教育王國
標題: 有人話中學先開谷?大家認同嗎? [打印本頁]
作者: anglelala 時間: 13-11-14 12:57 標題: 有人話中學先開谷?大家認同嗎?
其實小女現只是考K1,不過由於而家既教育係需要由中學開始PLAN,所以想請教各位父母,你們認為對於一般既小朋友,由KINDER開始讀D所謂"谷"既KINDER,再上D"谷"既小學, 定係KINDER同小學都HAPPY HAPPY,去到中學先迫佢發力,邊種方法會好d?希望大家分享!!!thx!!!
作者: ohnono 時間: 13-11-14 17:19
真係乜野方法都有,亦沒有絕對。受得起谷的小朋友可以用谷的方法,但受唔起谷的,可能越谷越有反效果。
有人贏在起跑線卻輸在終點,有人輸在起跑線卻贏在終點,當然也會有贏在起跑線亦順利衝過終點。
讀書係一個漫長的任務,絕對不是捉象棋,一子錯就滿盤皆落索。中間還有空間讓你調較,撥亂反正。有沒有睇過奧運會的長跑賽事或者馬拉松,起跑不一定要第一,但有能力的總是跑在有利的位置,總不能太差吧,否則到發力想追也追不到就太遲。有能力谷的,我唔會反對谷少少,一發現有問題就要立即解決,成功有時除了靠艱苦奮鬥心都要有健康的身心才可以。
作者: 瑩瑩老豆 時間: 13-11-14 17:36
anglelala 發表於 13-11-14 12:57 
其實小女現只是考K1,不過由於而家既教育係需要由中學開始PLAN,所以想請教各位父母,你們認為對於一般既小朋 ...
因人而異, 都唔會有標準答案.
作者: anglelala 時間: 13-11-14 17:40
ohnono 發表於 13-11-14 17:19 
真係乜野方法都有,亦沒有絕對。受得起谷的小朋友可以用谷的方法,但受唔起谷的,可能越谷越有反效果。
有 ...
多謝你的意見!
如果一個好有主見既小朋友是否早期,谷小小,幫佢打好個底,好D呢?因為佢大大下可能咩都吾肯比你谷
作者: 杰杰媽媽 時間: 13-11-14 17:50 標題: 回覆:有人話中學先開谷
我仔由幼兒園玩到宜家中學都仲玩緊

作者: ohnono 時間: 13-11-14 17:52
anglelala 發表於 13-11-14 17:40 
多謝你的意見!
如果一個好有主見既小朋友是否早期,谷小小,幫佢打好個底,好D呢?因為佢大大下可能咩都吾肯比 ...
如果好有主見就更加應該早一點去打好個底。我同意好有主見的小朋友會好兩極的,一係會自動自覺去谷自己,一係唔會比你去谷。
作者: Yanamami 時間: 13-11-14 20:29
我覺得K1~P3都可以愉快學習,但請注意happy唔等于乜都唔洗做,日日玩,日日睇電視。讀少功課、測考的學校,多出的時間去做運動,多閱讀都一樣有益健康啊。呢段時間要訓練自理力同讀書態度認真。到高小開始就要面對現實了,始終HK都是個求學求分數的地方。F1~2又是另一個honeymoon period,回回氣,為的是要走更難更遠的路。
作者: Charlotte_mom 時間: 13-11-14 21:35 標題: 回覆:有人話中學先開谷?大家認同嗎?
我女case:幼稚園愉快,小學繼續愉快(不惜放棄左間直升既傳統小學,因為我吾想咁早就打打殺殺),中學活動不過都要努力讀,邊有honeymoon,中二開學頭一星期已經兩個test。都中學lor跑下都好,始終要面對公開試。佢仍然work hard play hard。不過留意近年學校競爭越黎越激,太hea的話要考慮升小點算、升中又點算。如果好彩入到龍校就死少好多細胞

作者: anglelala 時間: 13-11-14 21:51 標題: 引用:我女case:幼稚園愉快,小學繼續愉快(不惜
原帖由 Charlotte_mom 於 13-11-14 發表
我女case:幼稚園愉快,小學繼續愉快(不惜放棄左間直升既傳統小學,因為我吾想咁早就打打殺殺),中學活動 ...
吾好講小學,中學呀!我考K1已經死好多细胞

作者: Charlotte_mom 時間: 13-11-14 22:23 標題: 引用:Quote:原帖由+Charlotte_mom+於+13-11-14+
原帖由 anglelala 於 13-11-14 發表
吾好講小學,中學呀!我考K1已經死好多细胞
係呀而家好激!

作者: shadeslayer 時間: 13-11-14 23:34 標題: 回覆:有人話中學先開谷?大家認同嗎?
張五常好似叫自己個仔大學先谷,唔知他公子在港定外國讀呢?

作者: ANChan59 時間: 13-11-15 00:03
shadeslayer 發表於 13-11-14 23:34 
張五常好似叫自己個仔大學先谷,唔知他公子在港定外國讀呢?
好似外國讀醫科。
作者: ANChan59 時間: 13-11-15 00:05
Yanamami 發表於 13-11-14 20:29 
我覺得K1~P3都可以愉快學習,但請注意happy唔等于乜都唔洗做,日日玩,日日睇電視。讀少功課、測考的學校, ...
最遲中三下學期要踩油 ....
作者: anglelala 時間: 13-11-15 01:02 標題: 引用:Quote:Yanamami+發表於+13-11-14+20:29+我
原帖由 ANChan59 於 13-11-15 發表
最遲中三下學期要踩油 ....
黎吾黎得切?

作者: ANChan59 時間: 13-11-15 01:09
anglelala 發表於 13-11-15 01:02 
黎吾黎得切?
所以我話最遲!男仔始終遅開䆻。
作者: opclk 時間: 13-11-15 03:07
提示: 作者被禁止或刪除 內容自動屏蔽
作者: kitbebe 時間: 13-11-15 07:50
谷有唔同既程度, 個人認為最好由一年級就開始, 續年增加, 個底打得唔好, 上到中學就會好辛苦追.
作者: AC117 時間: 13-11-15 08:06 標題: 引用:Quote:Yanamami+發表於+13-11-14+20:29+我
原帖由 ANChan59 於 13-11-15 發表
最遲中三下學期要踩油 ....
可以踩得切?中三上學期要出力了,怕影響選科,十四歲男仔仲係無目標,hea爆,我個已s2,小學科科唔洗出力八九十分,現在某些科得廿几分,仲唔只一科,s1時寄望升班,s2也是一樣
但底子又不是太關事,我也以為他小學英文底差,普通屋村小學,程度低,但事實又不是,升中後英文及Maths水平可以在班內維持中上,小學階段學校同家長未谷過,中學上b1才谷,有點辛苦,但起碼有過快樂時光,初小程度深過高小,家長學生也超辛苦,成績差失信心,但可能轉適合他的學校已是精英了

作者: longlokma 時間: 13-11-15 08:07 標題: 回覆:有人話中學先開谷
其他科可以唔谷,但中英文一定要自小培養

作者: anglelala 時間: 13-11-15 08:24 標題: 引用:其他科可以唔谷,但中英文一定要自小培養
+
原帖由 longlokma 於 13-11-15 發表
其他科可以唔谷,但中英文一定要自小培養
是否由幼稚園已要開始?

作者: longlokma 時間: 13-11-15 08:43 標題: 引用:Quote:原帖由+longlokma+於+13-11-15+發表
原帖由 anglelala 於 13-11-15 發表
是否由幼稚園已要開始?
我覺得越早越好,但一定要冇壓力的

作者: anglelala 時間: 13-11-15 09:53
longlokma 發表於 13-11-15 08:43 
我覺得越早越好,但一定要冇壓力的
可否分享一下你的心得?
作者: Charlotte_mom 時間: 13-11-15 09:57
ANChan59 發表於 13-11-15 00:05 
最遲中三下學期要踩油 ....
中三定小三?
中三好似要confirm揀科, 如果之前唔努力, 想入自己要既科就難了........直接影響公開試呢
作者: AC117 時間: 13-11-15 10:27 標題: 引用:Quote:ANChan59+發表於+13-11-15+00:05+最
原帖由 Charlotte_mom 於 13-11-15 發表
中三定小三?
中三好似要confirm揀科, 如果之前唔努力, 想入自己要既科就難了........直接影響公開試呢
...
如果b1 2中三上學期踏油還可以,但升中唔理想想踏都難,咁既情況應該小三才穩陣

作者: wunma 時間: 13-11-15 11:19
提示: 作者被禁止或刪除 內容自動屏蔽
作者: anglelala 時間: 13-11-15 11:26
wunma 發表於 13-11-15 11:19 
個人愚見, 唔好咁早谷成績:
幼稚園 - 著手訓練自理能力, 培養閱讀興趣, 探究課外興趣/專長活動
點解吾好入校隊呢?同埋係米小學時,家長吾好插咁多手,咁可以睇清楚個小朋友係咩料子?
作者: 香香 時間: 13-11-15 12:13
提示: 作者被禁止或刪除 內容自動屏蔽
作者: zhuzhu 時間: 13-11-15 12:29
唔谷都要打底, 唔係中學會好苦,
作者: jaci 時間: 13-11-15 14:06
孩子不是機器, 要轉工作模式就可以即轉, 要谷就可以谷得起.
作者: dobbybabie 時間: 13-11-15 14:28 標題: 引用:唔谷都要打底,+唔係中學會好苦,
原帖由 zhuzhu 於 13-11-15 發表
唔谷都要打底, 唔係中學會好苦,
其實我覺得"谷"這個字可圈可點,什么叫谷,小朋友本身盡晒力都是跑100米就没氣,但父母仲要求跑多100米,曰夜加操,是為谷,但小朋友輕鬆跑完100米仲大把精力唔做多少少嘢跑多的就唔啱

作者: dobbybabie 時間: 13-11-15 14:33 標題: 引用:Quote:原帖由+zhuzhu+於+13-11-15+發表唔谷
原帖由 dobbybabie 於 13-11-15 發表
其實我覺得"谷"這個字可圈可點,什么叫谷,小朋友本身盡晒力都是跑100米就没氣,但父母仲要求跑多100米,曰夜加 ...
我會好像騎師咁,比學校做多少少,让他keeP在中上位,一轉大直路他就會爆發衝线的

作者: Band5 時間: 13-11-15 18:15 標題: 回覆:有人話中學先開谷
個個都講起跑線,究竟終點定在那裡。如果目標是某些要一個打二十個的直資或私小,現在才決定谷與不谷可能已經太遲!但我相信靠谷而獲取錄的只會是極小數!
有時預算同實行會有頗大的分別。
當年為兒子的打算是小一至小三保持中游,最好在前三分一,小四開始發力希望能進入前20%升中。中一中二可以輕鬆,中三稍發力為選科,中四追趕,中五中六衝刺求入最佳大學!
誰知幼稚園較為落後的他,小學開始突然脫胎換骨(相對幼稚園而言),輕易便守穩三甲之內,一直hea住讀到現在中一,又忽然發覺到處高人,難進入前列位置,未知能否保得住中游位置,是否需要加點鞭策,因實在hea得過份!

作者: Band5 時間: 13-11-15 18:53 標題: 引用:Quote:wunma+發表於+13-11-15+11:19+個人愚
原帖由 anglelala 於 13-11-15 發表
點解吾好入校隊呢?同埋係米小學時,家長吾好插咁多手,咁可以睇清楚個小朋友係咩料子? ...
普通小學的校隊是很簡單的,有時只要舉手就入到,甚至被拉夫入隊,兒子小五小六就入了五個校隊(三項運動加數學加機械人設計比賽),多數都只是返學前或放學後訓練!

作者: satu 時間: 13-11-16 00:43 標題: 引用:個個都講起跑線,究竟終點定在那裡。如果目
原帖由 Band5 於 13-11-15 發表
個個都講起跑線,究竟終點定在那裡。如果目標是某些要一個打二十個的直資或私小,現在才決定谷與不谷可能已 ...
如果終點係jupus . Dse 只有約18%入到、我估多數都係band 1 中學先有相對多D機會入jupus. 即係小學就要keep 住起碼前30%既位置、希望派到b1 中學、所以幾時加油、幾時發力、大家自己考慮吓、小朋友當然愛玩、家長既取向、決定性好大。
當然、都要睇吓小朋友能力、勉強冇幸福、但如果係有潛力既、就唔好浪費人才。

作者: 一家的太陽 時間: 13-11-16 09:23 標題: 回覆:有人話中學先開谷
各個小朋友資質唔同,性格唔同,家長對子女的要求唔同,好難有一個統一的模式來決定每個學生的學習方式。但我承認打好個底係非常重要的,當小朋友想自己起飛時,至少有足夠能量俾佢飛得起。
舉個例,我和老公對視藝方面毫無sense。所以阿仔入小學後一直參加學校辦的中西藝術興趣班。每次匯報展覽,其它有天份的同學仔有好幾份作品展出,並得到大人的讚嘆,而阿仔卻勉勉強強地只能拿出一幅作品湊熱鬧。我也無所謂,只要佢本人玩得開心,又符合學校一生一體藝術的要求。
點知入到中學後,阿仔的視藝成績都占同級同學的前20%,沒有因視藝成績拖低總成績(有同學有此情況發生)。相信係小學時的興趣班為阿仔打好了底的關係。

作者: 安格斯媽媽 時間: 13-11-16 09:24 標題: 引用:其實小女現只是考K1,不過由於而家既教育係
原帖由 anglelala 於 13-11-14 發表
其實小女現只是考K1,不過由於而家既教育係需要由中學開始PLAN,所以想請教各位父母,你們認為對於一般既小朋 ...
有時不是想谷便谷得來,每個小朋友都不同,盡力而為由小一起保持校內成績,如果能力許可(財力同時間) 加強主科根基,若發現小朋友未必受便要調節,過份強迫會弄巧反拙。

作者: Giant 時間: 13-11-24 16:17 標題: 回覆:有人話中學先開谷
咪傻啦,如果有條standard formula 可套用於所有細路,種出成功人士的話,呢個世界就唔會出現林林種種的問題。

作者: 木子 時間: 13-11-26 14:46
我覺得六年級開始我們已經谷到爆啦, 如果中學再係咁我情願搵間輕鬆的中學
作者: AC117 時間: 13-11-26 19:02 標題: 引用:我覺得六年級開始我們已經谷到爆啦,+如果中
原帖由 木子 於 13-11-26 發表
我覺得六年級開始我們已經谷到爆啦, 如果中學再係咁我情願搵間輕鬆的中學 ...
但上了中學太輕鬆又驚佢hea,父母想子女唔辛苦又可以升大學最好。我的中二成績麻麻,中三要預備選科,跟住應付DSE,他反而小學是蜜月期未谷過,唔洗溫習hea住讀又比佢上到b1,hea左咁耐他知中學要開始努力,但講得出做不到

作者: 木子 時間: 13-11-27 12:16
AC117 發表於 13-11-26 19:02 
但上了中學太輕鬆又驚佢hea,父母想子女唔辛苦又可以升大學最好。我的中二成績麻麻,中三要預備選科,跟住 ...
是,所以養兒100歲, 長憂99
作者: AC117 時間: 13-11-27 12:23 標題: 引用:Quote:AC117+發表於+13-11-26+19:02+但上了
原帖由 木子 於 13-11-27 發表
是,所以養兒100歲, 長憂99
他們讀書父母辛苦千萬倍,在現階段儘量安排最好給他們,但日後要看自己努力了

作者: 木子 時間: 13-11-27 12:55
AC117 發表於 13-11-27 12:23 
他們讀書父母辛苦千萬倍,在現階段儘量安排最好給他們,但日後要看自己努力了
...
小學時仲可以的, 上到中學唔知肯唔肯聽你講, 所以幫得到就幫下,加油!
作者: AC117 時間: 13-11-27 13:38 標題: 引用:Quote:AC117+發表於+13-11-27+12:23+他們讀
原帖由 木子 於 13-11-27 發表
小學時仲可以的, 上到中學唔知肯唔肯聽你講, 所以幫得到就幫下,加油! ...
小學父母還可以keep到他們成績,本來科科80分以上,升中可以有難以想像的成績,差異很大,因此成為習慣肥佬也未必肯盡力改善,高中更難以想像,只可等他開竅

作者: longlokma 時間: 13-11-27 13:39 標題: 回覆:有人話中學先開谷
要hea, 入左大学先啦!到时真係可以hea足幾年之後照畢業

作者: bbfish1992 時間: 13-11-27 14:09
Giant 發表於 13-11-24 16:17 
咪傻啦,如果有條standard formula 可套用於所有細路,種出成功人士的話,呢個世界就唔會出現林林種種的問 ...

小朋友不是機器,話谷就谷
若信鸁在起跑線依個神話而去谷,小朋友好可憐
作者: AC117 時間: 13-11-27 16:08 標題: 引用:Quote:Giant+發表於+13-11-24+16:17+咪傻啦
原帖由 bbfish1992 於 13-11-27 發表
小朋友不是機器,話谷就谷
若信鸁在起跑線依個神話而去谷,小朋友好可憐
自問谷不到,亦無必要大家辛苦,順其自然吧!
歡迎光臨 教育王國 (/) |
Powered by Discuz! X1.5 |