教育王國

標題: 想問一些band one two 仔女都選擇直資band one two媽咪問題 [打印本頁]

作者: 燁燁媽 時間: 13-2-20 10:52 標題: 想問一些band one two 仔女都選擇直資band one two媽咪問題

本帖最後由燁燁媽於 13-2-20 12:42 編輯

先謝謝你們回答！
想知道為什麼你們仔女都已經是band one two媽媽，為什麼還要比錢讀直資呢？
為什麼不直接等派位呢？
是不是真係怕派不到band one two的中學？

作者: yyyvonne 時間: 13-2-20 11:10

B1,B2 and B3 都有自己選擇權利

作者: ohnono 時間: 13-2-20 12:10

直資可以早些確實個學額，唔駛折磨到7月。

作者: 燁燁媽 時間: 13-2-20 12:48

ohnono 發表於 13-2-20 12:10
直資可以早些確實個學額，唔駛折磨到7月。

我更改了題目, 其實都想問band one two 媽咪!
ohnono,

你講既都係重點~
比我的那代, 我見現在有很多直資中學, 亦多了很多父母都願意多花資源給子女.
只是我有一件事不明白, 是不是真的只不想折磨到7月..單單這原因呢?
會不會有其他原因呢?

作者: bo_chi 時間: 13-2-20 13:29 標題: 引用：Quote:ohnono+發表於+13-2-20+12:10+直資可

原帖由 燁燁媽 於 13-02-20 發表
我更改了題目, 其實都想問band one two 媽咪!
ohnono,

我選直資係因為呀仔係band2生，成績好飄忽，驚佢派到唔理想嘅中學，而身邊嘅朋友都認為英中好過中中（呀仔英文ok,但中文麻麻），所以直資收咗就唔等大抽獎

作者: nono76 時間: 13-2-20 14:44

我仔成績都係好飄忽, 時好時唔好. band 2 中至尾, 怕佢去左band 3 學校, 所以會報左band 2直資安全d. 唔係臨尾果次考唔到好既成績我就唔知可以點了.

作者: lucia6119 時間: 13-2-20 15:00

兒子也是BAND 2 中的學生..成績比較飄忽 , 而且區內好的BAND 2 學校只有 2 , 3 間, 所以會報一些BAND 1 尾和 BAND 2 的直資。

作者: bighinhin 時間: 13-2-20 15:33 標題: 引用：+本帖最後由+燁燁媽+於+13-2-20+12:42+編輯

原帖由 燁燁媽 於 13-02-20 發表
本帖最後由燁燁媽於 13-2-20 12:42 編輯

先謝謝你們回答！

1 派得不好, 到時可能找不到理想
2 直資多數英中
3 band 1 頭建議等派位
4 直資for band 2 小朋友是一個選擇
5 不是理想的小學, 派位有風險

作者: EvaLam^^ 時間: 13-2-20 16:08

我個囡都係band 1尾,真係唔敢博大抽獎,而且仲有一次呈分試未考,點知會有咩變掛,要折磨到7月先知點死,我情原比錢讀直資,而且依家直資都唔係易考,我0地都簽0左決定讀直資,真係輕鬆好多.

作者: IRON 時間: 13-2-20 17:42

樓主你想要咩答案呢?? 如果我講考直資係因為家長層, 家庭結構, 質素水平.... 我諗會比人插C

作者: Lannie 時間: 13-2-20 21:28

個人並不會因不想膽驚受怕到七月而選直資，主要還是看孩子的成績，假如肯定屬Band 1而同區又有足夠Band 1學位的話，一定會參加中央派位。
若學生屬Band 2，中央派位多數會派到Band 2，校風和成績可以差異很大，而且多數是中中，所以花錢讀英中直資學校可以理解。

作者: Rebeccasinyy 時間: 13-2-20 22:18

本帖最後由 Rebeccasinyy 於 13-2-20 22:22 編輯

我會選直資因為兒子屬band1尾,如果派位隨時比人派b2-b3,因區內太少b2校,b1位又唔夠.自行又比人比下去;加上易受同輩影响.如果同一banding,英中,校風,師資,教學模式,理念等都心儀,若$不是考慮因素,又可必take risk,而且用家亦非常喜歡該校.加上現在直資學費還算可以,也有資助申請

作者: 701003 時間: 13-2-20 22:24 標題: 回覆：想問一些band one two 仔女都選擇直資band one two媽咪問題

人各有志，band one頭一定要揀官津band 1咩?我就無啦!放棄埋地區band 1官津的面試邀請信而入band 1尾直資都仲得呀!

讀到書唔一定要同人競爭，有料之人係band 3都可順利入U，有人期望仔女做高分尖子，有人只希望仔女均衡發展！無話啱定錯，食得咸魚抵得渴

作者: 燁燁媽 時間: 13-2-20 22:42 標題: 回覆：想問一些band one two 仔女都選擇直資band one two媽咪問題

原来各位媽媽理念都差不多

我都怕仔仔派位唔好

作者: readers 時間: 13-2-20 23:05

直資學校教學彈性大點，似乎沒有名官津校那麼呆板和谷。這是我選擇的原因。

作者: chun媽 時間: 13-2-20 23:05

不如問下大家哪些band one two直資值得band one two生放棄大抽獎?

作者: sherran 時間: 13-2-20 23:14 標題: 引用：不如問下大家哪些band+one+two直資值得band

原帖由 chun媽 於 13-02-20 發表
不如問下大家哪些band one two直資值得band one two生放棄大抽獎?

係呀，都好想知..

作者: elbar 時間: 13-2-21 00:11 標題: 引用：+本帖最後由+燁燁媽+於+13-2-20+12:42+編輯

原帖由 燁燁媽 於 13-02-20 發表
本帖最後由燁燁媽於 13-2-20 12:42 編輯

先謝謝你們回答！

沒有最好中學，只有揀選最適合中學

作者: sugarnana 時間: 13-2-21 00:21 標題: 回覆：想問一些band one two 仔女都選擇直資band one two媽咪問題

請問在預備升中過程中，有否後悔當年沒有選擇一條龍學校？

作者: 燁燁媽 時間: 13-2-21 00:29 標題: 引用：請問在預備升中過程中，有否後悔當年沒有選

原帖由 sugarnana 於 13-02-21 發表
請問在預備升中過程中，有否後悔當年沒有選擇一條龍學校？

一條龍小學也不一定可以100%直中學的？

作者: ohnono 時間: 13-2-21 00:40

燁燁媽發表於 13-2-21 00:29
一條龍小學也不一定可以100%直中學的？

如果是一條龍就係要中學全接收小學的學生。但相反同學可以選擇離開，參與直資和自行收生的申請。若同學要參加統一派位的話，先決條件係一條龍小學要有呈分試和呈分。所以有一條龍小學為了一條龍的延續發展，索性取消呈分試和呈分。

作者: ohnono 時間: 13-2-21 00:56

sugarnana 發表於 13-2-21 00:21
請問在預備升中過程中，有否後悔當年沒有選擇一條龍學校？

有人會後悔亦有人不後悔，視乎你所選擇的是那一間小學和一條龍那一間中學。如果係SPCC、男/女拔、SMCC、YWC等等的話，後悔的機會係好微。
因小朋友在幼稚園升小學時，未必可真實反映到日後6年的心智發展。若選了一條龍小學，而小朋友在小學時卻突飛猛進，好可能當時選擇的一條龍中學就變成包袱，特別是那些沒呈分的小學，到時沒有排名，沒得參與派位。當然，如果小朋友的成績只是普普通通的話，選擇了一條龍相反可較安定，發展亦不用受升中的窒礙而可以較靈活和更全面。

作者: sugarnana 時間: 13-2-21 01:08 標題: 回覆：想問一些band one two 仔女都選擇直資band one two媽咪問題

因我還是在升小一階段，眼見不少同學仔家長，為了龍校而放棄不錯的一線小學，其一原因是避免六年後再來一次升中遊戲。升中遊戲真的這麼可怕？假如可以再選擇一次，當年為子女揀選的小學有否改變？

作者: EvaLam^^ 時間: 13-2-21 01:26

當你清楚知道呢個升中既遊戲玩法,你就明白有幾0甘可怕,真係唔知邊條PK諗出來

作者: sugarnana 時間: 13-2-21 01:36 標題: 引用：當你清楚知道呢個升中既遊戲玩法,你就明白

原帖由 EvaLam^^ 於 13-02-21 發表
當你清楚知道呢個升中既遊戲玩法,你就明白有幾0甘可怕,真係唔知邊條PK諗出來 ...

哈我真的還未清楚，所以唔識驚，但身邊的家長已經紛紛做好逃生準備，令我不得不認真好好思量一下，替孩子選擇一條適合的升學路線

作者: Charlotte_mom 時間: 13-2-21 08:32 標題: 引用：因我還是在升小一階段，眼見不少同學仔家長

原帖由 sugarnana 於 13-02-21 發表
因我還是在升小一階段，眼見不少同學仔家長，為了龍校而放棄不錯的一線小學，其一原因是避免六年後再來一次 ...

完全無後悔，恰埋雙眼已經有間吾錯既英中等住，只需keep住中英數合格已經可以。相對準備中一派位，除左谷成績（吾止合格係要勁跑）仲要顧考琴比賽等，小三又黎料了，我覺得十二年學費無白交

作者: samuellor 時間: 13-2-21 09:41 標題: 引用：Quote:原帖由+sugarnana+於+13-02-21+發表

提示: 作者被禁止或刪除內容自動屏蔽

作者: hugub 時間: 13-2-21 10:00

我選直資係因為直資大部份係英中, 如果派到band2中學又入唔到英文班就慘啦...我囝讀緊果間直資中學真係連早會,崇拜及通識都用英文

作者: Jackieson 時間: 13-2-21 11:23

回復 sugarnana 的帖子

個人覺得升中呢個遊戲真係幾可怕架, 因為子女去到中學階段便開始有獨立思想, 容易受朋輩影響, 反叛性格亦浮現等等因素, 如果升上一些校風不太好的中學的話, 相信我地家長都會幾頭痛. 而大部份龍校都唔差, 只要達標就可直升中學部, 家長及學生都無咁大壓力. 如果不是龍校, 除了要谷成績之外, 可能仲要學習/苦練特異功能, 以增加競爭力.

作者: mesmerising 時間: 13-2-21 11:40

本帖最後由 mesmerising 於 13-2-21 11:45 編輯

揀直資不應為了應付一時的派位問題，而是應衡量那直資教學上的一切是否合適孩子未來的六年學習及成長。

作者: Charlotte_mom 時間: 13-2-21 12:02

咁當然啦, 咁揀龍校小學時都要考慮中學好唔好架

作者: maylmm 時間: 13-2-21 12:20

Jackieson 發表於 13-2-21 11:23
回復 sugarnana 的帖子

個人覺得升中呢個遊戲真係幾可怕架, 因為子女去到中學階段便開始有獨立思想, 容易 ...

很有同感, 升上中學朋輩的影響確是很重要, 所以有好的直資中學, 而子女又喜歡的話, 為何不去報讀, 還要參加那個荒謬而又折磨家長和小朋友的大抽獎遊戲呢.

作者: ohnono 時間: 13-2-21 12:35

EvaLam^^ 發表於 13-2-21 01:26
當你清楚知道呢個升中既遊戲玩法,你就明白有幾0甘可怕,真係唔知邊條PK諗出來 ...

年年鬧，年年過！每一年經歷完升中派位的家長，大部份都可以雖未必稱心，但都會滿意。跟據教局公佈的數據之中，獲派頭三志願的每年平均都有接近八成，有些區域更接近八成半。即是只有大約兩成人是未能獲派頭三志願的。而這接近兩成的人中，還夾雜著不少估錯banding的、不曉得填選校排序的、申請轉區而引致跌band的和那些雖是邊緣同學仍大搏特搏的，最後還有那些令人羨慕的沙田區，可以派到第七志願仍可派到band 1英中的同學。
如果真係沒有興趣或沒有能力去直資的家長也不用太擔心，如果曉得避開上面所講的問題的話，經過七除八扣後，整體上仍可以派得滿意的！

作者: ohnono 時間: 13-2-21 12:48

Charlotte_mom 發表於 13-2-21 12:02
咁當然啦, 咁揀龍校小學時都要考慮中學好唔好架

一條龍最好的地方亦是佢最唔好的地方。不論band 1或band 3，全數要接收。很多學校唯有將犀選學生的戰線提前在小一時出現。好的一條龍中學的小學，一早都已經排晒長龍。春江水暖鴨先知，有乜野可以瞞得到我地精明的家長呀！剛剛先看到隔鄰有家長話有直資一條龍小學在犀選學生時已考得好深，害得幼稚園的工作者齊聲出來反對，只是教局對這些都是充耳不聞。

作者: 長生不老 時間: 13-2-21 13:32

提示: 作者被禁止或刪除內容自動屏蔽

作者: sugarnana 時間: 13-2-21 13:42 標題: 引用：Quote:Charlotte_mom+發表於+13-2-21+12:02

原帖由 ohnono 於 13-02-21 發表
一條龍最好的地方亦是佢最唔好的地方。不論band 1或band 3，全數要接收。很多學校唯有將犀選學生的戰線提前 ...

因為實在有太太太多人報考，小學不愁選擇，面試題目深一些，可以高下立見，方便揀摔。。。返回正題，這段日子為了幫孩子考小一揀學校，明查暗訪不恥下問身邊的家長朋友，這兩年愈來愈多人棄熱門小學取龍校，撇開神級龍校不說，身邊的真實個案大多是為了CKY, St Margaret, WKF, 港大同學會，而忍痛放棄APS, SFA, KTS, TSL...這些選擇對我的父母來說是匪夷所思

但我亦深信這批家長一定有深思熟慮過。想請教一下前輩們，上述兩種學校，如可重新選一次，會替子女選那一種？

作者: satu 時間: 13-2-21 23:39 標題: 引用：Quote:EvaLam^^+發表於+13-2-21+01:26+當你

原帖由 ohnono 於 13-02-21 發表
年年鬧，年年過！每一年經歷完升中派位的家長，大部份都可以雖未必稱心，但都會滿意。跟據教局公佈的數據之 ...

派到頭二、三志願唔代表家長一定滿意、好多家長因為驚到顛晒會將保險綫放上第二、三志願、就算明知自己band 1頭成績、都唔敢將兩間band 1 A放一、二志願、擔心自行失手、大抽獎又無運、結果就唯有等派彩、若果派到第二志願band 1b . 唔知到時仲笑唔笑得出:

作者: ohnono 時間: 13-2-22 00:55

satu 發表於 13-2-21 23:39
派到頭二、三志願唔代表家長一定滿意、好多家長因為驚到顛晒會將保險綫放上第二、三志願、就算明知自己band ...

有些區域極度缺乏同組別的學額，亦有些區域是有充裕的同組別學額，每種情況都有唔同的選校排序方法。正如以往有家長講在沙田區的他們，派到第七志願都仍可派得band 1英中。相反，我舉個例，西貢區得四間英中，唔通你叫佢地第二、三志願都重填間band 1英中落去咩！真係唔係講笑，好多家長第二志願已開始填band 2學校，真係驚band 1派唔到，連最喜歡那間band 2都落空就斃家伙。
始終策略還策略，驚還驚。然則策略有了，驚還是驚，怎麼辦？適當地放上保險線學校，已盡了你最大的本份。大抽獎顧言之要講運氣，但適當地調整自己的心態都需要。那個不喜歡皇仁、英華、上智、林護、曾記、鄧記等等這些學校，但入得到的又真係有幾多同學！如果因為諗住要笑得出而強行填多兩間自己喜愛而又受歡迎的學校落去的話，後果就要自負。

最緊要就係家長要清楚自己做乜囉。這個是自己的頭三志願，不是學校的頭三志願，亦不是別人的頭三志願，而且這個可以自己控制得到。之前有家長話自己的小朋友是band 1頭，但選了一間1尾2頭自己喜歡的直資中學，又可省欲了派位和呈分的煩惱，起碼感受到佢好像放下了千斤擔子，如釋重負，還可提早對未來的中學生活作出憧憬。笑唔笑得出已無關重要。做抉擇之前，停一停、諗一諗先，免得日後後悔！

作者: 719117 時間: 13-2-22 07:35

Jackieson 發表於 13-2-21 11:23
回復 sugarnana 的帖子

個人覺得升中呢個遊戲真係幾可怕架, 因為子女去到中學階段便開始有獨立思想, 容易 ...

may i know which school your kid in???

作者: satu 時間: 13-2-22 08:33 標題: 回覆：ohnono 的帖子

多謝你既意見、我同小朋友已經盡量調節心態、放開恨左多年既志願、只求入到一間門當户對既中學。由最初諗住自行只報一間、非君不嫁、改為報埋隔離區1A、整整下大抽獎第二、三志願已經删走1A. 改成兩間1B. 不希望再跌出保險綫。小朋友努力多年、一直以為多勞多得、有時見到佢認真到我都肉赤、佢見我近幾個月揀既中學排位、佢直情怪叫、問我攪咩揀佢D考中等成績同學既第一志願放係佢第二、三志願？於是我又好努力解釋一大輪、希望我無做錯決定。唉！呢個遊戲煩左我幾年、超級痛苦！入唔到大學都可以賴高考成績、而家報中學又要成績、又要特異功能、面試又要excellent、仲要講策略、講運氣 ……

作者: Glau 時間: 13-2-22 10:07

sugarnana 發表於 13-2-21 13:42
因為實在有太太太多人報考，小學不愁選擇，面試題目深一些，可以高下立見，方便揀摔。。。返回正題，這段日 ...

如果係心儀B1既中學接龍, 我會揀龍校.

作者: sugarnana 時間: 13-2-22 11:59 標題: 引用：Quote:Jackieson+發表於+13-2-21+11:23+回

原帖由 719117 於 13-02-22 發表
may i know which school your kid in???

其實只是預備升小一，在這裡向前輩取經。

作者: ohnono 時間: 13-2-22 13:19

satu 發表於 13-2-22 08:33
多謝你既意見、我同小朋友已經盡量調節心態、放開恨左多年既志願、只求入到一間門當户對既中學。由最初諗住 ...

在我心目中，大抽獎不是只玩頭三志願，你的所謂保險線跟我的還有點距離。派唔到第一志願如果選學校選得唔好，就隨時跌到好後，有時並唔係好似我地咁諗，第一志願唔得就會輪到第二志願，一路順序落去。主要係你放第二的學校好多時就會係一些band 1b或者band 1c同學的首選，人家填首選，你填第二選，如果那間是都幾受歡迎的學校的時候(如果照你咁講，band 1b都肯定係一間唔錯的學校，如果唔係都唔會迄立band 1b啦)，真係第二、三志願的都隨時派唔到。
再講番條保險線。(我用band 1同學作例子)保險線就是一般band 1同學，不論band 1a或band 1b或band 1c，總言之是band 1同學，你選好適當的band 1學校的排列次序之後，同時你要作最壞打算，如果派唔到以上的band 1學校的時候，你會考慮一間怎麼樣的band 2學校。當大家都清楚band 1生最差都只係會派去band 2學校的原則時，你在這時放的第一間band 2學校就會成為一間保險學校。所以大抽獎並不存在band 1a一定派band 1a或最差派band 1b的情形，如果真的這樣想，只會局限了自己在大抽獎的選校。

大抽獎這過程唔會再分甚麼band 1頭、中、尾，尾的同學都可以亦絕對有機會可以抽到頭的學校，頭的同學亦有機會派到尾的學校。慶幸的我們還可選擇直資和自行有兩個選擇。

作者: satu 時間: 13-2-22 22:16 標題: 回覆：ohnono 的帖子

ohnono, 我開始迷失喇、你意思係唔係就算band1頭學生，第二、三志願放1B都唔算保險綫、應該係第三、四志願放間1C,2A先可防止跌得太後？

作者: ohnono 時間: 13-2-22 23:30

satu 發表於 13-2-22 22:16
ohnono, 我開始迷失喇、你意思係唔係就算band1頭學生，第二、三志願放1B都唔算保險綫、應該係第三、四志願 ...

選校的和排序，好視乎每個區的特性。但有一點是相通的，就是band 1同學最差都只係會派band 2學校，在這個原則低下，還有甚麼需要考慮呢？就是盡量避免派到去這間band 2學校了。所以在最壞的打算作保險之下，我們仍然不能夠將所有band 1中學放在一起就算攪掂。你的第一志願，只有同是將相同學校放第一志願的跟你爭，但你的第二、三、甚至更後的志願就有可能是別人的第一志願，不論band 1頭、中定尾，都有這個可能，越受歡迎的學校就越有機會是其他家長的首選。越大機會是其他家長首選的學校，但你卻放他在第二、三或更後的次序的話，機會又自然較低。有時，提早將一些沒太受歡迎的band 1學校放進你的選校志願亦不失為一個可避免派到去保險學校的策略。有家長還會考慮提早去搏那些得一兩個位的他區學校。搏定唔搏，就由家長自己去決定。

作者: satu 時間: 13-2-23 22:11

回復 ohnono 的帖子

沒太受歡迎的band 1學校 ? 真係好難諗到有邊間.

作者: ohnono 時間: 13-2-23 23:49

satu 發表於 13-2-23 22:11
回復 ohnono 的帖子

沒太受歡迎的band 1學校 ? 真係好難諗到有邊間.

睇埋區內band 1升中人數和band 1學額作比較。如果人數和學額接近的，家長和同學都會大膽一些，傾向搏取band 1A和1B的學校而相對第一志願填1C的同學會較少。但第二志願就要平衡番第一志願的搏的心態，有家長開始填1C的學校。當然亦有家長繼續選擇1B的學校，因為始終band 1學位較充裕的時候也不必太早填上band 2的學校，正如有沙田區的同學派第七志願仍可獲派band 1英中一樣。

作者: wwyee 時間: 13-2-24 12:26 標題: 回覆：想問一些band one two 仔女都選擇直資band one two媽咪問題

咁我地呢區真係最差band1位得三百幾，就算band1生都唔敢盡博。

作者: Leung2010 時間: 13-2-27 14:13

沙田區令人羨慕

歡迎光臨教育王國 (/)