教育王國

標題: 9月就要升小五 [打印本頁]

作者: yipcharie 時間: 13-7-30 09:19 標題: 9月就要升小五

今年升小五，各家長點備戰程分試？

作者: birdmom 時間: 13-7-30 10:42

本帖最後由 birdmom 於 13-7-30 10:45 編輯

[size=14.857142448425293px] how to prepare?

作者: kncl 時間: 13-7-30 11:54

囡囡都係今年九月升小五，我都想知可以如何備試。

作者: yipcharie 時間: 13-7-30 12:35

我仲打算利用這個暑假去惡補一下，點知阿女完全唔想做練習

作者: ohnono 時間: 13-7-30 13:26

曉得在此刻思考怎樣去備戰五年級下學期的呈分試的家長已經贏了第一步。

整個升中的過程，除了五年級下學期的呈分試之外，同學在五年級上學期的成績表都要同時呈上給不論直資的學校或自行收生的兩間官津學校，而五年級上學期的成績正正代表著同學在呈分試以外一路到呈分試期間的穩定性，和持續性，具有相當的參考價值。

除了考試的成績之外，同學的操行都直接反映在成績表上。而家d學校已開始傾向收取操行良好的學生，有的學校甚至將操行列作收生標準的其中一項。所以家長都要提點小朋友注意同學在校內的行為舉止。越好的學校有時對成績以外的要求相當高，因為來報名的同學個個都已經有好好的學業成績。
有了成績、攪好了操行，家長還得要安排子女參加一兩樣課外活動，藉此增加在激烈競爭下的戰鬥力。有同學參加奧數的訓練、有參加音樂或樂器的考試、亦有參加各式各樣的運動或朗誦比賽，有時那一個獎項雖然唔係容易，但絕對可以在有需要時幫到同學一把。

回到呈分試的問題，呢個先至係主角。大家都有唔同的溫習方法，有做練習、有背誦、有抄寫。沒有最好的方法，大家可以揀一個最適合同學的方法。不論甚麼方法，但都不離一個原則，就係要爭取較前的排名。呈分試跟普通平常的考試有少許分別是每一科都有唔同的比重，計分亦轉為用標準分。要有較前的排名，除了中英數常不能忽略之外，音樂、視藝更加一分都不能失，少許的分數上的差異，排名已經有機會相差很遠很遠。唔好諗住一次唔好還有下次追，自行收生唔係計banding，係好直接了當的計排名次第。所以在每一次每一科的考試都要認真對待。你問我點樣可以攞高d分，秘訣只有一個「熟能生巧」。唯有熟才可以減輕緊張、一但減輕緊張就能減少無無謂謂的錯誤，熟還可以令人發揮得更好，亦唯有熟才可以移除思想上的障礙。

作者: clarawuwu 時間: 13-7-30 14:33

ohnono 發表於 13-7-30 13:26
曉得在此刻思考怎樣去備戰五年級下學期的呈分試的家長已經贏了第一步。

整個升中的過程，除了五年級下學期 ...

一矢中的的解釋.

作者: dlh525 時間: 13-7-30 14:37

我小朋友都是今年升小五!!!!

作者: chrischeung 時間: 13-7-30 14:58

我覺得和平常一樣咁溫習就算，別人進步我控制不了，但自己小朋友盡了力還想點。如跌落邊緣位唯有報直資。我相信亞仔上升空間有限吾好下跌就感謝天主

作者: Gloriasogashiwa 時間: 13-7-30 15:33

回復 chrischeung 的帖子

呈分試大家都全力以赴, 最重要做好自己, 第一次呈分試已順利通過.

作者: yipcharie 時間: 13-7-30 17:35

有哪款練習比較好？

作者: ohnono 時間: 13-7-30 22:14

yipcharie 發表於 13-7-30 17:35
有哪款練習比較好？

去X華書局、天X行這些大書局走一趟，甚麼X河、x思等等的練習都盡在眼前，自己可自由選擇。不過我覺得係唔一定靠做練習的，而且做練習非常悶，好難提高興趣。由這個暑假開始，中、英文可從課外讀物中有得著，睇多一點書比做多一兩個練習更有效用，還可提高小朋友對睇書的熱愛，培養出看書的習慣。

作者: yipcharie 時間: 13-7-30 22:29

回復 ohnono 的帖子

謝謝你的意見。但看課外書真的不知道她能吸收多少，是否能完全理解。

作者: ohnono 時間: 13-7-30 23:59

yipcharie 發表於 13-7-30 22:29
回復 ohnono 的帖子

謝謝你的意見。但看課外書真的不知道她能吸收多少，是否能完全理解。 ...

睇書的作用希望將知試潛移默化，增潤了知識上的廣和博，為同學創造了思想上的空間，好難用準則去判斷。但做練習可以增強知識上的熟練和深度，容易有客觀的標準去評核對和錯。我唔反對兩樣都做，但始終做練習比較悶，持續性低。不如用心將功課做好，功課上的錯處會自然地反映出同學的弱點或不明白的地方，然後重點去改善或者訓練。

作者: silvia_ng 時間: 13-7-31 22:01 標題: 回覆：9月就要升小五

今個暑假我已經同仔仔積極洗腦，話明年呈分，啲同學會標上黎，我地要小心準備。
因此今年補了兩個中文course(中文較弱), 每日要睇兩小時圖書(必須包括中文書，漫畫都好), 練習每日兩課。
每次唔肯做想玩時，我都提下佢出年幾年班，佢就會肯做了。
操行我小四時都特別叫佢醒定，某些要睇埋小四成績表呢！

作者: ohnono 時間: 13-7-31 22:32

silvia_ng 發表於 13-7-31 22:01
今個暑假我已經同仔仔積極洗腦，話明年呈分，啲同學會標上黎，我地要小心準備。
因此今年補了兩個中文cours ...

每次唔肯做想玩時，我都提下佢出年幾年班，佢就會肯做了。
--------------------
你囝囝真係好乖，抵比個讚佢！

作者: yipcharie 時間: 13-7-31 22:52

回復 ohnono 的帖子

謝謝。那這個暑假由她看書。

歡迎光臨教育王國 (/)