教育王國

標題: 如果需要叩門...... [打印本頁]

作者: kcbeauty 時間: 13-4-21 21:16 標題: 如果需要叩門......

學校會唔會知道你係大抽獎有冇將佢地放係第一志願架?

作者: 憫父 時間: 13-4-21 22:34 標題: 回覆：如果需要叩門......

唔會知道！

作者: karenhinhin 時間: 13-4-21 22:58

如果我係邊緣人, 將一間保守(之前無簡)既放係第一位而入左, 再去叩自行心儀果間, 學校一定知我大抽獎無放佢係第一位(估派彩張單會有顯示入左第一志願), 唔知會唔會因而減低叩門先考慮既優勢呢??

作者: 憫父 時間: 13-4-21 23:04

本帖最後由憫父於 13-4-21 23:09 編輯

中學關心既事係
1. 佢地夠唔夠學生
2. 學生質素好唔好

如果叩門既學生品行同成績好，夠競爭力，學校唔會放過。除非果間學校真係好唔憂收唔到好學生就無乎，正路佢地唔會理，最多問吓你個仔點解？

(派位結果好似唔會寫第幾志願)

作者: karenhinhin 時間: 13-4-21 23:22

明白

作者: 憫父 時間: 13-4-21 23:30

而且果張係註冊証，要交畀中學做註冊，應該唔會寫第幾志願，中學都唔想人地知佢 d 學生第幾志願入，等一、二個志願就好啫，如果學生係第八個志願都入到佢地學校，有証有據，傳左出去都唔好聽。

作者: abcd0001 時間: 13-4-21 23:39

這個是叩門才會问的问题。

如果是 b2 school 是對的。Band 1 卻不是，今年更一定被留難。

以前很多 band 1 school 在家長會中表明如不在抽奬表上頭兩位便不作叩門考慮。因你根本無打算来。尤其是 band 1 頭, 如QC, 聽説叩門只在有申請自行而又有得 in 的學生。

攞表要出示抽奬表証明, 所以多數人叩門是首兩個志願的學校。

b2 可能要計人頭， b1 大把人排隊！你求佢呀！

作者: Anniemun 時間: 13-4-21 23:49

有啲B1a的中學，寫名如不是自行和統一放第一的話，不接受叩門的。

作者: kcbeauty 時間: 13-4-22 01:05

Anniemun 發表於 13-4-21 23:49
有啲B1a的中學，寫名如不是自行和統一放第一的話，不接受叩門的。

就係唔知點解佢地講自行同"統一"囉, 如果佢地"統一"根本都唔知個學生有無簡佢!

作者: 憫父 時間: 13-4-22 07:02 標題: 回覆：如果需要叩門......

本帖最後由憫父於 13-4-22 07:30 編輯

中學只能知邊個學生自行時揀佢地，係唔知派位時有無揀佢地。小學會知家長既選擇，好多小學會進行模擬選校後，又要家長交正本檢查，更改內容又要通知班主任，一式三份的表格，小學會保留一份。
小學如果通知中學的話，中學會知。
Band 2 中學如果自己都無能力保證收到品學兼優的學生，佢唔會唔收，band 1 叩門位唔多，如果自已個仔女唔係品學兼優，就算做足學校填表要求，中學都無位收。

作者: jose 時間: 13-4-22 07:29

但有學校會要你寫低自行和乙部有選佢，並之後入去坐低比証明主任睇。即使留低資料都未必有得in,等通知。

作者: 憫父 時間: 13-4-22 07:42

本帖最後由憫父於 13-4-22 08:04 編輯

Band 2 中學唔可以保証學生會來註冊，佢地好希望收到品學兼優的學生，令學校平均成績能夠提升，如果叩門生係品學兼優，佢地唔會唔收。band 1 叩門位唔多 (band 1 至 top 的學校甚至可能無叩門位) 兼多人申請，如果自已個仔女唔係品學兼優（仲要係好優），就算做足學校填表要求，中學都無位收。

其實如果真係好鍾意某間學校的話，多數自行、派位同叩位都會揀佢，已經充份表現誠意，不過學校仍會睇成績同品行，可以照樣唔收。

歡迎光臨教育王國 (/)