教育王國
標題: 咁既成績真係band 3成績？ [打印本頁]
作者: 燁燁媽 時間: 13-5-5 22:07 標題: 咁既成績真係band 3成績？
仔仔第一次BCCB
第二次BBBB
第三次ACCA
學校叫我選band 3比較好既中學！
如果選band 2入唔到， 到時唔知派咩中學仲衰！
唉！ 真係好後悔放棄間直資！
作者: khmama 時間: 13-5-5 22:45 標題: 回覆：燁燁媽 的帖子
言下之意，老師係話小朋友屬band2尾，揀band3就穩入，揀band2如果抽唔到可能去唔到好band3. 其實都要睇你係邊區.
作者: ohnono 時間: 13-5-5 22:48
如果只是一般的小學，都幾大機會屬band 3了。如果選band 2，視乎你揀了幾多間。如果只是揀了一間並放第一位的話，你第二位的選擇就要選一間band 3次受歡迎的較好。否則，第一位派不到的話，第二位又早早派晒，就會唔知派到邊。
作者: vincher 時間: 13-5-5 23:47
回復 燁燁媽 的帖子
都幾似我兒當年……勿放棄！考好畢業試，到時萬一派得不理想，點都再試叩門！
作者: vincher 時間: 13-5-5 23:51
我會選一間band2 b，點都搏一間，然後當他是band3 學生揀，揀校風好的
作者: 燁燁媽 時間: 13-5-6 09:26 標題: 回覆：咁既成績真係band 3成績？
好唔開心！
同樣成績都比第一次呈分考得好！
但名次比第一次跌左40名外！
學校就因為呢40名， 跌左變band3
終於知道派位制度既可怕！
作者: cmvfamily 時間: 13-5-6 09:31 標題: 回覆：燁燁媽 的帖子
全級40名，不算太差吧，一級有多少人？
作者: 燁燁媽 時間: 13-5-6 09:50 標題: 回覆：咁既成績真係band 3成績？
全級15X
係比第一次呈分名次跌左40名！
差不多分數， 可以講比第一次更好！
作者: 燁燁媽 時間: 13-5-6 09:57 標題: 回覆：咁既成績真係band 3成績？
學校老師更為了比賽， 連安排好了的補課都取消！
更有利用上課其間出外比賽！
我真後悔當初一次又一次取消補課時， 就應該出聲！
既然講得出有心為學生， 為何一次又一次取消？
學校比賽比學生呈分更重要！
當中只補了一堂
作者: clarawuwu 時間: 13-5-6 10:07
燁燁媽 發表於 13-5-6 09:50 
全級15X
係比第一次呈分名次跌左40名！
因為,其他同學成績更好,呈分試大家都搏晒老命,差0.5分都已經相隔好多名次喇...
作者: 26102007 時間: 13-5-6 10:12 標題: 引用：Quote:燁燁媽+發表於+13-5-6+09:50+全級15X
原帖由 clarawuwu 於 13-05-06 發表
因為,其他同學成績更好,呈分試大家都搏晒老命,差0.5分都已經相隔好多名次喇... ...
作者: clarawuwu 時間: 13-5-6 10:18
26102007 發表於 13-5-6 10:12
真可悲，只差0.5分就已是差嗰堆
我小朋友學校只係差0.03分已經拋後幾個名次....只輸係視藝,音樂一分,已經影響名次,所以,4科主科之外,視藝,音樂都要呈分,能左右到排名次,不容輕視....
作者: clarawuwu 時間: 13-5-6 10:20
燁燁媽 發表於 13-5-6 09:57
學校老師更為了比賽， 連安排好了的補課都取消！
更有利用上課其間出外比賽！
我真後悔當初一次又一次取消 ...
咁你小朋友有冇校際比賽獎項護身,真係有咩事,都多樣籌碼叩門,宜家唯有自己打算,做定準備功夫,努力!
作者: suemei 時間: 13-5-6 10:35
有時確實覺得好激氣，明明主科成績有進步，卻是因為欠帶齊視藝用具降grade, 音樂又話吹笛唔好，又降！太多因素影響banding, 唯有盡力做好自己能力範圍的事。
作者: mc 時間: 13-5-6 10:44
回復 燁燁媽 的帖子
身為父母的我們要比孩子更堅強，你孩子實際已經是在不斷進步中，派位這個機制就是這樣，很多學校最注重是首兩次的呈分試成績，以便可以在自行時爭取機會先進入心儀中學的機會，第三次呈分試考得更好，就算你是屬於第一組別，其實都要冒著風險，就是隨機編號的前後，這就是整個派位機制最令人抓不住，看不透的地方，因為沒有譜，不能算出來。
現在開始和仔仔一起努力，只要考好畢業試，再去扣更好的中學一定沒有問題，學校都是想收一些具潛力力爭上游的學生，只要有實力，一定可以入郅適合自己的中學，不要灰心，這也是你和仔仔一起經歷寶貴的一課，就是要如何面對困境，找到出路。中學只是學習生涯的另一個起點，不是終點，我們都是朝著要進入大學的路而走，既然要在香港讀書，就要跟從這個學習的遊戲規則，最重要是保持一顆永不言敗的爭鬥心！加油！
作者: 燁燁媽 時間: 13-5-6 11:43 標題: 引用：Quote:燁燁媽+發表於+13-5-6+09:57+學校老
原帖由 clarawuwu 於 13-05-06 發表
咁你小朋友有冇校際比賽獎項護身,真係有咩事,都多樣籌碼叩門,宜家唯有自己打算,做定準備功夫,努力! ...
是的， 還有最後一個試！
我都忘記了是幾月考？
作者: 燁燁媽 時間: 13-5-6 11:51 標題: 回覆：咁既成績真係band 3成績？
真係可以講我本以為考呢個分數， 在學校考第7，8x名， 對一個專注力不足小朋友來說， 做父母的已經很滿足！
作者: reginayu 時間: 13-5-6 12:11 標題: 回覆：燁燁媽 的帖子
努力啊, 呢個制度唔接受佢啫, 父母唔好氣餒啊。既然你都覺得佢已付出努力, 你重要鼓勵佢唔好放棄, 再接再勵。細路仔到中學轉變好大, 佢就算讀band 3學校, 有父母支持佢, 佢都可以在考大學時發揮自己架。 加油!
作者: PINKAVA 時間: 13-5-6 22:52
我仔頭两次呈分3A1B. 第三次4A.平勻分也是A. 模擬名次只排到70/134。 只屬band2. 無辦法，音樂視藝拉低晒，鬼叫阿仔無藝術細胞咩！
現只好等派彩！！
作者: Phoebenana 時間: 13-5-6 23:00
PINKAVA 發表於 13-5-6 22:52
我仔頭两次呈分3A1B. 第三次4A.平勻分也是A. 模擬名次只排到70/134。 只屬band2. 無辦法，音樂視藝拉低晒 ...
作者: jaci 時間: 13-5-6 23:19
Phoebenana 發表於 13-5-6 23:00
莫嚇我，咁好的呈分成績都排到band2,會不會是學校在教育局的名次問題，影響到學校學生的成績在教育局的排名 ...
作者: Pennydorathy 時間: 13-5-6 23:23
可以Band1就最好，但是不幸運跌到band2 丶3，也千萬不要氣餒，因為這是另一個起步點而已。
我也想不到有些同學們成績一向不是太凸出的，但在三次呈分試，就突圍而出，不知道那些家長們的教導方法和道理？之後成績又排到後面去，讀書真的是為了呈分試結果去挑選學校，將來還有幾多次考試？他們又用甚麼方法呢？我個人就不大認同，我要求女兒認真學習和應付每次測驗和考試；雖然在呈分的排名不甚理想，但其實成績和以往一樣，所以有點激氣，可是我不能阻撓別人的做法，唯有接受這場戰果。
當年我會考成績極差，因為家裡沒有人教導和指引，直到出來社會工作慢慢摸索，才努力進修，與眾大學生比併！我知現在社會已經改變不少，但是機會還是有，但是心態一定要調較好，我們做父母的，盡心盡力教導子女吧！
作者: vincher 時間: 13-5-6 23:39
回復 燁燁媽 的帖子
不進則退!
進得比人少，級名次也會跌！
作者: PINKAVA 時間: 13-5-7 00:09
無錯！A頭是A. A尾又是A. 份卷容易人人A，重点係考多一分得一分，因為band2頭同band1尾的可能只差0.1分。
我覺得band乜都好，最緊要小朋友仍有學習興趣，小宇宙自然會爆。
但点樣才可以keep住學習興趣和鬥心？ 我仍在尋找答案中。。。。
作者: mamee 時間: 13-5-7 07:04
PINKAVA 發表於 13-5-6 22:52
我仔頭两次呈分3A1B. 第三次4A.平勻分也是A. 模擬名次只排到70/134。 只屬band2. 無辦法，音樂視藝拉低晒 ...
作者: Moliz 時間: 13-5-7 17:10 標題: 引用：我仔頭两次呈分3A1B.+第三次4A.平勻分也是A
原帖由 PINKAVA 於 13-05-06 發表
我仔頭两次呈分3A1B. 第三次4A.平勻分也是A. 模擬名次只排到70/134。 只屬band2. 無辦法，音樂視藝拉低晒 ...
阿仔已很努力温書，很無奈
作者: clarawuwu 時間: 13-5-7 17:22
80分是A,90分也是A,但相距就已經是10分了.
兩位同學:
甲同學係: 80,80,85,90...4A
乙同學係: 90,90,95,90...4A
大家都係4A,但平均分已經有很大差距,甲同學係學校是band 2了.
作者: TomatoCat 時間: 13-5-8 11:44
有學校80分已經A?
作者: nganc9 時間: 13-5-8 12:31
一間校風好的中學, 都可以好好讀書的, 不要氣累
作者: lau 時間: 13-5-8 14:04
有AB也band2 ,我女有唔合格,咪band4...
作者: CEH 時間: 13-5-8 18:09 標題: 回覆：咁既成績真係band 3成績？
我女第一次2A2B,第二次3A1B,第三次4A,音視都是A,但只是考60/160,老師話屬Band 2,並強調不是邊緣人，只好選Band 2中學好了，無奈！
作者: e12340 時間: 13-5-8 21:03
請可否告知是那區小學,攞4A+音樂A都是B2??學校有冇估錯?
作者: BLUEYELLOW 時間: 13-5-8 22:21 標題: 引用：請可否告知是那區小學,攞4A+音樂A都是B2??
原帖由 e12340 於 13-05-08 發表
請可否告知是那區小學,攞4A+音樂A都是B2??學校有冇估錯?
作者: cc_2012 時間: 13-5-9 02:38
燁燁媽 發表於 13-5-5 22:07
仔仔第一次BCCB
第二次BBBB
第三次ACCA
點解唔會??要記住,學校是要呈排名俾教局作分band的!!所以排名才是最緊要
即是話:全級所有人都係A都好,也得分先後,
排左名次後才可分band,我相信至top嘅學校也有數名b3啩
誇張D講,3個學生計,一個考100分、一個考99分、一個考98分
考98分嗰個都計為B3
你明了以上的例子就知什麼AA BB CC也是...
作者: Siumingmama 時間: 13-5-9 07:12 標題: 引用：Quote:燁燁媽+發表於+13-5-5+22:07+仔仔第
原帖由 cc_2012 於 13-05-09 發表
點解唔會??要記住,學校是要呈排名俾教局作分band的!!所以排名才是最緊要
即是話:全級所有人都 ...
作者: wk2468 時間: 13-5-9 07:47 標題: 回覆：cc_2012 的帖子
小兒初小，我還未深究升中計分方法！
但根據你的說法，是否A小朋友讀一間普遍成績約d的小學而拿到該校頭10名，比起在同區讀名小學但排名是60的B小朋友更有升中優勢呢？
作者: wk2468 時間: 13-5-9 07:49 標題: 引用：Quote:燁燁媽+發表於+13-5-5+22:07+仔仔第
原帖由 cc_2012 於 13-05-09 發表
點解唔會??要記住,學校是要呈排名俾教局作分band的!!所以排名才是最緊要
即是話:全級所有人都 ...
作者: 安格斯媽媽 時間: 13-5-9 08:18 標題: 回覆：wk2468 的帖子
本帖最後由 安格斯媽媽 於 13-5-9 08:40 編輯
是，有些學校可能前1/2名全A,但名次稍後已經是B2生，若在弱校程度可能比強校淺，同學成績也不見突出，全B (76-89) 成績，但已排前1/3，呈分成績及派位同屬B1組別，自行一定無優勢，但派位就會比較順利。小兒正是這例子，他同學比較弱，我已認定他是B2,但老師建議選B1校，亦順利派入，但以他成績入到心儀B2已非常滿足了，但很難知那間適合自己孩子的，我小朋友只靠天資及穩定，同學又沒有大進步，但對比今年畢業生相差十名已差几分平均分，若今年才畢業未必是b1成績了。但在弱校未必可銜接升中，若跟最弱的一群更難想像。
作者: bb_2001 時間: 13-5-9 08:50
安格斯媽媽 發表於 13-5-9 08:18
是，有些學校可能前1/2名全A,但名次稍後已經是B2生，若在弱校程度可能比強校淺，同學成績也不見突出，全B ( ...
況且, 只要讀一些不是太差的學校(不是區內名校), 只要成績好, 獲選參加校外比賽的機會相對多, 拿奬當然好, 但只要有機會參加, 亦可加入小朋友的Profolio 內. 增加獲派所選學校機會.
學校學生可派入B1中學, 好睇師兄師姐的當年的TSA成績, 因TSA決定學校的程度, 如果他們考得好, 老師會提議師弟師妹選校可以進取啲. 相反, 便會保守些.
所以點解學校咁緊張今年小六的TSA考試, 我個仔放學後要補課, 操TSA卷.
作者: 978212 時間: 13-5-9 09:28
所以話學校試卷簡單仲死,我情願佢有的深度,咁先睇的出小朋友既實力.有的學校A唔係85分以上,係以%來計,譬如全級前30%才係A,試卷難既話80分都係A,試卷簡單90都係B
作者: a_mum2009 時間: 13-5-9 17:47 標題: 回覆：978212 的帖子
Totally agreed ! 我仔正正是衰卷淺手上
作者: yipcharie 時間: 13-5-10 00:00
我想問問係咪睇每間學校的ranking再細分幾名內屬band 幾？我見大家都有咁好grade 但先屬b2中至b3.咁
作者: 安格斯媽媽 時間: 13-5-10 06:45 標題: 回覆：yipcharie 的帖子
本帖最後由 安格斯媽媽 於 13-5-10 08:08 編輯
先將學生成績排名次，banding是以往學生pre s1成績為學弟妹爭取b1 b2 b3學位，普通小學每個band約佔三分一，有些區內名校可能b1生佔一半或以上，但因學生成績競爭激烈，被迫跌入b3但可能在普通小學已是b1或b2了,對這些學生來說非常可悲，未必全A是b1,有B有C是b2,C 或以下同學是B3,這個派位制度除學生努力考好呈分試外，還要看校網，其他學生成績，策略，最重要是運氣，到最後未必真正配對到一間合適的學校，除非能自行成功或考入心儀直資
作者: yipcharie 時間: 13-5-10 08:38
家長好大壓力
作者: 安格斯媽媽 時間: 13-5-10 09:11 標題: 回覆：yipcharie 的帖子
學生仲大壓力，連小朋友也要很好EQ,無論結果怎樣，要欣然面對，迎接新的開始，不要氣餒
作者: 安格斯媽媽 時間: 13-5-10 14:29 標題: 回覆：安格斯媽媽 的帖子
本帖最後由 安格斯媽媽 於 13-5-10 14:53 編輯
ymama
其實入那種小學適合，真是要學生入學才知。
1. 全統一條龍名校：大部份英小，不用煩腦升中派位，能跟得上便可直上中學，但亦有人中途離場，一般程度深，就同學比較富有，競爭頗激烈。
2.地區名校：band 1率比較高，派位成績理想，大多可以自行考入b1a心儀中學，程度比較深，學生競爭也激烈，有機會做成樓主情況，儘力令成績不錯，但也不能如願成b1生，甚至淪為b3,課程可銜接中學，升中適應力也比較強
3.普通小學：可能只有1/3 b1位，但程度中等就算b1生也未必能銜接升中，但同學間競爭不算劇烈，可能成績平穩全B 也能成B1生，但自行能力相對比第二類弱，同區中學也可能考慮學生來自那間小學，若是全級10名成績未必好過第二類的30名
4.收生不足小學：b1學生只佔少數，派位情況比第三類更差
其實大部份都會選第二類中學，六年辛苦學習希望跟隨學長有好的派位成績，但我的小孩因升小叩門入了第三類還有聯繫中學校的學校，他名次能平穩保持在頭四分一最尾，沒有特別谷溫習，因為他迫不來，成績不算突出平均分只有8x可順利成B1生，但他在第二類小學可能已是b3了，又或者他上了第二類也能跟到他們的節奏。每個小朋友學習能力及適應力不同，父母很難預知結果，入那間也講緣份
作者: 小師妹 時間: 13-5-10 15:37
安格斯媽媽 發表於 13-5-10 14:29
ymama
其實入那種小學適合，真是要學生入學才知。
1. 全統一條龍名校：大部份英小，不用煩腦升中派位，能跟 ...
我並不太認同普通小學程度就是比地區名小學差及b1生也未必能銜接升中 ，我囝囝也是讀普通小學的，他都適應到而且考試成績也理想，全級考2X /14X, 家長日上班主任也說囝囝小學基礎打得好好！他的同學 (也是幼稚園同學)，他當日就是派到我最想囝囝入的極受歡迎的地區名小學，他的同學成績也是好好的，但考試成績還是我囝較優!
作者: tsewaiyi 時間: 13-5-10 16:03
回復 小師妹 的帖子
同意, 根本香港的資助小學程度是跟教育局指引 (私校或有不同), 書本亦是用差不多的書,程度不會相差太大,
相差的只是小朋友的學習能力.
作者: 安格斯媽媽 時間: 13-5-10 16:25 標題: 回覆：小師妹 的帖子
其實每間學校不同是很難比較的，各有長處，但單看小兒同另一個朋友比較，大家是普通小學，成績朋友比較好，她也話我仔小學程度淺，但實際英文能力我仔比她好，以為他不能銜接b1英文，但實際可以；不過有家長因為程度淺，小一已替自己子女轉校，升小四時程度比小三更淺，老師話要就非精英班同學，引致我仔在小學階段只靠天資不肯花時間溫習
作者: ohnono 時間: 13-5-10 22:50
安格斯媽媽 發表於 13-5-10 16:25
其實每間學校不同是很難比較的，各有長處，但單看小兒同另一個朋友比較，大家是普通小學，成績朋友比較好， ...
作者: 安格斯媽媽 時間: 13-5-11 00:07 標題: 回覆：ohnono 的帖子
精英班同其他班試卷一樣，但精英班老師話會額外操練習，小四比小三淺老師沒有否認，但不知是否剛轉校長也有影響。
分精英班家長心中有數自己banding,前兩兩班跟名次分配，但對另外兩班不太好
作者: ohnono 時間: 13-5-11 00:27
安格斯媽媽 發表於 13-5-11 00:07
精英班同其他班試卷一樣，但精英班老師話會額外操練習，小四比小三淺老師沒有否認，但不知是否剛轉校長也有 ...
我記得上年有小學的前列同學派入首志願的聖芳濟，佢後來決定去國際舉校升學，但校長都努力遊說同學去原先派位的聖芳濟考埋個PreS1，幫一幫師弟師妹。最後聖芳濟比唔比佢去考就唔知，或者同學最終可能要註冊左聖芳濟先有得考。但可以睇得出，叻既同學，小學都想佢地可以幫到學校出一分力。
作者: 安格斯媽媽 時間: 13-5-11 07:30 標題: 引用：Quote:安格斯媽媽+發表於+13-5-11+00:07+精
原帖由 ohnono 於 13-05-11 發表
有時唔需要就試卷的，考試照考，但第日精英班的同學就可以幫到學校在PreS1和TSA都可以有好成績架麻！
我記 ...
作者: 問號mama 時間: 13-5-14 13:34
提示: 作者被禁止或刪除 內容自動屏蔽
作者: LWLM0804 時間: 13-5-15 09:09
其實好睇間小學以往TSA and PS1 成績，反而學校出卷各有深淺，我仔當年排12x/17x 名，中文唔合格，都可以係band 2 頭，所以我覺得幾多A,幾多B，唔重要，重要係教育局分配比這間小學有幾多band1 學額，有D學校1-100 名都屬1組，有D只是1-30名才是band 1,但只要盡左力，也不須太擔心，直資都好多選擇
作者: cindychu 時間: 13-5-16 09:32
其實音樂，視藝都好講天份和小朋友的喜好！如果這方面欠出色，咁咪學術好啲拉均
作者: almondlatte 時間: 13-5-17 15:45
我記得我個仔有一次呈分試，唔記得是英文定數學，96分。老師同佢講你好好彩，如果95分已經是B了。並不是那份卷淺，只是每位同學也會發力，有些之前成績一般的也特飛猛進，有些同學更會同老師拗分，多得一分就一分。
其實拉curve的，好唔抵。因為一間學校叻的人可能很多。如果因為欠一分，(其實95分都好高啦，被扣果4分，最多都係佔成份卷兩題罷)，B左，有D熱門中學連份form都可能唔俾你填。
作者: almondlatte 時間: 13-5-17 22:09
回復 almondlatte 的帖子
唔知算唔算高喎。老師話我個仔上一屆有個女仔全級160幾人考70幾，將軍澳跨區入左庇理羅士。
作者: 安格斯媽媽 時間: 13-5-18 07:50 標題: 回覆：almondlatte 的帖子
將軍澳小學生好勁，多自行成功，若靠派位會有危險
作者: e12340 時間: 13-5-18 12:58
回復 almondlatte 的帖子
將軍澳入BPS好叻,個女生是那間小學?可否告知?
作者: almondlatte 時間: 13-5-18 13:36
回復 e12340 的帖子
保良局黃永樹小學
作者: namnamc 時間: 13-5-20 14:06
其實現時既呈分制度，其壓力與考dse無異
作為家長，會唔會有溝通去say呢？
正如其他家長所言，小朋友因某些藝術 / 體育學科較弱，其他主科較強
從而影響其派位，有時候真係幾無奈
必須要承認既係，某d藝術既培養真係好視乎家庭既負擔程度
現在香港教育既貧富差距真係越拉越遠了...
作者: ohnono 時間: 13-5-21 00:49
namnamc 發表於 13-5-20 14:06
其實現時既呈分制度，其壓力與考dse無異
作為家長，會唔會有溝通去say呢？
你所講既無奈就正正係教局強調小朋友唔應該只是集中在中英數這類學術科目上，要均衡發展，所以視藝和音樂就成為教局嚮壁虛造的手段，企圖打散同學只顧集中於學術科目上讀書考試的習慣。效果就有目共睹，視藝和音樂竟成為糖衣毒藥。有天份的被父母加以催谷成為搶分工具，早已失去平衡發展的意義。沒有天份的更慘，折騰了好幾年，最終還給他拖累。
讀不到書的，只有怨沒有讀書的天份，選一間適合自己的學校還算是心甘命抵。但讀到書的，反過來卻也會有機會被沒有天份的才藝科目拖著後腿，踢也踢不走，變成最受傷害的一群！
作者: 兔仔得媽 時間: 13-5-27 11:28
e12340 發表於 13-5-8 21:03
請可否告知是那區小學,攞4A+音樂A都是B2??學校有冇估錯?
我朋友個仔今年六年級，3次程分後考49/13X已是BAND 2,只有頭20名才是band 1
不管你有多少個A，是好視乎該小學是否band 1小學。
作者: jasonhelen 時間: 13-5-28 12:55
回復 燁燁媽 的帖子
如果派位不好，可否到收個間直資學校叩門，機會好大
作者: jasonhelen 時間: 13-5-28 14:19
回復 燁燁媽 的帖子
你不是已交留位費？
作者: 雪~bb 時間: 13-6-5 17:38
安格斯媽媽 發表於 13-5-10 14:29
ymama
其實入那種小學適合，真是要學生入學才知。
1. 全統一條龍名校：大部份英小，不用煩腦升中派位，能跟 ...
但入到去跟不上
第3年唔想要我叫我走...
作者: MayChung 時間: 13-6-9 16:36
請問我呀女系b3成績, 但佢讀個間小學都系b1既,甘系咪都系選返b3中學呢?
作者: www 時間: 13-6-9 16:39
MayChung 發表於 13-6-9 16:36
請問我呀女系b3成績, 但佢讀個間小學都系b1既,甘系咪都系選返b3中學呢? ...
只是小六學生有banding，小學沒有banding。
派位是根據學生自己的banding。
作者: MayChung 時間: 13-6-9 17:11
回復 www 的帖子
Sorry, 應該話比較好既小學至真, 請指點
作者: MayChung 時間: 13-6-9 17:13
MayChung 發表於 13-6-9 17:11
回復 www 的帖子
Sorry, 應該話比較好既小學至真, 請指點
作者: www 時間: 13-6-9 18:03
MayChung 發表於 13-6-9 17:11
回復 www 的帖子
Sorry, 應該話比較好既小學至真, 請指點
作者: ohnono 時間: 13-6-9 23:48
本帖最後由 ohnono 於 13-6-10 00:33 編輯
MayChung 發表於 13-6-9 16:36
請問我呀女系b3成績, 但佢讀個間小學都系b1既,甘系咪都系選返b3中學呢? ...
首先你真係要攪清楚幾方面：
第一：你所謂的band 3成績是你自己去猜測和估計還是學校有跟你談及？因為banding要跟全區同學排就會有全區的banding，若跟全港排就有全港的banding，全部都是比較而來的。如果因為小朋友有C有D而私下判斷所屬banding是band 3是錯誤的做法，正如你所謂你的小朋友是在band 1小學讀的，更加不要亂估了，跟老師商量下才是最實際的做法。
第二：跟老師商量，攪清楚小朋友所屬的組別後，通常老師都會跟據以往的排位紀錄給與意見。小心最好的學校都有機會有同學在本區屬於band 3組別，只不過有個別屬於邊緣的同學，像你所說是在band 1小學讀書的話，你又有可能在全港排序時升上band 2的位置。如是者，你在自行或統一甲部選校時，可以揀選高一個組別的學校。
第三：你還要考慮小朋友升中的那一年，所屬區內的升中人數，那些是那一個組別同學歡迎的學校，減派的影響等等。
作者: MayChung 時間: 13-6-10 23:36 標題: 回覆：ohnono 的帖子
謝謝您
作者: rambo717 時間: 13-6-11 11:17
回復 LWLM0804 的帖子
完全對,所有小學的Band 1的學位不同.所以各區的小學的名校人人都想入.例如名校的師兄師姐考pre s1考得好;就可以幫母拿到好多Band 1額,如果2線小學的師兄師姐考pre s1考得不好.拿到Band 1額就會小.有些名校小學可以拿到七成Band 1額,其餘三成是Band 2 & Band 3.如2線小學可能只拿到二成Band 1額,其餘八成學生就是Band 2 & Band 3.所以拿4A或2A2B拿Band 1,2,3是要看那間學校.2線小學拿4A可以是Band 2,但在名校2A2B可以是Band 1.
| 歡迎光臨 教育王國 (/) |
Powered by Discuz! X1.5 |