教育王國

標題: 你地會揀民生定官塘福建 [打印本頁]

作者: linwailin 時間: 13-4-12 11:11 標題: 你地會揀民生定官塘福建

如果想揀校風和老師教學為首,會係邊間優勝啲!

作者: mamapeggie 時間: 13-4-12 17:59

你唔係已經揀了

作者: linwailin 時間: 13-4-13 07:26

回復 mamapeggie 的帖子

係已經註册咗福建，但最後呈分試考得幾好，應該可以入番自己學校，囝囝問我可吾可以讀番自己學校。原來佢始终係吾捨得由幼稚園讀到依家嘅學校，佢又怕讀吾番，所以當初决定註咗福建！因為我覺得呢間係好好嘅學校！依家都好苦惱！

作者: k_0530_a 時間: 13-4-13 08:43 標題: 回覆：linwailin 的帖子

如一定入到民生，我會選民生。
最重要是阿仔喜歡及有感情。

作者: khmama 時間: 13-4-13 11:10 標題: 回覆：linwailin 的帖子

當然以小朋友意願行先，仲使諗，快啲搞唔係就太遲.

作者: khmama 時間: 13-4-13 11:11 標題: 回覆：linwailin 的帖子

你係咪好肯定入得番民生？

作者: khmama 時間: 13-4-13 11:19 標題: 回覆：linwailin 的帖子

民生上年直屬/附屬位99個，如果band1人數少過99而你仔仔屬band 1就必入.

作者: linwailin 時間: 13-4-13 22:43

回復 khmama 的帖子

下星期就派成绩單，應該可以讀番，但福建係一間好學校,,而且校風好學生都好乖(有朋友個女讀緊)，亞囝依家話要讀番民生,都吾知点算点搞好!我吾係好想錯失這個好學位!

作者: mo-ma 時間: 13-4-14 17:31 標題: 回覆：linwailin 的帖子

阿仔表弟讀緊，聽佢媽講學校好注重成绩，考得冇咁好，老師就會用言語單打，好似想佢地退学咁。我聽完覺得感覺嘛嘛地，明年小朋友升中選校應該吾會考虑。有朋友個仔喺民生讀中五，佢都系由幼稚园讀到中學。佢地話老師好關心學生，學習氣氛好好。所以俾我會留低響民生。

作者: cp1234cp1234 時間: 13-4-15 12:09

福中確是很關注學業成績, 同時亦非常注重德育培養, 我是一位福中中一男生的媽媽, 以下是我兒的經歷.

其實福中這麼一間注重紀律的中學, 對我兒來說真是非常難適應! 但他的兩位班主任從來無放棄這個既頑皮又情緒化的小子, 每次他犯了過錯, 他們都會細心聽聽我兒的心聲, 甚至鼓勵他把嚕蘇寫出來, 並鼓勵他積極地, 正面地面對自己的情緒.

班主任怎樣開導我兒? 以下是其中一次例子: 我兒是一個好怕悶的男生, 他經常上堂發夢, 他說他根本明白全部的課文, 不明白為何還要老師講解, 為何還要上學, 自修已行了@@!! (因他自恃有小聰明, 考試不會盡力, 成績全班10名內, 全級40名)

且看班主任如何在家長日激發他的鬥心 : 阿仔(班主任喜歡稱他們阿仔阿女), 其實你都有玩機架? 你明白每個遊戲都有它的規則, 既然你每天一定要在這裡坐上7-8個鐘, 何不玩好這個遊戲呢? 玩得黎都要做勁嗰班啦, 其實你上堂如果悶, 你可以不停問問題挑戰老師的料子, 如果他不能答你是他不夠班啊! 其實我絕對肯定你是有實力的, 但天才都要努力的!

我兒當時仍不屑一顧, 但當他面對下一次的考試時, 不經意地努力了, 用心了, 有目標了, 認真了! 還很不經意地說了一句: 唉, 如果我考唔好, 班主任會失望傢嘛!

這微妙的改變真令人驚喜. 其實, 有時, 看你如何看待壓力, 如果老師給你小朋友壓力, 家長協助化壓力為動力, 是一件好事!

作者: cp1234cp1234 時間: 13-4-15 12:36

其實, 每間學校都會有不同的老師, 他們也有不同的性格, 就如社會的縮影, 如果家長能積極地與兒女面對每一次挑戰, 每一項困難, 無論他們最終是否成材, 他的人生觀也會變得積極, 甚至遇強愈強!

作者: cp1234cp1234 時間: 13-4-15 12:55

後話 : 雖然我兒的分數仍未因這改變而即時的攀升, 但我信任他, 支持他!

這已是在這階段最好的回報, 我也不會急於求成. 老師也依舊愛護他們!

作者: QQee 時間: 13-4-15 13:14

我揀民生囉.

作者: cp1234cp1234 時間: 13-4-15 14:19

請不要誤會, 我不是在硬銷, 只是想分享一下經歷

作者: 素兒 時間: 13-4-16 09:34

我會揀民生，小朋友會有好多同學仔一齊升上去，會讀得開心D。
另外，好多謝cp1234cp1234詳細地講福中，令我了解更多，更肯定。

作者: mandyk105 時間: 13-4-16 12:10

福中都係my dream school......^.^

作者: linwailin 時間: 13-4-16 16:24

聽完大家的意見，但我到依家都未揀呀！兩間都係自己鐘意真係好難揀，佢爸爸就一定揀民生，因为佢吾鐘意稫建！呢兩日我会諗清楚，然後最後決定的！

作者: YuYuMother 時間: 13-4-16 19:29 標題: 引用：聽完大家的意見，但我到依家都未揀呀！兩間

原帖由 linwailin 於 13-04-16 發表
聽完大家的意見，但我到依家都未揀呀！兩間都係自己鐘意真係好難揀，佢爸爸就一定揀民生，因为佢吾鐘意稫建 ...

其實你點解仲要諗呢？你囝囝係民小一路讀上去，而家成績可以直升，而佢又明確表示想原校升讀，咁我覺得應該尊重佢既決定囉。

我覺得唔應該剩睇間學校好唔好，更要睇適唔適合小朋友。比你最後勸服囝囝入褔建讀又如何？都唔係佢想要既，佢未必會讀得開心架。

我都明白你心情，成日想揀最好既比小朋友，但要記住讀書既係佢，要佢都喜歡先得。如果兩間學校質素水準差不多的話，我會比佢選擇的。

作者: mesmerising 時間: 13-4-16 19:41

兩間揀，揀民生。

作者: jaci 時間: 13-4-16 20:17

我會尊重小朋友的意願, 選民生

作者: TKO2040 時間: 13-4-16 20:35

本帖最後由 TKO2040 於 13-4-16 20:37 編輯

我十幾年前帶個小朋友去考民幼,當年佢係好出名既名幼稚園, 操場多人到不得了. 當年小朋友去PEE, 點知所有TOILET都"所"住, 一問之下, 原來TOILET唔會開放比來面試家長和小朋友用, 要用便要外出,民生周圍好遠至有洗手間. 所以當時覺得佢係一間好傳統到不得了既學校.

語雖如此, 小朋友更係想,留番同死黨一起. 番慣番熟, 又唔洗學費. 應該係選民好些吧! 福中都係唔錯選擇.

作者: cp1234cp1234 時間: 13-4-16 21:39

回復素兒的帖子

唔使客氣

作者: cp1234cp1234 時間: 13-4-16 22:02

回復 linwailin 的帖子

你好！讀福中的是我大仔，我也可分享我二仔的經驗。我二仔讀緊另一間直資小六，成績唔錯，於是在他同意下報考福中，考倒了，但我最終給他自己決定，原校升讀中學！因為，我相信只要佢開心，學校不是差異太大，學習一定無問題。我希望佢明白人生充滿選擇和取捨，自己決定的事，自己就要負責。尤其是男仔，學習承擔更重要。同時，他亦明白父母尊重他。

作者: cp1234cp1234 時間: 13-4-16 22:49

回復 linwailin 的帖子

另外，這個決定是我和老公帶著他透過理性分析決定的，由成年人引導小朋友陳列優點和缺點，助他作出決定

作者: linwailin 時間: 13-4-17 06:06

本帖最後由 linwailin 於 13-4-17 10:45 編輯

回復 YuYuMother 的帖子

係因為過兩曰才出呈分試成绩，才肯定收吾收亞仔，所以呢兩星期就要最後決定！因當初在第—次呈分吾係太理想，驚學校吾收，所以便揾定其他合適的學校比佢，但最後兩次呈分又OK，可能又入得番，才令到依家咁苦惱要再決擇！

作者: BABA124 時間: 13-4-17 06:07

I will allow him to choose. He is mature enough to make the decision. If he has good peer influence in MS, you better choose MS. Peer influence is much more important than teachers in secondary level.

作者: 719117 時間: 13-4-17 08:01

揀民生

作者: Taimum 時間: 13-4-17 18:07

回復 linwailin 的帖子

揀民生，未到最後都唔好放棄，返唔到民生先再去福建啦!

作者: linwailin 時間: 13-4-18 07:29

回復 Taimum 的帖子

真係唔捨得放棄！到聽曰便知結果！希望可以留低，唔想亞囝失望！

作者: YuYuMother 時間: 13-4-18 08:22 標題: 引用：回復+Taimum+的帖子真係唔捨得放棄！到聽

原帖由 linwailin 於 13-04-18 發表
回復 Taimum 的帖子

真係唔捨得放棄！到聽曰便知結果！希望可以留低，唔想亞囝失望！ ...

知道結果後要快d行動，直資22/4會交收生名單上教育局。

作者: Taimum 時間: 13-4-18 09:39

本帖最後由 Taimum 於 13-4-18 09:42 編輯

回復 linwailin 的帖子

您地咁快就知上唔上到中學？我要星期六才知第三次呈分試排名！民生有幾多小六生？學校必收回幾多小六？

作者: linwailin 時間: 13-4-18 12:31

回復 YuYuMother 的帖子

係呀！聽曰知道後，便要立刻行動，希望有好消息！

作者: linwailin 時間: 13-4-18 12:56

本帖最後由 linwailin 於 13-4-18 13:09 編輯

回復 Taimum 的帖子

其实都係睇名次同Banding係咪在收嘅範圍内！

作者: ohnono 時間: 13-4-18 13:07

linwailin 發表於 13-4-18 12:31
回復 YuYuMother 的帖子

係呀！聽曰知道後，便要立刻行動，希望有好消息！

民生重急過你地，佢都唔想d band 1同學走晒！不過，反為要小心處理小朋友的成績，單看成績未必準確，以往有家長話民生會刻意將科目的難度提升，最好成績的是B或C，一般同學只能獲D，讓家長做成錯覺以為小朋友的成績差了。所以最好問清楚老師實際的情況會是怎樣，當然最好就係老師肯講是band 幾啦。因為99個保留位當中，有可能有部份要收band 2生。我見你講到要派成績才知得唔得，睇黎小朋友的成績都幾邊緣下，真係要小心，如果係band 2生要參與抽籤的話，就難言可穩入返民生。只不過若真係唔得時，九龍城區的band 2學校又唔會太差。

作者: linwailin 時間: 13-4-18 13:26

本帖最後由 linwailin 於 13-4-18 14:42 編輯

回復 ohnono 的帖子

你講嘅情況係真的，學校真係有咁嘅心態，係見佢地明顯出深咗，學校都吾想啲學生攞住靚成绩出去考其他好嘅學校而走晒！亞囝成績吾係頭幾十名，成绩係边缘之上都有危機，老師又吾肯講啲成績比佢地知，得班名次都好難估可吾可以留低，淨係叫我地將名次乘5(因为六年級有5班)，就大约知全級考第幾！我都係咁樣估亞仔考成点！然後再推断留吾留得低！

作者: Taimum 時間: 13-4-19 10:53

回復 linwailin 的帖子

有消息未？應該無問題！民生是否100名內必收？

作者: linwailin 時間: 13-4-19 14:20

回復 Taimum 的帖子

喏啱收到亞囝電話，绐可以留低！终於鬆口氣！希望大家都—樣，自己心儀嘅學校可以收到自己囝囡！

作者: YuYuMother 時間: 13-4-19 14:24 標題: 引用：回復+Taimum+的帖子喏啱收到亞囝電話，绐

原帖由 linwailin 於 13-04-19 發表
回復 Taimum 的帖子

喏啱收到亞囝電話，绐可以留低！终於鬆口氣！希望大家都—樣，自己心儀嘅學校可以收到 ...

恭喜你呀！

咁快d去搞手續啦。

作者: Taimum 時間: 13-4-19 15:24

回復 linwailin 的帖子

恭喜您呀!放下心頭大石！我明天就知第三次排名，好驚，因阿仔真係考得麻麻地！民生咁好可以比家長咁快知，等D家長唔洗估估下，做好準備！我都希望阿仔上返自己中學！

作者: branma 時間: 13-4-19 16:16

Taimum 發表於 13-4-19 15:24
回復 linwailin 的帖子

恭喜您呀!放下心頭大石！我明天就知第三次排名，好驚，因阿仔真係考得麻麻地！民生 ...

真係好鬼緊張、希望大家都可以原校升啦

作者: sababy 時間: 13-4-19 16:52 標題: 引用：Quote:linwailin+發表於+13-4-18+12:31+回

原帖由 ohnono 於 13-04-18 發表
民生重急過你地，佢都唔想d band 1同學走晒！不過，反為要小心處理小朋友的成績，單看成績未必準確，以往有 ...

請問以上提到「因為99個保留位當中，有可能有部份要收band 2生」，是甚麼意思呢？不是全部比成績最好99個嗎？

作者: jaci 時間: 13-4-19 17:12

sababy 發表於 13-4-19 16:52
請問以上提到「因為99個保留位當中，有可能有部份要收band 2生」，是甚麼意思呢？不是全部比成績最好99個嗎 ...

人望高處, 部份band 1的學生去了更好的直資或抽免費的名津校, 於是多出來的位置就由後面的同學補上,
因此, 可能收了一些band2生

作者: linwailin 時間: 13-4-19 18:38

回復 YuYuMother 的帖子

多謝呀！即刻去咗啦！

作者: linwailin 時間: 13-4-19 18:47

本帖最後由 linwailin 於 13-4-19 19:02 編輯

回復 Taimum 的帖子

亞仔第—次呈分考試考得吾好，所以擔心到今曰，依家才鬆咗—口氣，所以你都吾好咁擔心！希望你聽曰都有好消息！學校係講明A1組别就收番的，B1組别就多數跌落大攪珠！今曰派成绩單時都会寫埋組别比佢地！

作者: sababy 時間: 13-4-19 21:20 標題: 引用：Quote:sababy+發表於+13-4-19+16:52+請問以

原帖由 jaci 於 13-04-19 發表
人望高處, 部份band 1的學生去了更好的直資或抽免費的名津校, 於是多出來的位置就由後面的同學補上,
因此, ...

你的意思即是收哂band1 先，如果重有位先輪到band2,對嗎？

作者: Taimum 時間: 13-4-20 18:21

好彩呀!阿仔無跌去band3，喺band2内，學校話band2内都可返回中學，因有部份band1&2都會走，所以band2內應無問題.

作者: Taimum 時間: 13-4-20 18:25

回復 linwailin 的帖子

您地民生自行收生部份只收自己學生定都收其他學生？

作者: linwailin 時間: 13-4-20 19:28

本帖最後由 linwailin 於 13-4-21 12:58 編輯

回復 Taimum 的帖子

自行收生收45人多數係外來生！好少收自己學生！但學校今年收自己學生大約99人

作者: Taimum 時間: 13-4-20 22:54

回復 linwailin 的帖子

咁收番自己小學生嘅比例好少，我地好好多喎！

作者: readers 時間: 13-4-21 00:19

回復 linwailin 的帖子

為什麼爸爸不喜歡福中?

作者: linwailin 時間: 13-4-21 13:03

回復 readers 的帖子

因为佢想亞仔讀番民生！佢覺得呢間係老牌子學校，比軙有信心啲，福建佢認識吾深！

歡迎光臨教育王國 (/)