教育王國

標題: 乙部30間應該怎樣填？ [打印本頁]

作者: jc_mom 時間: 14-4-8 12:07 標題: 乙部30間應該怎樣填？

小囡是band 1生，已申請轉回東區校網。很多人都話要填曬30間學校在乙部，但如果計埋他區借位嘅學校，可能都只填到十幾間band 1學校在乙部，咁究竟應唔應該填band 2學校落去呢？
而他區借位嘅學額得幾個，乙部放得後的話其實作用不大，好似只用來攝位，請教大家以前點填乙部呢？

作者: Keroroman 時間: 14-4-12 23:21

我也和你有一樣的同感，希望有高人替我們指點一下迷津！

作者: opclk 時間: 14-4-13 00:29

提示: 作者被禁止或刪除內容自動屏蔽

作者: Band5 時間: 14-4-13 15:22 標題: 回覆：乙部30間應該怎樣填？

頭幾個志願係博殺位，希望都在這裏，最後幾個志願就係保險位！

乙部係升中嘅最後一關，所選嘅派唔到，就一定係B3生都揀完揀剩嘅凶位，所以一定要擺保險。

B1生嘅最後保險就係全部B1生都派完仍有位剩嘅任何一間學校，可以係B1C，亦可能剩返B2。如果你肯定一間係保險，保險位之後就毋須再填，因已唔會起作用。唔肯定就填多幾間！填多咗係冇蝕底的！要注意保險位放得前係冇好處的，同放第30嘅作用係一樣！

當決定咗博殺位同保險位之後，在中間就可以放任何一間未揀嘅又比保險位心儀嘅學校，千祈唔好放差過保險位嘅學校！他區少位嘅B1學校都唔好放過，呢啲叫執雞，執唔到冇損失！

作者: yy13 時間: 14-4-13 22:23 標題: 回覆：乙部30間應該怎樣填？

想問個愚蠢問題

就算填晒乙部30間
有無機會係1間都抽唔中呢

作者: Horsebbj 時間: 14-4-13 22:29 標題: 引用：想問個愚蠢問題就算填晒乙部30間有無機會

原帖由 yy13 於 14-04-13 發表
想問個愚蠢問題
就算填晒乙部30間
有無機會係1間都抽唔中呢

如果band 3學生當自己是band 1, 又填晒band 1及2的學校先，我諗咁就有機會。

作者: Keroroman 時間: 14-4-14 01:25

謝謝大家的指點！

作者: jc_mom 時間: 14-4-15 06:33 標題: 回覆：Band5 的帖子

乙部第一志願打算填BPS, 但老師反而建議填得聖保祿中學，但聖保祿好似在乙部只俾兩三個位東區，咁搏法係咪好危險？雖然阿囡喜歡聖保祿多些。

作者: Band5 時間: 14-4-15 17:23 標題: 引用：乙部第一志願打算填BPS,+但老師反而建議填

本帖最後由 Band5 於 14-4-15 17:26 編輯

原帖由 jc_mom 於 14-04-15 發表
乙部第一志願打算填BPS, 但老師反而建議填得聖保祿中學，但聖保祿好似在乙部只俾兩三個位東區，咁搏法係咪 ...

假設BPS有48位，即如果號碼在你女兒之前少過48人揀BPS或3人揀聖保祿，你女兒就OK，你可試試在同學間做個小統計，睇下邊樣多！我估聖保祿易抽啲！但位少嘅變數卻係多啲！

歡迎光臨教育王國 (/)