教育王國
標題: 請問有無係甲部份就中獎 [打印本頁]
作者: PAN0612 時間: 13-5-6 09:59 標題: 請問有無係甲部份就中獎
小兒今年升中, 甲部選左聖言, 乙部選左觀瑪, 加下好後悔乙部無選聖言, 請問有無人係甲部中獎?
作者: MCC2011 時間: 13-5-6 10:28
甲部當然有人中, 但只有10%學位給全港各區一齊抽, 而乙部卻為統一90%學位, 只給本區抽, 機會率如何? 應該清楚吧!
既然已成事實, 留待神的安排
作者: PAN0612 時間: 13-5-6 11:32
Thanks MCC2011! 真係難過中六合彩,呢個大抽獎對我來講簡直是一個折磨, 好怕選錯校, 害左個仔.
作者: GIGI168 時間: 13-5-6 12:13
還有二個多月的折磨
作者: PAN0612 時間: 13-5-6 12:18
係啦, 仲有兩個多月, 可憐天下父母心, 真係養兒一百歲, 長休99
作者: 安格斯媽媽 時間: 13-5-6 12:25 標題: 引用：係啦,+仲有兩個多月,+可憐天下父母心,+真係
原帖由 PAN0612 於 13-05-06 發表
係啦, 仲有兩個多月, 可憐天下父母心, 真係養兒一百歲, 長休99
作者: PAN0612 時間: 13-5-6 12:34
我仔想讀聖言, 我就係怕佢跟不上, 所以幫佢報觀瑪, 甲部由佢話事, 乙部就我話事.我呢幾日個心都好吾安樂甘, 完全集中吾到精神工作, 好似欠左佢甘
作者: blueberry123 時間: 13-5-6 12:55
回復 PAN0612 的帖子
仔仔係B1生嗎? 如小朋友成績好, 相信報B1的學校, 應該適合.
作者: BSCYL 時間: 13-5-6 13:15
小朋友有鬥心的話, 選高少許的中學不是問題, 我會用自已意願排甲部, 一嘗已願, 留最大機會給阿仔 (當然事前與阿仔協商好). 若果甲選聖, 而乙選觀, 阿仔同意, 亦無不可.
小朋友是自動自覺型, 成續一向前列, 兩間都不是問題, 若果平日要靠趨迫壓力, 成績中上, 聖言有一定的保障
選聖言甲一, 而瑪選乙一, 也不一定錯, 起碼在乙部避開最大熱門, 可能一擊即中, 也不是壞事.
放開心情, 迎接事實
作者: fion6406 時間: 13-5-6 13:39
BSCYL 發表於 13-5-6 13:15
小朋友有鬥心的話, 選高少許的中學不是問題, 我會用自已意願排甲部, 一嘗已願, 留最大機會給阿仔 (當然事前 ...
同意！乙部選校有時候係按機會大細選，唔係按喜好程度選。樓主可能已經作了最佳選擇。
作者: 安格斯媽媽 時間: 13-5-6 13:57 標題: 回覆：PAN0612 的帖子
聖言比觀瑪熱門，放甲考彩數，有靚隨機便會中，若穩陣觀瑪會安全些，你這選無錯的
作者: PAN0612 時間: 13-5-6 14:14
非常感謝甘多位媽媽的意見,好感動! 我仔的性格係越強越強果d, 近日聽到好多有關觀瑪負面的消息, 所以個心很吾安樂!
作者: kcbeauty 時間: 13-5-6 14:21
抽獎既野係無得計, 好多前輩都勸我唔好去擔心, 最緊要本著簡間岩小朋友程度既學校就ok, 人家大部份以機會率去買大, 我就被勸去買細, 
有時咪阿Q 敢去諗, 某d學校入到都未必係件好事, 入唔到又未必係唔好, 我身邊好多朋友既子女入到d所謂好學校, 讀到咸又有, 包尾既又有, 無哂自信既又有, 甚至要食藥既都有...與其而家諗佢開大定開細, 不如兩手準備諗下叩門既事啦! 
作者: kcbeauty 時間: 13-5-6 14:28
PAN0612 發表於 13-5-6 12:34
我仔想讀聖言, 我就係怕佢跟不上, 所以幫佢報觀瑪, 甲部由佢話事, 乙部就我話事.我呢幾日個心都好吾安樂甘, ...
做得佢阿媽已經係前世欠左佢架喇! 
作者: PAN0612 時間: 13-5-6 14:43
真係好似欠左佢地甘, 呢個選校折磨左我成個月!
作者: Benbenmum 時間: 13-5-6 15:45 標題: 回覆：請問有無係甲部份就中獎
樓主自行階段有沒有選聖言呢？如面試表現好的話，可能已成功了。
作者: PAN0612 時間: 13-5-6 15:47
只係有選聖言, 但無得面試
作者: 小可愛爹 時間: 13-5-6 16:20
若果聖言無面試, 甲1選聖言, 乙1選觀瑪並無錯, 只看幸運之神安排
按你描述, 兩間都已是不錯選擇, 你要作最好的希望, 最壞的打算, 萬一乙一抽不到, 如何安排
作者: PAN0612 時間: 13-5-6 16:30
Thanks all, 我個心家下好左好多啦!
| 歡迎光臨 教育王國 (/) |
Powered by Discuz! X1.5 |