孫書只因人地 ...
其實各花入各眼，好難比較。



作者: pangpangchak    時間: 14-5-1 00:36

本帖最後由 pangpangchak 於 14-5-1 00:50 編輯

終於明白点解常有人對羅中有負面意見,其實有人一人辦演兩個角色來增加自己的支持度。重複地說出當年的羅校怎樣怎,來否決自己也認同正在進步中的羅校,遇到太多這樣的事情,開始覺得這的綱頁可信度真的不高。
作者: 杜門    時間: 14-5-1 01:01

pangpangchak 發表於 14-5-1 00:36
終於明白点解常有人對羅中有負面意見,其實有人一人辦演幾個角色來增加自己的支持度。為了維護自己學校而重 ...
唔好意思…你話有人一人扮演幾個角色係咪指我？但係我得一個ac.就係你而家見到既呢個叫杜門既ac...
如果你真係認為我開分身增加自己支持度既話我諗你有啲誤會啦…
我跟本就冇咁既原因要咁做…
同埋我亦都冇話對羅定邦持好負面既意見…
有一樣野我諗我真係要利申咗先
我中學時代係係大埔救恩讀既…
其實我而家大學yr3都嚟…
所以話我維護自己學校定咩我想講跟本就冇咁既必要…
因為中學時代既野對我嚟講其實都好遠古…
同埋我對我間中學冇乜特別厚既感情…
所以我跟本就冇必要話維護自己學校去踩低人地學校…
或者你講得啱既…羅定邦可能呢兩年真係改革緊…
但係我睇到既返而係醜聞一蘿蘿…
例如https://hk.news.yahoo.com/%E7%BE ... B%A3-223512381.html

不過話又講番轉頭
其實羅定邦同救恩都仲係band1學校…
只係唔係最top band1
既然大家都係同lv.
你覺得我又有冇必為咗維護咩校譽而抹黑其他學校呢？


作者: ricetaster    時間: 14-5-1 01:26

本帖最後由 ricetaster 於 14-5-1 22:06 編輯

除非係特別標青嘅學生, 不然的話中學階段較難同時兼顧學業及課外活動, 尤其是中三開始。  本地大學收生大約有七成或以上來自英中, 身為父母就要用成人的智慧及分析能力, 為子女撇開很多沙石選一間合適中學, 子女年紀還少, 父母責任更大, 所以從子女性格(可能稍後會改變), 學習態度及將來如何能入讀心儀大學及科目, 如何中肯去平衡各種利害關係, 但實用主義會稍佔先, 例如某中學課外活動出色, 學校又得過乜獎物獎, 但無乜學生能考入大學, 你會唔會揀 ?  如果子女將來問番你, 點解咁同佢揀中學, 你會唔會問心有愧, 覺得當時選校唔夠慎重, 選擇只留於表面。

我以前曾就讀傳统英中, 校舍又舊又細, 設備又不足, 運動塲又細, 最大資產就係學生質素, 讀書氣氛 和學生谷唔谷得, 例如從前未重建嘅 DGS, 現在北區嘅鄧顯和甲寅咪又係一樣, 但一樣成績好及運動勁。

但一所中學如果學生成績水平參差係大忌, 學校如何能為學生增值是重中之重, 另一方面, 學校的穩定教學水平亦是重要指標, 唔好一時又話走一批老師, 一時又話走個副校長, 學生公開試成績又大波幅,就算你叫我去讀我都要諗過先。

我選中學主要是留意它的努力的結果, 而唔係努力的過程, 辦學重點及學科編排唔好連比重的主與副, 先和後都撈亂。


P.S. 因為在很多學校資訊唔係好流通及透明, 很多家長都重視 BK 討論及意見, 大家比意見真係要客觀些, 唔好加太多私人感情在內，如有誤導嘅內容, 真係會害死人。

作者: lu-ka    時間: 14-5-1 11:44     標題: 回覆：住大埔既 你地幫囝囝囡囡簡左咩中學~

各有所需。有家長要睇成績結果上大學較重要，有家長要學習過程更重要，有家長根本唔在乎什麼DSE, 因一早計畫出國，有家長認為成績並不是所有，在學生生涯中可廣闊视野，見識更多更重要。真係各取所需!



作者: lu-ka    時間: 14-5-1 11:52     標題: 回覆：住大埔既 你地幫囝囝囡囡簡左咩中學~

如家長十分重視成績，非入大學不可，當然羅中不是佢杯茶，但是不是人生中除了入大學並沒有其他？ 我相信每位家長一定會按自己孩子需要來做决定，自己係最明白孩子需求些什麼。



作者: Fanny_ma    時間: 14-5-1 13:37

可能大家一直對羅定邦既印象係 六間英中最弱既一間 一直處於六間英中最低位。
無可否認，羅記成績的確不及其餘五間英中，甚至係轉直資前幾年成績同校風都不及區內一線中中。
但大家有冇從另一面去睇羅記，例如:佢啲音樂劇吾錯，佢音樂方面泥幾年搞得幾好 ...
  其實近幾年羅記落左吾少苦功去挽救當年既弊病，係羅定邦轉直資初時，因為大埔學位充足，學校吾夠宣傳既關係，學校收生岀現左問題，羅記收吾到BAND1生。大家講得無錯，當時佢收翻泥既學生的確吾夠班，於是羅記就盡力去改善佢地學生既品行與成績，佢地務求令學生英語水平得到提升，於是投放左好多資源去請外籍老師，英文組經常搞好多活動令學生投入其中。有老師為了拉近學生學習差異，不惜加班開設 VIP 班，替學生補課，夜了便車埋學生反屋企。我相信泥點吾係其餘五間英中可以做到的。最後，佢地既學生水平最後亦得以大大既改善。學校亦加強宣傳，改善收生。去年，約有七百人報考羅中，最後羅中只取錄了一百一十個新生，務求達到小班教學既效果。今年，羅中係第一輪面對更岀現額滿既情況。這樣不是正正反映岀羅記幾年既努力嗎？！泥點大家又有冇看得到？
   羅記係創校時憑短短幾年就做到BAND1英中的位置，實在不易。佢一直係大埔都係吾差既中學，只不過前幾年退步左少少，但係佢已經逐漸收復失地，佢文憑試倒不是考得比中中好嗎 ，收生亦不是改善了嗎。
點解大家一直都留於表面去睇羅中，吾深入去睇下佢既努力。再者，佢既教學真係吾差，係過去一個月教育局既全面評核中都對佢既教與學,全體師生既努力深表讚賞，這不是足以證明羅記的實力嗎。
    至於校風方面，羅中校風尚可，最起碼佢既學生行岀泥吾係爛仔款。當然，每間學校都有壞人，我都有見到有羅記學生食煙，但係吾多。
     我有去過佢地既簡介會，我睇得岀全校教職員都有做好羅定邦既決心，而且佢地既簡介會都有好多人去。依我所見，佢地既學生英文吾錯，而且佢地充滿著自信。我仔仔亦係當日比羅記吸引住。
      總括而言，羅記若以校風成績計，佢吾係一間差學校，更加吾係一所BAND2中的中學。我並吾係要大家對羅中完全改觀，我只係希望大家可以從另一面去睇羅中，了解羅中幾年來既努力。如果我地一直都甘去看待羅中，佢地既小朋友自信心會大大被打擊。最後，我吾擔保羅中既學生個個都有卓越既成績，但最起碼佢地行岀泥，係敢言，有自信的。
作者: mrs.so    時間: 14-5-1 13:55     標題: 回覆：住大埔既 你地幫囝囝囡囡簡左咩中學~

我只想講學校以所收既學生banding較多而評，如果羅中直資後列入大埔第六間英中行列，三育及心誠都係當年出生率而轉直資，那大埔應七間英中，不過我覺得羅中與三育又不能混談。

我有幾個朋友仔女就讀羅中，部份目的是中三跌船出國，又唔願入讀鄉中，大光，欣賞羅中既教學理念及直資英中叫接觸較多英文科，所以叩門入羅中。

我所見既羅中學生企理斯文，至於校政我都係聽朋友當年任教時所講，受薪與受教身份不同，所以好難評論。



作者: Fanny_ma    時間: 14-5-1 14:05

mrs.so 發表於 14-5-1 13:55
我只想講學校以所收既學生banding較多而評，如果羅中直資後列入大埔第六間英中行列，三育及心誠都係當年出 ...
始終羅中係教局審批英中之一 ， 點可以同三育相題並論。前幾年，羅中收生的確未如理想。但係泥兩年已得以改善。
作者: khmama    時間: 14-5-1 14:28

Fanny_ma 發表於 14-5-1 13:37
可能大家一直對羅定邦既印象係 六間英中最弱既一間 一直處於六間英中最低位。
無可否認，羅記成績的確不 ...

似乎你對羅中都幾熟悉. 客觀咁講, 羅定邦2013年dse既3322比率只得37.1%, 只係屬於band2直資. 佢既英文科相對band2中中算係唔錯, 呢個亦係賣點. 我諗羅中對band2考生既吸引力較大, 至於band1生, 實在冇必要為羅中放棄抽獎, 叩門當作別論.
作者: cckalex    時間: 14-5-1 14:57

真想不到,連資深家長khmama都走進來,
肯為大埔家長說些公道話
作者: lu-ka    時間: 14-5-1 15:09     標題: 回覆：住大埔既 你地幫囝囝囡囡簡左咩中學~

我相信只係用家才最清楚實際學校情況及孩子的轉變。個人立場，我會傾向聽取用家的意見比較實際。



作者: misoko    時間: 14-5-1 15:14

glory32 發表於 14-4-30 14:49
大埔人看不上眼，因為好命。区外人band 2人揀羅中，可能因為知足。
我出生在一個貧窮漁民之家，可能我真係好命，3個女都無係大埔讀書
作者: mrs.so    時間: 14-5-1 16:01     標題: 回覆：Fanny_ma 的帖子

因為當年微調+出生率問題，有部份所謂英中要落車，羅中選擇轉直資求存，羅中近年的確係積極，但對於大埔小學，通常係邊緣人或b2之後才建議入羅中(因家長求英文教學)，我仔畢業同學派位入靈風即日叩門羅中錄取，這類個案發生不少

至於b1生首輪入羅中，家長必有深思熟慮後更要欣賞其教學理念才作出重要決定，每年羅中面試人數人少，取錄後放棄既同樣不少，他們只是知道羅中面試嚴謹當作津中面試熱身賽，我認同入得羅中必需絕對欣賞其教學，才會拼出成績。







歡迎光臨 教育王國 (/) Powered by Discuz! X1.5