教育王國

標題: band 1 就係 band 1 無分頭與尾分別是否真的? [打印本頁]

作者: 226212 時間: 13-4-27 22:35 標題: band 1 就係 band 1 無分頭與尾分別是否真的?

今日老師講band 1 就係 band 1 無分頭與尾分別是否真的? 我只怕選擇錯誤就閉加火

作者: yyyvonne 時間: 13-4-27 22:42

回復 226212 的帖子

冇錯，係冇分，睇你隨機號碼。

作者: 安格斯媽媽 時間: 13-4-27 22:47 標題: 回覆：226212 的帖子

唯一分是band 1尾同學選band 1頭學校若比他入到會很辛苦，未必敢高攀

作者: Anniemun 時間: 13-4-27 22:49

226212 發表於 13-4-27 22:35
今日老師講band 1 就係 band 1 無分頭與尾分別是否真的? 我只怕選擇錯誤就閉加火 ...

自行時就應該有分別囉！

作者: senkawa 時間: 13-4-27 23:12

其實所謂BAND1尾, 講真, 太多小學生係靠"谷"成為BAND1的! 我覺得最重要係睇子女的資質, 如果本身冇咩補習, 家長又唔洗理, 但都做到BAND1, 我深信呢類小朋友上到BAND1頭學校也能應付! 反之, 小學勁補習, 家長睇學業睇得好緊, 先至勉強成為BAND1, 呢類學生, 讀BAND1頭死梗!
贏左起跑線, 輸掉人生路...

作者: ANChan59 時間: 13-4-27 23:19

226212 發表於 13-4-27 22:35
今日老師講band 1 就係 band 1 無分頭與尾分別是否真的? 我只怕選擇錯誤就閉加火 ...

By stage, in lucky draw, YES.

作者: miffy 時間: 13-4-27 23:39 標題: 引用：其實所謂BAND1尾,+講真,+太多小學生係靠"谷

提示: 作者被禁止或刪除內容自動屏蔽

作者: miffy 時間: 13-4-27 23:41 標題: 引用：+今日老師講band+1+就係+band+1+無分頭與尾

提示: 作者被禁止或刪除內容自動屏蔽

作者: HinMa 時間: 13-4-27 23:55

隨機編號細的派先。

作者: 小伊 時間: 13-4-28 01:04 標題: 回覆：Anniemun 的帖子

自行只有排名，無所謂banding.

作者: vincher 時間: 13-4-28 01:07

若学生真的b1，头中尾一样咁抽！
假如你是b1尾，我係b1头，但隨机号码，你比我好，而b1需派位学生>b1提供学額，最後你獲派b1，涐我卻派b2了！
只怕学生被老師話係b1尾，实際係b2头，咁就大鑊！

作者: jcctiu 時間: 13-4-28 01:19

抽籤中獎的機會完全沒有分別,但band 1頭的學生自行多數已有學校收,而且叩門也可以叩到一些較好的學校,所以選校時不妨進取一些;band 1尾學生自行多數失敗,叩門又沒有多大把握,所以選校時最好保守一些.

作者: dream100 時間: 13-4-28 11:14

本帖最後由 dream100 於 13-4-28 11:15 編輯

senkawa 發表於 13-4-27 23:12
其實所謂BAND1尾, 講真, 太多小學生係靠"谷"成為BAND1的! 我覺得最重要係睇子女的資質, 如果本身冇咩補習, ...

絕對同意. 我女小一至小六都無補習, 佢小四後我亦漸漸放手, 全是佢自己做功課及溫習, 一向係級4-7名. 依家中一, 係一間B1A, 精英班, 亦毫無問題, 成績keep住.

親戚個女同我女一樣中一, B1A, 油尖旺區. 成績唔合格, 一落千仗, 佢以前小學, 親戚谷得佢好厲害, 週一至六都要去補習. 果時就keep到級5-15.

所以我信資質對成績好影響, 好多B1尾學生好彩搏入B1A學校, 會讀得好辛苦.

作者: wsk7777 時間: 13-4-30 02:02

如大家都入到B1A學校，資質並不會存在大差異，分別在於小朋友對學習的興趣及獨自處理問題的方法。試想像一下，家長要求小孩必須每天八小時去玩他們平日最喜歡的遊戲，小朋友漸漸亦會對那些遊戲失去興趣，那更何況是學習呢！相反地家長只作出輔導，讓小朋友去建立出一套自己的溫習方式，去到中學較多及較難的科目，他們亦懂得自我調校，同時間相對地比較其他小朋友容易去適應新環境。犬兒從小四開始已經運用自己的默書方法，現在中一亦只用幾分鐘去溫習，經常取得滿分。但是我自己亦無法理解他是用甚麼方法。（他沒有接受過任何記憶班訓練）
唯一觀察到的是犬兒從小就應用他所學的英文，自小學開始就只看英語咔通片，後來學會用英文與外國小朋友在網上遊戲交流，現在已經上網絡看全英語而無字幕的遊戲示範短片。
總結來說是把學習生活化及建立興趣的連結。
各自小孩有各自的特質，不喜匆插！希望大家亦能帶給小孩一個快樂與健康的成長！

作者: almondlatte 時間: 13-4-30 19:41

以學生黎計，我覺得分別不大。我個仔上年間小學，名次排得好緊，平均分差一分，已經差好遠，所以我覺得分別不大。

作者: almondlatte 時間: 13-4-30 20:17

想同大家分享一下我自己的經歷。

上年我個仔揀中學時，老師話我個仔係band 1，但由於我個仔全級考60幾，我地又係將軍澳跨去沙田，我唔敢揀band 1A的學校，叫我個仔揀band 1B的學校。可是他的補習老師，說他可以揀band 1A，之後他堅持揀band 1A 的學校。我問了他多次，“band 1A 的學校很多功課、很多考試、D野好深“。他每次也堅定的答我，“我唔怕“。最後，當然依他意願，因為始終上學的是他。

中一的上學期，我個仔成績中等，不太好也不太差。我們已經很欣慰，說真的起初有點擔心會名落孫山。

奇妙的事發生了，有一天我發覺我個仔竟然自己拎本書出黎温習，此情此景，我個仔讀書以來，從未發生。我問他做緊咩，佢話温緊習。我又問點解温習，佢話明天測驗。我話“少有喎，未見你温過“，佢話想攞高分D。之後我發現我個仔做功課也認真多了，默書也高分左。使我深深感受到，學習氣氛和校風的重要。

不要誤會，絕不是想我個仔有幾叻，只想跟大家分享，有時每個人也不同，不可用自己果套加去别人度，就算是自己的孩子也不可以，因為我們覺得他辛苦，可能他並不認同。

作者: e12340 時間: 13-4-30 21:15

回復 almondlatte 的帖子

我非常認同!佢有機會是俾B1A的校風和同學學習風氣而改變,這是好現像,除咗先天資質外後天努力都緊要!恭喜哂!

作者: 01 時間: 13-4-30 22:14

很好的一個分享

作者: hkangel89 時間: 13-4-30 22:54

我覺得小朋友最緊要不要輕易被打沉，Ｂ１Ａ的學校，也總有學生考第尾，有些學生在小學時考慣頭幾名，要他接受考全級一百名後，仲要入不到精英班，　心態上要作出調整，如果心理素質造不到，可能最ＴＯＰ的學校未必合適。所以有家長會選Ｂ１Ｃ甚至Ｂ２Ａ的學校來讓子女稱王稱霸，但是否明智，則見仁見智。

作者: ohnono 時間: 13-4-30 23:26

dream100 發表於 13-4-28 11:14
絕對同意. 我女小一至小六都無補習, 佢小四後我亦漸漸放手, 全是佢自己做功課及溫習, 一向係級4-7名. 依 ...

我同意你講既資質。有資質的同學可以事半功倍，上了中學跟小學唔同，除了要溫習之外，還要更多的理解和思考。唯有摒棄傳統的背誦，更多的融會貫通，還要掌握到答題的重點才能成功。雖然band 1尾學生進入band 1A學校後，可以隨波逐流，一樣可以前進，但始終在激流中學懂摸魚跟混水摸魚還要難一點點。

作者: 一家的太陽 時間: 13-5-1 11:23

回復 almondlatte 的帖子

關鍵在於你仔仔自己想要.
所以好的學習環境可以讓一個要的孩子受益.

作者: TomatoCat 時間: 13-5-1 12:18

回復 senkawa 的帖子

女孩跟男孩的發展實在分別很大!
男孩要等開竅,女孩不用!一開竅(通常在中學),什麼都可能!

作者: ohnono 時間: 13-5-1 12:43

TomatoCat 發表於 13-5-1 12:18
回復 senkawa 的帖子

女孩跟男孩的發展實在分別很大!

最慘而家d大學既收生傾向都係以3322的中、英、數、通為主，男同學就算開竅後都係集中於數理科的提升，要待大學改變收生標準轉為最佳五科，男同學的平均成績才有希望追上來。

作者: 黃巴士 時間: 13-5-1 12:50

本帖最後由黃巴士於 13-5-1 12:51 編輯

我聽老師講, 香港的教育制度較保障女生多些.

作者: senkawa 時間: 13-5-1 22:55

所以以小學成績計，男仔名次較後到中學發力真的不意外，但反之女生早熟，小學勤能補拙，上中學就難說了

歡迎光臨教育王國 (/)