教育王國

標題: 點解南區冇咩好既英文中學? [打印本頁]

作者: BINGOCHEUNG 時間: 13-4-6 21:03 標題: 點解南區冇咩好既英文中學?

本帖最後由 BINGOCHEUNG 於 13-4-6 21:06 編輯

　　本人女女今年係南區一間幾出名既小學讀五年班，成績一直好出色，特別係英文從來都唔使操心，所以自己都少左好多壓力。

　　不過，我想早Ｄ搵定料，為佢升中鋪路，發現南區好似冇咩好既英中，依家好苦惱。以下是現時有諗過既中學：

聖士提反書院：BAND 1中(英中)，學生需要住宿，通常在星期六日才回家，

這好像令人頗不放心呀，有冇讀呢間既家長俾Ｄ意見？由於有直屬小學，

所以對外校小學的學生極為不利，

現時找不到有多少直屬小學學生入到聖士提反書院….

希望有心人提供多少資料。

聖心書院：BAND 1 頭(英中)，所謂政治女強人既搖籃，實力係南區最強，

不過又係有直屬小學，外校小學生又要爭崩頭。

唔知自行收生同統一派位既情況係點呢？

有冇過來人俾資料？幾時會IN?

英文好既同學IN時有冇優勢？

作者: BINGOCHEUNG 時間: 13-4-6 21:09

本帖最後由 BINGOCHEUNG 於 13-4-9 00:55 編輯

聖公會呂明才中學：BAND2中(英中)，女女既老師話呂明才呢幾年收既學生越來越差，唔建議入。
個老師仲要係呂明才既舊生，听左都幾驚。
就算就係置富隔離，比較近我屋企，但係都要認清楚。
有冇呢間學校今年DSE既成績?
我想知道係讀到大學學位課程的人數，希望有心人提供。

聖公會鄧肇堅中學：BAND１中(英中)，位於灣仔區，有朋友仔仔讀呢間，
話英文老師教得唔錯，
但係要跨區，返學要用一個鐘。
有冇人既仔仔女女要跨區返學既呢？對仔女既影響大唔大呀？

作者: Charlotte_mom 時間: 13-4-6 22:06 標題: 回覆：點解南區冇咩好既英文中學?

聖公會鄧肇堅係band one啊

作者: elbar 時間: 13-4-6 22:21 標題: 引用：+本帖最後由+BINGOCHEUNG+於+13-4-6+21:09+

原帖由 BINGOCHEUNG 於 13-04-06 發表
本帖最後由 BINGOCHEUNG 於 13-4-6 21:09 編輯

聖公會呂明才中學：BAND2中(英中)，女女既老師話呂明才呢 ...

不妨考慮瑪利曼

作者: ccho1503 時間: 13-4-6 23:52

本帖最後由 BINGOCHEUNG 於 13-4-6 21:06 編輯

　成績一直好出色，特別係英文從來都唔使操心........

對！如英文有非常信心，不妨考慮跑馬地瑪利曼:BAND 1 頭(英中).
因這校的英文水準非常......高！

作者: 瑩瑩老豆 時間: 13-4-6 23:57

BINGOCHEUNG 發表於 13-4-6 21:09
聖公會呂明才中學：BAND2中(英中)，女女既老師話呂明才呢幾年收既學生越來越差，唔建議入。
個老師仲要係呂 ...

我覺得中學跨區可接受, 我囡現在也是在南區讀小學, 都打算比佢跨區出去.

作者: BINGOCHEUNG 時間: 13-4-7 00:19

回復 ccho1503 的帖子

多謝你既意見, 呢間好似好高要求, 女女未必讀得黎呀~
同學仔需唔需要係NATIVE 英文口音, 或者係母語係英文, 先讀得黎?

作者: BINGOCHEUNG 時間: 13-4-7 00:22

回復瑩瑩老豆的帖子

係南區, 好既英中又冇位, 掛名既英中水平又低, 真係令人心酸~
咁你俾女女跨灣仔區嗎

作者: ccho1503 時間: 13-4-7 00:32

不須要怕，90%喺中國人, 大家母語都係廣東話，只要有信心：甚麼都有可能！

作者: 瑩瑩老豆 時間: 13-4-7 01:16

BINGOCHEUNG 發表於 13-4-7 00:22
回復瑩瑩老豆的帖子

係南區, 好既英中又冇位, 掛名既英中水平又低, 真係令人心酸~

今年小五, 仲未定跨那區.

作者: wwyee 時間: 13-4-7 10:15 標題: 回覆：瑩瑩老豆的帖子

瑩爸，跨中西啦，我地學校呀仔果介有個同學係首名自行入左瑪曼，之後好多老師都建議精英班去考，考入個女仔係好醒下，不是死讀書，運動都幾叻，爸媽係管理級，係住你地果邊，學校我地未必係名校，但自行除睇學生質素外，唔知家底有無關呢？

作者: 安格斯媽媽 時間: 13-4-7 13:15 標題: 回覆：wwyee 的帖子

我諗睇質素，我識一個剛u畢業女仔，無咩課外才能，沙田屋村中學，中二插班入，父母家姐學業成績都麻麻

作者: 瑩瑩老豆 時間: 13-4-7 21:01

本帖最後由瑩瑩老豆於 13-4-7 21:03 編輯

wwyee 發表於 13-4-7 10:15
瑩爸，跨中西啦，我地學校呀仔果介有個同學係首名自行入左瑪曼，之後好多老師都建議精英班去考，考入個女仔 ...

瑪曼唔係在灣仔區嗎? 而且有講家底我地唔掂啦, 我非管理級, c9 係 ftm, 瑪曼又有直屬小學, 點爭?

作者: BINGOCHEUNG 時間: 13-4-7 21:27

回復 wwyee 的帖子

我都覺得如果同學仔成績比較好，可以到其他區見識見識，唔好屈住係南區做井底之蛙～

作者: ccho1503 時間: 13-4-7 23:17

回復瑩瑩老豆的帖子

不用担心，瑪利曼自行階段喺只考慮外來生，不考慮直屬小學，所以可以好好利用呢40個位.

作者: pooh仔 時間: 13-4-7 23:47 標題: 回覆：瑩瑩老豆的帖子

放心，好多直屬學校位不比直屬小學，因佢哋搞珠都實入如是band 1 生。
如有信心，不仿去試吓。

作者: Betty媽咪 時間: 13-4-8 08:55 標題: 回覆：瑩瑩老豆的帖子

瑩爸你女讀得咁好，官校可考慮 bps. (純個人意見)

作者: katf123 時間: 13-4-8 13:33

如果唔跨就只有聖心係Band1頭英中啦! 如阿囡係英文叻, 自行好應該跨區試吓, 起碼試過唔會後悔啦!!

作者: katf123 時間: 13-4-8 13:34

回復 BINGOCHEUNG 的帖子

聖公會鄧肇堅應該係Band 1喎

作者: 瑩瑩老豆 時間: 13-4-8 23:59

Betty媽咪發表於 13-4-8 08:55
瑩爸你女讀得咁好，官校可考慮 bps. (純個人意見)

目前說言之尚早, 還是等第一次呈分試結果才再考慮了.

作者: BINGOCHEUNG 時間: 13-4-9 14:44

回復 katf123 的帖子

改返啦～　咁聖公會呂明才中學係　ｂａｎｄ２　，　聖心係ｂａｎｄ１　，　無錯啦

作者: HP 時間: 13-4-10 20:12 標題: 回覆：BINGOCHEUNG 的帖子

Would you consider St Clare's Girls School?

作者: katf123 時間: 13-4-11 12:54

回復 HP 的帖子

我同阿囡都LIKE St. Clare's

作者: polo819 時間: 13-4-12 17:18

我囡囡讀緊ＳＨＣＣ，但我都覺得St. Clare 唔錯，　學校透明度高Ｄ，會有囡囡每一科在全級的成績排名，家長會比較了解囡囡係學校的生活。但聖心就比較保守。。。

作者: me2 時間: 13-4-12 22:11 標題: 引用：我囡囡讀緊ＳＨＣＣ，但我都覺得St.+Clare+

原帖由 polo819 於 13-04-12 發表
我囡囡讀緊ＳＨＣＣ，但我都覺得St. Clare 唔錯，　學校透明度高Ｄ，會有囡囡每一科在全級的成績排名，家長 ...

聖心其實也有每科在全班及全級的排名，不過不具體，一般是在分數後，例如：成績表上X科XX分，級（25%），班（10%），表示該科成績在全班10%以上，全級25%以內。如果成績不在50%以內就沒有顯示了。

作者: BINGOCHEUNG 時間: 13-4-14 15:04

聖心係南區名副其實的BAND 1呀~

作者: polo819 時間: 13-4-14 18:19

回復 me2 的帖子

唔知係咪今年開始無每科的級排名, 或是最後一次考試才有呢? 囡囡只有每科在班的排名和全級總分的排名, 其他就沒有了. 老師也不會主動告訴你的.. 真係唔知道為何那麼神秘..

作者: cellon 時間: 13-4-14 21:47

瑩瑩老豆發表於 13-4-7 21:01
瑪曼唔係在灣仔區嗎? 而且有講家底我地唔掂啦, 我非管理級, c9 係 ftm, 瑪曼又有直屬小學, 點爭?
...

無論官、津、直資中學，如果是好學校，一般只看學生的質素，不看家底。

作者: me2 時間: 13-4-14 22:13 標題: 引用：回復+me2+的帖子唔知係咪今年開始無每科

原帖由 polo819 於 13-04-14 發表
回復 me2 的帖子

唔知係咪今年開始無每科的級排名, 或是最後一次考試才有呢? 囡囡只有每科在班的排名和 ...

我唔知中一，中二有冇變到，我女女讀中三，上次派返來的成績表有寫每科全級和全班top 10%，25%或50%. 可能現在的中一，中二有變吧，我唔清楚。

作者: me2 時間: 13-4-14 22:23 標題: 回覆：me2 的帖子

其實初中階段不必太執著於排名，孩子的潛力無限，隨時會給你驚喜。

作者: BINGOCHEUNG 時間: 13-4-15 19:33

回復 me2 的帖子

絕對認同呀, 好多細路小學仲係玩玩下, 一到中學就來了

作者: JL3 時間: 13-4-15 21:08 標題: 引用：回復+me2+的帖子絕對認同呀,+好多細路小

原帖由 BINGOCHEUNG 於 13-04-15 發表
回復 me2 的帖子

絕對認同呀, 好多細路小學仲係玩玩下, 一到中學就來了

小朋友在小學 6 年的基礎階段玩玩吓，到了中學，即使醒覺，有時候亦會十分吃力！因為，人地可能已經擁有 6 年強勁的底子！不過，香港地，只要努力，沒有什麼是不可能的！

作者: 安格斯媽媽 時間: 13-4-15 21:33 標題: 引用：Quote:原帖由+BINGOCHEUNG+於+13-04-15+發

原帖由 JL3 於 13-04-15 發表
小朋友在小學 6 年的基礎階段玩玩吓，到了中學，即使醒覺，有時候亦會十分吃力！因為，人地可能已經擁有 6 ...

係啦！我仔正是這樣，讀hea小學，同學弱，不用溫習唔交功課，又比他以邊緣人成績上英中，中學唔交功課唔比放學，六科變十多科，測考頻密內容又多，依然懶但已進步不少了，但成績就待進步

作者: JL3 時間: 13-4-15 21:42 標題: 引用：Quote:原帖由+JL3+於+13-04-15+發表小朋友

原帖由 安格斯媽媽 於 13-04-15 發表
係啦！我仔正是這樣，讀hea小學，同學弱，不用溫習唔交功課，又比他以邊緣人成績上英中，中學唔交功課唔比 ...

其實，個人認為最緊要培養小朋友學習的興趣，語文基礎穩固，因為中、英文係長年累月的功夫，不可能是一朝一夕！就算只得普通小學，不需要唔開心，中學收生完全取決於小朋友的學科成績和操行，其他什麼家庭背景、宗教等等因素，沒有太多，有機會上到大學，你會發覺身邊的人根本來自五湖四河，沒有人去花時間了解你來自什麼名校，還是屋村學校，人人平等！亦根本無人去浪費時間去探究你的出處！

所以，努力！

作者: JL3 時間: 13-4-15 21:45 標題: 引用：+本帖最後由+BINGOCHEUNG+於+13-4-6+21:06+

原帖由 BINGOCHEUNG 於 13-04-06 發表
本帖最後由 BINGOCHEUNG 於 13-4-6 21:06 編輯

　　本人女女今年係南區一間幾出名既小學讀五年班，成績 ...

其實，南區好的中學多與少，都不重要，重要是小朋友是否適合！

作者: 安格斯媽媽 時間: 13-4-15 22:50 標題: 引用：Quote:原帖由+BINGOCHEUNG+於+13-04-15+發

原帖由 JL3 於 13-04-15 發表
小朋友在小學 6 年的基礎階段玩玩吓，到了中學，即使醒覺，有時候亦會十分吃力！因為，人地可能已經擁有 6 ...

其實平民小學開心點，成績不用競爭，現在才發力也不遲，家長為谷孩子，十八般武藝樣樣掂，少了應有童真，但上了中學思想開始成熟，短短幾個月已知要迎戰DSE,展開新階段

作者: JL3 時間: 13-4-16 00:27 標題: 引用：Quote:原帖由+JL3+於+13-04-15+發表小朋友

原帖由 安格斯媽媽 於 13-04-15 發表
其實平民小學開心點，成績不用競爭，現在才發力也不遲，家長為谷孩子，十八般武藝樣樣掂，少了應有童真，但 ...

努力！多謝分享！

作者: Molin123 時間: 13-4-18 02:15

回復安格斯媽媽的帖子

認同講法👍

作者: Molin123 時間: 13-4-18 02:18

回復 JL3 的帖子

如男仔是band1尾又應點選校攻勢呢？請高人指點下！
thanks！

作者: JL3 時間: 13-4-18 12:31 標題: 引用：回復+JL3+的帖子如男仔是band1尾又應點選

原帖由 Molin123 於 13-04-18 發表
回復 JL3 的帖子

如男仔是band1尾又應點選校攻勢呢？請高人指點下！

我不是什麼高人！大家參詳一吓！小朋友南區讀書嗎？

作者: katf123 時間: 13-4-18 13:32

回復 JL3 的帖子

我囡係南區Band 1生, 現在煩惱統一選校呢? 請指教一下好嗎?

作者: JL3 時間: 13-4-18 16:20 標題: 引用：回復+JL3+的帖子如男仔是band1尾又應點選

原帖由 Molin123 於 13-04-18 發表
回復 JL3 的帖子

如男仔是band1尾又應點選校攻勢呢？請高人指點下！

如果男仔係南區，只得一個選擇；出去中、西區，競爭大 D ，選擇多 D ！

作者: JL3 時間: 13-4-18 16:33 標題: 引用：回復+JL3+的帖子我囡係南區Band+1生,+現

原帖由 katf123 於 13-04-18 發表
回復 JL3 的帖子

我囡係南區Band 1生, 現在煩惱統一選校呢? 請指教一下好嗎?

如果你想女兒繼續係南區升讀中學，似乎來來去去，又是一些熟口熟面的女子中學！聖心、培德、真光！

三間之中，當然以聖心名氣最大，事實上，總合學術各樣，實至名歸；培德，以前曾經唔錯，有個好朋友，妹妹同某港姐冠軍係同學仔，考入大學；真光，比起大抗真光、九龍真光，以及真光書院，4 間之中，利東邨真光日子算是最短。

作者: katf123 時間: 13-4-18 21:09

回復 JL3 的帖子

多謝你的分析. 我都有諗聖心, 不過就算係本區學位都唔多呢? 真難選擇

作者: JL3 時間: 13-4-18 21:39 標題: 引用：回復+JL3+的帖子多謝你的分析.++我都有諗

原帖由 katf123 於 13-04-18 發表
回復 JL3 的帖子

多謝你的分析. 我都有諗聖心, 不過就算係本區學位都唔多呢? 真難選擇 ...

聖心有直屬私小、津小，位於堅道！你如果不是聖心小學，利用甲部30% 學位，祝你女兒好運！

作者: cathyming1 時間: 13-4-18 22:37 標題: 回覆：JL3 的帖子

南区升中差不多大部份去其他区升學我地學校近幾年每一屆都大約80人去他区升中全级大约有百六人左右大個仔女去見識下去中西区同湾仔都係45分鐘車程

作者: JL3 時間: 13-4-18 22:51 標題: 引用：南区升中差不多大部份去其他区升學我地學校

原帖由 cathyming1 於 13-04-18 發表
南区升中差不多大部份去其他区升學我地學校近幾年每一屆都大約80人去他区升中全级大约有百六人左右大個仔女 ...

正確

作者: abcd0001 時間: 13-4-18 23:17

點解南區冇咩好既英文中學?

我在南區長大，這個不是今天的問題，10年, 20年 , 30年前也一樣。為甚麽現在才問？

填表了。

band 1 生多跨區。

作者: cathyming1 時間: 13-4-18 23:36 標題: 回覆：abcd0001 的帖子

簡單講小女係B1a但南区祇有5至6間B2b大部份家長都去他区讀自己级數學校人係向上。我認識有1位住元朗1位大埔家長報中半山直资男女校，结果大埔都去中環返學，全校大部份學生都唔係中西区，香港好细傘

作者: cathyming1 時間: 13-4-18 23:51 標題: 回覆：cathyming1 的帖子

南区津貼男仔半間B1女仔多D有間半係有得選擇

作者: abcd0001 時間: 13-4-19 00:02

That 's the reality! I did it 3x years ago.

作者: Molin123 時間: 13-4-19 08:09 標題: 回覆：JL3 的帖子

是的，準備第二回填表了！
頭都痛埋，band1 尾或band2頭，
點填請教？

作者: Molin123 時間: 13-4-23 01:55

回復 Molin123 的帖子

JL3,
原來你常出現在南區forum幫我們一D有多
問題的媽媽呀！是否B2男生就只可留在區內呢？

作者: Molin123 時間: 13-4-24 19:52 標題: 回覆：Molin123 的帖子

Up

作者: BINGOCHEUNG 時間: 13-4-27 20:42

回復 cathyming1 的帖子

男仔半間B1 ?? 果間係邊間? 你唔係話聖公會呂明才係B1呀? 佢係BAND2 喎

作者: cathyming1 時間: 13-4-27 21:27

回復 BINGOCHEUNG 的帖子

正確講學校係無b1b2衹有學生有b1b2b之分,一間近10年全開英文班,除中文,中曆史,都用英語授課大多人稱之b1中學,我同呂明才完全無關係,無屋企人就讀.

作者: cc_2012 時間: 13-4-27 22:16

有能力嘅一定出去同D高班馬鬥番一下,
一般的只好在區內爭下好校風,
上年同事個仔中西區B1頭至中,在乙部6-7派了入浸呂,
喊了幾星期,四圍叩門,最終都要讀,
一年下來,成積全級十名內,現在叫佢轉出去都話唔使,
(之前話讀住先,king's st paul有位就走)
其實出到去成積都係兩睇,而家head住起碼自信心都好好多,
係實例,大家參考下,我嗰仔今年派,第1志願就係呢間,
入到就.......

作者: cecibellemama 時間: 13-5-24 14:28

我想問維官而家Band幾ar?維官而家好D定何東好D(校風同成績)

歡迎光臨教育王國 (/)