教育王國

標題: 教局指直資統一派位未有共識 [打印本頁]

作者: elbar 時間: 14-1-8 09:07 標題: 教局指直資統一派位未有共識

【明報專訊】立法會教育事務委員會下周一舉行會議，教育局向委員會提交有關直資計劃政策的報告中指出，有建議認為直資學校應預留某個百分比的學額，透過統一派位分配，使基層家庭學生亦能入讀直資學校。

稱統一派位亦難保基層得學額

不過，教育局直資計劃工作小組表示，即使透過統一派位分配部分直資學額，不能確保學額能分配到基層家庭，又指考慮是否進一步收緊對直資學校收生的限制前，應先監察學校落實學費減免和獎助學金計劃的改善情。

指難提早公布公營校統一派位

此外，現時家長往往在公營學校統一派位前就要決定是否接受直資學校學額，有建議要求教育局提前公布派位結果，讓家長可在派位後才決定是否入讀直資，小組指有技術困難，中學的持份者亦意見不一；而小學持份者一般關注提早公布派位結果會影響小六生的整體學習氣氛。

作者: silvia_ng 時間: 14-1-8 09:50

elbar 發表於 14-1-8 09:07
【明報專訊】立法會教育事務委員會下周一舉行會議，教育局向委員會提交有關直資計劃政策的報告中指出，有建 ...

而小學持份者一般關注提早公布派位結果會影響小六生的整體學習氣氛。 <----- 這一部份持份者不代表我! 如果咁擔心, 咁直資都唔好公佈啦! 佢地知道直資收左, 都會影響整體學習氣氛喎! 都痴線既! 係都要折磨人到7月先得既!

作者: Charlotte_mom 時間: 14-1-8 11:16

如果直資要留位做派位, 咁唔駛交學費? 咁作為家長, 我唔一早申請喇, 話唔定派位入呢, 以我女果間為例, 大拿拿6年慳$225,000啊

到時有人派到有人派唔到, 7月至開始去玩叩門, 官津直資大兜亂, 睇怕大家連暑假都唔駛放了

作者: 長生不老 時間: 14-1-8 12:24

提示: 作者被禁止或刪除內容自動屏蔽

作者: Charlotte_mom 時間: 14-1-8 12:38

驚唔驚其他人知, 係家長心魔姐, 以我仔女學校為例, 我自己做pta委員都唔知(連有幾多人有申請都唔知)

不過我同意, 就算學費活動樣樣有減免, 始終樣樣都係錢, 唔通樣樣都入form咩, 例如學校話要用本reader, 幾百幾百加埋又幾千, 唔通每次都申請? 始終有錢唔係萬能但無錢就萬萬不能, 呢樣好現實

作者: ANChan59 時間: 14-1-8 13:14

回覆 Charlotte_mom 的帖子

現在話基層就大晒，要乜有乜，主題公園，塔飛機，睇賀𡻕波........關愛基金付出。
遲 d 要直入直資，喇沙，皇仁，港大，中大........ 不然就是不公，令人自卑。

向上流，發奮的動力在那裡？就是攤大手板，

作者: dolala 時間: 14-1-8 13:19 標題: 引用：驚唔驚其他人知,+係家長心魔姐,+以我仔女學

原帖由 Charlotte_mom 於 14-01-08 發表
驚唔驚其他人知, 係家長心魔姐, 以我仔女學校為例, 我自己做pta委員都唔知(連有幾多人有申請都唔知)

不過 ...

同意，心魔係好難消除。風涼話易講，知易行難。

作者: 瑩瑩老豆 時間: 14-1-8 14:37

silvia_ng 發表於 14-1-8 09:50
而小學持份者一般關注提早公布派位結果會影響小六生的整體學習氣氛。

我都係咁話, 3月考完最后一次呈分試, 整體學習氣氛都會放鬆了吧. 而且部份直資一月開始已陸續出offer, 咁又唔覺有影響?

作者: 瑩瑩老豆 時間: 14-1-8 14:42

本帖最後由瑩瑩老豆於 14-1-8 14:45 編輯

長生不老發表於 14-1-8 12:24
直資根本就係搞分化 , 基層學生不敢入讀 , 就算入左有學費减免, 又驚同學知道自己係窮鬼 , 影響自信, 如果 ...

唔好話基層, 我呢D 摱車邊中產都唔敢報, 減免又唔夠資格, 當一年基本學費五萬另加大堆書薄雜費活動費再 X 6年.

作者: 長生不老 時間: 14-1-8 15:52

提示: 作者被禁止或刪除內容自動屏蔽

作者: Charlotte_mom 時間: 14-1-8 16:10

長生不老發表於 14-1-8 15:52
咩叫直入? 晤使成績 ? 這樣當然不公啦 ! 好似好多成績好都唔敢入喎, 點解有錢人唔去讀私校國際校呢 ? 又要 ...

呢個講法恕我不能全部認同

基層學生選擇權小左--true

但唔係人人都大富大貴可以讀國際, 2,3千蚊一個月, 同過萬一個月係2回事, 況且大家都係香港公民, 有錢唔代表唔應該講津校呀

納稅人資助讀直資--政府俾錢津貼一個小朋友讀直資既錢, 唔會多過津貼一個小朋友讀津校(津貼連維修換檯換鄧換個廁所板都要全包, 直資係學校自付的), 既然無俾多, 讀直資家庭又如何extra受益呢? 況且有小朋友揀左讀直資, 至可以free返個位出黎俾有需要的讀津校呀, 如果將全部學校變晒津校, 怕且政府教育開支更多, 到時就真係要納稅人埋單了

作者: ANChan59 時間: 14-1-8 20:01

Charlotte_mom 發表於 14-1-8 16:10
呢個講法恕我不能全部認同

基層學生選擇權小左--true

多謝妳回覆，等我慳番啖氣。

作者: 長生不老 時間: 14-1-8 20:05

提示: 作者被禁止或刪除內容自動屏蔽

作者: ha8mo 時間: 14-1-8 20:40

提示: 作者被禁止或刪除內容自動屏蔽

作者: 長生不老 時間: 14-1-8 20:58

提示: 作者被禁止或刪除內容自動屏蔽

作者: Band5 時間: 14-1-8 22:44 標題: 回覆：教局指直資統一派位未有共識

直資名校統一派位究竟會益到邊個？

只怕唔多會係最Top嘅叻仔叻女，因為佢哋多數自行入咗官津名校。試問有邊個會放棄自行去抽獎博果十零廿個位，仲要係全港一齊爭！

作者: Charlotte_mom 時間: 14-1-9 10:03

長生不老發表於 14-1-8 20:05
你都識講大家係香港公民，以前無直資年代，基層學生可以入讀DBS享用足球場泳池，津校多數無這兩樣，但依家 ...

嚇死我, 等我睇清楚自己寫左咩再答.......

我有講過"公平"嗎? let's face it, 呢個世界邊有公平架.......鬧我無志氣啦, 每一個制度總有人得有人失, 我無力改變只有接受, 正如而家佢又話想改派位制度, 我地可以改變d咩呢, 顧掂自己算了(利申: 我都無本事入果d傳統名校, 亦唔係我杯茶)

我只係想講直資學生同津校學生一樣, 都係拎同一份津貼而已

歡迎光臨教育王國 (/)