教育王國

標題: 有無家長知道深灣軒啟思有乜好，有乜唔好？ [打印本頁]

作者: cfbwong 時間: 14-1-12 21:10 標題: 有無家長知道深灣軒啟思有乜好，有乜唔好？

如題

作者: rarafish 時間: 14-1-12 22:17

好
1. 老師好有愛心, 但到k3 會有要求..唔hea..仔明顯上k3 後自律好多
2. 如果你唔介意pm, 我仔今年下k3, 一路都係10 人一班..我仔細仔..所以真係叫做勁小班教學..
3. 多思考野..例如d 思維訓練型式既worksheet.
4. 多課餘活動係學校玩..一小時, 12點至1 點..不論上午定下午都玩到..有d 星期六至有
5. 學既字唔深, 無默書 ( 聽聞有d k2下學期已默書..)

唔好
1. 學既字太淺, 但又矛盾地寫既字數都多, k2 時同一個字寫20 次左右..好似好抄寫咁..但k3 好d, 一個字寫6 隻, 但每日寫幾個唔同既字, 加寫句子..
2. 雜費貴左少少, 一學期跟住佢買書簿費dvd etc 約 2300 , 但我會唔買cd, dvd, 真係無時間同佢睇.. 所以刪減後可能係1700 .. 茶點費190 一個月..
3. 地點好吊腳, 落巴士要行幾條馬路.
4. 校巴勁貴同埋勁差服務 (的士車程單程35元, 但校巴收你 1150 一個月 )

作者: Syycat 時間: 14-1-12 22:19 標題: 回覆：有無家長知道深灣軒啟思有乜好，有乜唔好？

聽聞課程比其他幼稚院較淺，不過校舍新淨

作者: cherot 時間: 14-1-13 23:47 標題: 回覆：有無家長知道深灣軒啟思有乜好，有乜唔好？

請問升小一派位如何？

作者: miss_sunshine 時間: 14-1-14 11:11 標題: 引用：請問升小一派位如何？ +

原帖由 cherot 於 14-01-13 發表
請問升小一派位如何？

我都想知，網上搵唔到

作者: 藍眼 時間: 14-1-16 17:35

好似南官、田始會比較多

作者: cherot 時間: 14-1-16 18:47 標題: 引用：好似南官、田始會比較多

原帖由藍眼於 14-01-16 發表
好似南官、田始會比較多

謝謝！
有冇直資同私立？

作者: rarafish 時間: 14-1-19 23:24

回覆 cherot 的帖子

有人考直資, 年年都有幾個港同, 聖保羅, etc..但唔會好多..

作者: ccsai 時間: 14-1-23 16:19

我個小朋友讀緊，個人覺得對呢間學校有少少失望。本來都幾鍾意呢間學校，但小朋友返學後，我多咗機會接觸老師，覺得普遍唔係太有愛心，當中更有d停下太負責任。我個小朋友喺學校撞傷頭但無人向我交代，要我從我個小朋友口中先得知，打電話回校詢問，光師有解釋(雖很牽强，但我都無追究)，但之後對我同我小朋友既態度明顯轉差。不過可能只係個人運氣問題或同呢位老師唔夾啦。
客觀上呢間學校颇多小朋友病住返學，學生同老師都係不停輪住病，感覺上學校防範疾病傳播措施及處理略嫌不足。
課程上有人話淺，但學生應該都算返得開心。我個小朋友都話鍾意返學，只係唔太鍾意老師。
但此校園長不錯，細心有經驗。若全校老所有咁細心就好了。

作者: ccsai 時間: 14-1-23 16:22

唔好意思，send後先發覺有幾個錯字，希望你睇得明

作者: cherot 時間: 14-1-23 20:19 標題: 回覆：ccsai 的帖子

會晤會因為近年多咗學生所以差咗？

作者: WaKy 時間: 14-1-24 16:03

回覆 ccsai 的帖子

我小朋友雖然讀緊N，不過我都認同你話小朋友撞親無交代，因為有次我小朋友本身係屋企撞yu頭，都好得八八九九，但有一日見倒個頭再yu d 同起高咗個樓，我懷疑佢見個小朋友本身已經有舊傷，所以諗住新傷唔講家長都唔覺，我無打去問，係我自己估

另外，小朋友由返學到依家無停睇醫生同食藥，無返幾日好返一返學即再病，我知小朋友一返學係會勁病，但真係無諗過停都無停過病，真係日日食藥，c6同婆婆已經叫我唔好俾小朋友返學，不如退學K1先再返學啦

作者: laupeggyhk 時間: 14-1-27 16:08

waky, 想問你小朋友係唔係小組一?

作者: kc871 時間: 14-2-10 15:52

我個係小組一, 開學後不停睇醫生, 但老師都幾細心, 不時都會有電話溝通, 但新年期間我問小朋友鍾唔鍾意返學, 佢竟然答NO!!!

作者: csiusin 時間: 14-2-11 11:58

本人小朋友係該校讀過n班及k1一個月, 本人都覺得好失望, 因為由n班揀學校時,
首先覺得呢間學校係南區算有d名氣加上呢間學校真係算出名,
但入讀後.真係完全失望, 佢學校好商業化, 老師無愛心.
由其n班升左上k1之後, n班老師都好有愛心好似曾老師同譚老師教n班都好好,
對小朋友都好細心, 但一上k1, 我唔知個個老師都係咁還是點啦,
一上左k1佢地好似覺得佢地係k1唔需要呵護啦講野各樣都大聲,
我小朋友n班都鐘意返學, 同埋開心既, 但係一到k1只返了兩星期.
日日都話唔鐘意返學,唔想返學, 至於衛生方面我都覺得麻麻,
之前我小朋友返學成日比蚊咬到成腳都係, 問學校點解咁?
佢地只答一句出面有地鐵地盤一定多蚊, 但在於我地家長方面會覺得,
如果多蚊你地係咪要做d應對既野呢?佢只答佢地有蚊機, 咁有無諗係咪唔夠呢?我都已經完住失望, 但無辦法因為讀緊, 要再搵學校都唔易,
到了k1一開學見小朋友唔開心, 我即搵學校轉, 好彩係十月轉到另一學校,
我都唔想作比效, 但小朋友返左新學校, 好開心日日都話要返學,
同埋日日返到屋企都會自動同我講係學校做左d咩食過咩茶點,
所以我明白到呢間學校既問題存在, 仲要我仔k1果班,開學無耐計埋我仔已經有3個轉左校, 所以...我都唔想講佢唔好,但大家做家長都想了解我先係度同大家分享並無想講衰呢間學校既意思.

歡迎光臨教育王國 (/)